1 Yoˇhaˬ 1:2 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

² Daef-eu jeq khoer byacaevni dovlar-euq gar nga’maf ya’mawr-awr sarkir kamq-eu ma. Khoeruqtaf, yawbae, Aqda Miqyaer naeq-aer jawr-euq li-eu maqbawni daef-eu jeq khoer, nga’maf-anr bimawr naeqlaf-euq garkawv khawf, nawmaf-anr dzawrnaeq-eu ma.

Akha

² Saˬ laˇ dehꞈ-eu jeˬ kʼoeˇ-ahˇ mawˇ nya ni pah mehˬ nehˬ laꞈ ngeh, nga maꞈ ya mawˇ duˬ-euˬ ma. Kʼoeˇ miˇ neh, gaˇ kawˆ kʼoeˇ nga maꞈ ja-awˇ, yaw beh Aˬda Miˬyehˇ nehˬ-ehˇ jawˇ-euˬ mˬ maˬ maˬ byaˆ zaˇ ziˇ dehꞈ-eu saꞈ laˇ kʼoeˇ nymˬ-mˇ aˬ dui-ahˇ bi siˬ bi mawˇ le-euˬ gaˇ kawˆ naw maꞈ-ahˇ ja mehˬ-eu ma.

1 Yoˇhaˬ 1:2 Referans Kwoze

1 Yoˇhaˬ 5:20

Khoeruqtaf, aqdui, tsaq-awr dawr-eu ghaq-anr siqnya larni, Miqyaer-euq Zaqyo oe-awr, ghovsiq ghovshaw nya-eu jeq bifnaeq laf-euq mae laer siqnya ma. Aqdui, aqyawf-euq Zaqyo, Yeqsur Kali-euq lafkhoer jawrluf-eu mirnae, aqdui, tsaq-awr dawr-eu ghaq-euq lafkhoer jawrluf-awr, aqyawf-aq, aqdir Miqyaer hawr-eu mqmaq maqbyav yarzir daef-eu jeq khawf pyeuf-eu mae laer khawf siqnya-eu ma.

Yoˇhaˬ 1:4

Aqyawf-euq lafkhoer daef-eu jeq anr-eu mae. Daef-eu jeq khoer-aq, tsawrhaq-euq yawshaef mae.

1 Tiˆmoˇseˬ 3:16

Aqdui uqduq tanq-eu zanr-euq lafkhoer zaftaq-euq jeq arnavni huiq-eu la laer aqdui siqnya-eu ma: Miqyaer shiqshaq pi-awr daefle-euq gar bimawr naeqlaf-euq mae. Muiq-eu Saflar khawf aqyawf-aq, dawr-awr tsaq-eu mae laer sarkir kamq-eu mae. Mqtav ghaqkhaer, aqyawf-anr ya’mawr-euq mae. Aqyawf-euq garkawv aqcawq tsawrjeuq tsawrca-anr gaqdoe-ir-awr, Mirtsaqzaq, aqyawf-anr jan-eu mae. Aqyawf-aq, yawshaef khanqsaer-euq lafkhoer bi sheuqdav lef-euq mae.

Yoˇhaˬ 17:3

Nawr, tiq ghaq taef-aer aqdir aqmar Miqyaer pyeuf-awr, Yeqsur Kali-aq, nawq nae khaerghae lef-euq mae laer siqnya-eu khoer-aq, mqmaq maqbyav yarzir daef-eu jeq pyeuf-eu mae.

1 Yoˇhaˬ 5:11

Sarkir kamq-eu khoer-aq heulof-aer mae: Miqyaer, aqdui-anr mqmaq maqbyav yarzir daef-eu jeq bif-euq mae. Daef-eu jeq khoer-aq, aqyawf-euq Zaqyo-euq lafkhoer anr-eu mae.

1 Yoˇhaˬ 3:8

Iqbax mr-eu tsawrhaq-aq, naef sanqpaq-anr taf-eu tsawrhaq mae. Aqjeq mirnae aernar-aq, naef sanqpaq-aq, yawbae ngae nae iqbax mrluf-eu mae. Khoermirnae, Miqyaer-euq Zaqyo, naef sanqpaq mrluf-eu gardeuq-anr lavcawv-eu laer oe-euq mae.

Tiˇtuˆ 1:2

khoer-aq, mqmaq maqbyav yarzir daef-eu jeq za taef-a laer noeqtmq-eu jeq-anr dawqpaeq taq-awr, jaqmyawf maqmyawf-eu Miqyaer-aq, mqmir maq javle-euq minav-aer sarjax dzaqtaq-euq mae.

Yoˇhaˬ 14:6

Yeqsur, aqyawf-anr heulof-aer aernaeq-euq mae, “Ngar-aq, garma ma, yawtsaq yawdawr jeq hawr-eu daef-eu jeq khawf ngeur ma. Ngaq-anr maqghoe nar-aq, tsawrhaq tiqghaq-iq Aqda jawr-eu gar maq lekeuv nya-a.

1 Yoˇhaˬ 3:5

Iqbax-anr yurdzae-eu laer Kali oe-awr, aqyawf-euq lafkhoer iqbax maqanr-a laer nawmaf siqnya-eu mae.

2 Tiˆmoˇseˬ 1:10

Aerkhawf, nymq-mr-aq, aqdui-euq Kakhof-eu ghaq Yeqsur Kali dovle-euq mirnae, aqdui guiqlanq yawdzanr khoer-anr byacaevni ya’mawr-euq ma. Aqyawf guiqlanq dawq-anr ghoe-awr shir-eu jeq-anr lavbyov-awr, daef-eu jeq hawr-eu maq shirnya-eu jeq yurlef-awr byacaevni bimawr naeqlaf-euq mae.

Gaˬlaˬtiˆ 4:4

Aerkhawf, aryamq byanlar ngae, Miqyaer, aqyawf-euq Zaqyo-anr bi’oe-awr, zaqmiq aqbur-anr nae bi daefle-euq uqtaf, zanrdawq-euq lafov daefle-euq mae.

Yoˇhaˬ 15:27

Nawmaf khawf, yawbae ngae nae ngaq naeq-aer jawrluf-eu mirnae, ngaq-euq garkawv sarkirkamq taef-a.”

Gʼaˬkʼehˇ 3:15

Nawmaf, daefzir-euq Sanqpaq pyeuf-eu ghaq-anr saef-euq mae. Aerkhawf, Miqyaer, aqyawf-anr shir-euq gar nae bi ghofdaef lar-euq mae. Nga’nyaf-aq, garkawv heu-euq sarkir pyeuf-eu ma.

1 Beˬtuˆluˆ 5:1

Ngar-aq, aqyuif aqtsu pyeuf-awr, Kali nae yadaq-euq shaqzanq-anr sarkir kamq-eu ghaq hawr-eu, aqkar panmaeq naeqlaf-eu yawshaef khanqsaer-anr aqyawf naeq-aer tiqkawv lof-aer za-eu ghaq khawf ngeur ma. Ngar, nawmaf-euq ghanrcae jawr-eu aqyuif aqtsu deuq-anr heulof-aer ghaq bif-eu ma.

Lormav 8:3

Shiqshaq-euq baqda’nae zanrdawq ghaq byaev-eu mirnae, maq mrnya-eu jeq-anr Miqyaer nae mr-euq mae. Iqbax bi shadzae-eu laer Miqyaer, aqyawf-euq Zaqyo-anr iqbaxzaq lof-aer shiqshaq pi-awr bi’oe-awr, shiqshaq-euq lafkhoer anr-eu iqbax-anr yarkhaq darnaeq-euq mae.

Gʼaˬkʼehˇ 10:41

Mirkhanqzaq dawqtawv luf-anr bimawr-euq maqngeur-a. Sarkir bikamq-eu laer yawbae ngae nae, Miqyaer nae tserdov taq-euq nga’maf-anr bimawr naeqlaf-euq taef mae. Aqyawf shir-euq gar nae ghofdaef lar-awr, nga’maf, aqyawf naeq-aer dzaqtaf dawrtaf-euq ma.

Gʼaˬkʼehˇ 5:32

Nga’maf-aq, aqyawf-euq gharduq garkawv heudeuq sarkir kamq-eu ma. Miqyaer nae aqyawf-euq dawq narhaq geuf-eu tsawrhaq deuq-anr biftaq-euq Yawshawr Saflar khawf garkawv heudeuq sarkir kamq-eu mae.”

Gʼaˬkʼehˇ 2:32

Yeqsur heughaq-anr Miqyaer nae bi ghofdaef lar-euq mae. Nga’maf dawqtawvluf garkawv heu-euq gharduq sarkir kamq-eu tsawrhaq ma.

Gʼaˬkʼehˇ 1:22

Yorhaq bartirsaq mrnaeq-eu aryamq-anr nae bae-awr, Yeqsur, aqdui jawr-eu gar nae bi sheuqdav lef-euq arnan aryamq-anr keuvni, aqdui naeq-aer keuq-eu tiq ghaq, Yeqsur ghofdaef lar-euq garkawv, aqduimaf naeq-aer sarkir kamq-eu tsawrhaq ya pyeuflar-eu mae.”

Yoˇhaˬ 21:14

Yeqsur, shir-euq gar nae ghofdaef lar-euq nar-aq, aqyawf-euq mawrdo aqyawf-euq zaqlanr deuq-anr bimawr-euq heupov-aq, smq pov tiqpov mae.

Yoˇhaˬ 17:5

Aqda-or! Mirtsaq maqbae-euq minav-aer, ngar, nawq naeq-aer jawr ngae jav-euq yawshaef khanqsaer khoer, nymq-mr nawq naeq-aer tiqkawv lof-aer yawshaef khanqsaer biza naeqlaf-awq.

Yoˇhaˬ 16:28

Ngar, Aqda jawr-eu gar nae oe-awr, mirtsaq-anr oeka-euq ma. Ngar, mirtsaq-anr nae dov-ir-awr, Aqda jawr-eu gar par ghofler ma.”

Yoˇhaˬ 8:38

Ngar-aq, ngaqDa naeq-aer jawr ngae mawr-euq deuq ja’naeq-eu ma. Nawmaf khawf, nawmaf-euq aqda naeq-aer jawr ngae ya’mawr-euq jeq mr-eu ngar-a.”

Yoˇhaˬ 7:29

Aerkhawf, ngar-aq, aqyawf-anr siqnya ma. Aqjeq mirnae aernar-aq, aqyawf, ngaq-anr khaerghae lef-awr, ngar-aq, aqyawf jawr-eu gar nae oe-euq ma.”

Yoˇhaˬ 3:13

Mq-anr nae zafka le-awr, mq-anr khawf jawrluf-eu Tsawrhaq-euq Zaqyo maqngeur nar-aq, tsawrhaq tiqghaq-iq mq-anr maq davler haw-aq.

Yoˇhaˬ 1:18

Tsawrhaq tiqghaq-iq tiqjawr-iq Miqyaer-anr maq mawrhaw-aq. Aqda-euq bawkhanr-euq lafkhoer jawr-eu Zaqyo tiq ghaq taef nae, Miqyaer-euq garkawv tsafgaq le-euq mae.

1 Yoˇhaˬ 1:1

Ardanqbae ngae nae jawrluf-eu daef-eu jeq bif-eu dawq-anr nga’maf yagaq-awr, myavnuiv nae ya’mawr-euq uqtaf, ya hawduq-awr, aqlaf nae ya toeqciv-euq ma.

Yoˇhaˬ 10:28

Khoeruqtaf, ngar, aqyawf maf-anr mqmaq maqbyav yarzir daef-eu jeq bif-awr, aqyawfmaf tiqjawr-iq maqya cawv-ir-ar. Ngaq-euq aqlaf-anr nae tiqghaq-iq yawr khoerdeuq-anr maq ludov nya-ar.

Yoˇhaˬ 19:35

Nawmaf khawf ya janni, khoer-anr ya’mawr-euq ghaq sarkir kamq-eu mae. Aqyawf sarkir kamq-eu khoer-aq, tsaq-awr dawr-awr, aqyawf aer-eu khoer-aq, yawtsaq yawdawr mae laer aqyawf siqnya-eu mae.

1 Yoˇhaˬ 2:25

Heu-aq, mqmaq maqbyav yarzir daef-eu jeq bif ma laer Kali, aqdui-anr sarjax dzaqtaq-euq mae.

1 Yoˇhaˬ 4:2

Miqyaer-euq Saflar ngeur nar-aq, nawmaf-anr heulof-aer siqlar taef-a: Yeqsur Kali-aq, shiqshaq pi-awr zafka le-euq mae laer kharaer-eu saflar-aq, Miqyaer-anr taf-eu mae.

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

1 Yoˇhaˬ 5:13

Ngar garkawv heudeuq, Miqyaer-euq Zaqyo tsawrmyanr-anr jan-eu nawmaf-anr sanqbof bofanr lef-eu-aq, nawmaf mqmaq maqbyav yarzir daef-eu jeq za-euq mae laer yasiq-awr, Miqyaer-euq Zaqyo-euq tsawrmyanr-anr bi jantsaf lef-eu gharduq ma.