1 Yoˇhaˬ 1:1 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹ Ardanqbae ngae nae jawrluf-eu daef-eu jeq bif-eu dawq-anr nga’maf yagaq-awr, myavnuiv nae ya’mawr-euq uqtaf, ya hawduq-awr, aqlaf nae ya toeqciv-euq ma.

Akha

¹ Aˇ dahˬ beh ngeh neh dehꞈ luꞈ jawˇ luꞈ-eu dawˬ pyeuꞈ-eu saꞈ laˇ dehꞈ-eu jeˬ biꞈ-eu dawˬ gaˇ kawˆ naw maꞈ jawˇ gaˇ nga maꞈ boꞈ ahˇ laꞈ-eu ma. Dawˬ kʼoeˇ-ahˇ nga maꞈ naˬ bawˇ ya gaˬ-awˇ, myaˆ ya mawˇ-euˬ ma. Myaˆ nuiˆ neh haw duˬ-euˬ uˬ taꞈ, aˬ laꞈ neh ya sawˆ duˬ-euˬ ma.

1 Yoˇhaˬ 1:1 Referans Kwoze

Yoˇhaˬ 20:27

Khoernar-aq, aqyawf, Tormav-anr aernaeq-eu, “Nawq-euq lafnoer heugar toeqhaw lar-awr, ngaq-euq aqlaf-anr khawf haw-awr, nawq-euq aqlaf cawqlaf-awr, ngaq-euq byarghar-anr toeqhaw-awq. Maq jancoer-aer maqghaeni jan-awq.”

Gʼaˬkʼehˇ 4:20

Nga’nyaf-aq, nga’nyaf nae yagaq-awr ya’mawr-euq garkawv deuq maqja-aer maq jawrnya nya.”

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

Yoˇhaˬ 5:26

Aqjeq mirnae aernar-aq, Aqda, aqyawf-euq lafkhoer daef-eu jeq anr-eu lof-aer durni, Zaqyo-euq lafkhoer khawf daef-eu jeq anrni, aqyawf-anr biftaq-euq mae.

Luˇkaꞈ 24:39

Ngaq-euq aqkuir, ngaq-euq aqlaf-anr haw-awq. Aqdir aqmar ngar nga laer yasiq taef-a. Ngaq-anr toeqciv-awr nae hawduq-awq. Ngar-aq, nawmaf mawrluf-eu lof-aer mawrdo baw-eu ma. Naef-aq, shaqyoeq hawr-eu shaqjir maqbaw-a.”

Yoˇhaˬ 8:58

Yeqsur, aqyawf maf-anr aernaeq-eu, “Ngar, nawmaf-anr aqdir aqmar aernaeq nyar, Aqbyaqhaq maq daefle-euq minav-aer ngar-aq, jawrluf-eu ma.”

Panmaeq 1:8

Sanqpaq Miqyaer aer-eu, “Ngar-aq, Ardanq bae-awr Arsaq saq-eu ghaq, Aqlaqpar hawr-eu Ormeqgar ma. Ngar-aq, arhu nae daef-eu, nymq-mr keuvni daefluf-awr aqkar zafka le-eu laer ghae-eu baoq huiq duidui-eu ghaq ma.”

Yoˇhaˬ 19:35

Nawmaf khawf ya janni, khoer-anr ya’mawr-euq ghaq sarkir kamq-eu mae. Aqyawf sarkir kamq-eu khoer-aq, tsaq-awr dawr-awr, aqyawf aer-eu khoer-aq, yawtsaq yawdawr mae laer aqyawf siqnya-eu mae.

Gʼaˬkʼehˇ 1:3

Aqyawf shaqzanq daqghaq-euq nar-aq, yawduq baw-eu sarkir ghawqmya jeq nae aqyawf daefluf-eu ma laer, ghaqkhaer deuq-anr bimawr-euq mae. Oeqtser nan-euq lafkhoer aqyawf-euq mawrdo aqyawf maf-anr bimawr-awr, Miqyaer uvlanr-eu garkawv ja’maeq naeq-euq mae.

Panmaeq 19:13

Aqyawf-aq, shiq-anr dawvduiv-euq paerkhanq paermanr dmluf-eu mae. Aqyawf-euq tsawrmyanr-aq, Miqyaer-euq Dawq laer kur-eu mae.

Panmaeq 2:8

“Saqmeuqnav Kalizaq armur-euq mqtav ghaqkhaer-anr heulof-aer bofnaeq-awq: ‘Ardanq bae-eu hawr-eu Arsaq saq-eu ghaq pyeuf-awr, shir-euq khawf ghofdaef lar-euq khoerghaq heulof-aer aer-eu mae:

Luˇkaꞈ 1:2

Garkawv heudeuq-anr yawbae ngae nae ya’mawr-awr, dawqmaeq maeq-eu tsawrhaq nae nga’maf-anr ja’naeq laf-euq lof-aer bofdov taq-euq ma.

Panmaeq 1:11

Tersar khoer aer-eu, “Ngar-aq, Ardanq bae-eu hawr-eu Arsaq saq-eu ghaq, Aqlaqpar hawr-eu Ormeqgar ma. Nawr kharya mawr-eu jeq sanqbof-euq lafkhoer boftaq-awr, Aqsir mircoer-anr jawr-eu Erpersu, Saqmeuqnav, Beqgaqmor, Tiqyaqdiqlar, Saqdir, Pirlaqdeqpir hawr-eu Lawqdiqciv Kalizaq armur heu shif mur-anr sha’naeq-awq.”

1 Yoˇhaˬ 5:7

Mq-euq khoertav sarkir kamq-eu smr ghaq jawr-eu mae: Aqda Miqyaer, Dawq hawr-eu Yawshawr Saflar, heu smr ghaq-aq tiq ghaq taef mae.

HeˬByehˇ 2:3

Aqdui heunav nav-aer huiq-eu kakhof-eu jeq heu-anr maq noeqpoeq nar-aq, aqjox-aer caevdzeurnya nmr-mq? Kakhof-eu jeq heu-anr, ardanqbae ngae-aq, Sanqpaq Yeqsur nae maeqnaeq laf-awr, yagaq-euq tsawrhaq deuq, aqdui-anr aerduq naeqlaf-euq mae.