1 Tiˆmoˇseˬ 4:10 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoer baqda’nae, arnyaf laejae-eu lafkhoer gar mr-awr dawqdoer daqluf-eu ma. Aqjeq mirnae aernar-aq, aqdui, daefluf-eu Miqyaer-anr noeqtmq luf-eu ma. Aqyawf-aq, tsawrhaq dawqtawv luf-anr Kakhof-eu ghaq pyeuf-awr, aqyawf-anr jan-eu deuq-euq gharduq, ngeurdzaeq Kakhof-eu ghaq pyeuf-eu mae.

Akha

¹⁰ Aˬ dui-aˬ, leh jeh leh jeh-ehˇ gaˇ mˇ dui dui luꞈ-eu ma. Aˬ jeˬ miˇ neh ehˇ naˇ, dehꞈ luꞈ-eu Miˬyehˇ-ahˇ aˬ dui noeˬ tmˬ taˬ-euˬ ma. Aˬ yawꞈ-aˬ, tsawˇ haˬ dawˬ tawˆ luꞈ-ahˇ ka kʼoꞈ-eu gʼaˬ pyeuꞈ-awˇ, aˬ cawˬ-ahˇ naˆ maˬ tseˇ jah-eu tsawˇ haˬ deuˬ-ahˇ ka kʼoꞈ-eu meh.

1 Tiˆmoˇseˬ 4:10 Referans Kwoze

1 Tiˆmoˇseˬ 2:4

Tsawrhaq yawqghaq navluf kakhof-eu jeq za-awr, yawtsaq yawdawr jeq-anr siqnya lar-eu gar Miqyaer geufmawf-eu mae.

1 Yoˇhaˬ 2:2

Aqyawf-aq, aqdui-euq gharduq lawrbyan-euq ghaq mae. Aqdui-euq gharduq taef-aer maqngeur-eu, mirtsaqzaq dawqtawv luf-euq gharduq khawf lawrbyan-euq mae.

1 Tiˆmoˇseˬ 2:6

Aqyawf-aq, tsawrhaq yawqghaq navluf-anr zeurkhof-eu laer aqyawf-euq mawrdo lawrnaeq-euq mae. Aryamq tsaqlar ngae, garkawv khoer bisiq bimawr laf-euq mae.

Yoˇhaˬ 1:29

Nishawq ngae nan, aqyawf jawr-eu paw Yeqsur oeluf-eu gar Yorhaq ya’mawr ngae, heulof-aer aer-eu mae, “Mirtsaqzaq-euq iqbax-anr pidzae-eu Miqyaer-euq Yawrzaq-anr hawsher-eq!

1 Yoˇhaˬ 4:14

Mirtsaqzaq-anr Kakhof-eu ghaq bigeuf-eu laer Aqda Miqyaer, aqyawf-euq Zaqyo-anr bi’oe-euq gar aqdui ya’mawr-awr sarkir kamq-eu ma.

Yoˇhaˬ 4:42

Khoerngae, aqyawfmaf, zaqmiq aqbur khoerghaq-anr aernaeq-eu, “Nymq-mr nga’maf jan-eu-aq, nawq-euq dawq baqda’nae maqngeur-aer, nga’maf, yawqha yawqha yagaq-euq mirnae jan-awr, tsawrhaq heughaq-aq, aqdir aqmar mirtsaqzaq-anr Kakhof-eu ghaq pyeuf-eu Kali ngar-a laer nga’maf siqnya lar-euq ma.”

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Jaceuq 84:12

Guirmaf-euq Ya’we Miqyaer-or! Nawq-anr ghoe-eu tsawrhaq-aq, guiqlanq huiq-eu mae.

HeˬByehˇ 13:13

Khoermirnae, aqdui khawf, saeqghawv-euq lafnyir paw aqyawf jawr-eu gar ir-awr, aqcawq yaeqbawq-aer ghaelar-eu gar Yeqsur daq-euq lof-aer, aqdui khawf daq-ir kar-eur.

Jaceuq 118:8

Tsawrhaqzaq-anr ghoe-eu navmaqtser, Ya’we Miqyaer-anr lafjeuq shar-eu-aq, muiqdzaeq-eu mae.

Jaceuq 52:8

Aerkhawf, ngar-aq, Miqyaer-euq nymr-anr nyoerjawfni daef-eu saqloq arbawr-anr dur-eu ma. Ngar, mqmaq maqbyav yarzir Miqyaer ghawqshaq gaq-eu jeq-anr ghoe ma.

1 Beˬtuˆluˆ 1:21

Miqyaer, aqyawf-anr shir-euq gar nae bi ghofdaef lar-awr, yawshaef khanqsaer bifnaeq-euq mirnae, nawmaf-euq jan-eu jeq hawr-eu noeqtmq-eu jeq, Miqyaer-euq lafkhoer anr-eu mae. Nawmaf-aq, Kali-euq baqda’nae Miqyaer-anr janluf-eu mae.

HeˬByehˇ 11:26

Kali-euq gharduq yaeqbawq-aer janrlar-eu gar yadaq-eu jeq-aq, Irjirtuv-euq pyurshuir myawqganq navmaqtser poeqdzaeq-eu ngar-a laer aqyawf noeqjir-eu mae. Aqjeq mirnae aernar-aq, aqyawf-aq, aqkar za-eu mrpoeq lafsawq-anr hawtsov taq-euq mae.

1 Tiˆmoˇseˬ 6:17

Nawr, heuzir-euq lafkhoer smrmuiq muiq-eu deuq-anr, dawq heulof-aer bif-awq. “Nawmaf nuima taqhuiq. Yawduq maqbaw-eu pyurshuir myawqganq-anr maq noeqtmq-aer, aqdui laqkhaq caerni yawqjeq navluf tiqbyan tiqlof bifnaeq laf-eu, daefluf-eu Miqyaer-anr taef-aer noeqtmq-awq.

1 Tiˆmoˇseˬ 3:15

Miqyaer-euq nymrkhanq-euq lafkhoer aqjox-aer mr paq-aer ghae-eu deuq nawr yasiqni, garkawv heudeuq ngar, nawq-anr bofanr lef-euq ma. Nymrkhanq khoer-aq, daefluf-eu Miqyaer-euq Kalizaq armur pyeuf-awr, yawtsaq yawdawr jeq-euq zeurma hawr-eu dawqpaeq mae.

Maꞈtehˬ 27:43

Aqyawf, ‘Ngar-aq, Miqyaer-euq Zaqyo ma’ laer aer-eu mae. Aqyawf, Miqyaer-anr ghoe-eu ngar-a, Miqyaer, aqyawf-anr hageuf nar-aq, nymq-mr nae aqyawf-anr bibuq-ir luf-ur.”

Jaceuq 107:2

Muir-eu ghaq-euq aqlaf-anr nae, Miqyaer nae bi kakhof-euq tsawrhaq, Ya’we Miqyaer-euq kakhof-eu jeq za-euq tsawrhaq ngaeqdov lef-awq.

Jaceuq 37:40

Ya’we Miqyaer, aqyawf maf-anr cawba-awr aqyawf maf-anr bibuq-ir taef-a; Aqyawfmaf, Miqyaer-euq lafkhoer caevzaf-eu mirnae, Aqyawf, aqyawf maf-anr tsawrcawv-anr nae kakhof-awr bibuq-ir taef-a.

Jaceuq 36:6

Nawq-euq tsaq-awr dawr-eu jeq-aq, Zawr huiq-eu gawqjawq deuq lof-aer dur-awr; Nawr yarkhaq dar-eu jeq-aq, zawr naf-eu mae; Ya’we Miqyaer-or! Tsawrhaqzaq hawr-eu jeqzaq deuq-anr, Nawr, ngaeqghae luf-eu mae.

Maꞈtehˬ 16:16

Khoerngae, Sirmoq Beqtuvluv aerkhof-eu, “Nawr-aq, daefluf-eu Miqyaer-euq Zaqyo pyeuf-eu Kali mae.”

1 Gawˇliˬtu 15:10

Aerkhawf, Miqyaer-euq guiqlanq yawdzanr baqda’nae ngar heulof-aer pyeufluf-eu ma. Aqyawf nae ngaq-anr bifnaeq laf-euq guiqlanq yawdzanr-aq yawqngaef maqngeur-a. Ngar, ghaqkhaer nuideuq dawqtawv luf-euq navmaqtser gar mr-euq ma. Aqdir aernar-aq, ngaq nae mr-euq maqngeur, ngaq-euq lafkhoer anr-eu Miqyaer-euq guiqlanq yawdzanr nae mr-euq mae.

2 Gawˇliˬtu 1:10

Aqyawf-aq, khoernavni khav-eu shir-eu jeq-euq lafkhoer nga’maf-anr bibuq-ir naeqlaf-awr, nymq-mr khawf bibuq-ir naeqlaf luf-eu uqtaf, aqkar khawf parbi buq-ir naeqlaf taef-a laer nga’maf, aqyawf-anr noeqtmq luf-eu ma.

1 Tiˆmoˇseˬ 2:3

Khoerlof-aer shar-eu-aq, aqdui-euq Kakhof-eu ghaq pyeuf-eu Miqyaer khawf nuima tsaq-awr yawmuiq jeq pyeuf-eu mae.