1 Tiˆmoˇseˬ 1:9 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Aqjeq mirnae aernar-aq, zanrdawq-aq, tsaq-awr dawr-eu tsawrhaq-euq gharduq bijav-euq maqngeur-a. Zanrdawq-anr leur-eu deuq, maq narhaq geuf-eu tsawrhaq, Miqyaer-anr yawzeu maqbaw-eu tsawrhaq, iqbaxzaq deuq, maqshawr-eu tsawrhaq, lavjawf-eu tsawrhaq, aqma aqda-anr saef-eu tsawrhaq, aqcawq-anr saef-eu tsawrhaq,

Akha

⁹ Ehˇ kʼawꞈ, zahˇ dawˬ kʼoꞈ dawˬ-aˬ, tsawˇ haˬ yaw muiˬ deuˬ gʼaˇ duˬ taˬ taˬ-euˬ maˬ ngeuˇ-a. Zahˇ dawˬ kʼoꞈ dawˬ-ahˇ mˇ bahˬ-eu tsawˇ haˬ, naˬ lehˬ lehˬ-eu tsawˇ haˬ, Miˬyehˇ-ahˇ yaw zeu maˬ baw-eu tsawˇ haˬ, iˬ baˇ mˇ-eu tsawˇ haˬ, uˬ duˬ tahˬ-eu zahˇ sahˇ kʼoꞈ hawˇ-eu guiˬ lahˬ saꞈ laˇ paw maˬ taˬ huiˬ-eu tsawˇ haˬ, aˬ da aˬ ma-ahˇ sehꞈ-eu tsawˇ haˬ, aˬ cawˬ-ahˇ sehꞈ-eu tsawˇ haˬ,

1 Tiˆmoˇseˬ 1:9 Referans Kwoze

Gaˬlaˬtiˆ 3:19

Tox-aer ngeur nar-aq, zanrdawq jav-eu aqjeq gardanr tsoeq-eu la? Khoer-aq, aqkar dawqma sarjax za-eu aryoeq khoerghaq maq oekeuv-euq nmrkaq, yawbanq yawlaeq jeq-anr bi siqnya-eu gharduq biftaq-euq mae. Zanrdawq-aq, mqtav ghaqkhaer nae, tsawrkaq geufluf-eu ghaq-euq aqlaf-anr ghoe-awr nae bifnaeq lef-euq mae.

1 Beˬtuˆluˆ 4:18

“Tsaq-awr dawr-eu tsawrhaq deuq kakhof-eu jeq za-eu teunavni shaq nar-aq, Miqyaer-anr yawzeu maqbaw-eu tsawrhaq hawr-eu iqbaxzaq-euq gharduq ngeurdzaeq aqjeq pyeuflar-eu paq nga?” (Dd 11:31)

Lormav 5:20

Zanrdawq javle-awr mrbanq lavlaeq-eu jeq myaqlar-euq mae. Aerkhawf, iqbax myaq-eu jawrduq-anr-aq, Miqyaer-euq guiqlanq yawdzanr par myaqdzaeq lar-eu mae.

Gaˬlaˬtiˆ 5:23

nuima nanqyuni ghae-eu, yawqha-euq nuima-anr ghaqler-eu, heudeuq mae. Heudeuq taqmr laer boftaq-euq zanrdawq maqjav-a.

Tiˇtuˆ 3:3

Aqjeq mirnae aernar-aq, dzeurlaf ngae aqdui khawf, aqdzawq argan gan-awr, aerdawq maq narhaq-eu uqtaf, maershuir-anr tawvler-awr, nuikhanr hawr-eu lurgha caergha-eu ghawqmya jeq-euq zaqkhav geuf-euq, muir-eu hawr-eu myavnav nav-eu lafkhoer daef-awr, aqcawq, aqdui-anr byae-eu uqtaf, aqdui khawf tiqghaq tirghaq byae-euq ma.

Lormav 6:14

Nawmaf zanrdawq-euq uqmov maqpar jawr-aer, guiqlanq yawdzanr-euq uqmov jawr-eu mirnae, iqbax nawmaf-anr maqpar uvlanrluf mae.

Lormav 1:30

Narkhan paw jadoer-eu, Miqyaer-anr byae-eu, aqcawq-anr lavtanq lavnar-eu, nuima huiq-eu, jasae-eu, yawdoer jeq mr-eu garkawv sharnoeq-eu, aqma aqda-euq aerdawq maq narhaq geuf-eu.

Panmaeq 22:15

Aerkhawf, meuq-euq lafnyir-aq, aqkuiq lof-aer ghae-eu tsawrhaq, nyirpaq shavma deuq, banq-awr khaqmiq sheu-eu tsawrhaq, tsawrhaq-anr saef-eu tsawrhaq, tanqpanq aqma mawrkawr-anr uqduq tanq-eu tsawrhaq, jaqmyawf myawf-eu gar gaq-eu tsawrhaq hawr-eu jaqmyawf myawfluf-eu tsawrhaq, heulof-aer ghae-eu tsawrhaq jawr-eu mae.

Panmaeq 21:8

Aerkhawf, guvcoer-eu, maqjan-eu, nuidav davlar paq-aer ghae-eu jeq mr-eu, tsawrhaq saef-eu, banq-awr khaqmiq sheu-eu, nyirpaq shavma geuf-eu, tanqpanq aqma mawrkawr-anr uqduq tanq-eu hawr-eu jaqmyawf myawf-eu tsawrhaq dawqtawvluf, tsawrhaq heudeuq-anr of-eu jawrduq-aq, miqdzar dzarshuir dofluf-eu miqdzaq-euq lan mae. Heu-aq, nyiq pov tiqpov shir-eu jeq pyeuf-eu mae.”

Tiˇtuˆ 1:16

Aqyawfmaf, Miqyaer-anr siqnya ma laer aer-eu khawf, aqyawfmaf mrgar shargar haw nar-aq, Miqyaer-anr siqnya gar tiqpawf-iq maqdur-a. Aqyawf maf-aq, byae duiduilar paq-aer ghae-awr, aerdawq maq narhaq-eu tsawrhaq mirnae, yawmuiq jeq mr-eu tiqpawf-iq maqgeux-a.

1 Beˬtuˆluˆ 3:20

Aqyawf maf-aq, arhu, Noraq, lawq lawqma tsov ngae zir-anr, Miqyaer nuima ghawqmanrni taq-awr dawq-euq khawf, Yaerdawq-anr maq narhaq geuf-aq. Khoermirnae, ircuf-anr nae buq-ir-euq tsawrhaq maqmyaq-a. Yaef ghaq taef-aer yabuq-ir-euq mae.

HeˬByehˇ 11:31

Jan-eu lafkhoer, Laqhar laer kur-eu mawrdo anq-eu zaqmiq aqbur khoerghaq, khoeqshohaw le-euq tsawrhaq deuq-anr yawmuiq-aer ha-euq mirnae, Miqyaer-euq dawq maq narhaq geuf-eu tsawrhaq deuq naeq-aer tiqkawv lof-aer maqya cawv-ir-aq.

2 Teˇsaˬloˇni 2:8

Lavtsoeq-eu ghaq dov-ir ghaq-euq nar-aq, Zanrdawq-anr leur-eu ghaq dovlar taef-a. Aerkhawf, Sanqpaq Yeqsur zafkale ngae, aqyawf-anr lavcawv-awr, Yeqsur-euq khaqmae-anr nae dovle-euq saf nae aqyawf-anr puivbyovjir taef-a.

Lormav 4:13

Miqyaer, Aqbyaqhaq hawr-eu aqyawf-euq aryoeq-anr mirtsaq heu dawqtawvluf za’ni jeqbir of-eu tsawrhaq bipyeuf ma laer sarjax dzaqtaq-euq mae. Khoer-aq, zanrdawq-euq baqda’nae maqngeur-eu, jan-eu jeq-anr taf-eu tsaq-awr dawr-eu jeq-euq baqda’nae za-eu mae.

Maꞈtehˬ 10:21

“Khoerngae, yawqha-euq maernmr yawkaq shir-eu gar keuvni anqdzaq-awr, aqda khawf yawqha-euq zaq-anr khoerlof-aer janr taef-a. Zaqdeuq khawf aqma aqda-anr muir-awr bishirni tov taef-a.

Dawqdaq 30:17

Yawqha-euq aqda-anr aqjaf jafdoer-awr, aqma-anr hawdoer-awr, Aerdawq maq narhaq geuf-eu tsawrhaq-euq myavnuiv-aq, Ghaqlawq-anr jawr-eu awf-af nae yabi tovdov-awr, Khaqdzer zaqguq nae yabi dzaq taef-a.

Dawqdaq 30:11

Yawqha-euq aqda-anr, yaqkhaer yaq-awr, Yawqha-euq aqma-anr dawq maq ngaeqghae naeq-eu tsawrhaq tsawrtsuif jawr-eu mae.

Dawqdaq 28:24

Yawqha-euq aqda aqma-euq myawq khoeq-awr, “Heu-aq, yawbanq yawlaeq maqngeur-a” laer aer-eu tsawrhaq-aq, Lavcawv-eu tsawrhaq-euq cawq-anr dur-eu mae.

Dawqdaq 28:17

Aqcawq-euq shiq lavdov-euq mirnae, guqler-euq tsawrhaq-aq, Duqkhanq-anr caevghae luf-eu mae. Aqyawf-anr tiqghaq-iq taq cawba’naeq.

Dawqdaq 20:20

Yawqha-euq aqma aqda-anr yaqkhaer yaq-eu tsawrhaq-aq, Zanrtsuini ghae-eu yamq-anr, aqyawf-euq tsirkhmq miv-ir taef-a.

1 Beˬtuˆluˆ 2:7

Khoermirnae, nawmaf jan-eu deuq-euq gharduq-aq, khaqlo heusiq poeq duidui-eu mae. Aerkhawf, maq narhaq geuf-eu tsawrhaq deuq-euq gharduq-aq, “Nymr tsov-eu deuq nae byaerdzae taq-euq khaqlo khoersiq, Lafcoer-euq lozif pyeuflar-euq mae.” (Jc 118:22)

HeˬByehˇ 12:16

Nawmaf tiqghaq-iq banq-awr joe-eu jeq maqbi dovlarni yanr-awq. Irsawr lof-aer maqshawr-aer maqya ghae-ir ni khawf yanr-awq. Irsawr-aq, dzar tiq dzaq nae huqbaw zaqyo-euq aryaq pardzae-euq mae.

Gaˬlaˬtiˆ 5:21

maerjuir juir-eu, tsawrhaq lavsaef-eu, dzaqyaef dawryaef-eu, byaeqlaeq shaevdae-aer yawbui bui-eu hawr-eu heulof-aer ghae-eu deuq mrdov laf-eu mae. Heulof-aer ghae-eu deuq mr-eu tsawrhaq-aq, Miqyaer uvlanr-eu lafkhoer maqya urler-a laer arhu ngar, nawmaf-anr aernaeq-awr, nymq-mr khawf par aernaeq-eu ma.

Gaˬlaˬtiˆ 5:18

Aerkhawf, muiq-eu Saflar nae nawmaf-anr bi sheuqghae nar-aq, nawmaf, zanrdawq-euq lafov maqpar jawr-eu mae.

1 Tiˆmoˇseˬ 4:7

Miqyaer-anr yawzeu maqbaw-eu dawqmawq dawqoer deuq-anr taq narhaq. Miqyaer-anr yawzeu baw-eu siqnya larni nawr yawmuiq-aer mrdzaw-awq.

1 Tiˆmoˇseˬ 6:20

Tivmorseq-or! Nawq-anr a’naeq taq-euq jeq-anr yawmuiq-aer jeqhmq-awr hawpir-awq. Miqyaer-anr yawzeu maqbaw-aer gardanr maqtsoeq-eu dawq ngaeq-awr tmr-eu jeq hawr-eu, “Zaqsiq tsawrganr” laer kurlaeq taq-euq tsawrpyaer pyaer-eu jeq-anr garjaw jaw-awq.

2 Tiˆmoˇseˬ 2:16

Miqyaer-anr yawzeu maqbawni aernirgha-eu dawq-anr garjaw jaw-awq. Aqjeq mirnae aernar-aq, khoerlof-aer aernirgha-eu tsawrhaq-aq, Miqyaer-anr yawzeu maqbaw-eu nuima ngaeq-aer nar-aq ngaeq-aer anrdzaeqlar taef-a.

2 Tiˆmoˇseˬ 3:2

Khoerngae yamq-anr tsawrhaqzaq heulof-aer pyeuflar taef-a. Yawqha-euq gharduq taef-aer sharnoeq-eu, pyurshuir-anr maerjuir juir-eu, janrghae-eu, nuima huiq-eu, yaeqbawq saerlu-aer ngaeq-eu, aqma aqda-euq dawq maq narhaq-eu, guiqlanq-anr maq noeqmawr-eu, maqshawr-eu,

Tiˇtuˆ 1:6

Tsawrhaq tiqghaqnav, iqbax taqkhar maqza-eu, miqzaq tiq ghaq taef-aer baw-eu, zaqdeuq khawf Sanqpaq Yeqsur-anr jan-awr, aqcawq aerkhar maqza’ni yawmuiq yawshawr shawr-aer daef-eu uqtaf, zaqdeuq aerdawq narhaq-eu ngeur nar-aq, nawr khoerghaq-anr aqyuif aqtsu bigeuf-awq.

Tiˇtuˆ 1:10

Aqjeq mirnae aernar-aq, aqcawq-euq dawq maq narhaq-eu tsawrhaq ghawqmya’ni jawr-eu mae. Aqyawf maf-aq, gardanr maqtsoeq-eu dawq taef-aer ngaeq-eu uqtaf, jaqmyawf myawfmyawf-aer aqcawq-anr sheuqbanq luf-eu mae. Aqyawfmaf myaqni-aq, bawkhov maeqdzaq yaeq-eu tsawrhaq-euq lafkhoer keuq-eu mae.

Yuˇdaˆ 1:15

Aqyawf, tsawrhaq yawqghaq navluf-anr yarkhaq darle-eu mae. Aqyawf maf-euq ghanrcae, Miqyaer-anr yawzeu maqbaw-eu tsawrhaq deuq nae, Miqyaer-anr yawzeu maqbaw-eu lafkhoer, Miqyaer-anr yawzeu maqbaw-eu jeq mr-euq uqtaf, Miqyaer-anr yawzeu maqbaw-eu iqbaxzaq nae, Miqyaer-anr muir-eu lafkhoer, yaeqbawq-aer ngaeq-euq jeq-euq gharduq yarkhaq darle-eu mae.”