1 Tiˆmoˇseˬ 1:16 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁶ Aerkhawf, Yeqsur Kali arnavni orcoer-eu nga laer aqyawf panmaeqnaeq mawf-eu mirnae, ngar, aqcawq navmaqtser iqbax huiq-eu khawf, aqyawf, ngaq-anr ghawqshaq gaqnaeq laf-euq mae. Khoer-aq, arnan, aqyawf-anr jan-eu baqda’nae mqmaq maqbyav yarzir daef-eu jeq za-eu tsawrhaq deuq bi dzawgeuf-eu gharduq pyeuf-eu mae.

Akha

¹⁶ Aˬ cawˬ naˆ maˬ tseˇ iˬ baˇ huiˬ dzehˬ-eu gʼaˬ pyeuꞈ-eu ngaˬ-ahˇ Yeˬsuˇ Ka li nui ma gʼawˬ mahˇ ni taˬ-awˇ oˇ dzeuˇ nehˬ laꞈ gaˇ keuˆ ni, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh. Kʼoeˇ-aˬ, aˇ nah aˬ yawꞈ-ahˇ jah-eu laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ za-eu tsawˇ haˬ deuˬ bi dzaw geuꞈ-eu gʼaˇ duˬ pyeuꞈ-eu meh.

1 Tiˆmoˇseˬ 1:16 Referans Kwoze

1 Tiˆmoˇseˬ 1:13

Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.

Eˇpeˇsu 2:7

Yeqsur Kali-euq lafkhoer, aqyawf, aqdui-anr ghawqshaq gaqnaeq laf-awr, aqyawf-euq guiqlanq yawdzanr arnavni sanr-eu nga laer, aqkar keuvle-eu zir-anr bisiq bimawr-eu laer, Miqyaer khoerlof-aer janrnaeq laf-euq mae.

Luˇkaꞈ 7:47

Khoermirnae, ngar, nawq-anr aernaeq nyar, Aqyawf-euq iqbax ghawqmya’ni bi pyaeqnaeq-euq mirnae, aqyawf-euq gaq-eu jeq khawf myaq-eu mae. Aerkhawf, iqbax uicuiv taef-aer bi pyaeqnaeq-euq tsawrhaq-aq, aqyawf-euq gaq-eu jeq khawf yawcuiv mae.”

2 Beˬtuˆluˆ 3:15

Aqdui kakhof-eu jeq za’ni, aqdui-euq Sanqpaq Miqyaer, nuima ghawqmanrni taqluf-eu mae laer siqnya-awq. Aqdui zawr gaq-eu maernmr Pawrluv khawf, aqyawf-anr bifnaeq-euq zaqsiq tsawrganr-anr ghoe-awr, nawmaf-anr sanqbof bofanr lef-euq mae.

2 Beˬtuˆluˆ 3:9

Sanqpaq Miqyaer-aq, tsawrhaq tiqpavnav deuq noeq-eu lof-aer, aqyawf nae sarjax dzaqtaq-euq jeq maq mrbyanni nyinaq-eu maqngeur-a. Aerkhawf, tsawrhaq tiqghaq-iq maqbi cawv-ir mawf-aer, yawqghaq navluf noeqpov noeqpar mr-eu gar aqyawf geufmawf-eu mirnae, aqdui-euq gharduq nuima ghawqmanrni taq-eu jeq pyeuf-eu mae.

Jaceuq 25:11

Ya’we Miqyaer-or! Nawq-euq tsawrmyanr baqda’nae, Ngaq-euq yawlaeq yawca yawkhav-aer huiq-eu khawf, pyaeqnaeq laf-awq.

1 Beˬtuˆluˆ 3:20

Aqyawf maf-aq, arhu, Noraq, lawq lawqma tsov ngae zir-anr, Miqyaer nuima ghawqmanrni taq-awr dawq-euq khawf, Yaerdawq-anr maq narhaq geuf-aq. Khoermirnae, ircuf-anr nae buq-ir-euq tsawrhaq maqmyaq-a. Yaef ghaq taef-aer yabuq-ir-euq mae.

Yoˇhaˬ 20:31

Aerkhawf, Yeqsur-aq, Kali pyeuf-eu Miqyaer-euq Zaqyo ngar-a laer nawmaf jan-awr, aqyawf-anr jan-eu mirnae, aqyawf-euq tsawrmyanr-euq lafkhoer nawmaf daef-eu jeq za’ni garkawv heudeuq boftaq-euq ma.

Yoˇhaˬ 3:36

Zaqyo-anr jan-eu tsawrhaq-aq, mqmaq maqbyav yarzir daef-eu jeq za-eu mae. Zaqyo-anr maqjan-eu tsawrhaq-aq, daef-eu jeq-anr maqya mawr-eu uqtaf, Miqyaer nuima paer-eu jeq, yawqjawr navluf aqyawf-euq khoertav javluf-eu mae.”

Lormav 6:23

Aqjeq mirnae aernar-aq, iqbax mr-eu mirnae za-eu arpoeq-aq yashir-eu mae. Aerkhawf, Miqyaer nae bifnaeq laf-euq lafsawq-aq, aqdui-euq Sanqpaq Yeqsur Kali-euq lafkhoer, mqmaq maqbyav yarzir yadaef-eu mae.

Gʼaˬkʼehˇ 13:39

Tsawrhaq heughaq-anr kharjan-eu tsawrhaq yawqghaq navluf, Morseq-euq zanrdawq nae maq mrshawr nya-eu iqbax yawqjeq navluf-anr khawf, mrshawr nya-eu mae.

Yoˇhaˬ 6:54

Ngaq-euq shaqjir dzaq-awr, ngaq-euq shiq dawr-eu aqsur ghaq maqkaq, mqmaq maqbyav yarzir daef-eu jeq za-eu mae. Arsaqsaq ngae nan, ngar, aqyawf-anr bi ghofdaeflar ma.

Yoˇhaˬ 6:40

Zaqyo-anr mawr-awr aqyawf-anr kharjan-eu tsawrhaq yawqghaq navluf-anr, mqmaq maqbyav yarzir daef-eu jeq bi za’ni, ngaq-anr khaerghae lef-euq ghaq nuima tsaq-eu mae. Khoeruqtaf, arsaqsaq ngae nan, ngar, aqyawf-anr bi ghofdaeflar ma.”

HeˬByehˇ 7:25

Khoermirnae, aqyawf-anr ghoe-awr Miqyaer jawr-eu gar kharlar-eu tsawrhaq-anr aqyawf tiqbyan tiqlof kakhofnaeq nya-eu mae. Aqjeq mirnae aernar-aq, aqyawf aqmyanluf daefluf-awr, aqyawf maf-euq gharduq guiqlanq sharcaw duidui luf-eu mae.

2 Teˇsaˬloˇni 1:10

Khoerngae nan, Sanqpaq Yeqsur zafka le-awr, aqyawf-euq tsawrshawr deuq, aqyawf-anr ciqhuiq ciqmanr-awr, aqyawf-anr jan-eu tsawrhaq dawqtawvluf, aqyawf-anr jaceuq taef-a. Aqjeq mirnae aernar-aq, nga’maf nae nawmaf-euq ghanrcae sarkir kamq-euq gar nawmaf jan-eu mae.

Eˇpeˇsu 1:12

Khoer-aq, aqcawq-euq maeqhu Kali-euq lafkhoer noeqtmq-eu deuq, aqyawf-euq yawshaef khanqsaer-anr bi jaceuq-eu gharduq mae.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

2 Gawˇliˬtu 4:1

Miqyaer ghawqshaq gaq-eu baqda’nae, nga’maf guiqlanq-euq gar heu za-euq ma. Khoermirnae, nga’maf nuighaq maqbaq.

Lormav 15:4

Arhu nae Yaerbof-euq lafkhoer khar boftaq-euq dawqtawvluf, aqdui-anr maeqnaeq tsovnaeq-eu gharduq mae. Yaerbof-euq lafkhoer maeqtaq-euq lof-aer ornya lar-awr, nuima sar-eu jeq za-eu mirnae, noeqtmq-eu jeq javlar-eu mae.

Yoˇhaˬ 6:37

Aqda Miqyaer nae ngaq-anr kharbif-euq tsawrhaq dawqtawvluf ngar jawr-eu gar lar taef-a. Ngar jawr-eu gar kharlar-eu tsawrhaq-anr ngar tiqjeq ghaenae-iq maq taedzae.

Yoˇhaˬ 5:24

“Ngar, nawmaf-anr aqdir aqmar aernaeq nyar, aqsur ghaq maqkaq, ngaq-euq dawq narhaq-awr, ngaq-anr khaerghae lef-euq ghaq-anr jan nar-aq, mqmaq maqbyav yarzir daef-eu jeq za-awr, yarkhaq dar-eu gar maqya daq-aer, shir-eu jeq-anr nae dovle ghaq-awr, daef-eu jeq-euq lafkhoer urler dzeur-euq mae.

Luˇkaꞈ 23:43

Khoerngae, Yeqsur, aqyawf-anr aernaeq-eu, “Ngar, nawq-anr aqdirma-aer aernaeq nyar. Iqnan, nawr, ngaq naeq-aer Baqlaqdirsuv-euq lafkhoer yajawr taef-a.”

Luˇkaꞈ 15:10

Khoerlof-aer durni, ngar, nawmaf-anr aernaeq nyar, iqbaxzaq tiq ghaq noeqpov noeqpar nar-aq, Miqyaer-euq mqtav ghaqkhaer deuq-euq maeqshi khawf, aqyawf-euq gharduq laqkhaqcaer taef-a.”

1 Gawˇliˬtu 7:25

Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.