1 Tiˆmoˇseˬ 1:13 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹³ Dzeurlaf ngae, ngar-aq, aqyawf-anr yaeqbawq saerlu-aer aer-awr, khaeqnaeq khavnaeq-euq uqtaf, khar janrnaeq mawf-eu lof-aer janrnaeq-euq tsawrhaq ma. Aerkhawf, ngar maqjan-eu lafkhoer maq siqnya-aer janr-euq mirnae, aqyawf, ngaq-anr ghawqshaq gaqnaeq laf-euq mae.

Akha

¹³ Dzeuˇ laˇ ngeh aˬ yawꞈ-ahˇ ngaˇ ja doeˇ-awˇ, kʼehˬ nehˬ kʼaˆ nehˬ-awˇ, yehˬ bawˬ sehˇlu-ehˇ ehˇ nehˬ-euˬ ma. Ehˇ kʼawꞈ, ngaˇ jah-eu jeˬ maˬ ahˇ laˇ dah-ehˇ yawˬ ha mˇ luꞈ-eu jeˬ-ahˇ maˬ tseˇ paˆ nya-euˬ baˬ da neh, Miˬyehˇ ngaˬ-ahˇ gʼawˬ shaˬ gaˬ nehˬ laꞈ-euˬ meh.

1 Tiˆmoˇseˬ 1:13 Referans Kwoze

Gʼaˬkʼehˇ 8:3

Aerkhawf, Sawrluv-aq, Kali-euq armur-anr lavcawv luf-eu mae. Aqyawf tiqnymr sair tiqnymr irir-aer, zaqmiq aqbur hawr-eu zaqyo aqli deuq-anr nyaef-awr kuv-anr dawvnaeq-eu mae.

1 Beˬtuˆluˆ 2:10

Yawbae, nawmaf-aq, tsawrmyanr maqjav-eu tsawrjeuq tsawrca pyeuf-eu mae. Aerkhawf, nymq-mr-aq, Miqyaer-euq tsawrhaq pyeuflar-euq mae. Yawbae, nawmaf, Miqyaer-euq ghawqshaq gaq-eu jeq maqza-aq. Aerkhawf, nymq-mr-aq, ghawqshaq gaq-eu jeq za-euq mae.

Gʼaˬkʼehˇ 9:13

Khoerngae, Aqnaqnir heulof-aer aerkhof naeq-euq mae: “Sanqpaq-or! Tsawrhaq heughaq-aq, Yeqlursaqlaeq-anr jawr-eu nawq-euq tsawrshawr deuq-anr arnavni lavtanq lavnar naeq-euq garkawv, ngar, ghawqmya ghaq ja-eu gar yagaq-euq ma.

HeˬByehˇ 4:16

Khoermirnae, aqdui nuima khaqduqni, guiqlanq yawdzanr-euq nuirmanq-euq maeqshi urler kar-eur. Khoergar, aqdui mawf ngae yamq-anr cawba’naeq nya-eu, ghawqshaq gaq-eu jeq za-awr, guiqlanq yawdzanr-anr ya’mawr taef-a.

Gʼaˬkʼehˇ 3:17

“Aerkhawf, aqyuif aqnyir deuq-or! Nawmaf-euq uvlanr-eu deuq hawr-eu nawmaf khawf, maq siqnya-eu mirnae, khoerlof-aer mr-euq ngar-a laer ngar siqnya ma.

Luˇkaꞈ 23:34

Khoerngae, Yeqsur aer-eu, “Aqda-or! Aqyawf maf-euq iqbax-anr pyaeqnaeq-awq. Aqjeq mirnae aernar-aq, aqyawfmaf aqjeq mrluf-eu le laer aqyawfmaf maq siqnya-a.” Khoerngae, aqyawfmaf shaevtsaq tsaq-awr, Yeqsur-euq maeqtsoeq birgeuf-euq mae.

1 Tiˆmoˇseˬ 1:16

Aerkhawf, Yeqsur Kali arnavni orcoer-eu nga laer aqyawf panmaeqnaeq mawf-eu mirnae, ngar, aqcawq navmaqtser iqbax huiq-eu khawf, aqyawf, ngaq-anr ghawqshaq gaqnaeq laf-euq mae. Khoer-aq, arnan, aqyawf-anr jan-eu baqda’nae mqmaq maqbyav yarzir daef-eu jeq za-eu tsawrhaq deuq bi dzawgeuf-eu gharduq pyeuf-eu mae.

Piˇliˇpiˆ 3:6

Nuima keuv-eu gar aerlef nar-aq, ngar-aq, Kalizaq armur-anr khaeqnaeq khavnaeq haw-euq tsawrhaq ma. Zanrdawq-anr taf-eu tsaq-awr dawr-eu jeq-anr aerlef nar-aq, ngar-aq, aerkhar maqza-eu tsawrhaq ma.

Gaˬlaˬtiˆ 1:13

Ngar, Yurdav tsawrhaq-euq zanr tawqluf ngae, aqjox-aer daefyaf-awr, Miqyaer-euq Kalizaq armur deuq-anr yawkhav-aer khaeqnaeq-awr, aqjox-aer lavcawv-eu paq nga laer laejae-euq garkawv, nawmaf gaqhaw-euq mae.

1 Gawˇliˬtu 15:9

Ngar-aq, ghaqkhaer deuq-anr nae aqcawq taf-aer teqdzaeq-eu ghaq ma. Arhu, Miqyaer-euq Kalizaq armur-anr khaeqnaeq khavnaeq haw-euq mirnae, ngaq-anr ghaqkhaer laer bikur-eu maqgeux nya.

1 Gawˇliˬtu 7:25

Zaqguq deuq-euq garkawv-anr tafler-awr Sanqpaq Miqyaer nae bif-euq dawq ngar maqza-aq. Aerkhawf, Sanqpaq Miqyaer, ngaq-anr ghawqshaq gaq-eu mirnae, ngaq-anr jancoer paq-aer ghae-eu tsawrhaq bi pyeuflar naeqlaf-euq lof-aer, ngaq-euq nuinoeq nawmaf-anr ja’naeq nyar.

Gʼaˬkʼehˇ 22:4

Ngar, Yeqsur-euq Garma-anr can-eu tsawrhaq-anr shir-eu gar keuvni khaeqnaeq khavnaeq haw-euq ma. Zaqyo aqli deuq-anr khawf, zaqmiq aqbur deuq-anr khawf, nyaef-awr kuv-anr dawv-euq ma.

Gʼaˬkʼehˇ 9:5

Khoerngae, aqyawf aer-eu, “Sanqpaq-or! Nawr aqsur ghaq le?” Sanqpaq Yeqsur aer-eu, “Ngar-aq, nawr khaeqluf-eu Yeqsur ma. Nawr jeqzaq-anr tae-eu darcae-anr baev-eu-aq yawshaq mae.”

Gʼaˬkʼehˇ 9:1

Khoerngae yamq-anr khawf, Sawrluv-aq, Sanqpaq Yeqsur-euq zaqlanr deuq-anr saef ma laer guvtsiq nyaefnyaef-aer lmqluf-eu mae. Aqyawf, pirma yawhuiq ghaq jawr-eu gar le-awr,

Luˇkaꞈ 12:47

Yawqha-euq yawsanr ghaq-euq nuima siqnya luf-eu khawf, maq laeqhmq taq-aer, yawsanr ghaq-euq nuikhanr maqmr-euq kuirlaf zaqkhav-aq, ghawqmya laf diq-eu gar yadaq taef-a.