1 Tiˆmoˇseˬ 1:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Tsaq-awr tsanr-eu jan-eu jeq khoer-aq, ngaq-anr a’naeq laf-euq guiqlanq byan-eu Miqyaer-euq yawshaef khanqsaer huiq-eu guiqlanq dawq-anr tsaqler-eu mae.

Akha

¹¹ Tsaˬ-eu dawˇ-eu jah-eu jeˬ kʼoeˇ-aˬ, ngaˬ neh bi ja mehˬ-eu gʼaˇ duˬ a nehˬ laꞈ-euˬ guiˬ lahˬ dawˬ pyeuꞈ-eu meh. Kʼoeˇ-aˬ, yaw shehꞈ kʼahˬ sehˇ hawˇ-eu guiˬ lahˬ huiˬ-eu Miˬyehˇ neh biꞈ nehˬ laꞈ-euˬ Laˬ kʼaˬ cehˇ-eu Guiˬlahˬ dawˬ laꞈ kʼoeˇ ahˇ-eu meh.

1 Tiˆmoˇseˬ 1:11 Referans Kwoze

Gaˬlaˬtiˆ 2:7

Aqyawfmaf tiqjeq-iq maq maeqnaeq laf-euq uqtaf, bawkhov maeqdzaq yaeq-euq deuq-anr guiqlanqdawq maeqnaeq-awq laer Beqtuvluv-anr khaertaq-euq lof-aer, bawkhov maeqdzaq maqyaeq-euq deuq-anr guiqlanqdawq maeqnaeq-awq laer ngaq-anr khaertaq-euq nga laer aqyawfmaf yasiq-euq mae.

Tiˇtuˆ 1:3

Aryamq tsaq ngae, dawqmaeq maeq-eu gar ghoe-awr, Miqyaer, aqyawf-euq dawq bisiqni, aqdui-anr Kakhof-eu ghaq pyeuf-eu Miqyaer, ngaq-anr khaerdar naeqlaf-euq mae.

1 Tiˆmoˇseˬ 6:15

Aryamq tsaqlar ngae, aqyawf-anr bi dovle taef-a. Miqyaer-aq, guiqlanq byan-awr, aqyawf tiq ghaq taef-aer baoq huiq duidui-eu, sanqpaq deuq-euq Sanqpaq, yawsanr deuq-euq Yawsanr mae.

2 Gawˇliˬtu 4:4

Maqjan-eu tsawrhaq-anr Miqyaer-euq shaevdzeuf pyeuf-eu Kali-euq yawshaef khanqsaer byadov lef-eu guiqlanqdawq, maqbi bya’naeq-eu gharduq, heuzir-euq miqyaer, aqyawf maf-euq nuima-euq myavnuiv bibaef-ir taq-euq mae.

Lormav 2:16

Ngar guiqlanqdawq maeq-eu lof-aer, Miqyaer, Yeqsur Kali-anr ghoe-awr tsawrhaqzaq nae zaftaq-euq jeq-anr yarkhaqdar ngae nan, heulof-aer pyeuflar taef-a.

2 Tiˆmoˇseˬ 2:2

Tsawrkaq ghawqmya ghaq-euq maeqshi, ngaq nae maeqnaeq tsovnaeq-euq gar nawr yagaq-euq khoerdeuq, sarjax zif-awr aqcawq-anr maeqnaeq tsovnaeq nya-eu tsawrhaq deuq-anr khawf a’naeq-awq.

2 Tiˆmoˇseˬ 1:14

Aqdui-euq lafkhoer jawr-eu Yawshawr Saflar-anr ghoe-awr, nawq-anr a’naeq taq-euq yawmuiq jeq-anr, nawr yawmuiq-aer jeqhmq taq-awq.

2 Tiˆmoˇseˬ 1:11

Ngar, aqcawq tsawrjeuq tsawrca-euq gharduq ghaqkhaer geuf-awr dawqmaeq maeq-eu ghaq geuf-eu uqtaf, maeqnaeq tsovnaeq-eu ghaq geuf-awq laer Miqyaer, ngaq-anr kadar naeqlaf-euq mae.

1 Tiˆmoˇseˬ 6:20

Tivmorseq-or! Nawq-anr a’naeq taq-euq jeq-anr yawmuiq-aer jeqhmq-awr hawpir-awq. Miqyaer-anr yawzeu maqbaw-aer gardanr maqtsoeq-eu dawq ngaeq-awr tmr-eu jeq hawr-eu, “Zaqsiq tsawrganr” laer kurlaeq taq-euq tsawrpyaer pyaer-eu jeq-anr garjaw jaw-awq.

1 Tiˆmoˇseˬ 2:7

Khoer-euq gharduq, ngar-aq, dawqmaeq maeq-eu ghaq hawr-eu ghaqkhaer pyeuflarni khawf, jan-eu jeq hawr-eu yawtsaq yawdawr jeq-euq garkawv aqcawq tsawrjeuq tsawrca-anr maeqnaeq tsovnaeq-ir-eu maeqzaq pyeuflarni khawf, Miqyaer, ngaq-anr tserdov naeqlaf-euq mae. Ngar heulof-aer aer-eu-aq, jaqmyawf myawf-eu maqngeur, Kali-euq lafkhoer yawtsaq yawdawr dawq ngaeq-eu ma.

1 Teˇsaˬloˇni 2:4

Aerkhawf, guiqlanqdawq maeqni Miqyaer, nga’maf-anr tsermr ghaq-awr, nga’maf-anr ghoe-awr bimaeq naeqlaf-euq mae. Nga’maf, tsawrhaq nuikhanr shirni maeq-eu maqngeur, aqdui-euq nuima-anr tsermr-eu Miqyaer nuikhanr shirni maeq-eu ma.

Gawˇlawˇsehˇ 1:25

Miqyaer-euq dawq byanlarni, hawpir-eu ghaq pyeufni Miqyaer, ngaq-anr tserdov-awr, nawmaf-euq gharduq, kuirlaf zaqkhav bi geufnaeq laf-euq mae.

Eˇpeˇsu 3:10

Khoer-aq, nymq-mr Kalizaq armur-anr ghoe-awr, Miqyaer-euq zaqsiq tsawrganr ghawqmya jeq, mq-euq khoertav-euq mqsanr deuq hawr-eu mq-euq khoertav-euq aryaq jav-eu deuq-anr bisiq-eu laer laeqhmq taq-euq mae.

Eˇpeˇsu 2:7

Yeqsur Kali-euq lafkhoer, aqyawf, aqdui-anr ghawqshaq gaqnaeq laf-awr, aqyawf-euq guiqlanq yawdzanr arnavni sanr-eu nga laer, aqkar keuvle-eu zir-anr bisiq bimawr-eu laer, Miqyaer khoerlof-aer janrnaeq laf-euq mae.

Eˇpeˇsu 1:12

Khoer-aq, aqcawq-euq maeqhu Kali-euq lafkhoer noeqtmq-eu deuq, aqyawf-euq yawshaef khanqsaer-anr bi jaceuq-eu gharduq mae.

Eˇpeˇsu 1:6

Aqdui, aqyawf-euq guiqlanq yawdzanr-euq yawshaef khanqsaer-anr bi jaceuq-eu laer Miqyaer, aqyawf zawr gaq-eu ghaq-anr ghoe-awr, aqdui-anr hageuf naeqlaf-euq mae.

2 Gawˇliˬtu 4:6

Yawzanr-anr nae yawshaef byadov larni dawq bif-euq Miqyaer-aq, aqdui-euq nuima-anr yawshaef bi byalar naeqlaf-euq mae. Heu-aq, Yeqsur Kali-euq myavpyawq-anr nae byadov lef-eu, Miqyaer-euq yawshaef khanqsaer-anr siqnya-eu tsawrganr biza-eu gharduq mae.

1 Gawˇliˬtu 9:17

Ngar nuima keuv-awr guiqlanqdawq maeq nar-aq, mrpoeq lafsawq za taef-a. Ngar maq maeqmawf-eu law-awr khawf, ya’maeq-eu gar heu-anr yawmuiq-aer ya hawpir-eu mae.

Luˇkaꞈ 2:14

“Gor duidui-eu gar jawr-eu Miqyaer-euq yawshaef khanqsaer huiq luf-ur! Mirtsaq-euq khoertav, aqyawf nuikhanr shir-eu tsawrhaq deuq nuisar of luf-ur!”

Jaceuq 138:2

Nawq-euq ghoer-awr gaq-eu jeq hawr-eu nawq-euq yawtsaq yawdawr-euq baqda’nae, Nawr, nawq-euq tsawrmyanr dawqtawv luf-euq khoertav nawq-euq dawq-anr taqhuiq taq-euq baqda’nae, Ngar, nawq-euq shawr-eu uqduq tanqnymr nymrma jav-eu paw ciqpyawr-awr uqduq tanq-eu lafkhoer, nawq-euq tsawrmyanr-anr jaceuq ma.