1 Gawˇliˬtu 6:11 - Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Dzeurlaf ngae, nawmaf tiqpavnav deuq khawf khoerlof-aer mr-euq mae. Aerkhawf, nymq-mr Sanqpaq Yeqsur-euq tsawrmyanr-euq uqmov hawr-eu, aqdui-euq Miqyaer-euq Saflar-anr ghoe-awr, nawmaf-anr mrshawr-awr lavshawr-euq uqtaf, tsiqshawr ghaq-euq mae.

Akha

¹¹ Naw maꞈ laꞈ kʼoeˇ tiˬ paˆ na deuˬ kʼoeˇ loꞈ-ehˇ dehꞈ dzeuˇ yaꞈ-euˬ meh. Ehˇ kʼawꞈ, naw maꞈ-ahˇ iˬ baˇ tsiˬ shawˇ nehˬ gʼaˬ-euˬ meh. Naw maꞈ-ahˇ Miˬyehˇ-euˬ aˬ laꞈ laꞈ kʼoeˇ a nehˬ gʼaˬ-euˬ meh. Naw maꞈ Miˬyehˇ-ahˇ tsaˬ leˇ tsahˇ leˇ ni, Sahˬpaˬ Yeˬsuˇ ka li hawˇ-eu Miˬyehˇ-euˬ Yaw sahˇ neh mˇ gʼaˬ-euˬ meh.

1 Gawˇliˬtu 6:11 Referans Kwoze

1 Gawˇliˬtu 1:30

Aerkhawf, Miqyaer-euq baqda’nae nawmaf, Yeqsur Kali-euq lafkhoer ya jawrlar-euq mae. Kali-aq, aqdui-euq gharduq Miqyaer-euq zaqsiq tsawrganr, tsaq-awr dawr-eu jeq, lavshawr-eu jeq hawr-eu kakhof-eu jeq pyeuflar-euq mae.

1 Gawˇliˬtu 1:2

Gawrliqtu-anr jawr-eu Miqyaer-euq Kalizaq armur-anr sanqbof bofanr lef-eu ma. Yeqsur Kali-euq lafkhoer bi lavshawr-awr, tsawrshawr bigeuf-eu laer kurdov taq-euq aqdui-euq Sanqpaq, Yeqsur Kali-euq tsawrmyanr-anr kharkur-eu aqgeugar jawr-eu tsawrhaq-anr maqkaq, sanqbof heu bofnaeq-eu ma. Kali-aq, aqdui-euq Sanqpaq pyeuf-awr, aqyawf maf-euq Sanqpaq khawf ngeur-eu mae.

Gʼaˬkʼehˇ 22:16

Nymq-mr nawr aqjeq ghae-eu dawqdawq-aer jawr-eu le? Tur-awr, bartirsaq hageuf-awr, nawq-euq iqbax tsiqshawr-awq. Sanqpaq Miqyaer-euq tsawrmyanr-anr kur-awq.’ ”

Lormav 8:30

Khoeruqtaf, yawbae ngae nae aqyawf nae tserdov taq-euq tsawrhaq-anr aqyawf kur-euq mae. Aqyawf nae kur-euq deuq-anr mrshawr-euq tsawrhaq bi pyeuflar-euq mae. Aqyawf nae mrshawr-euq deuq-anr aqyawf-euq yawshaef khanqsaer biza-euq mae.

1 Beˬtuˆluˆ 1:2

Nawmaf-aq, Yeqsur Kali-euq dawq narhaq geuf-awr, aqyawf-euq shiq nae bi byavshaeq-eu gharduq, arhuba nae, Aqda Miqyaer siqnya-eu lafkhoer tserdov taq-awr, muiq-eu Saflar nae lavshawr naeq-euq tsawrhaq deuq mae. Nawmaf-euq khoertav guiqlanq yawdzanr hawr-eu nuisar of-eu jeq myaqlar luf-ur.

HeˬByehˇ 10:22

Aqdui-euq mawrdo-anr ircuf irshawr nae tsiqshawr naeqlaf-awr, zaqsiq nuisiq yawdoer-anr nae aqdui-euq nuima-anr shiq juifshaeq naeqlaf-euq mirnae, dawrcoeni ghae-eu nuima anr-awr, janduq-eu jeq byan-eu lafkhoer, Miqyaer-euq maeqshi urler kar-eur.

Eˇpeˇsu 5:26

Kali, Kalizaq armur-anr lavshawr-awr tsiqshawr-eu laer, ircuf nae tsiqshawr-eu lof-aer Yaerdawq-anr ghoe-awr nae lavshawr-eu mae.

Eˇpeˇsu 5:8

Dzeurlaf ngae, nawmaf yawzanr pyeuf-eu khawf, nymq-mr-aq, Sanqpaq Miqyaer-euq lafkhoer yawshaef pyeuflar-euq mae. Khoermirnae, yawshaef-euq zaq lof-aer daef-awq.

Gʼaˬkʼehˇ 26:18

Aqyawf maf-euq myavnuiv pannaeq-awr, yawzanr-euq lafkhoer nae yawshaef jav-eu gar bilar-awr, naef Saqdaq-euq baoq-euq uqmov jawr-eu gar nae Miqyaer jawr-eu paw bi ghoflar-eu uqtaf, ngaq-anr jan-eu baqda’nae, Miqyaer, aqyawf maf-euq iqbax pyaeqnaeq-awr, muiqlar shawrlar-euq tsawrhaq naeq-aer jeqbir za’ni, ngar, nawq-anr aqyawfmaf jawr-eu gar bi’ir-eu ma.’ ”

Lormav 8:33

Miqyaer nae tserdov taq-euq tsawrhaq-anr aqsur ghaq iqbax taqnya-eu la? Miqyaer nae aqyawf maf-anr mrshawr-euq tsawrhaq bi pyeuflar-euq mae.

Lormav 5:1

Aqdui jan-eu baqda’nae tsaq-awr dawr-eu tsawrhaq pyeuflar-awr, aqdui-euq Sanqpaq Yeqsur Kali-euq baqda’nae Miqyaer-anr tsaqler dzoerler-euq ma.

2 Teˇsaˬloˇni 2:13

Sanqpaq Miqyaer zawr gaq-eu aqyuif aqnyir deuq-or! Nga’maf aqmyanluf nawmaf-euq gharduq Miqyaer-euq guiqlanq-anr jaceuq paq-aer ghae-eu mae. Aqjeq mirnae aernar-aq, Muiq-eu Saflar, nawmaf-anr lavshawr naeq-awr, nawmaf yawtsaq yawdawr-anr jan-eu mirnae kakhof-eu jeq za’ni, yawbae ngae nae Miqyaer, nawmaf-anr tserdov taq-euq mae.

Gʼaˬkʼehˇ 13:39

Tsawrhaq heughaq-anr kharjan-eu tsawrhaq yawqghaq navluf, Morseq-euq zanrdawq nae maq mrshawr nya-eu iqbax yawqjeq navluf-anr khawf, mrshawr nya-eu mae.

Panmaeq 1:5

Shir-euq tsawrhaq deuq-anr nae ghofdaef baebae lar-euq ghaq pyeuf-awr, mirtsaq-euq sanqpaq deuq-euq khoertav uvlanr-eu ghaq pyeuf-eu uqtaf, sarjax zif-eu lafkhoer sarkir kamq-eu Yeqsur Kali-euq guiqlanq yawdzanr hawr-eu nuisar of-eu jeq, nawmaf-euq khoertav jav luf-ur. Aqdui-anr gaq-awr aqyawf-euq shiq nae, aqdui-euq iqbax tsiqshawr naeqlaf-euq mae.

Gaˬlaˬtiˆ 3:11

Zanrdawq-anr ghoe-awr tsawrhaq tiqghaq-iq, Miqyaer-euq maeqshi tsaq-awr dawr-eu tsawrhaq maq pyeuflar nya-a laer byacaevni dovlar-euq mae. Aqjeq mirnae aernar-aq, “Tsaq-awr dawr-eu tsawrhaq-aq, jan-eu baqda’nae yadaef-eu mae,” (Hbk 2:4) laer Yaerbof-euq lafkhoer boftaq-euq mae.

Panmaeq 7:14

Khoerngae, ngar, aqyawf-anr, “Ngaq-euq sanqpaq-or! Nawr siqnya mae” laer aerkhof naeq-euq ma. Khoernar-aq, aqyawf, ngaq-anr heulof-aer aernaeq laf-euq mae: “Tsawrhaq heudeuq-aq, shaqdui zanq duidui-eu aryamq-euq lafkhoer nae dovlar-euq mae. Aqyawf maf-aq, yawqha-euq paerkhanq paermanr pyurdeuqni ghaelarni, Yawrzaq-euq shiq nae laeqtsiq ghaq-euq mae.

Gaˬlaˬtiˆ 2:16

Tsawrhaq tiq ghaq zanrdawq-anr mrcaw-euq mirnae, tsaq-awr dawr-eu tsawrhaq pyeuflar-eu maqngeur-a. Yeqsur Kali-anr jan-eu mirnae taef-aer pyeuflar-eu mae laer aqdui siqnya-eu ma. Aqduimaf khawf zanrdawq-anr mrcaw-euq mirnae, tsaq-awr dawr-eu tsawrhaq pyeuflar-euq maqngeur-aer, Kali-anr jan-eu mirnae tsaq-awr dawr-eu tsawrhaq bi pyeuflar naeqlaf-euq mae. Aqjeq mirnae aernar-aq, shiqshaq khar piluf-eu tsawrhaq tiqghaq-iq zanrdawq-euq maeqnan cantae-euq mirnae, tsaq-awr dawr-eu tsawrhaq maq pyeuflar nya-a.

1 Gawˇliˬtu 12:2

Nawmaf, Miqyaer-anr maqjan-eu tsawrhaq pyeufluf ngae, dawq maq ngaeqnya-eu tanqpanq aqma mawrkawr-anr nawmaf uqduq bi tanqni, aqcawq khar sheuqghae lar-eu lof-aer bi sheuqghae-euq garkawv khoer-anr, nawmaf siqnya luf-eu mae.

Jaceuq 51:7

Ngar shawrlarni, ngaq-anr hursor nae lavshawr naeqlaf-awq. Ngar, ngaer navmaqtser pyurlarni, ngaq-anr tsiqshawr naeqlaf-awq.

Jaceuq 51:2

Ngaq-euq yawlaeq yawca dawqtawv luf-anr tsiqshawr naeqlaf-awr, Ngaq-euq iqbax-anr nae ngaq-anr lavshawr naeqlaf-awq.

HeˬByehˇ 2:11

Tsawrhaqzaq-anr lavshawr-eu ghaq hawr-eu bi lavshawr-euq deuq dawqtawvluf, aqyawf tiqDazaq taef mae. Khoermirnae, aqyawf, aqyawf maf-anr maernmr laer kur-eu maq shafdawr-a.

Gaˬlaˬtiˆ 3:24

Jan-eu mirnae, aqdui tsaq-awr dawr-eu tsawrhaq pyeuflarni, zanrdawq-aq, Kali oe ngae keuvni, aqdui-anr hawpir-eu ghaq lof-aer dur-eu mae.

Lormav 5:9

Khoernav maqtser, nymq-mr Kali-euq shiq-euq baqda’nae, aqdui tsaq-awr dawr-eu tsawrhaq pyeuflar-euq ma. Khoeruqtaf, aqyawf-euq baqda’nae aqdui, Miqyaer nuima paer-eu jeq-anr nae yabuq-ir taef-a.

Lormav 3:24

Aerkhawf, nymq-mr-aq, Miqyaer-euq guiqlanq yawdzanr baqda’nae, Yeqsur Kali-euq lafkhoer anr-eu kakhof-eu jeq-anr ghoe-awr, yawqngaef-aer mrshawr naeqlaf-euq mae.

1 Beˬtuˆluˆ 3:21

Khoerlof-aer durni, nymq-mr aqdui, bartirsaq mr-awr yabuq-ir-euq ma. Bartirsaq mrnaeq-euq laer aer-eu-aq, mawrdo-anr laef-eu jawflafni ghae-eu jeq-anr tsiqshawr-euq gar aer-eu maqngeur-a. Yeqsur Kali ghofdaef lar-euq gar ghoe-awr, Miqyaer-euq maeqshi zaqsiq nuisiq shawrlar-euq gar aer-eu mae.

1 Beˬtuˆluˆ 1:22

Nawmaf, muiq-eu Saflar baqda’nae yawtsaq yawdawr jeq-anr narhaq geuf-awr, nawmaf-euq nuima saflar muiqlar shawrlar-euq mirnae, aqyuif aqnyir yawkaq aqdir gaq-awr, nuima shawrjaevni zifdanni tiqghaq tirghaq gaq-awq.

Gaˬlaˬtiˆ 3:8

Aqcawq tsawrjeuq tsawrca jan-eu mirnae, Miqyaer, aqyawf maf-anr tsaq-awr dawr-eu tsawrhaq bi pyeuflar taef-a laer yawbae ngae nae Yaerbof mawrtaq-euq mae. “Nawq-euq baqda’nae, mirkhanq-euq tsawrjeuq dawqtawvluf guiqlanq za taef-a,” (Adb 12:3,18) laer Yaerbof, Aqbyaqhaq-anr guiqlanqdawq maeqnaeq baebae-euq mae.

Lormav 4:5

Aerkhawf, jan-eu tsawrhaq-anr tsaq-awr dawr-eu tsawrhaq mae laer Miqyaer sawx-eu mae. Aqyawf nae mr-awr shar-euq mirnae maqngeur-aer, iqbaxzaq-anr mrshawr nya-eu ghaq-anr jan-eu mirnae mae.

Dawqdaq 30:12

Yawqha-euq yawjawf maqbi tsiqshawr-euq khawf, Yawqhar yawqha, yawshawr ma laer noeq-eu tsawrhaq tsawrtsuif jawr-eu mae.

Luˇkaꞈ 18:14

Ngar, nawmaf-anr aernaeq nyar, Paqliqsaer khoerghaq navmaqtser, jeq taf-eu khoerghaq tsaq-awr dawr-eu tsawrhaq pyeuflar-awr, irkanr ghof-ir-euq mae. Aqjeq mirnae aernar-aq, yawqhar yawqha taqhuiq-eu tsawrhaq yawqghaq navluf, taqnyir-eu gar yadaq-awr, yawqhar yawqha taqnyir-eu aqgeu ghaq maqkaq, yabi taqhuiq taef-a.”

Yoˇhaˬ 13:10

Yeqsur, aqyawf-anr aernaeq-eu, “Ircuf dzuifghaq-euq tsawrhaq-aq, aqkuir dzuif-euq nar-aq, mawrdo dolan-aer shawr-eu mae. Nawmaf-aq, yawshawr mae. Aerkhawf, yawqghaq navluf-aer shawr-eu maqngeur-a.”

Yoˇhaˬ 13:8

Beqtuvluv, aqyawf-anr aernaeq-eu, “Nawr, tiqjawr-iq ngaq-euq aqkuir maqya dzuifshawr naeq-ar.” Yeqsur, aqyawf-anr aerkhof naeq-eu, “Ngar, nawq-anr maq dzuifshawrnaeq nar-aq, nawr, ngaq-anr maqtaf-a.”

HeˬByehˇ 10:29

Sharnoeqhaw sher-eq. Miqyaer-euq Zaqyo-anr aqkuir-euq uqmov nawqtaeq taq-awr, yawqha-anr lavshawr-euq dawqma sarjax-euq shiq-anr, arpoeq maqbaw-eu lof-aer sawx-awr, guiqlanq yawdzanr bif-eu muiq-eu Saflar-anr yaeqbawq-aer ghae-eu tsawrhaq tiq ghaq, arnavni doerdzaeq-eu darnaeq-eu jeq-anr yadaq-eu jeq nya?

1 Yoˇhaˬ 2:12

Ngar gaq-eu zaqdeuq-or! Kali-euq tsawrmyanr baqda’nae, nawmaf-euq iqbax-anr pyaeqnaeq-euq mirnae, ngar, nawmaf-anr sanqbof bofanr lef-eu ma.

Maꞈtehˬ 20:4

‘Nawmaf khawf, aqgaf yarkmr-euq lafkhoer gar mrlar-awq, ngar, nawmaf-anr ghaqgarpoeq hawtsaqnaeq ma’ laer aqyawf maf-anr aernaeq ngae, aqyawfmaf khawf mrler-euq mae.

Yoˇhaˬ 5:4

Aryamq baw-awr tsaqlar ngae, mqtav ghaqkhaer lan-euq lafkhoer zafka le-awr, ircuf-anr lavnyi le-eu mae. Ircuf khoer nyinyi-aer ghaelar ngae, aqcawq-euq jeqhu ur-ir-euq ghaq-aq, aqjeq-euq nargawr narluf-eu khawf taqler-eu mae.