Zeˬpaˬniˇ 2:7 - Akha

⁷ Buˬ-iˇ-euˬ Yuˇdaˆ tsawˇ haˬ deuˬ, naw maꞈ miˇ kʼahˬ jawˇ geuꞈ tehꞈ-a. Aˬ yawꞈ maꞈ kʼoeˇ gaˇ yawˇ bo-awˇ, Aˬshaˇgaˬloˇ meuˬ-euˬ nymˇ deuˬ, aˬ yawꞈ maꞈ yuꞈ duˬ pyeuꞈ tehꞈ-a. Sahˬpaˬ Miˬyehˇ pyeuꞈ-eu Miˬyehˇ, aˬ yawꞈ maꞈ-ahˇ dah teˬ nehˬ-awˇ, paˇ bi dehꞈ doˆ dzaˬ laˇ tehꞈ-a.

Zeˬpaˬniˇ 2:7 Referans Kwoze

Zeˬpaˬniˇ 3:20

Nawˬ-euˬ tsawˇ haˬ gʼoꞈ uiˬ laˇ-awˇ, miˇ tsaˬ kʼoeˇ taˆ tsawˇ myahˇ doˆ-awˇ, bi baw bi za le-eu aˇ nah, kʼoeˇ nah ngaˇ bi keuˆ le ma” lehˇ, Sahˬpaˬ Miˬyehˇ ehˇ taˬ-euˬ meh.

Yeˬsaˬgeˬlaˇ 39:25

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ehˇ kʼawꞈ, nymˬ-mˇ ngaˇ Yaˬkoˆ-euˬ zaˬ deuˬ uˆ deuˬ pyeuꞈ-eu Iˇsaˬleˬlaˆ tsawˇ haˬ deuˬ-ahˇ gʼawˬ shaˬ gaˬ-awˇ, paˇ bi dehꞈ dzaˬ laˇ ma. Ngaˬ-euˬ muiˬ-eu shawˇ-eu tsawˇ myahˇ maˬ ya cawˆ ni ngaˇ jeˬ hmˬ bo saˆ ma.

Doˆ-iˇ 4:31

Kʼoeˇ ngeh, tsawˇ haˬ kʼoeˇ deuˬ jah laˇ-awˇ, Iˇsaˬleˬlaˆ tsawˇ haˬ deuˬ jawˇ gaˇ Sahˬpaˬ Miˬyehˇ oe-awˇ, aˬ yawꞈ maꞈ ya daˬ luꞈ-eu jeˬ-ahˇ mawˇ gʼaˬ-euˬ gaˇ kawˆ ya gaˬ ngeh, aˬ yawꞈ maꞈ miˇ tsaˬ-ahˇ awˆ byaˆ-awˇ, Sahˬpaˬ Miˬyehˇ-ahˇ uˬ duˬ tahˬ-euˬ meh.

Luˇkaꞈ 1:68

“Aˬ yawꞈ-euˬ tsawˇ haˬ deuˬ shaˬ gaˇ, ka kʼoꞈ doˆ nehˬ le-euˬ miˇ neh, Iˇsaˬleˬlaˆ Miˬyehˇ pyeuꞈ-eu, SahˬpaˬMiˬyehˇ-ahˇ ja ceuˬ ma.

Miˇkaˬ 4:7

Aˬ yawꞈ maꞈ-aˬ, aˬ kuiˇ kuiˇ tawˆ bi dawˆ-awˇ, iˇ kahˇ-ahˇ gʼawˬ mahˇ kaˬ gaˇ jawˇ luꞈ meh. Ehˇ kʼawꞈ, dzeˇ yaꞈ-euˬ deuˬ-ahˇ ngaˇ yaw shuiꞈ shuiꞈ-ehˇ aˇ dahˬ paˇ beh nehˬ-awˇ, huiˬ-eu tsawˇ jeuˬ paˇ bi pyeuꞈ laˇ ma. Kʼoeˇ ngeh neh naˇ, Ziˇoˬ gawˬ jawˬ-ahˇ neh aˬ yawꞈ maꞈ-ahˇ ngaˇ mˬ maˬ maˬ byaˆ zaˇ ziˇ uˆ lahˇ ma.”

Miˇkaˬ 2:12

“Ehˇ kʼawꞈ, kʼaˇ dzeuˇ-iˇ-euˬ naw maꞈ Iˇsaˬleˬlaˆ tsawˇ haˬ deuˬ-ahˇ ngaˇ kuˇ uiˬ ma. Kuˆ-ahˇ gʼoꞈ uˇ laˇ-eu yawˇ deuˬ loꞈ-ehˇ naw maꞈ-ahˇ ngaˇ tiˬ gaˇ tehꞈ-ehˇ sheuˬ uiˬ ma. Gaˆ dzaˬ duˬ-ahˇ yawˇ tiˬ byah ni gaˆ luꞈ-eu loꞈ-ehˇ, naw maꞈ miˇ kʼahˬ laꞈ kʼoeˇ tsawˇ haˬ paˇ myaˬ laˇ tehꞈ-a.”

Aaˇbaˬdiˇ 1:19

“Yuˇdaˆ miˇ kʼahˬ laꞈ oˆ dzaˬ-ahˇ, jawˇ luꞈ-eu tsawˇ haˬ kʼoeˇ deuˬ neh, Eˬdoˬ miˇ kʼahˬ-ahˇ deuˆ gʼaˬ-awˇ, nahˇ ma ga kʼehˬ paw dzeˇ coeˇ-ahˇ jawˇ luꞈ-eu tsawˇ haˬ kʼoeˇ deuˬ neh, Piˇliˇtiˆ miˇ kʼahˬ deuˆ geuꞈ meh. Eˇpaˬleˬ miˇ kʼahˬ-ahˇ maˬ ehˇ, Saˬmaˬliˆ miˇ kʼahˬ-ahˇ maˬ ehˇ, Iˇsaˬleˬlaˆ tsawˇ jeuˬ za-awˇ, Giˇlaˆ miˇ kʼahˬ-ahˇ-aˬ, Beˬyaˬmiˬ tsawˇ jeuˬ za tehꞈ-a.

Yeˬlaˬmiˇ 33:7

Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ-ahˇ ngaˇ bi baw bi za le-awˇ, dzeuˇ laˇ ngeh loꞈ-ehˇ paˇ bi dehꞈ dzaˬ laˇ ma.

Yeˬlaˬmiˇ 29:14

Naw maꞈ ngaˬ-ahˇ poˆ mawˇ-awˇ, naw maꞈ-euˬ miˇ kʼahˬ laꞈ kʼoeˇ, naw maꞈ-ahˇ sheuˬ kʼoꞈ gʼeh nehˬ ma lehˇ ngaˇ ehˇ-eu ma. Naw maꞈ miˇ kʼahˬ aˬ geu kʼahˬ laꞈ kʼoeˇ jawˇ luꞈ-eu maˬ kaˬ, ngaˬ neh teh byaˆ nehˬ-euˬ jawˇ duˬ aˬ geu tsahˇ-ahˇ jawˇ luꞈ-eu maˬ kaˬ, ngaˬ neh naw maꞈ-ahˇ teh doˆ-awˇ maˬ bi nyehꞈ byoˆ gʼeh mi naˆ-ehˇ naw maꞈ jawˇ-euˬ naw maꞈ-euˬ miˇ kʼahˬ kʼoeˇ kʼahˬ laꞈ kʼoeˇ, naw maꞈ-ahˇ ngaˇ sheuˬ kʼoꞈ keuˆ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.’

Lormav 11:5

Nymˬ-mˇ kʼawꞈ, kʼoeˇ gaˇ duˇ-eu meh. Miˬyehˇ gʼawˬ shaˬ gaˬ-awˇ tseˇ doˆ taˬ-euˬ tsawˇ haˬ ui cuiˆ dzeˇ-eu meh.

Gʼaˬkʼehˇ 8:40

Piˇliˇpuˆ-aˬ, Aˬzoˇtuˆ meuˬ-ahˇ bi ciˬ kʼoꞈ keuˆ gʼeh-euˬ meh. Kʼoeˇ naˇ, Geˇsaˬliˇ miˇ kʼahˬ-ahˇ aˬ yawꞈ le-euˬ meh. Gaˇ pehˇ kʼaˇ jaˆ-eu meuˬ yawˬ meuˬ na luꞈ-ahˇ aˬ yawꞈ Laˬ kʼaˬ cehˇ-eu Guiˬ lahˬ dawˬ mehˬ-euˬ meh.

Gʼaˬkʼehˇ 8:26

SahˬpaˬMiˬyehˇ-euˬ mˬ taˆ gʼaˬ kʼehˇ tiˬ gʼaˬ Piˇliˇpuˆ-ahˇ ehˇ-eu, “Lehˬ hmˬ-awˇ, laꞈ oˆ paw pyawˬ-ahˇ jaˆ-eu Yeˬluˇsaˬlehˬ meuˬ-ahˇ neh Gaˬzaˬ meuˬ-ahˇ iˇ-eu gaˇ ma kʼoeˇ kahˇ-ahˇ iˇ-awˬ.” (Gaˇ ma kʼoeˇ kahˇ nymˬ-mˇ maˬ paˇ cah ni byehˇ-euˬ meh.)

Luˇkaꞈ 7:16

Aˬ yawꞈ maꞈ dawˬ tawˆ luꞈ guˆ dui dui-awˇ, Miˬyehˇ-ahˇ ja ceuˬ-euˬ meh. “Miˬyehˇ gʼaˇ duˬ ngehˬ dah-eu huiˬ dui dui-eu gʼaˬ aˬ dui jawˇ gaˇ doˆ laˇ-euˬ ngaˇ” lehˇ hawˇ-eu, “Miˬyehˇ aˬ yawꞈ-euˬ tsawˇ haˬ deuˬ-ahˇ haw le-euˬ ngaˇ” lehˇ, aˬ yawꞈ maꞈ ehˇ-eu meh.

Miˇkaˬ 4:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Yeˬlaˬmiˇ 32:44

Miˇ kʼahˬ zaˬ deuˬ deh yaˇ zeuˇ-awˇ, tsawˇ kaˬ deuˬ-euˬ mehˬ shi laꞈ ma dehˬ dehˬ-ehˇ jmˬ diˬ tehꞈ-a. Beˬyaˬmiˬ miˇ kʼahˬ laꞈ kʼoeˇ maˬ ehˇ, Yeˬluˇsaˬlehˬ meuˬ-euˬ tahˬ gʼoꞈ tahˬ jawˇ jaˆ-eu pu deuˬ laꞈ kʼoeˇ maˬ ehˇ, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ laꞈ kʼoeˇ maˬ ehˇ, gawˬ jawˬ dawˬ dahˬ-ahˇ maˬ ehˇ, Yuˇdaˆ miˇ kʼahˬ laꞈ oˆ dzaˬ-ahˇ maˬ ehˇ, kʼoeˇ loꞈ-ehˇ deh yaˇ zeuˇ tehꞈ-a. Ngaˬ-euˬ tsawˇ haˬ deuˬ-ahˇ, aˬ yawꞈ maꞈ-euˬ miˇ kʼahˬ laꞈ kʼoeˇ paˇ bi gʼoꞈ jawˇ laˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 31:7

Sahˬpaˬ Miˬyehˇ heu loꞈ-ehˇ ehˇ-eu meh. “Dawˬ tawˆ kʼoeˇ taˆ huiˬ-eu tsawˇ jeuˬ pyeuꞈ-eu, Iˇsaˬleˬlaˆ gʼaˇ duˬ laˬ kʼaˬ cehˇ-eu caˇ dawˬ caˇ-awˬ. Sahˬpaˬ Miˬyehˇ aˬ yawꞈ-euˬ tsawˇ jeuˬ ka kʼoꞈ-awˇ, kʼaˇ dzeˇ luꞈ-eu deuˬ-ahˇ sheuˬ kʼoꞈ laꞈ-euˬ meh lehˇ, ja ceuˬ-eu caˇ dawˬ caˇ-awˬ.

Yeˬlaˬmiˇ 30:3

Aˬ jeˬ miˇ neh ehˇ naˇ, ngaˬ-euˬ tsawˇ haˬ pyeuꞈ-eu Iˇsaˬleˬlaˆ tsawˇ haˬ hawˇ-eu Yuˇdaˆ tsawˇ haˬ deuˬ-ahˇ, ngaˇ paˇ sheuˬ kʼoꞈ laꞈ-eu aˇ yamˬ keuˆ le luꞈ meh. Aˬ yawꞈ maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ taˬ-euˬ miˇ kʼahˬ laꞈ kʼoeˇ, aˬ yawꞈ maꞈ-ahˇ ngaˇ paˇ sheuˬ kʼoꞈ laꞈ-awˇ, miˇ kʼahˬ kʼoeˇ kʼahˬ aˬ yawꞈ maꞈ paˇ ya geuꞈ tehꞈ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 23:3

Dzeˇ luꞈ-eu ngaˬ-euˬ tsawˇ haˬ deuˬ-ahˇ, ngaˬ neh aˬ yawꞈ maꞈ-ahˇ teh byaˆ taˬ-euˬ miˇ kʼahˬ deuˬ laꞈ kʼoeˇ neh paˇ sheuˬ kʼoꞈ doˆ laꞈ-awˇ, aˬ yawꞈ maꞈ-euˬ miˇ kʼahˬ-ahˇ paˇ bi gʼoꞈ jawˇ laˇ ma.

Yeˬlaˬmiˇ 3:18

Iˇsaˬleˬlaˆ hawˇ-eu Yuˇdaˆ tiˬ gaˇ gm leˇ-awˇ, laꞈ taˆ paw jaˆ-eu miˇ kʼahˬ -ahˇ aˬ cawˬ neh bi nyehꞈ byoˆ gʼeh-euˬ gaˇ neh gʼoꞈ ka le-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ tsehˆ taˬ-euˬ miˇ kʼahˬ-ahˇ ya gʼoꞈ jawˇ le tehꞈ-a.”

Iˇsaˬyaˇ 11:11

Aˇ nah aˇ yamˬ kʼoeˇ yamˬ keuˆ le ngeh, Sahˬpaˬ Miˬyehˇ aˬ laꞈ cawˬ ja-awˇ, aˬ cawˬ-euˬ miˇ kʼahˬ-ahˇ dzeˇ luꞈ-eu aˬ yawꞈ-euˬ tsawˇ haˬ deuˬ-ahˇ sheuˬ kʼoꞈ laꞈ tehꞈ-a. Aˬshuˇliˆ miˇ kʼahˬ, Iˇjiˇtuˆ miˇ kʼahˬ, Paˬdaˬloˆ miˇ kʼahˬ, Suˬdaˬ miˇ kʼahˬ, Eˇlamˬ miˇ kʼahˬ, Baˬbuˇloˬ miˇ kʼahˬ, Haˬmaˆ miˇ kʼahˬ hawˇ-eu, iˬ ma laˆ shaˆ lawˇ deh caw caw-ehˇ jaˆ-eu miˇ kʼahˬ deuˬ hawˇ-eu iˬ ma laˆ shaˆ laꞈ kʼoeˇ jaˆ-eu iˇ jaw lahˇ deuˬ laꞈ kʼoeˇ kʼaˇ dzeˇ-eu aˬ yawꞈ-euˬ tsawˇ haˬ deuˬ-ahˇ, aˬ yawꞈ sheuˬ kʼoꞈ doˆ laꞈ tehꞈ-a.

Jaceuq 85:1

Sahˬpaˬ Miˬyehˇ-oˇ, nawˬ-euˬ miˇ kʼahˬ-ahˇ nawˇ gʼawˬ shaˬ gaˬ-euˬ meh. Iˇsaˬleˬlaˆ miˇ kʼahˬ paˇ baw paˇ za le ni, nawˇ ngehˬ gʼeh-euˬ meh.

Aˇ dahˬ 50:24

Aˬ yawꞈ-euˬ mehˇ nmˇ deuˬ-ahˇ aˬ yawꞈ ehˇ nehˬ-eu, “Ngaˇ ziˇ jiˇ le shaw-iˬ miˇ-a. Ehˇ kʼawꞈ, Miˬyehˇ naw maꞈ-ahˇ yaw muiˬ paˬ-ehˇ ngehˬ gʼeh dah teˬ nehˬ-eu laꞈ kʼoeˇ, miˇ kʼahˬ heu kʼahˬ laꞈ kʼoeˇ neh naw maꞈ-ahˇ sheuˬ doˆ gʼeh-awˇ, Aˬbyaˬhaˬ, Iˇtsaˆ, Yaˬkoˆ aˬ ha maꞈ-ahˇ aˬ yawꞈ neh saˇ jaˇ dzaˬ tsehˆ taˬ-euˬ miˇ kʼahˬ-ahˇ sheuˬ gʼeh nehˬ laꞈ tehꞈ-a” lehˇ ehˇ nehˬ-euˬ meh.

Haˬgaiˇ 2:2

Yuˇdaˆ miˇ kʼahˬ-ahˇ uˆ lahˇ-eu gʼaˬ pyeuꞈ-eu Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ-ahˇ maˬ ehˇ, tsawˇ haˬ dawˬ tawˆ luꞈ-ahˇ maˬ ehˇ, heu loꞈ-ehˇ ehˇ nehˬ-awˬ lehˇ, Haˬgaiˇ-ahˇ Sahˬpaˬ Miˬyehˇ ehˇ nehˬ-euˬ meh.

Haˬgaiˇ 1:12

Kʼoeˇ naˇ, Shaˬtiˇlaˆ-euˬ aˬ li Zeˬluˇbaˬbeˬlaˇ hawˇ-eu piˇ ma yaw huiˬ gʼaˬ pyeuꞈ-eu Yeˬhawˇzaˬdaˆ-euˬ aˬ li Yawˇshuˆ maˬ ehˇ, Baˬbuˇloˬ miˇ kʼahˬ-ahˇ neh gʼoꞈ doˆ laˇ-euˬ tsawˇ haˬ dawˬ tawˆ luꞈ maˬ ehˇ, aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh kʼaˇ ehˇ nehˬ-euˬ loꞈ-ehˇ mˇ-euˬ meh. Aˬ yawꞈ maꞈ Sahˬpaˬ Miˬyehˇ-ahˇ guˆ-eu laꞈ kʼoeˇ, Sahˬpaˬ Miˬyehˇ gʼaˇ duˬ ngehˬ dah-eu Haˬgaiˇ-euˬ dawˬ-ahˇ naˇ haˬ geuꞈ-euˬ meh.

Zeˬpaˬniˇ 2:9

Ngaˇ Baoˬ huiˬ-eu Sahˬpaˬ Miˬyehˇ, Iˇsaˬleˬlaˆ tsawˇ jeuˬ kʼoeˇ taˆ, Miˬyehˇ kʼaˇ pyeuꞈ luꞈ kʼoeˇ keuˆ ni, Mawˇbaˆ hawˇ-eu Aˬmoˬ tsawˇ jeuˬ, Sawˇdoˬ Gawˇmawˇlaˆ meuˬ loꞈ-ehˇ, kʼehˬ nehˬ kʼaˆ nehˬ gaˇ bi daˬ ma. Saˬ deuꞈ duˬ kʼahˬ pyeuꞈ-iˇ jiˇ-awˇ, yaˇ moꞈ neh bi uˆ tehˬ byoˆ-awˇ, yaˇ ziˇ yaw cawˆ-ehˇ jaˆ tehꞈ-a. Buˬ-iˇ-euˬ ngaˬ-euˬ tsawˇ haˬ deuˬ, miˇ kʼahˬ kʼoeˇ deuˬ ya geuꞈ tehꞈ-a.”

Iˇsaˬyaˇ 14:1

Iˇsaˬleˬlaˆ tsawˇ haˬ deuˬ-ahˇ Sahˬpaˬ Miˬyehˇ gʼawˬ shaˬ paˇ gaˬ nehˬ-awˇ, aˬ yawꞈ-euˬ tsawˇ jeuˬ bi pyeuꞈ laˇ-eu gʼaˇ duˬ, tiˬ poˆ paˇ tseˇ doˆ nehˬ tehꞈ-a. Aˬ yawꞈ maꞈ-euˬ miˇ kʼahˬ laꞈ kʼoeˇ aˬ yawꞈ maꞈ-ahˇ paˇ bi jawˇ gʼoꞈ leˇ-awˇ, aˬ cawˬ tsawˇ jeuˬ deuˬ kʼawꞈ aˬ yawꞈ maꞈ nehˬ-ehˇ jawˇ leˇ tehꞈ-a.

Luˇta 1:6

Mawˇbaˆ miˇ kʼahˬ laꞈ kʼoeˇ Nawˇmi jawˇ luꞈ ngeh, Sahˬpaˬ Miˬyehˇ aˬ yawꞈ-euˬ tsawˇ jeuˬ-ahˇ guiˬ lahˬ biꞈ-awˇ, dzaˬ la gʼo cehˇ gʼawˬ mya ni bi za le-euˬ gaˇ kawˆ ya gaˬ-euˬ meh. Kʼoeˇ miˇ neh, aˬ yawꞈ-euˬ kuiˬ ma nyiˬ gʼaˬ nehˬ-ehˇ, Mawˇbaˆ miˇ kʼahˬ-ahˇ neh doˆ-iˇ-eu lehˇ, aˬ yawꞈ lehˬ hmˬ-euˬ meh.

Jaceuq 80:14

Baoˬ huiˬ-eu Miˬyehˇ-oˇ, nga maꞈ jawˇ paw ciˬ pyawˇ nehˬ laꞈ-awˬ. Mˬ kʼoeˇ taˆ neh nga maꞈ-ahˇ haw ka leꞈ-awˇ, nawˬ-euˬ tsawˇ haˬ deuˬ-ahˇ ka kʼoꞈ le-awˬ.

Iˇsaˬyaˇ 11:16

Iˇsaˬleˬlaˆ tsawˇ haˬ-euˬ aˬ poeˬ aˬ bawˇ deuˬ, Iˇjiˇtuˆ miˇ kʼahˬ-ahˇ doˆ le ngeh gaˇ jawˬ dahˇ-euˬ loꞈ-ehˇ, Aˬshuˇliˆ miˇ kʼahˬ-ahˇ dzeˇ-eu Iˇsaˬleˬlaˆ tsawˇ haˬ deuˬ gʼaˇ duˬ, Aˬshuˇliˆ miˇ kʼahˬ-ahˇ neh gaˇ jawˬ dahˇ doˆ tehꞈ-a.

Iˇsaˬyaˇ 32:14

Sahˬ paˬ-euˬ nymˇ ya byehˇ dzeh gaˇ keuˆ-awˇ, meuˬ meuˬ ma kʼoeˇ ciˬ cuˇ ni jaˆ tehꞈ-a. Meuˬ laꞈ kʼoeˇ jaˆ-eu nymˇ hawˇ-eu, meuˬ-ahˇ loꞈ piˇ-euˬ taˆ kʼoeˇ deuˬ, mˬ maˬ maˬ byaˆ zaˇ ziˇ cawˆ jiˇ tehꞈ-a. Bawˇ tsahˬ mahˬ tahˬ laˆ deuˬ kʼoeˇ gaˇ jawˇ-awˇ, yawˇ deuˬ kʼoeˇ gaˇ gaˆ dzaˬ tehꞈ-a.

Yeˬlaˬmiˇ 29:10

“Sahˬpaˬ Miˬyehˇ ehˇ-eu, ‘Baˬbuˇloˬ miˇ kʼahˬ-ahˇ biꞈ taˬ-euˬ aˇ yamˬ shiꞈ tseˇ kʼoꞈ byah laˇ ngeh, naw maꞈ-ahˇ ngaˇ gʼawˬ shaˬ gaˬ-awˇ, naw maꞈ-ahˇ iˇ kahˇ sheuˬ kʼoꞈ keuˆ nehˬ ma lehˇ ehˇ-euˬ ngaˬ-euˬ saˇ jaˇ-ahˇ ngaˇ ziꞈ ma.

Yeˬlaˬmiˇ 33:12

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Kʼaˇ shuiꞈ deh ga loꞈ-ehˇ jaˆ-awˇ, tsawˇ haˬ hawˇ-eu jeˬ zaˬ maˬ jawˇ-eu miˇ kʼahˬ heu kʼahˬ laꞈ kʼoeˇ, yawˇ bo-eu deuˬ yawˇ gaˆ kʼahˬ jaˆ laˇ tehꞈ-a.

Yeˬlaˬmiˇ 47:5

Gaˬzaˬ tsawˇ haˬ shaˬ zahˬ naꞈ-awˇ, Aˬshaˇgaˬloˇ tsawˇ haˬ ciˬ cuˇ saˆ ni pyeuꞈ-iˇ tehꞈ-a. Buˬ-iˇ-euˬ Piˇliˇtiˆ tsawˇ haˬ nui deuˬ, aˬ myah tsawˇ ngoeˇ ngoeˇ taˬ nya nmˇ.

Hawˇseˬ 6:11

“Yuˇdaˆ miˇ kʼahˬ-oˇ, nawˬ-ahˇ kʼawꞈ, geuˇ-eu loꞈ-ehˇ kʼehˬ-eu gʼaˇ duˬ, aˇ nah aˇ yamˬ toꞈ gʼaˬ-euˬ ma. Ngaˬ-euˬ tsawˇ haˬ-ahˇ ngehˬ gʼeh-awˇ, paˇ bi dehꞈ dzaˬ laˇ ma ehˇ ngeh,

Zeˬpaˬniˇ 3:13

Dzeˇ-eu Iˇsaˬleˬlaˆ tsawˇ haˬ, aˬ cawˬ-ahˇ yaw doeˇ maˬ jahˇ-ehˇ, jaˬ myawꞈ mehˇ shuiˇ maˬ mˇ miˇ neh, aˬ yawꞈ maꞈ baw le za le-awˇ, guˆ kʼaˇ maˬ za ni dehꞈ tehꞈ-a.”

Iˇsaˬyaˇ 11:14

Ehˇ kʼawꞈ, aˬ yawꞈ maꞈ nui ma gm-eu laꞈ kʼoeˇ, nahˇ ma ga kʼehˬ paw-euˬ Piˇliˇtiˆ tsawˇ haˬ-ahˇ guiˇ deuˆ-awˇ, nahˇ ma doˆ kʼehˬ paw jawˇ-eu tsawˇ haˬ deuˬ-euˬ pyuˇ shuiˇ deuˆ geuꞈ tehꞈ-a. Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ aˬ yawꞈ maꞈ deuˆ gʼaˬ-awˇ, Aˬmoˬ miˇ kʼahˬ aˬ yawꞈ maꞈ-euˬ laꞈ oꞈ awꞈ tehꞈ-a.