Zeˬpaˬniˇ 2:15 - Akha

¹⁵ Baoˬ huiˬ gʼaˬ kʼaˆ kʼahˬ sehˇ jehˆ-awˇ, Meuˬ ziꞈ ngaˇ taꞈ maˬ jaˆ ma lehˇ, guˆ kʼaˇ maˬ za lehˇ duˇ-euˬ meuˬ, kʼoeˇ naˆ ni ga byoˆ leꞈ tehꞈ-a. Tsawˇ teˇ maˬ ya gaˬ-eu meuˬ tsoeˬ, bawˇ tsahˬ jeˬ zaˬ yuꞈ duˬ pyeuꞈ-awˇ, kʼaˇ iˇ kʼaˇ laˇ tsehˆ-eu tsawˇ haˬ, laꞈ du cawˬ doˆ-awˇ lmˬ tehꞈ-a.

Zeˬpaˬniˇ 2:15 Referans Kwoze

Yeˬsaˬgeˬlaˇ 28:2

“Tsawˇ haˬ zaˬ-oˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ, Duˇlu meuˬ-ahˇ uˆ lahˇ luꞈ-eu gʼaˬ-ahˇ ehˇ nehˬ-awˬ. “Nui ma huiˬ-eu mahˇ-eu laꞈ kʼoeˇ, ngaˇ miˬ yehˇ ma lehˇ nawˇ ehˇ-awˇ, Iˬ ma laˆ shaˆ gʼahˇ ceh jaˆ-eu, miˬ yehˇ nuiˇ mahˬ nuiˇ-eu ma lehˇ, nawˇ ehˇ taˬ-euˬ dawˬ jaˆ-eu meh. Miˬ yehˇ loꞈ-ehˇ gahˇ ma duˇ kʼawꞈ, miˬ yehˇ maˬ ngeuˇ-a, tsawˇ haˬ meh.

Naˬhmˬ 3:19

Nawˬ-euˬ maˇ kʼehˬ maˇ naˇ yaw naꞈ, tiˬ jeˬ-iˬ maˬ laˆ taˬ nya-a. Nawˬ neh kʼehˬ nehˬ kʼaˆ nehˬ-euˬ gaˇ, maˬ daˬ haw ni dehꞈ dzeuˇ nya-euˬ, tiˬ gʼaˬ-iˬ maˬ jawˇ-eu miˇ neh, nawˬ-euˬ guiˬ lahˬ doeˇ-eu gaˇ kawˆ, kʼaˇ ya gaˬ-euˬ tsawˇ haˬ dawˬ tawˆ, laꞈ kʼawˆ tehˆ-awˇ cehˇ gʼa tehꞈ-a.

Iˇsaˬyaˇ 22:2

Guˇ guˇ-ehˇ lawꞈ gʼa luꞈ-eu meuˬ-oˇ, bahˬ gʼa luiˬ gʼa luꞈ-eu meuˬ-oˇ, naw maꞈ tsawˇ haˬ mi cehˇ kʼehˬ-ahˇ shiˇ-euˬ maˬ ngeuˇ-a. guiˇ deuˆ-awˇ shiˇ-euˬ maˬ ngeuˇ-a.

Yeˬsaˬgeˬlaˇ 28:9

Nawˬ-ahˇ sehꞈ-eu deuˬ-euˬ mehˬ shi, miˬ yehˇ ma lehˇ ehˇ te siˬ loˇ. Nawˬ-ahˇ sehꞈ-eu deuˬ-euˬ laꞈ-ahˇ, nawˇ miˬ yehˇ maˬ ngeuˇ-ehˇ, tsawˇ haˬ ngaˇ lehˇ duˬ laˇ tehꞈ-a.

Ngoeˇ dawˬ 2:15

Iˇ tsehˆ laˇ tsehˆ-eu tsawˇ haˬ deuˬ, nawˬ-ahˇ mawˇ ngeh laꞈ kʼawˆ tehˆ meh. Yeˬluˇsaˬlehˬ meuˬ-ahˇ haw-awˇ, uˬ duˬ juiꞈ juiꞈ-ehˇ uiˇ-eu meh. “Aˇ gʼehˇ muiˬ dui byah dui dui-eu, miˇ kʼahˬ dawˬ tawˆ laˬ kʼaˬ cehˇ duˬ, meuˬ muiˬ ehˇ-eu heu meuˬ meh loˇ.

Ngoeˇ dawˬ 1:1

Tsawˇ haˬ tiˬ teuˇ jawˇ-euˬ meuˬ kʼoeˇ, nymˬ-mˇ ciˬ cuˇ ni jaˆ-eu meh. Miˇ kʼahˬ tsawˇ jeuˬ tiˬ tahˇ tiˬ yaˇ, yaw zeu baw dui dui-euˬ meuˬ kʼoeˇ, miˬ coeˬ coeˬ-iˇ gaˇ duˇ-eu meh. Meuˬ kʼaˇ jaˆ-eu dawˬ tawˆ mehˬ shi, sahˬ paˬ zaˬ miˬ-ahˇ duˇ-euˬ meuˬ, aˬ cawˬ zaˬ kʼaˆ pyeuꞈ-iˇ-euˬ meh.

Yeˬlaˬmiˇ 19:8

Kʼaˇ iˇ kʼaˇ laˇ tsehˆ-eu deuˬ tsawˬ guˆ-iˇ-awˇ zahˬ leˇ paˬ-ehˇ, meuˬ heu meuˬ kʼoeˇ taˆ guˆ dui dui laˇ paˬ-ehˇ gʼeh-eu luˬ-iˇ seˇ-iˇ-eu jeˬ ngaˇ bi keuˆ le ma.

Maꞈtehˬ 27:39

Iˇ tsehˆ laˇ tsehˆ-eu deuˬ uˬ duˬ juiꞈ-awˇ, Yeˬsuˇ-ahˇ yehˬ bawˬ sehˇ lu-ehˇ ehˇ-eu meh.

Yeˬsaˬgeˬlaˇ 29:3

Iˇjiˇtuˆ sahˬ paˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ ehˇ nehˬ-awˬ. “Niˬlaˇ lawˇ baˬ nawˬ neh beh-awˇ, nawˬ-euˬ lawˇ baˬ ma lehˇ ehˇ-eu, Lawˇ baˬ gʼahˇ ceh yuꞈ-eu byaˆ yahˬ, Iˇjiˇtuˆ miˇ kʼahˬ sahˬ paˬ-oˇ, nawˬ-ahˇ ngaˇ muiˇ-eu ma.

Yeˬsaˬgeˬlaˇ 27:36

Nawˬ-euˬ guiˬ lahˬ kʼoeˇ naˆ tehꞈ meh. Nawˬ-euˬ ziˇ kʼoeˇ gaˇ jiˇ-euˬ meh. Miˇ tsaˬ kʼoeˇ taˆ baw gaꞈ dawˬ tawˆ, nawˇ loꞈ-ehˇ pyeuꞈ laˇ gaˇ guˆ meh.”

Ngoeˇ dawˬ 2:1

“Sahˬpaˬ Miˬyehˇ nui ma pehˇ-awˇ, zahˇ tsui ni gʼeh-eu mˬ dmˇ neh, Ziˇoˬ meuˬ-ahˇ dehˬ kaˬ-euˬ meh. Iˇsaˬleˬlaˆ yaw shehꞈ kʼahˬ sehˇ, mˬ yaw goˇ-ahˇ bi jaˆ-euˬ kʼoeˇ, miˇ tsaˬ-ahˇ biˬ dzeh nehˬ-euˬ meh. Aˬ yawꞈ nui ma pehˇ-eu kʼoeˇ nah, Uˬ duˬ tahˬ nymˇ nymˇ ma-ahˇ kʼawꞈ, byehˇ dzeh nehˬ peuˬ gaˇ keuˆ ni meh.

Iˇsaˬyaˇ 32:9

Saˇ lehˆ ni dehꞈ-eu zaˬ miˬ zaˬ deuˬ-oˇ, ngaˇ ehˇ gaˇ tuˇ-awˇ naˇ haˬ sheˇ. Kʼahˬ lahˇ kʼaˇ maˬ za-eu aˬ buˇ deuˬ-oˇ, ngaˇ ngehˬ gaˇ naˬ bawˇ ciˬ kʼmˇ sheˇ.

Yawˇbaˆ 27:23

Aˬ yawꞈ maꞈ kʼaˇ cehˆ gaˇ jaˬ lehˇ kʼoeˇ haˬ haˬ-ehˇ baw-awˇ, laˆ cawˆ-eu baoˬ neh aˬ yawꞈ maꞈ-ahˇ laˆ guˆ nehˬ tehꞈ-a.

Yawˇbaˆ 16:4

Naw maꞈ ngaˇ pyeuꞈ-awˇ, ngaˇ naw maꞈ pyeuꞈ law nmˇ-aˬ, naw maꞈ kʼaˇ ngehˬ-euˬ dawˬ teu deuˬ ngaˇ ngehˬ nya ma. Naw maꞈ ehˇ-eu maˬ ngeuˇ-a lehˇ ngaˇ uˬ duˬ juiꞈ-awˇ, lawˇ baˬ-ahˇ sheu bu-eu loꞈ-ehˇ ngaˬ-euˬ dawˬ laꞈ kʼoeˇ naw maꞈ-ahˇ bi bu dzaˬ nya ma.

Iˇsaˬyaˇ 32:11

Saˇ lehˆ ni dehꞈ-eu zaˬ miˬ zaˬ deuˬ-oˇ, yaw dzuˬ dzuˬ dui dui-awˬ. Kʼahˬ lahˇ kʼaˇ maˬ za-eu aˬ buˇ deuˬ-oˇ, yaw dzuˬ dzuˬ gah gah-awˬ. Naw maꞈ mehˬ tsoeˬ lehˆ dzeh jiˇ-awˇ, guˬ daˇ pehˇ zeuˇ joꞈ-ahˇ lahˇ-awˇ jawˇ-awˬ.

Iˇsaˬyaˇ 32:14

Sahˬ paˬ-euˬ nymˇ ya byehˇ dzeh gaˇ keuˆ-awˇ, meuˬ meuˬ ma kʼoeˇ ciˬ cuˇ ni jaˆ tehꞈ-a. Meuˬ laꞈ kʼoeˇ jaˆ-eu nymˇ hawˇ-eu, meuˬ-ahˇ loꞈ piˇ-euˬ taˆ kʼoeˇ deuˬ, mˬ maˬ maˬ byaˆ zaˇ ziˇ cawˆ jiˇ tehꞈ-a. Bawˇ tsahˬ mahˬ tahˬ laˆ deuˬ kʼoeˇ gaˇ jawˇ-awˇ, yawˇ deuˬ kʼoeˇ gaˇ gaˆ dzaˬ tehꞈ-a.

Yeˬlaˬmiˇ 18:16

Miˇ kʼahˬ heu kʼahˬ tsawˇ haˬ maˬ jawˇ peuˬ ni aˬ yawꞈ maꞈ laˆ pyeuꞈ-awˇ, mˬ maˬ maˬ byaˆ zaˇ ziˇ aˬ cawˬ ja bu duˬ laˆ pyeuꞈ yaꞈ-euˬ meh. Kʼaˇ iˇ kʼaˇ laˇ tsehˆ-eu tsawˇ haˬ tsawˬ guˆ-iˇ-awˇ, zahˬ dui dui leˇ-awˇ uˬ duˬ juiꞈ tehꞈ-a.

Iˇsaˬyaˇ 47:10

“Yaw haiˬ jeˬ-ahˇ nawˇ kʼaˬ duˬ ni mˇ-awˇ, nawˬ neh mˇ-euˬ aˬ cawˬ maˬ mawˇ nya-a lehˇ nawˇ noeˬ meh. Nawˬ-euˬ zaˬ siˬ tsawˇ gahˇ nawˬ-ahˇ gaˇ ma sheuˬ bahˬ nehˬ-awˇ, Ngaˇ miˬ yehˇ ma. Ngaˬ-ahˇ duˇ-eu tsawˇ haˬ maˬ jawˇ, lehˇ nawˇ ehˇ meh.

Yeˬlaˬmiˇ 50:13

Ngaˇ nui ma pehˇ-eu jeˬ baˬ da neh, Baˬbuˇloˬ miˇ kʼahˬ tsawˇ haˬ tiˬ gʼaˬ-iˬ maˬ jawˇ gaˇ keuˆ ni cawˆ-iˇ-awˇ, kʼaˇ iˇ kʼaˇ laˇ tsehˆ-eu tsawˇ haˬ deuˬ zahˬ leˇ-awˇ tsawˬ guˆ-iˇ tehꞈ-a.

Daˬyeˬlaˇ 4:27

Kʼoeˇ miˇ neh sahˬ paˬ-oˇ, ngaˬ-euˬ ehˇ dawˬ geuꞈ nehˬ laꞈ. Iˬ baˇ maˬ mˇ ni byehˇ-awˇ, yaw tsaˬ yaw dawˇ jeˬ mˇ-eu laꞈ kʼoeˇ, shaˬ zaˬ zahˬ zaˬ deuˬ-ahˇ gʼawˬ shaˬ gaˬ nehˬ-awˬ. Kʼoeˇ loꞈ-ehˇ jahˇ naˇ, nawˬ-euˬ gʼaˇ duˬ nui saˇ oꞈ-eu jeˬ maˬ byoˆ-iˇ-aˇ.”

Haˬbaˬkuˆ 1:7

Dzawˬ dui dui-eu tsawˇ jeuˬ kʼoeˇ jeuˬ, miˇ kʼahˬ dawˬ tawˆ laˆ guˆ jiˇ-awˇ, nui ma huiˬ-eu mahˇ-eu mehˬ shi, maˬ mˇ kʼmˬ-eu jeˬ maˬ baw-a.