Zeˬpaˬniˇ 1:16 - Akha

¹⁶ daˇ heh baw dui dui-eu aˇ nah guˇ guˇ-ehˇ guiˇ deuˆ-eu aˇ nah, meuˬ yaw ziꞈ-ahˇ deuˆ-eu aˇ nah taˆ yaw goˇ-ahˇ deuˆ-eu aˇ nah yaw kawˇ kawˇ-ehˇ keuˆ le luꞈ meh.

Zeˬpaˬniˇ 1:16 Referans Kwoze

Aˬmoˆ 3:6

Tsawˇ haˬ maˬ bi tsawˬ guˆ-iˇ ni meuˬ laꞈ kʼoeˇ guiˇ deuˆ-eu daˇ heh baw mahˇ nya meh loˇ. Sahˬpaˬ Miˬyehˇ neh maˬ jahˇ-euˬ gaˇ, luˬ-iˇ seˇ-iˇ-eu jeˬ meuˬ kʼoeˇ taˆ keuˆ le nya meh loˇ.

Hawˇseˬ 8:1

Sahˬpaˬ Miˬyehˇ ehˇ-eu dawˬ-aˬ, “Daˇ heh ciˬ tsehꞈ-awˇ baw gaˬ-awˬ. Ngaˬ-euˬ dawˬ ma saˇ jaˇ hawˇ-eu, ngaˬ-euˬ zahˇ dawˬ kʼoꞈ dawˬ deuˬ-ahˇ, ngaˬ-euˬ tsawˇ haˬ puiˬ-euˬ miˇ neh, muiˇ-eu deuˬ kʼaˬ dzeˇ ma loꞈ-ehˇ, ngaˬ-euˬ miˇ kʼahˬ heu kʼahˬ laꞈ kʼoeˇ, byoeˇ uˇ leꞈ-eu lehˇ gʼeh-eu meh.

Iˇsaˬyaˇ 32:14

Sahˬ paˬ-euˬ nymˇ ya byehˇ dzeh gaˇ keuˆ-awˇ, meuˬ meuˬ ma kʼoeˇ ciˬ cuˇ ni jaˆ tehꞈ-a. Meuˬ laꞈ kʼoeˇ jaˆ-eu nymˇ hawˇ-eu, meuˬ-ahˇ loꞈ piˇ-euˬ taˆ kʼoeˇ deuˬ, mˬ maˬ maˬ byaˆ zaˇ ziˇ cawˆ jiˇ tehꞈ-a. Bawˇ tsahˬ mahˬ tahˬ laˆ deuˬ kʼoeˇ gaˇ jawˇ-awˇ, yawˇ deuˬ kʼoeˇ gaˇ gaˆ dzaˬ tehꞈ-a.

Haˬbaˬkuˆ 3:6

Aˬ yawꞈ naˬ ngeh miˇ luˆ luˆ-awˇ, aˬ yawꞈ myaˆ haw ciˬ pyawˇ leꞈ ngeh, miˇ tsaˬ zaˬ yaw dzuˬ dzuˬ-eu meh. Aˇ hu aˬ yawꞈ cah-euˬ gaˇ ma, gawˬ jawˬ jawˬ oeˇ deuˬ byaˆ le-awˇ, gawˬ duˇ duˇ mawˬ coˬ le-eu meh.

Hawˇseˬ 5:8

Giˇbyaˬ meuˬ-ahˇ coiˇ doi baw-awˬ. Laˬmahˇ meuˬ-ahˇ daˇ heh baw-awˬ. Behˬdaˬbeˬ meuˬ-ahˇ laˆ luiˬ-awˬ. Beˬyaˬmiˬ tsawˇ jeuˬ guiˇ deuˆ-awˬ.

Yeˬlaˬmiˇ 8:16

Aˬ dui-ahˇ muiˇ-eu deuˬ Daˬ meuˬ-ahˇ oe keuˆ-awˇ, mahˬ deuˬ naˇ mehˇ baw-eu gaˬ le miˇ-a. Aˬ yawꞈ maꞈ-euˬ mahˬ deuˬ hiˇ gaˇ, miˇ kʼahˬ kʼahˬ lah ni guˆ-awˇ yaw dzuˬ dzuˬ-eu meh. Aˬ dui miˇ kʼahˬ hawˇ-eu kʼaˇ jaˆ-eu jeˬ dawˬ tawˆ, aˬ dui maꞈ-euˬ meuˬ deuˬ hawˇ-eu tsawˇ haˬ dawˬ tawˆ, laˆ cawˆ-eu lehˇ aˬ yawꞈ maꞈ oe-euˬ meh.”

Yeˬlaˬmiˇ 6:1

Beˬyaˬmiˬ tsawˇ jeuˬ-oˇ, ya buˬ ya law-iˇ ni cehˆ-awˬ. Yeˬluˇsaˬlehˬ meuˬ laꞈ nyiˇ cehˆ doˆ-awˬ. Teˬkawˬ meuˬ-ahˇ daˇ heh baw gaˬ-awˇ, aˬ cawˬ bi haw siˬ-eu gʼaˇ duˬ, Behˬhaˬsheˬleˬ meuˬ-ahˇ miˬ dzaˬ jehˆ bymˇ bymˇ-awˬ. Guˆ-eu gaˆ-eu hawˇ-eu luˬ-iˇ seˇ-iˇ-eu jeˬ, laꞈ taˆ paw neh oe luꞈ-eu meh.

Iˇsaˬyaˇ 59:10

Myaˆ behꞈ loꞈ-ehˇ nga maꞈ laꞈ sawˆ sawˆ-awˇ cah luꞈ-eu ma. Nah gʼahˇ paw kʼawꞈ uˬ ciꞈ loꞈ-ehˇ sahˬ tiꞈ tiꞈ-awˇ, zahˇ tsui ni gʼeh-eu shiˇ-eu miˇ kʼahˬ-ahˇ cah luꞈ gaˇ duˇ miˇ-a.

Dawˬmehˬ 28:52

Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ neh nawˬ-ahˇ biꞈ-euˬ miˇ kʼahˬ laꞈ kʼoeˇ kʼaˇ jaˆ-eu meuˬ yawˬ meuˬ na luꞈ-ahˇ, aˬ yawꞈ maꞈ guiˇ deuˆ le-awˇ, nawˬ-euˬ gʼoe duˬ pyeuꞈ-eu goˇ dui dui-eu meuˬ meuˬ lahˇ deuˬ byaˆ-iˇ tehꞈ-a.

Iˇsaˬyaˇ 27:13

Aˇ nah kʼoeˇ nah keuˆ le ngeh, Aˬshuˇliˆ miˇ kʼahˬ hawˇ-eu Iˇjiˇtuˆ miˇ kʼahˬ-ahˇ bi nyehꞈ gʼeh-awˇ jawˇ byoˆ taˬ-euˬ Iˇsaˬleˬlaˆ tsawˇ haˬ deuˬ-ahˇ kuˇ kʼoꞈ-eu daˇ heh baw laˇ tehꞈ-a. Aˬ yawꞈ maꞈ gʼoꞈ laˇ-awˇ, Sahˬpaˬ Miˬyehˇ-euˬ muiˬ-eu shawˇ-eu gawˬ jawˬ-ahˇ jaˆ-eu Yeˬluˇsaˬlehˬ meuˬ-ahˇ, Sahˬpaˬ Miˬyehˇ-ahˇ uˬ duˬ tahˬ laˇ tehꞈ-a.

Yawˇlaˆ 2:1

Miˬyehˇ-euˬ Ziˇoˬ gawˬ jawˬ-ahˇ, muiˬ-eu shawˇ-eu gawˬ jawˬ kʼoeˇ-ahˇ, daˇ heh baw-awˇ laˆ luiˬ nehˬ-awˬ. Yuˇdaˆ tsawˇ haˬ yaw dzuˬ dzuˬ-awˬ. Sahˬpaˬ Miˬyehˇ-euˬ aˇ nah kʼoeˇ, yaw kawˇ ma-ehˇ keuˆ le luꞈ meh.

Yawˇshuˆ 6:20

Kʼoeˇ naˇ, piˇ ma deuˬ daˇ heh baw-euˬ meh. Daˇ heh teˇ saˇ ya gaˬ-eu nehˬ-ehˇ, tsawˇ haˬ kʼoeˇ deuˬ guˇ kʼaˆ leꞈ-awˇ, meuˬ meuˬ lahˇ byaˆ-iˇ-euˬ meh. Kʼoeˇ ngeh, guiˇ maꞈ maꞈ lah ni, yawˬ ha mehˬ shi tiˬ dawˇ gawˬ duˇ-ahˇ daˆ leˇ-awˇ, meuˬ-ahˇ uˇ leˇ-euˬ meh.

Yeˬsaˬgeˬlaˇ 7:7

Miˇ kʼahˬ heu kʼahˬ laꞈ kʼoeˇ jawˇ-eu tsawˇ haˬ deuˬ-oˇ, naw maꞈ gʼaˇ duˬ aˇ saˬ saˬ-eu jeˬ keuˆ le luꞈ meh. Gawˬ jawˬ-ahˇ jaˆ-eu uˬ duˬ tahˬ-eu jawˇ duˬ deuˬ-ahˇ byawˬ gʼa-eu aˇ yamˬ jiˇ le-awˇ, guˆ-eu gaˆ-eu jeˬ keuˆ le-eu aˇ yamˬ peh laˇ-euˬ meh.