Zaˬkaˬliˇ 9:11 - Akha

¹¹ Sahˬpaˬ Miˬyehˇ ehˇ-eu, “Ngaˬ neh naw maꞈ-ahˇ dzaˬ taˬ-euˬ, dawˬ ma saˇ jaˇ shiˬ baˬ da neh, duˬ kʼahˬ naꞈ gaˇ bi paꞈ taˬ-euˬ, naw maꞈ tsawˇ haˬ ngaˇ puiˇ pyehˬ ma.

Zaˬkaˬliˇ 9:11 Referans Kwoze

Iˇsaˬyaˇ 51:14

Paꞈ kuˆ-ahˇ uˇ-eu deuˬ yaw kawˇ-ehˇ bi pyehˬ doˆ tehꞈ-a. aˬ yawꞈ maꞈ maˬ dzaˬ maˬ dawˇ jiˇ coeˇ ni dehꞈ-awˇ, ziˇ baw ziˇ za tehꞈ-a.

Doˆ-iˇ 24:8

Kʼoeˇ naˇ, kʼmˬ maˬ laꞈ kʼoeˇ ahˇ-eu shiˬ kʼoeˇ neh, Iˇsaˬleˬlaˆ tsawˇ haˬ deuˬ-ahˇ Moˇseˬ byaˆ shehˬ-awˇ, “Shiˬ heu-aˬ, Sahˬpaˬ Miˬyehˇ naw maꞈ-ahˇ zahˇ dawˬ kʼoꞈ dawˬ heu deuˬ biꞈ-awˇ, naw maꞈ nehˬ-ehˇ dawˬ ma saˇ jaˇ mˇ taꞈ-euˬ saˇ kiˇ pyeuꞈ-eu meh” lehˇ aˬ yawꞈ maꞈ-ahˇ ehˇ nehˬ-euˬ meh.

Iˇsaˬyaˇ 42:7

Myaˆ behꞈ-ahˇ nawˇ myaˆ nuiˆ bi dahˇ laˇ-awˇ, yaw zahˇ laꞈ kʼoeˇ paꞈ kuˆ-ahˇ uˇ-eu tsawˇ haˬ deuˬ-ahˇ, nawˇ puiˇ pyehˬ nehˬ tehꞈ-a.

1 Gawˇliˬtu 11:25

Kʼoeˇ loꞈ-ehˇ duˇ ni, ciꞈ hawˬ kʼoeˇ byawˇ dzaˬ gʼaˬ ngeh, kʼmˬ maˬ ciˬ-awˇ, “Kʼmˬ maˬ heu-aˬ, ngaˬ-euˬ shiˬ-ahˇ gʼoe-awˇ dzaˬ-eu Miˬyehˇ-euˬ dawˬ ma saˇ jaˇ yaw shuiꞈ pyeuꞈ-eu meh. Naw maꞈ kʼaˇ dawˇ-eu yawˬ poˆ na luꞈ, ngaˬ-ahˇ noeˬ keuˆ-awˇ dawˇ-awˬ” lehˇ ehˇ-euˬ meh.

Maꞈtehˬ 26:28

Heu-aˬ, tsawˇ haˬ gʼawˬ mya ni-euˬ iˬ baˇ bi buˬ bi law-iˇ-eu gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

HeˬByehˇ 10:29

Toˆ-ehˇ ngeuˇ naˇ, Miˬyehˇ-euˬ Zaˬ maˇ-ahˇ nawˬ tehˬ taˬ-awˇ, yawˬ ha-euˬ iˬ baˇ-ahˇ shawˇ nehˬ-euˬ Miˬyehˇ-euˬ dawˬ ma saˇ jaˇ shiˬ-ahˇ poeˬ sawˇ lawˬ maˬ baw-eu loꞈ-ehˇ sawˇ-awˇ, Miˬyehˇ gʼawˬ shaˬ gaˬ-eu guiˬ lahˬ yaw dzahˇ mehˬ nehˬ laꞈ-euˬ Yaw sahˇ Miˬyehˇ-ahˇ yehˬ bawˬ sehˇ lu-ehˇ ehˇ-eu tsawˇ haˬ-aˬ, aˇ naˆ ni doeˇ dzehˬ-eu kʼehˬ-eu kʼaˆ-eu jeˬ-ahˇ ya daˬ nmˇ lehˇ shaˇ noeˬ haw-awˬ.

Iˇsaˬyaˇ 61:1

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ-euˬ yaw sahˇ, ngaˬ-euˬ kʼoeˇ taˆ keuˆ le-euˬ meh. Yaw shaˬ zaˬ-ahˇ laˬ kʼaˬ cehˇ-eu guiˬ lahˬ dawˬ tsaꞈ gaˬ-eu gʼaˇ duˬ, nui ma tsawˬ paˆ-euˬ deuˬ-ahˇ laˆ saˆ-eu gʼaˇ duˬ, aˬ cawˬ miˇ kʼahˬ-ahˇ bi nyehꞈ gʼeh-euˬ deuˬ hawˇ-eu, paꞈ kuˆ laꞈ kʼoeˇ ka lahˇ taˬ-euˬ tsawˇ haˬ deuˬ-ahˇ, ya buˬ ya law-iˇ meh lehˇ tsaꞈ gaˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-awˇ pyehˬ gʼeh leꞈ-euˬ meh.

Iˇsaˬyaˇ 49:9

Paꞈ kuˆ laꞈ kʼoeˇ uˇ-eu tsawˇ haˬ deuˬ-ahˇ, ‘Doˆ-iˇ-awˬ’ lehˇ ngaˇ ehˇ nehˬ-awˇ, yaw zahˇ laꞈ kʼoeˇ jawˇ-eu tsawˇ haˬ deuˬ-ahˇ, yaw shehꞈ bya gaˇ doˆ le-awˬ lehˇ ngaˇ ehˇ nehˬ ma. Gaˇ ma gaˇ dzeˇ gaˆ dzaˬ-eu yawˇ hawˇ-eu, gawˬ duˇ-ahˇ gaˆ dzaˬ-eu yawˇ-ahˇ duˇ tehꞈ-a.

Jaceuq 69:33

Shaˬ-eu zahˬ-eu tsawˇ haˬ deuˬ-euˬ dawˬ-ahˇ Miˬyehˇ naˇ haˬ-awˇ, paꞈ kuˆ laꞈ kʼoeˇ uˇ luꞈ-eu aˬ yawꞈ-euˬ tsawˇ haˬ deuˬ-ahˇ aˬ yawꞈ maˬ ngehˇ-a.

Jaceuq 40:2

Shaˬzahˬguˆgaˆmyaˬdui dui-eu, lah yaˬlah shiˇkʼahˬnaꞈlaꞈkʼoeˇ, aˬyawꞈngaˬ-ahˇgʼeu doˆle-awˇ, kʼaˬlo kʼoeˇtaˆciˬdaˆlaꞈ-awˇ, ziꞈdah ni bi yawꞈlaꞈ-euˬmeh.

Maˬkuˆ 14:24

Yeˬsuˇ ehˇ-eu, “Heu-aˬ, tsawˇ haˬ gʼawˬ mya ni gʼaˇ duˬ yoeˇ le-euˬ, Miˬyehˇ-euˬ dawˬ ma saˇ jaˇ-ahˇ taꞈ-eu ngaˬ-euˬ shiˬ ma.

Luˇkaꞈ 22:20

Kʼoeˇ gaˇ duˇ ni, ciꞈ hawˬ dzaˬ gʼaˬ ngeh, aˬ yawꞈmaꞈ-ahˇ kʼmˬ maˬ ciˬ nehˬ-awˇ ehˇ-eu, “Heu-aˬ, naw maꞈ gʼaˇ duˬ yoeˇ le-euˬ ngaˬ-euˬ shiˬ baˬ da neh pyeuꞈ laˇ-euˬ dawˬ ma saˇ jaˇ yaw shuiꞈ ma.

Iˇsaˬyaˇ 58:12

Aˇ hu ba neh cawˆ-iˇ dzeuˇ-euˬ jeˬ-ahˇ, dawˬ pehˬ yaw oeˇ aˬ yawꞈ kʼoeˇ taˆ, nawˬ-euˬ tsawˇ haˬ deuˬ paˇ tsoꞈ ziꞈ leˇ tehꞈ-a. Byaˆ-iˇ taˬ-euˬ meuˬ lahˇ paˇ gawˬ ziꞈ-awˇ, nymˇ yaw cawˆ deuˬ paˇ tsoˆ muiˬ-eu tsawˇ haˬ nga lehˇ, aˬ cawˬ naw maꞈ-ahˇ kuˇ tehꞈ-a.”

Jaceuq 30:3

Shiˇ-eu lmˬbymˇ maˬbi keuˆni, ngaˬ-euˬsaꞈlaˇ-ahˇ ka kʼoꞈ-awˇ, duˬkʼahˬ-ahˇmaˬbi ga byoˆni, ngaˬ-ahˇnawˇbi dehꞈlaꞈ-euˬmeh.

Dawˬmehˬ 5:31

Ehˇ kʼawꞈ, Moˇseˬ nawˇ-aˬ, ngaˬ nehˬ-ehˇ heu gaˇ jawˇ yaꞈ-awˬ. Ngaˬ-euˬ zahˇ dawˬ kʼoꞈ dawˬ dawˬ tawˆ luꞈ nawˬ-ahˇ ngaˇ biꞈ ma. Aˬ yawꞈ maꞈ-ahˇ ngaˬ neh biꞈ-euˬ miˇ kʼahˬ laꞈ kʼoeˇ, zahˇ dawˬ kʼoꞈ dawˬ kʼoeˇ deuˬ-ahˇ aˬ yawꞈ maꞈ bi caw teh-eu gʼaˇ duˬ, zahˇ dawˬ kʼoꞈ dawˬ kʼoeˇ deuˬ aˬ yawꞈ maꞈ-ahˇ mehˬ nehˬ-awˬ’ lehˇ ehˇ-eu meh.

HeˬByehˇ 13:20

Mˬ maˬ maˬ byaˆ zaˇ ziˇ ziꞈ-eu dawˬ ma saˇ jaˇ-euˬ shiˬ baˬ da neh Huiˬ dui dui-eu Yawˇ bo-eu yaw sahˇ pyeuꞈ laˇ-euˬ aˬ dui-euˬ Sahˬpaˬ Yeˬsuˇ-ahˇ bi gʼoꞈ dehꞈ laˇ-euˬ gʼaˬ pyeuꞈ-eu nui saˇ oꞈ-eu jeˬ biꞈ-eu Miˬyehˇ-aˬ,

Luˇkaꞈ 4:18

“Sahˬpaˬ Miˬyehˇ-euˬ Yaw sahˇ-aˬ, ngaˬ-euˬ kʼoeˇ taˆ keuˆ le-euˬ meh. Aˬ jeˬ miˇ neh ehˇ naˇ, shaˬ-eu zahˬ-eu tsawˇ haˬ deuˬ-ahˇ, guiˬ lahˬ dawˬ bi mehˬ-eu gʼaˇ duˬ, aˬ yawꞈ ngaˬ-ahˇ tseˇ doˆ-euˬ meh. paꞈ taˬ-euˬ deuˬ-ahˇ pyehˬ nehˬ-awˇ, myaˆ behꞈ deuˬ myaˆ nuiˆ mawˇ laˇ ni, bi kʼehˬ-euˬ deuˬ ya law-iˇ ni, dawˬ tsaꞈ dawˬ dzawˇ mˇ-eu gʼaˇ duˬ, aˬ yawꞈ ngaˬ-ahˇ kʼehˇ leꞈ-euˬ meh.

Iˇsaˬyaˇ 42:22

Ehˇ kʼawꞈ, nymˬ-mˇ aˬ yawꞈ-euˬ tsawˇ haˬ deuˬ, pyuˇ shuiˇ myawˬ gahˬ bi yuˇ jiˇ-awˇ, lo kʼahˬ doe ni bi nyehꞈ lahˇ-awˇ, paꞈ kuˆ doe ni bi nyehꞈ uˇ byoˆ-euˬ meh. Aˬ yawꞈ maꞈ-ahˇ ngehˬ gʼeh nehˬ-eu gʼaˬ maˬ jawˇ ni, tahˇ joe bi joe dzaˬ jiˇ-euˬ meh.

Yeˬlaˬmiˇ 38:6

Kʼoeˇ naˇ, aˬ yawꞈ maꞈ ngaˬ-ahˇ nyehꞈ-awˇ, sahˬ paˬ zaˬ yo Maˬlaˬkiˇyaˆ-euˬ lah duˬ-ahˇ, aˇ caˆ neh pyehˬ ka ahˇ nehˬ laꞈ-euˬ meh. Lah duˬ kʼoeˇ duˬ-aˬ, sahˬ paˬ-euˬ hawˇ nymˇ lahˇ laꞈ kʼoeˇ jaˆ-awˇ, iˇ cuꞈ maˬ dahˬ ni, lah yaˬ yaˬ-eu meh. Lah yaˬ kʼoeˇ-euˬ laꞈ kʼoeˇ ngaˇ ga nuiꞈ-awˇ jawˇ-euˬ ma.

Panmaeq 20:3

Tiˬ heˇ kʼoꞈ aˇ yamˬ laꞈ kʼoeˇ miˇ kʼahˬ tsawˇ jeuˬ dawˬ tawˆ luꞈ-ahˇ aˬ yawꞈ mehˇ shuiˇ maˬ bi shuiˇ nya ni, mˬ taˆ gʼaˬ kʼehˇ kʼoeˇ gʼaˬ aˬ yawꞈ-ahˇ yaw li maˬ baw-eu duˬ kʼahˬ-ahˇ baꞈ ahˇ-awˇ, mahˬ tawꞈ tawꞈ tehˬ-awˇ jmˬ diˬ gʼoeˬ taˬ-euˬ meh. Kʼoeˇ dzeuˇ naˇ, aˬ yawꞈ-ahˇ tiˬ kʼehˬ tiˬ yamˬ pyehˬ nehˬ tehꞈ-a.

Daˬyeˬlaˇ 2:29

“Sahˬ paˬ nawˇ yuꞈ kʼaˆ luꞈ ngeh, mehˬ hu paw pyeuꞈ laˇ-eu gaˇ kawˆ yuꞈ maˆ maˆ mawˇ-euˬ meh. Naꞈ dui dui-eu gaˇ kawˆ deuˬ pah mehˬ-eu Miˬyehˇ, mehˬ hu paw pyeuꞈ laˇ-eu gaˇ kawˆ nawˬ-ahˇ mehˬ nehˬ le-euˬ meh.

2 Laˬsaˬbaˬ 7:17

Nawˬ da Daˬbiˇ loꞈ-ehˇ, nawˇ ngaˬ-ahˇ saˇ jaˇ ziꞈ-eu laꞈ kʼoeˇ uˬ duˬ tahˬ -awˇ, ngaˬ-euˬ zahˇ dawˬ kʼoꞈ dawˬ deuˬ-ahˇ caw teh-eu laꞈ kʼoeˇ, ngaˬ neh nawˬ-ahˇ dawˬ kʼaˇ biꞈ taˬ-euˬ yawˬ jeˬ na luꞈ mˇ naˇ,

2 Saˬmeuˬlaˆ 13:13

Ngaˇ aˬ joˆ-ehˇ jahˇ-awˇ, aˬ cawˬ-eu mehˬ shi myaˆ pyawˬ ciˬ doˆ saˇ nmˇ. Nawˇ kʼawꞈ Iˇsaˬleˬlaˆ miˇ kʼahˬ laꞈ kʼoeˇ daˬ ga dui dui tehꞈ-a. Sahˬpaˬ-ahˇ yaw muiˬ paˬ-ehˇ ehˇ mehˬ nehˬ naˇ, nawˇ ngaˬ-ahˇ ya sheuˬ-eu yaw duˬ baw tehꞈ-a.”

Luˇkaꞈ 16:24

Kʼoeˇ ngeh, aˬ yawꞈ guˇ-awˇ ehˇ-eu, ‘Aˬ da Aˬbyaˬhaˬ-oˇ, ngaˬ-ahˇ gʼawˬ shaˬ gaˬ nehˬ laꞈ-awˬ. Laˬzaˬluˇ-euˬ laꞈ noeˇ iˇ cuꞈ-ahˇ bi cawˬ duiˆ-awˇ, ngaˬ-euˬ mehˬ laˇ coꞈ-iˇ ni tiˬ poˆ bi dzaˆ aˬ le sheˇ. Miˬ dzaˬ lahˇdui dui-eu miˇ neh tiˬ pawꞈ-iˬ maˬ daˬ coeˇ nya.’

HeˬByehˇ 10:2

Miˬyehˇ-ahˇ uˬ duˬ tahˬ-eu tsawˇ haˬ deuˬ maˇ maˇ ni iˬ baˇ bi shawˇ gʼaˬ jiˇ-euˬ ngeuˇ naˇ, yawˬ haˇ yawˬ ha iˬ baˇ ahˇ ma lehˇ maˬ paˇ noeˬ-ehˇ, lawˇ-eu shehˇ-eu jeˬ dawˬ tawˆ luꞈ naˬ jiˇ tehꞈ-a.

Yawˇbaˆ 33:30

Tsawˇ haˬ tiˬ gʼaˬ-euˬ saꞈ laˇ-ahˇ ka kʼoꞈ nehˬ-awˇ, laˬ kʼaˬ cehˇ taˆ ni bi dehꞈ-eu meh.

Iˇsaˬyaˇ 24:22

Guiˇ deuˆ gaˇ nyehꞈ mi-euˬ tsawˇ haˬ deuˬ, duˬ kʼahˬ tiˬ teuˇ bi nyehꞈ ahˇ-euˬ loꞈ-ehˇ, aˬ yawꞈ maꞈ-ahˇ Miˬyehˇ nyehꞈ ahˇ tehꞈ-a. Aˬ yawꞈ maꞈ-ahˇ kʼehˬ-eu aˇ nah maˬ keuˆ siˬ kʼoeˇ, bi nyehꞈ lahˇ taˬ tehꞈ-a.