Zaˬkaˬliˇ 8:21 - Akha

²¹ ‘Nga maꞈ nehˬ-ehˇ laˇ-awˬ. Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ leˇ-awˇ, guiˬ lahˬ shaˇ geuꞈ leˇ ma’ lehˇ, tiˬ meuˬ tiˇ meuˬ ehˇ tehꞈ-a.

Zaˬkaˬliˇ 8:21 Referans Kwoze

Zaˬkaˬliˇ 7:2

Beˬdaˬlaˇ meuˬ-ahˇ jawˇ-eu tsawˇ haˬ deuˬ, Sahˬleˬzaˬ hawˇ-eu Leˬgmˬmeˬlehˆ aˬ nyaꞈ hawˇ-eu aˬ yawꞈ maꞈ-euˬ tsawˇ haˬ deuˬ pyehˬ gʼeh laꞈ-awˇ, Sahˬpaˬ Miˬyehˇ guiˬ lahˬ biꞈ laꞈ ni, Uˬ duˬ tahˬ nymˇ nymˇ ma laꞈ kʼoeˇ guiˬ lahˬ bi shaˇ laˇ-awˇ,

Hawˇseˬ 6:3

Sahˬpaˬ Miˬyehˇ-ahˇ siˬ nya ni, aˬ dui leh jeh dui dui kaˇ-euˇ, Uˬ bya bya shawˇ laˇ-eu loꞈ-ehˇ, yehˇ gʼahˇ ahˇ dahˬ beh le luꞈ ngeh, miˇ tsaˬ tahˬ kʼawˇ-ahˇ yehˇ shehˬ-eu, uˬ yehˇ yaw duˬ baw-eu loꞈ-ehˇ, aˬ yawꞈ aˬ dui jawˇ gaˇ oe-eu, yaw duˬ baw meh” lehˇ ehˇ-eu meh.

Jaceuq 103:22

Aˬ yawꞈ kʼaˇ uˆ lahˇ keuˆ gaˇ jawˇ-eu, aˬ yawꞈ neh beh-euˬ kʼaˇ dehꞈ kʼaˇ jawˇ-eu jeˬ dawˬ tawˆ luꞈ, Sahˬpaˬ Miˬyehˇ-ahˇ ja ceuˬ-awˬ. Ngaˬ-euˬ nui ma-oˇ, Sahˬpaˬ Miˬyehˇ-ahˇ ja ceuˬ-awˬ.

Zaˬkaˬliˇ 8:22

Tsawˇ jeuˬ gʼawˬ mya ni hawˇ-eu, baoˬ huiˬ-eu miˇ kʼahˬ deuˬ Baoˬ huiˬ-eu Sahˬpaˬ Miˬyehˇ-ahˇ uˬ duˬ tahˬ-awˇ, guiˬ lahˬ shaˇ geuꞈ laˇ-eu lehˇ, Yeˬluˇsaˬlehˬ meuˬ-ahˇ laˇ tehꞈ-a.

2 Laˬsaˬbaˬ 11:16

Iˇsaˬleˬlaˆ tsawˇ jeuˬ dawˬ tawˆ luꞈ laꞈ kʼoeˇ, maˇ maˇ ni Iˇsaˬleˬlaˆ tsawˇ jeuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ uˬ duˬ tahˬ mawꞈ-eu tsawˇ haˬ deuˬ, aˬ yawꞈ maꞈ-euˬ aˬ poeˬ aˬ bawˇ deuˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ ya lawˇ ya shehˇ ni, Leˬbiˇ tsawˇ haˬ deuˬ-euˬ mehˬ nah Yeˬluˇsaˬlehˬ meuˬ-ahˇ caw teh gʼeh-euˬ meh.

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Yeˬlaˬmiˇ 31:6

Meuˬ-ahˇ loꞈ piˇ-eu tsawˇ haˬ deuˬ, aˬ dui maꞈ-euˬ Miˬyehˇ pyeuꞈ-eu Sahˬpaˬ Miˬyehˇ jawˇ gaˇ, Ziˇoˬ gawˬ jawˬ-ahˇ le beuˇ lehˇ, Eˇpaˬleˬ miˇ kʼahˬ gawˬ jawˬ gawˬ duˇ kʼoeˇ taˆ guˇ tehꞈ-a.”

Yoˇhaˬ 1:37

Zaˬ lahˇ kʼoeˇ nyiˬ gʼaˬ Yoˇhaˬ kʼoeˇ loꞈ-ehˇ ehˇ gaˇ gaˬ-awˇ, Yeˬsuˇ-euˬ mehˬ nah iˇ-euˬ meh.