Zaˬkaˬliˇ 8:17 - Akha

¹⁷ Tiˬ gʼaˬ tiˇ gʼaˬ laˆ coeˬ laˆ ciˆ-eu jeˬ taˬ mˇ. Maˬ tsaˬ maˬ dawˇ-eu laꞈ kʼoeˇ taˬ kamˬ. Jaˬ myawꞈ mehˇ shuiˇ hawˇ-eu, maˬ tsaˬ maˬ dawˇ-eu jeˬ, yaw haiˬ jeˬ, heu deuˬ mˇ gaˇ ngaˇ maˬ haw nahˇ nya.”

Zaˬkaˬliˇ 8:17 Referans Kwoze

Maˬlaˬkiˇ 3:5

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Yaˇ kʼaˬ daˇ-eu gʼaˇ duˬ naw maꞈ jawˇ gaˇ ngaˇ oe-awˇ, mah loˬ ja maw mˇ-euˬ deuˬ, aˬ cawˬ-euˬ miˬ zaˬ yo zaˬ-ahˇ bahˬ-euˬ deuˬ, maˬ tsaˬ maˬ dawˇ-eu saˇ kiˇ kamˬ-euˬ deuˬ, gʼaˬ gaˇ poeˬ maˬ biꞈ byah ni mehˇ shuiˇ shuiˇ dzaˬ-euˬ deuˬ, miˬ coeˬ miˬ ma, muˇ coeˬ aˬ nmˇ, aˬ cawˬ tsawˇ jeuˬ, heu deuˬ-ahˇ yehˬ bawˬ sehˇ lu-ehˇ gʼeh-euˬ deuˬ hawˇ-eu, ngaˬ-ahˇ yaw zeu maˬ baw-eu tsawˇ haˬ dawˬ tawˆ luꞈ-ahˇ, ngaˇ pyehˆ tseˇ duˬ ma.

Haˬbaˬkuˆ 1:13

Nawˬ-euˬ myaˆ nuiˆ shawˇ dui dui-awˇ, yaw lehˬ mˇ gaˇ maˬ haw nahˇ kʼawꞈ, haiˬ-eu deuˬ yaw doeˇ mˇ dehˆ-awˇ, tsawˇ muiˬ deuˬ bi myoꞈ ahˇ jiˇ gaˇ, aˬ jeˬ gʼeh haw haw-ehˇ jawˇ te.

Yeˬlaˬmiˇ 44:4

Miˬyehˇ gʼaˇ duˬ ngehˬ dah-euˬ ngaˬ-euˬ zaˬ kʼaˆ deuˬ-ahˇ, naw maꞈ jawˇ gaˇ maˬ tsehˆ leˇ ni ngaˇ pyehˬ gʼeh leꞈ-awˇ, ngaˇ bye dui dui-eu yaw jawꞈ jeˬ taˬ paˇ mˇ lehˇ bi ehˇ gaˬ le-euˬ ma.

Yeˬlaˬmiˇ 4:14

Yeˬluˇsaˬlehˬ meuˬ-oˇ, nawˇ buˬ-iˇ law-iˇ ni, nawˬ-euˬ nui ma laꞈ kʼoeˇ yaw haiˬ jeˬ tsiˬ shawˇ-awˬ. Aˬ myah keuˆ ni yaw haiˬ jeˬ shaˇ noeˬ-eu gʼeh te.

Dawqdaq 3:29

Nawˬ-ahˇ jah-awˇ nawˬ-euˬ dawˬ peh jawˇ-eu deuˬ-ahˇ, yaw doeˇ jahˇ-eu gaˇ kawˆ taˬ kawˆ.

Jaceuq 10:3

Yaw haiˬdeuˬ nui kʼahˇ mˇ dehˆ-awˇ, nui kʼahˇkʼahˬsehˇdeh luꞈ-eu meh. Nui kʼahˇhuiˬ-eu deuˬtuˇlaˇ-awˇ, SahˬpaˬMiˬyehˇ-ahˇ yaˬ-eu meh.

Maꞈtehˬ 15:19

Aˬ jeˬ miˇ neh ehˇ naˇ, nui ma laꞈ kʼoeˇ neh doˆ laˇ-euˬ jeˬ-aˬ, aˬ cawˬ-ahˇ sehꞈ-eu, aˬ cawˬ-euˬ miˬ zaˬ yo zaˬ-ahˇ bahˬ-eu, heu loꞈ-ehˇ gʼeh-eu maˬ muiˬ maˬ jaˬ-eu nui noeˬ deuˬ hawˇ-eu, tahˇ joe joe-eu, jaˬ myawꞈ myawꞈ-eu, aˬ cawˬ-ahˇ maˬ ngeuˇ-eu jeˬ dehˬ lehꞈ-eu, heu loꞈ-ehˇ gʼeh-eu maˬ tsaˬ maˬ dawˇ-eu nui noeˬ nui loˆ deuˬ meh.

Maꞈtehˬ 12:35

Tsawˇ muiˬ-aˬ, yawˬ ha neh jeˬ hmˬ taˬ-euˬ yaw muiˬ jeˬ beuˬ doˆ laꞈ-awˇ, tsawˇ doeˇ-aˬ, yawˬ ha neh jeˬ hmˬ taˬ-euˬ yaw doeˇ jeˬ beuˬ doˆ laꞈ tehꞈ-a.

Maꞈtehˬ 5:28

Ehˇ kʼawꞈ, naw maꞈ-ahˇ ngaˇ heu loꞈ-ehˇ ehˇ-eu ma. Tsawˇ haˬ tiˬ gʼaˬ zaˬ miˬ zaˬ tiˬ gʼaˬ-ahˇ haw-awˇ, yuꞈ taꞈ jawˇ taꞈ mawꞈ-eu nui ma ahˇ naˇ, nui ma laꞈ kʼoeˇ zaˬ miˬ zaˬ kʼoeˇ gʼaˬ-ahˇ bahˬ-euˬ muˆ-euˬ meh.

Zaˬkaˬliˇ 7:10

Miˬ coeˬ miˬ ma deuˬ, muˇ coe aˬ nmˇ deuˬ, naw maꞈ nehˬ-ehˇ jawˇ luꞈ-eu aˬ cawˬ tsawˇ jeuˬ deuˬ hawˇ-eu, shaˬ-eu zahˬ-eu tsawˇ haˬ deuˬ-ahˇ taˬ kʼehˬ taˬ kʼaˆ nehˬ. Tiˬ gʼaˬ tiˇ gʼaˬ laˆ coeˬ laˆ ciˆ-eu jeˬ taˬ mˇ’ lehˇ dawˬ biꞈ-euˬ ma.

Yeˬlaˬmiˇ 4:2

naw maꞈ saˇ jaˇ dzaˬ-awˇ kamˬ ngeh, ngaˬ-euˬ tsawˇ myahˇ zmˬ-awˇ kamˬ nya tehꞈ-a. Kʼoeˇ ngeh tsawˇ jeuˬ dawˬ tawˆ luꞈ kʼawꞈ, guiˬ lahˬ biꞈ laꞈ lehˇ ngaˬ-ahˇ shaˇ laˇ-awˇ ngaˬ-ahˇ ja ceuˬ tehꞈ-a.”

Dawqdaq 8:13

Sahˬpaˬ Miˬyehˇ taˬ huiˬ taˬ mahˇ-eu jeˬ-aˬ, yaw haiˬ jeˬ-ahˇ bye-eu gaˇ kawˆ meh. Nui ma huiˬ-eu mahˇ-eu jeˬ hawˇ-eu jahˇ gʼeh-eu jeˬ-ahˇ ngaˇ muiˇ-awˇ, yaw haiˬ jeˬ hawˇ-eu maˬ tsaˬ maˬ dawˇ-eu dawˬ-ahˇ ngaˇ bye-eu ma.

Dawqdaq 6:14

nui ma laꞈ gʼoꞈ-ahˇ yaw haiˬ jeˬ shaˇ sawˇ luꞈ-awˇ, iˬ dehˬ iˬ ceh poˆ-eu maˬ naˬ leˇ-a.

Zaˬkaˬliˇ 8:18

Baoˬ huiˬ-eu Sahˬpaˬ Miˬyehˇ-euˬ dawˬ Zaˬkaˬliˇ jawˇ gaˇ keuˆ le-euˬ-aˬ, heu loꞈ-ehˇ meh.

Jaceuq 101:3

Yaw haiˬ jeˬ-ahˇ ngaˇ maˬ taꞈ. Miˬyehˇ-ahˇ byehˇ dzeh-eu deuˬ mˇ gaˇ shaˇ gaˇ ngaˇ bye-eu ma. Aˬ yawꞈ maꞈ-ahˇ ngaˇ tiˬ jeˬ-iˬ maˬ taꞈ.