Zaˬkaˬliˇ 7:14 - Akha

¹⁴ Jaˬ lehˇ lehˇ ma baw-eu loꞈ-ehˇ, aˬ yawꞈ maꞈ-ahˇ aˬ cawˬ miˇ kʼahˬ doe ni baw dzeh gʼeh-awˇ bi jawˇ byaˆ jiˇ-awˇ, muiˬ-eu miˇ kʼahˬ heu kʼahˬ laꞈ kʼoeˇ tsawˇ haˬ tiˬ gʼaˬ-iˬ maˬ dzeˇ ni bi pyeuꞈ-iˇ-euˬ ma.”

Zaˬkaˬliˇ 7:14 Referans Kwoze

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Dawˬmehˬ 28:33

Shaˬ-eu zahˬ-eu laꞈ kʼoeˇ nawˬ neh ka taˬ-euˬ dzaˬ la gʼo cehˇ deuˬ-ahˇ, maˬ siˬ maˬ suˇ-eu boeˇ miˬ siˬ kʼaˬ deuˬ neh bi yuˇ geuꞈ jiˇ tehꞈ-a. Nawˬ-euˬ gʼaˇ duˬ tiˬ pawꞈ-iˬ maˬ bi dzeˇ yaꞈ-eu uˬ taꞈ, aˬ cawˬ neh bi kʼehˬ-awˇ, bi kʼaˆ dzaˬ gaˇ keuˆ ni nawˇ ya daˬ tehꞈ-a.

Yeˬlaˬmiˇ 23:19

Aˬ yawꞈ nui ma pehˇ-eu jeˬ-aˬ, haiˬ-eu tsawˇ haˬ deuˬ-euˬ uˬ duˬ-ahˇ ciˬ tahˬ-eu, mˬ jeˬ jaˬ lehˇ-ahˇ duˇ-eu meh.

Dawˬmehˬ 4:27

Aˬ cawˬ tsawˇ jeuˬ deuˬ yaw kaˬ-ahˇ naw maꞈ ya cehˆ byaˆ ni Sahˬpaˬ Miˬyehˇ jahˇ-awˇ, naw maꞈ laꞈkʼoeˇ tsawˇ haˬ ui cuiˆ tehꞈ-ehˇ kʼoeˇ gaˇ ya buˬ ya law-iˇ tehꞈ-a.

Zaˬkaˬliˇ 2:6

“Laˇ-awˬ. Laˇ-awˬ. Laꞈ taˆ pyawˬ-ahˇ jaˆ-eu miˇ kʼahˬ-ahˇ neh cehˆ gʼoꞈ kʼoꞈ laꞈ-awˬ” lehˇ Sahˬpaˬ Miˬyehˇ ehˇ-eu meh. “Mˬ taˆ jaˬ lehˇ lehˇ ma oeˬ pyawˬ neh, naw maꞈ-ahˇ ngaˇ teh byaˆ taˬ-euˬ ma” lehˇ, Sahˬpaˬ Miˬyehˇ ehˇ-eu meh.

Zeˬpaˬniˇ 3:6

Sahˬpaˬ Miˬyehˇ ehˇ-eu, “Miˇ tsaˬ tsawˇ jeuˬ dawˬ tawˆ luꞈ-ahˇ, ngaˇ laˆ cawˆ byoˆ nehˬ jiˇ-euˬ ma. Meuˬ-euˬ gaˇ ma ciˬ cuˇ jaˆ-awˇ, iˇ tsehˆ laˇ tsehˆ-eu maˬ jawˇ-a. Meuˬ dawˬ tawˆ luꞈ ciˬ cuˇ jaˆ-awˇ, tsawˇ haˬ tiˬ gʼaˬ-iˬ maˬ jawˇ-a.

Zaˬkaˬliˇ 9:14

Aˬ yawꞈ-euˬ tsawˇ haˬ deuˬ kʼoeˇ taˆ, Sahˬpaˬ Miˬyehˇ doˆ le tehꞈ-a. mˬ jeˬ tsawˬ tehˆ tehˆ-eu loꞈ-ehˇ, aˬ yawꞈ kaˆ myaˬ beuˆ leꞈ tehꞈ-a. Dawˬ tawˆ kʼoeˇ taˆ uˆ lahˇ luꞈ-eu, Sahˬpaˬ Miˬyehˇ daˇ heh baw-awˇ, laꞈ oˆ paw neh baw daˆ laꞈ-euˬ, jaˬ lehˇ lehˇ ma dziˬ laꞈ tehꞈ-a.

Haˬbaˬkuˆ 3:14

Cehˆ zaꞈ taˬ-euˬ yaw shaˬ zaˬ-ahˇ, nyehꞈ dzaˬ-eu lehˇ noeˬ tsoˆ taˬ-awˇ, jaˬ lehˇ lehˇ zeuˆ loꞈ-ehˇ oe-eu, guiˇ maꞈ kʼoeˇ maꞈ-euˬ aˬ yuiꞈ-ahˇ, aˬ yawꞈ-euˬ gahˬ nawˇ yuˇ doˆ-awˇ, uˬ duˬ joeˬ tsoˆ doˆ nehˬ-euˬ meh.

Naˬhmˬ 1:3

Sahˬpaˬ Miˬyehˇ baoˬ zawˇ huiˬ-awˇ, nui ma pehˇ laˇ-eu maˬ kawˇ-a. Ehˇ kʼawꞈ iˬ baˇ mˇ-eu deuˬ-ahˇ, maˬ kʼehˬ-ehˇ maˬ bi dzeuˇ-iˇ-a. Sahˬpaˬ Miˬyehˇ iˇ-eu gaˇ ma, mˬ jeˬ jaˬ lehˇ oe gʼeh leꞈ-awˇ, mˬ kʼoeˇ taˆ tmˬ luꞈ-eu mˬ dmˇ, aˬ yawꞈ cah pyuˬ-euˬ kʼaˬ lehˇ meh.

Aˬmoˆ 1:14

Kʼoeˇ miˇ neh, Laˬbah meuˬ-euˬ meuˬ lahˇ kʼoeˇ taˆ ngaˇ miˬ dzaˬ pyehˬ doꞈ-awˇ, meuˬ laꞈ kʼoeˇ ziꞈ dah ni tsoˆ taˬ-euˬ nymˇ nymˇ ma deuˬ-ahˇ ngaˇ keuˬ dzeh ma. Kʼoeˇ naˇ, guiˇ deuˆ ngeh nah yaw kʼaˆ-ehˇ guˇ-eu teˇ saˇ ya gaˬ-awˇ, jaˬ lehˇ lehˇ ma baw-eu loꞈ-ehˇ guiˇ deuˆ dui dui tehꞈ-a.

Daˬyeˬlaˇ 8:9

Uˬ coeˇ kʼoeˇ oeˬ kahˬ laꞈ kʼoeˇ tiˬ kahˬ-ahˇ, uˬ coeˇ coeˇ zaˬ tiˬ coeˇ tsoꞈ doˆ laˇ-euˬ meh. Uˬ coeˇ coeˇ yaˬ kʼoeˇ coeˇ-euˬ baoˬ, laꞈ oˆ paw pyawˬ-ahˇ maˬ ehˇ, nahˇ ma doˆ kʼehˬ paw pyawˬ-ahˇ maˬ ehˇ, muiˬ dui dui-eu miˇ kʼahˬ paw maˬ ehˇ, pymˬ tehˬ jiˇ gʼeh-euˬ meh.

Yeˬlaˬmiˇ 52:30

Aˬ yawꞈ sahˬ paˬ geuꞈ-eu nyiˬ tseˇ smˇ kʼoꞈ tiˬ kʼoꞈ-ahˇ Neˬbuˬzaˬlaˬdaˬ neh shiꞈ yaˇ oeˬ tseˇ ngaˬ gʼaˬ nyehꞈ gʼeh-euˬ meh. Dawˬ tawˆ luꞈ oeˬ heˇ koꞈ yaˇ gʼaˬ nyehꞈ gʼeh-euˬ meh.

Yeˬlaˬmiˇ 44:6

Kʼoeˇ miˇ neh, Yuˇdaˆ miˇ kʼahˬ laꞈ kʼoeˇ jaˆ-eu meuˬ deuˬ hawˇ-eu, Yeˬluˇsaˬlehˬ meuˬ-euˬ gaˇ ma doe ni, ngaˇ nui ma pehˇ dui dui-eu jeˬ tahˬ kʼaˇ daˆ nehˬ-awˇ, miˬ dzaˬ bi doˆ laˇ-euˬ ma. Meuˬ kʼoeˇ deuˬ cawˆ-iˇ jiˇ-awˇ, iˬ nah kʼaˇ ya mawˇ-eu loꞈ-ehˇ, guˆ laˇ paˬ-ehˇ pyeuꞈ-iˇ-euˬ meh.

Yeˬlaˬmiˇ 36:19

Kʼoeˇ ngeh, “Yeˬlaˬmiˇ naw nyaꞈ cehˆ zaꞈ-iˇ-awˇ, naw nyaꞈ aˬ geu gaˇ jawˇ-eu tsawˇ haˬ tiˬ gʼaˬ-iˬ taˬ bi siˬ” lehˇ, yaw huiˬ yaw mahˇ kʼoeˇ deuˬ Baˬluˆ-ahˇ ehˇ nehˬ-euˬ meh.

Yeˬlaˬmiˇ 30:23

Haw yawˬ. Sahˬpaˬ Miˬyehˇ nui ma pehˇ-eu mˬ jeˬ jaˬ lehˇ, miˬ dzaˬ loꞈ-ehˇ luˬ doˆ laˇ-awˇ, haiˬ-eu tsawˇ haˬ deuˬ-euˬ uˬ duˬ uˬ taˆ, jaˬ lehˇ lehˇ zeuˆ loꞈ-ehˇ keuˆ le tehꞈ-a.

Yeˬlaˬmiˇ 5:15

Iˇsaˬleˬlaˆ tsawˇ haˬ deuˬ-oˇ, naw maꞈ-ahˇ guiˇ bi deuˆ le-eu gʼaˇ duˬ, naw maꞈ-ahˇ dawˬ maˬ duˇ leˇ-eu, aˇ hu ba neh ziꞈ luꞈ-eu tsawˇ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ sheuˬ leꞈ tehꞈ-a.

Iˇsaˬyaˇ 21:1

Heu-aˬ, Baˬbuˇloˬ meuˬ-ahˇ taꞈ-eu Miˬyehˇ-euˬ dawˬ meh. Kʼaˇ shuiꞈ deh ga nyiˬ tsehˆ-ehˇ baw gʼeh leꞈ-eu, guˆ laˇ paˬ-ehˇ gʼeh-eu jaˬ lehˇ lehˇ zeuˆ loꞈ-ehˇ, guˆ laˇ paˬ-ehˇ gʼeh-eu miˇ kʼahˬ paw neh, guˆ-eu gaˆ-eu jeˬ keuˆ le tehꞈ-a.

Iˇsaˬyaˇ 17:13

Iˇ cuꞈ iˇ kʼawˇ oe-eu loꞈ-ehˇ, miˇ kʼahˬ tsawˇ jeuˬ deuˬ oe leꞈ kʼawꞈ, Miˬyehˇ aˬ yawꞈ maꞈ-ahˇ lmˬ ngeh, naˇ kʼah paw cehˆ gʼoꞈ-awˇ, gawˬ jawˬ uˬ du jaˆ-eu kʼaˬ lehˇ, jaˬ lehˇ neh bi baw byoˆ-eu loꞈ-ehˇ, jaˆ guˬ jaˆ gaˆ-ahˇ jaˬ lehˇ lehˇ ma hehˇ dzaˬ gʼeh-eu loꞈ-ehˇ, bi teh byoˆ jiˇ tehꞈ-a.

Jaceuq 58:9

Aˬ yawꞈ maꞈ-ahˇ maˬ siˬ leˇ mi naˆ-ehˇ, yaˇ moꞈ loꞈ-ehˇ bi myaˬ dzeh jiˇ tehꞈ-a. Miˬyehˇ nui ma pehˇ-eu laꞈ kʼoeˇ, aˬ yawꞈ maꞈ yaw dehꞈ-ehˇ jawˇ gaˇ myaˬ dzeh nehˬ tehꞈ-a.

2 Laˬsaˬbaˬ 36:21

Miˬyehˇ gʼaˇ duˬ ngehˬ dah-eu Yeˬlaˬmiˇ-ahˇ gʼoe-awˇ, Sahˬpaˬ Miˬyehˇ neh ehˇ taˬ-euˬ dawˬ deuˬ kʼoeˇ loꞈ-ehˇ byah laˇ-euˬ meh. “Jawˇ nah maˬ tawˬ-euˬ miˇ kʼahˬ kʼoeˇ kʼahˬ, tsawˇ haˬ maˬ jawˇ-ehˇ ciˬ cuˇ ni jaˆ-eu laꞈ kʼoeˇ, shiꞈ tseˇ kʼoꞈ jawˇ nah tawˬ-awˇ gʼaˬ naˬ ya naˬ dehˆ tehꞈ-a” lehˇ ehˇ taˬ-euˬ meh.

Dawˬmehˬ 28:49

Mˬ dzeˇ miˇ dzeˇ jawˇ-eu tsawˇ jeuˬ tiˬ jeuˬ-ahˇ, naw maꞈ jawˇ gaˇ Sahˬpaˬ Miˬyehˇ pyehˬ gʼeh leꞈ tehꞈ-a. Aˬ yawꞈ maꞈ-euˬ dawˬ naw maꞈ maˬ siˬ nya-a. Kʼaˬ dzeˇ ga le-eu loꞈ-ehˇ, naw maꞈ jawˇ gaˇ aˬ yawꞈ maꞈ ja pyuˬ ni ga keuˆ le tehꞈ-a.

Uˬ duˬ 26:33

Naw maꞈ kʼoeˇ taˆ guiˇ deuˆ-eu jeˬ ngaˇ bi keuˆ le-awˇ, aˬ cawˬ miˇ kʼahˬ laꞈ kʼoeˇ, tiˬ gaˇ tiˬ gʼaˬ-ehˇ naw maꞈ ya jawˇ byoˆ tehꞈ-a. Naw maꞈ-euˬ miˇ kʼahˬ ciˬ cuˇ ni jaˆ yaꞈ-awˇ, naw maꞈ-euˬ meuˬ deuˬ yaw pyaˆ yaw shaˆ-ehˇ jaˆ yaꞈ tehꞈ-a.

Uˬ duˬ 26:22

Jeˬ zaˬ yaw haiˬ deuˬ naw maꞈ jawˇ gaˇ ngaˇ pyehˬ gʼeh leꞈ-awˇ, naw maꞈ-euˬ zaˬ deuˬ-ahˇ kawꞈ sehꞈ-awˇ, naw maꞈ-euˬ jeˬ zaˬ deuˬ-ahˇ laˆ piˬ laˆ byoˆ nehˬ tehꞈ-a. Naw maꞈ tsawˇ haˬ ui cuiˆ tehꞈ-ehˇ dzeˇ-eu miˇ neh, naw maꞈ iˇ-eu gaˇ ma ciˬ cuˇ ni jaˆ tehꞈ-a.

Iˇsaˬyaˇ 66:15

Sahˬpaˬ Miˬyehˇ miˬ dzaˬ nehˬ-ehˇ zaꞈ ka le-awˇ, aˬ yawꞈ nui ma pehˇ-eu deuˬ-ahˇ kʼehˬ-eu gʼaˇ duˬ, jaˬ lehˇ lehˇ ma-euˬ aˬ dahˇ kʼoeˇ taˆ dziˬ-awˇ oe tehꞈ-a.

Iˇsaˬyaˇ 60:15

“Nawˬ-ahˇ bye-awˇ byehˇ dzeh-euˬ kʼawꞈ, meuˬ tsoeˬ bi tsoeˬ-iˇ-awˇ ciˬ cuˇ ni jaˆ-euˬ kʼawꞈ, tsawˇ myahˇ huiˬ-awˇ muiˬ dui dui-eu meuˬ paˇ bi pyeuꞈ laˇ-awˇ, tseˇ ziˇ zaˇ ziˇ laˬ kʼaˬ cehˇ-eu jawˇ duˬ bi pyeuꞈ laˇ ma.

Yeˬlaˬmiˇ 12:10

Boeˇ miˬ siˬ kʼaˬ sahˬ paˬ sahˬ ma deuˬ ga uiˬ-awˇ, ngaˬ-euˬ aˬ gaꞈ yaˇ kmˇ laˆ cawˆ-euˬ meh. Ngaˬ-euˬ deh yaˇ aˬ yawꞈ maꞈ nawˬ pahˬ-awˇ, muiˬ dui dui-eu miˇ tsaˬ kʼoeˇ-ahˇ kʼaˇ shuiꞈ deh yaˇ laˆ pyeuꞈ-eu meh.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Yeˬsaˬgeˬlaˇ 12:19

Heu-aˬ, maˬ jiˆ maˬ pawˇ-ehˇ yawˬ ha-euˬ miˇ kʼahˬ laꞈ kʼoeˇ ya jawˇ luꞈ-eu Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ neh ehˇ taˬ-euˬ dawˬ meh lehˇ, Iˇsaˬleˬlaˆ miˇ kʼahˬ kʼahˬ lah ni-ahˇ ehˇ gaˬ nehˬ-awˬ. Aˬ yawꞈ maꞈ dzaˬ ngeh dawˇ ngeh, guˆ-awˇ yaw dzuˬ ya dzuˬ tehꞈ-a. Aˬ yawꞈ maꞈ-euˬ miˇ kʼahˬ zaˬ dawˬ tawˆ luꞈ zahˇ sahˇ kʼoꞈ maˬ baw ni dehꞈ-eu miˇ neh, aˬ yawꞈ maꞈ-euˬ miˇ kʼahˬ neˇ myawˆ ni ya pyeuꞈ-iˇ tehꞈ-a.

Yeˬsaˬgeˬlaˇ 22:15

Nawˬ-euˬ tsawˇ haˬ deuˬ-ahˇ miˇ kʼahˬ yawˬ kʼahˬ na luꞈ doe ni, aˬ cawˬ tsawˇ jeuˬ kʼaˇ jawˇ gaˇ ngaˇ teh byaˆ nehˬ-awˇ, nawˬ neh mˇ-euˬ yaw haiˬ jeˬ aˇ saˬ bi saˬ ma.

Yawˇlaˆ 2:3

Miˬ dzaˬ puiˆ dzaˬ jiˇ-euˬ loꞈ-ehˇ, aˇ bawˇ kʼaˇ ngeuˇ-eu dzaˬ jiˇ-awˇ, aˬ yawꞈ maꞈ iˇ luꞈ-eu mehˬ hu, Eˬdeˬ yaˇ kmˇ loꞈ-ehˇ muiˬ kʼawꞈ, aˬ yawꞈ maꞈ iˇ dzeuˇ-euˬ naˇ kʼah, kʼaˇ shuiꞈ deh yaˇ pyeuꞈ jiˇ-eu meh. Tiˬ jeˬ-iˬ maˬ dzeuˇ-iˇ nya-a.

Zaˬkaˬliˇ 8:1

Baoˬ huiˬ-eu Sahˬpaˬ Miˬyehˇ-euˬ dawˬ, Zaˬkaˬliˇ jawˇ gaˇ heu loꞈ-ehˇ keuˆ le-euˬ meh.

Hawˇseˬ 9:17

Ngaˬ-euˬ Miˬyehˇ-euˬ tsawˇ haˬ deuˬ, aˬ yawꞈ ehˇ dawˬ leuˇ-eu miˇ neh, byehˇ dzeh nehˬ gaˇ ya daˬ tehꞈ-a. Aˬ cawˬ miˇ kʼahˬ doe ni cah-awˇ, jawˇ duˬ maˬ dah ni shaˬ tehꞈ-a.