Biblia Todo Logo
Bib sou entènèt

- Piblisite -




Zaˬkaˬliˇ 6:12 - Akha

12 Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh lehˇ aˬ yawꞈ-ahˇ ehˇ nehˬ-awˬ. ‘Uˬ laꞈ lehˇ myahˇ-euˬ tsawˇ haˬ kʼoeˇ gʼaˬ-aˬ, aˬ yawꞈ kʼaˇ jawˇ gaˇ huiˬ dui mahˇ dui dui-awˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma tsoˆ muiˬ tehꞈ-a.

Gade chapit la Kopi




Zaˬkaˬliˇ 6:12
37 Referans Kwoze  

Piˇ ma yaw huiˬ gʼaˬ pyeuꞈ-eu Yawˇshuˆ hawˇ-eu, Yawˇshuˆ-euˬ gaˇ mˇ cawˬ pyeuꞈ-eu Yawˇshuˆ mehˬ shi nuiˇ luꞈ-eu piˇ ma deuˬ naˇ haˬ sheˇ. Naw maꞈ- aˬ, mehˬ hu paw yaw muiˬ jeˬ keuˆ le-eu gaˇ kawˆ, saˇ kiˇ pyeuꞈ-eu meh. Aˇ bawˇ uˬ pyaˬ lehˇ myahˇ-euˬ ngaˬ-euˬ zaˬ kʼaˆ, naw maꞈ-ahˇ ngaˇ mehˬ nehˬ ma.


Aˇ nah aˇ yamˬ kʼoeˇ keuˆ laˇ ngeh, Daˬbiˇ-euˬ zaˬ deuˬ uˆ deuˬ laꞈ kʼoeˇ, yaw tsaˬ yaw dawˇ tsawˇ haˬ tiˬ gʼaˬ-ahˇ sahˬ paˬ bi geuꞈ-eu gʼaˇ duˬ ngaˇ tseˇ doˆ ma. Sahˬpaˬ kʼoeˇ gʼaˬ-aˬ, miˇ kʼahˬ kʼahˬ lah ni kʼoeˇ taˆ yaw tsaˬ yaw dawˇ jeˬ mˇ tehꞈ-a.


Sahˬpaˬ Miˬyehˇ ehˇ-eu, “Daˬbiˇ-euˬ zaˬ deuˬ uˆ deuˬ laꞈ kʼoeˇ yaw tsaˬ yaw dawˇ tiˬ gʼaˬ-ahˇ ngaˇ tseˇ doˆ-awˇ, sahˬ paˬ bi geuꞈ-eu aˇ nah aˇ yamˬ keuˆ laˇ luꞈ meh. Sahˬ paˬ kʼoeˇ gʼaˬ miˇ kʼahˬ-ahˇ uˆ lahˇ-eu zaˬ siˬ tsawˇ gahˇ byah-awˇ, miˇ kʼahˬ heu kʼahˬ kʼahˬ lah ni kʼoeˇ taˆ, yaw tsaˬ yaw dawˇ laꞈ kʼoeˇ uˆ lahˇ tehꞈ-a.


Yeˬshehˇ-euˬ sahˬ nyiꞈ dawˬ pehˬ-ahˇ, baw nmˬ nmˬ doˆ laˇ-awˇ, duˬ ciˇ-ahˇ uˬ laꞈ tsoꞈ doˆ laˇ-eu loꞈ-ehˇ, sahˬ paˬ yaw shuiꞈ doˆ laˇ tehꞈ-a.


Miˇ kʼahˬ heu kʼahˬ laꞈ kʼoeˇ, Sahˬpaˬ Miˬyehˇ sahˬ lahˬ aˇ bawˇ deuˬ paˇ bi jeˬ laˇ-awˇ, haw muiˬ dui dui-eu aˇ nah keuˆ le tehꞈ-a. Kʼaˇ dzeuˇ-iˇ-euˬ Iˇsaˬleˬlaˆ tsawˇ haˬ dawˬ tawˆ luꞈ, dzaˬ la gʼo cehˇ za dui dui le gaˇ kʼahˬ sehˇ ya jehˆ tehꞈ-a.


Miˇ tsaˬ gui gaˇ duˬ ciˇ toeˬ-eu aˇ bawˇ loꞈ-ehˇ, aˬ yawꞈ-euˬ zaˬ kʼaˆ dehꞈ ziꞈ laˇ nya ni, Sahˬpaˬ Miˬyehˇ nui kʼahˇ jaˆ meh. Zaˬ kʼaˆ gʼaˬ-ahˇ aˬ dui haw tsaˬ tsoˆ paˬ-ehˇ, haw muiˬ-eu jeˬ hawˇ-eu kʼahˬ sehˇ tiˬ pawꞈ-iˬ maˬ ahˇ-a. Aˬ yawꞈ-ahˇ aˬ dui haw nahˇ paˬ-ehˇ maˬ gʼeh-a. Aˬ yawꞈ laꞈ kʼoeˇ aˬ dui ya leˇ-eu jeˬ tiˬ pawꞈ-iˬ maˬ ahˇ-a.


Aˬ jeˬ miˇ neh ehˇ naˇ, aˬ yawꞈ neh tseˇ doˆ-euˬ tsawˇ haˬ-ahˇ gʼoe-awˇ, miˇ tsaˬ heu dawˬ tawˆ luꞈ-ahˇ yaw tsaˬ yaw dawˇ jeˬ neh yaˇ kʼaˬ daˇ-eu gʼaˇ duˬ, Miˬyehˇ neh toꞈ taˬ-euˬ aˇ nah tiˬ nah jaˆ meh. Tsawˇ haˬ kʼoeˇ gʼaˬ-ahˇ shiˇ-euˬ gaˇ paˇ bi gʼoꞈ dehꞈ laˇ-eu laꞈ kʼoeˇ, aˬ yawꞈ neh kʼoeˇ loꞈ-ehˇ lehˬ hmˬ taˬ-euˬ jaˆ-eu gaˇ kawˆ, tsawˇ haˬ dawˬ tawˆ luꞈ-ahˇ bi siˬ duˬ-euˬ meh.”


Piˇ ma yawˬ huiˬ gʼaˬ kʼaˇ geuꞈ-eu yawˬ gʼaˬ na luꞈ, Miˬyehˇ-ahˇ damˬ nehˬ-eu jeˬ hawˇ-eu lawˇ-eu shehˇ-eu jeˬ ya mˇ-eu meh. Kʼoeˇ loꞈ-ehˇ duˇ ni, aˬ dui-euˬ Piˇma Yaw huiˬ gʼaˬ kʼawꞈ, Miˬyehˇ-ahˇ ya lawˇ ya shehˇ meh.


Ehˇ kʼawꞈ, Yeˬsuˇ-aˬ, mˬ maˬ maˬ byaˆ zaˇ ziˇ dehꞈ-eu miˇ neh, aˬ yawꞈ piˇ ma geuꞈ-awˇ mˇ-euˬ gaˇ-ahˇ yawˬ gʼaˬ yawˬ ya mˇ daˆ leꞈ-eu maˬ baw-a.


Toˆ-ehˇ ngeuˇ naˇ, aˬ yawꞈ aˇ naˆ ni huiˬ-eu mahˇ-eu gaˇ kawˆ naw maꞈ noeˬ mawˇ nya tehꞈ-a. Aˬ dui-euˬ tsawˇ myahˇ doˆ dui dui-eu aˬ poeˬ pyeuꞈ-eu Aˬbyaˬhaˬ gʼeh, guiˇ kʼaˇ deuˆ za-euˬ jeˬ dawˬ tawˆ luꞈ laꞈ kʼoeˇ tseˇ bymˇ tiˬ bymˇ aˬ yawꞈ-ahˇ biꞈ-euˬ meh.


Aˬ jeˬ miˇ neh ehˇ naˇ, nga nyaꞈ-aˬ, Miˬyehˇ-euˬ gaˇ-ahˇ tiˬ kawˆ loꞈ-ehˇ mˇ luꞈ-eu gaˇ mˇ cawˬ pyeuꞈ-eu ma. Naw maꞈ-aˬ, Miˬyehˇ-euˬ deh yaˇ meh. Naw maꞈ-aˬ, Miˬyehˇ tsoˆ luꞈ-eu nymˇ meh.


Kʼoeˇ miˇ neh, aˬ yuiꞈ aˬ nyiˇ deuˬ-oˇ, naw maꞈ heu loꞈ-ehˇ siˬ duˬ-awˬ. Yeˬsuˇ baˬ da neh iˬ baˇ pyehˬ nehˬ-eu jeˬ-ahˇ za-eu gaˇ kawˆ naw maꞈ-ahˇ bya cehˆ ni bi gaˬ keuˆ le-awˇ,


Naˬdaˬneˬlaˇ-ahˇ Piˇluˇpuˆ mawˇ-awˇ ehˇ nehˬ-eu, “Moˇseˬ neh boꞈ-euˬ Zahˇ dawˬ kʼoꞈ dawˬ laꞈ kʼoeˇ hawˇ-eu Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ ehˇ taˬ-euˬ kʼoeˇ gʼaˬ-ahˇ nga maꞈ mawˇ-euˬ ma. Aˬ yawꞈ-aˬ, Naˬzaˬlehˇ meuˬ-ahˇ jawˇ-eu Yoˇsehˆ-euˬ aˬ li meh.”


Aˬ dui Miˬyehˇ nui nahˬ ahˇ-awˇ, gʼawˬ shaˬ gaˬ nya dui dui-eu meh. Ka kʼoꞈ-eu jeˬ aˬ dui kʼoeˇ taˆ, uˬ bya bya shawˇ laˇ-eu loꞈ-ehˇ,


Laꞈ yaꞈ-euˬ mehˬ shi yawꞈ luꞈ-eu yehˇ deuˬ kʼoeˇ taˆ aˬ yuiꞈ geuꞈ-eu gʼaˬ, Yeˬsuˇ saꞈ gʼawˇ tsehˆ gaˇ haw duˬ-awˇ ehˇ-eu, “Tsawˇ haˬ heu gʼaˬ maˇ maˇ ni Miˬyehˇ-euˬ Zaˬmaˇ law hawˇ nga.”


Kʼaˇ iˇ kʼaˇ laˇ tsehˆ-eu tsawˇ haˬ deuˬ uˬ duˬ juiꞈ juiꞈ-ehˇ naˬ gʼa-eu, “Aˬ heuˇ. Uˬ duˬ tahˬ nymˇ nymˇ ma deh pyaˆ dzeh-awˇ smˬ nah laꞈ kʼoeˇ paˇ tsoˆ kʼoꞈ nya-eu gʼaˬ-oˇ,


“‘Tsawˇ haˬ zaˬ neh tsoˆ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ deh pyaˆ dzeh jiˇ-awˇ, smˬ nah laꞈ kʼoeˇ tsawˇ haˬ zaˬ neh maˬ tsoˆ-euˬ Uˬ duˬ tahˬ nymˇ nymˇ ma ngaˇ paˇ tsoˆ kʼoꞈ ma’ lehˇ, tsawˇ haˬ teu gʼaˬ ehˇ-eu nga maꞈ gaˬ duˬ taˬ-euˬ ma.”


Aˬ yawꞈ nyaꞈ ehˇ-eu, “Tsawˇ haˬ teu gʼaˬ, Miˬyehˇ-euˬ Uˬ duˬ tahˬ nymˇ nymˇ ma-ahˇ deh pyaˆ dzeh jiˇ-awˇ, smˬ nah laꞈ kʼoeˇ paˇ tsoˆ kʼoꞈ nya ma lehˇ ehˇ-eu meh.”


Kʼoeˇ miˇ neh, ngaˇ nawˬ-ahˇ heu loꞈ-ehˇ ehˇ-eu ma. Beˬtuˆluˆ nawˇ-aˬ, kʼaˬ lo meh. Kʼaˬ lo heu kʼoeˇ taˆ dawˬ pehˬ taˬ-awˇ, ngaˬ-euˬ aˇ muˇ ngaˇ gawˇ daˆ leꞈ ma. Shiˇ-eu jeˬ-euˬ baoˬ, aˇ muˇ heu muˇ-ahˇ maˬ gʼa leˇ-a.


Sahˬpaˬ Miˬyehˇ Baoˬ huiˬ-eu gʼaˬ, heu loꞈ-ehˇ dawˬ biꞈ nehˬ-euˬ meh. “Mi cehˇ-oˇ, noeˬ laˇ-awˇ tuˇ-awˬ. Ngaˬ-euˬ yawˇ bi bo-euˬ tsawˇ haˬ, ngaˬ-euˬ dawˬ peh yawꞈ-eu gʼaˬ-ahˇ, sehꞈ-eu gʼaˇ duˬ yaw kawˇ tuˇ-awˬ. Yawˇ deuˬ cehˆ byoˆ cehˆ laˆ jiˇ ni, Yawˇ bo-eu gʼaˬ-ahˇ deuˆ sehꞈ-awˬ. Yawˇ zaˬ deuˬ-ahˇ ngaˇ kʼehˬ-eu ma.”


“Naw maꞈ gʼaˬ byehˆ taˬ byehˆ. Uˬ duˬ tahˬ nymˇ nymˇ ma tsoˆ muiˬ-eu lehˇ kʼaˬ lo gawˬ dahˬ beh ngeh, Miˬyehˇ gʼaˇ duˬ ngehˬ dah-euˬ deuˬ neh ehˇ-euˬ dawˬ kʼoeˇ, iˬ nah naw maꞈ paˇ ya gaˬ poˆ luꞈ-eu meh.


Aˬ yawꞈ-aˬ, nui saˇ oꞈ-eu jeˬ bi keuˆ le-eu gʼaˬ pyeuꞈ tehꞈ-a. Aˬshuˇliˆ tsawˇ haˬ deuˬ aˬ dui-euˬ miˇ kʼahˬ-ahˇ guiˇ deuˆ le-awˇ, ziꞈ dah ni tsoˆ taˬ-euˬ aˬ dui-euˬ nymˇ-ahˇ uˇ le ngeh, aˬ yawꞈ maꞈ-ahˇ bi deuˆ-eu gʼaˇ duˬ gʼaˬ kʼaˆ dui dui-eu aˬ yuiꞈ aˬ tsu deuˬ-ahˇ aˬ dui maꞈ pyehˬ gʼeh ma.


Uˬ duˬ tahˬ nymˇ nymˇ ma-euˬ dawˬ pehˬ gawˬ dahˬ beh ngeh jawˇ, pehˇ kʼahˬ pehˇ mahˇ dm taˬ-euˬ piˇ ma deuˬ aˬ laꞈ-ahˇ daˇ heh tuˆ tehˬ-awˇ jawˇ duˬ yuˇ-euˬ meh. Aˬsaˆ aˇ jeuˬ pyeuꞈ-eu Leˬbiˇ tsawˇ haˬ deuˬ kʼawꞈ, cehˇ lehˇ yuˇ-awˇ kʼoeˇ gaˇ yawꞈ-euˬ meh. Sahˬ paˬ Daˬbiˇ-euˬ ziˇ-ahˇ neh mehˬ ka leꞈ-euˬ Sahˬpaˬ Miˬyehˇ-ahˇ ja ceuˬ-eu caˇ dawˬ aˬ yawꞈ maꞈ caˇ-euˬ meh.


Yeˬluˇsaˬlehˬ meuˬ Uˬ duˬ tahˬ nymˇ nymˇ ma nymˇ coeˬ-ahˇ aˬ yawꞈ maꞈ gʼoꞈ keuˆ laˇ-euˬ nyiˬ kʼoꞈ tiˬ kʼoꞈ ba la nyiˬ siˬ tiˬ siˬ-ahˇ, Uˬ duˬ tahˬ nymˇ nymˇ ma tsoˆ dahˬ beh-euˬ meh. Zeˬluˇbaˬbeˬlaˇ, Yawˇshuˆ hawˇ-eu aˬ yawꞈ maꞈ-euˬ miˇ kʼahˬ zaˬ deuˬ pyeuꞈ-eu piˇ ma deuˬ, Leˬbiˇ tsawˇ haˬ deuˬ ahˇ leˇ-ehˇ, Baˬbuˇloˬ miˇ kʼahˬ-ahˇ neh kʼaˇ gʼoꞈ laˇ-euˬ tsawˇ haˬ dawˬ tawˆ luꞈ, Uˬ duˬ tahˬ nymˇ nymˇ ma tsoˆ-eu gaˇ mˇ-euˬ meh. Nyiˬ tseˇ kʼoꞈ-ahˇ neh laꞈ taˆ paw-euˬ Leˬbiˇ tsawˇ haˬ dawˬ tawˆ luꞈ-ahˇ, gaˇ mˇ gaˇ bi haw bi pyaˆ-euˬ meh.


Ka li-aˬ, iˬ baˇ shawˇ-eu gʼaˇ duˬ tiˬ poˆ tehꞈ-ehˇ lawˇ-euˬ kʼawꞈ, mˬ maˬ maˬ byaˆ zaˇ ziˇ gmˬ-eu lawˇ-eu jeˬ pyeuꞈ-awˇ, nymˬ-mˇ Miˬyehˇ-euˬ aˇ maˇ paw nuiˇ luꞈ-eu meh.


Kʼoeˇ ngeh, Yeˬsuˇ doˆ le-euˬ meh. Aˬ gah neh jahˇ taˬ-euˬ sah paˬ-euˬ uˬ kʼoˆ kʼoˆ luꞈ-awˇ, neˇ naˆ naˆ-eu pehˇ kʼahˬ pehˇ mahˇ dm luꞈ-eu meh. Sahˬ paˬ Piˇlaˆ ehˇ-eu, “Hehˬ. Tsawˇ haˬ heu gʼaˬ sheuˬ doˆ ha le-euˬ ma.”


Aˬ yawꞈ maꞈ-euˬ aˬ poeˬ Yaˬkoˆ-ahˇ ngaˬ neh biꞈ-euˬ miˇ kʼahˬ pyeuꞈ-eu, aˬ yawꞈ maꞈ-euˬ aˬ poeˬ aˬ bawˇ deuˬ jawˇ-eu miˇ kʼahˬ-ahˇ, aˬ yawꞈ maꞈ jawˇ tehꞈ-a. Aˬ yawꞈ maꞈ-euˬ ziˇ-ahˇ neh, zaˬ deuˬ uˆ deuˬ-euˬ ziˇ ahˇ keuˆ ni, mˬ maˬ maˬ byaˆ zaˇ ziˇ kʼoeˇ gaˇ ya jawˇ tehꞈ-a. Ngaˬ-euˬ zaˬ kʼaˆ Daˬbiˇ-ahˇ duˇ-eu sahˬ paˬ tiˬ gʼaˬ, mˬ maˬ maˬ byaˆ zaˇ ziˇ aˬ yawꞈ maꞈ-ahˇ uˆ lahˇ tehꞈ-a.


Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.


Aˬ yawꞈ-aˬ, ngaˬ-euˬ gʼaˇ duˬ uˬ duˬ tahˬ nymˇ ya tsoˆ-eu gʼaˬ pyeuꞈ-awˇ, aˬ yawꞈ-euˬ dzoeˬ dzaˬ ziꞈ ni ngaˇ caw ba nehˬ ma.


Kʼoeˇ naˇ, muiˬ-eu shawˇ-eu jawˇ duˬ pyeuꞈ-eu gʼahˇ ceh lawˆ-ahˇ, tsawˇ haˬ kʼoeˇ gʼaˬ ngaˬ-ahˇ sheuˬ uˇ gʼeh nehˬ laꞈ-euˬ meh. Aˇ lawˆ kʼoeˇ lawˆ-ahˇ uˇ leˇ-eu gaˇ ma-ahˇ tsawˇ haˬ kʼoeˇ gʼaˬ dza haw ngeh, yaw mahˇ paw tiˬ lmˇ nui paˆ byah-eu meh.


Swiv nou:

Piblisite


Piblisite