Zaˬkaˬliˇ 2:6 - Akha

⁶ “Laˇ-awˬ. Laˇ-awˬ. Laꞈ taˆ pyawˬ-ahˇ jaˆ-eu miˇ kʼahˬ-ahˇ neh cehˆ gʼoꞈ kʼoꞈ laꞈ-awˬ” lehˇ Sahˬpaˬ Miˬyehˇ ehˇ-eu meh. “Mˬ taˆ jaˬ lehˇ lehˇ ma oeˬ pyawˬ neh, naw maꞈ-ahˇ ngaˇ teh byaˆ taˬ-euˬ ma” lehˇ, Sahˬpaˬ Miˬyehˇ ehˇ-eu meh.

Zaˬkaˬliˇ 2:6 Referans Kwoze

Yeˬsaˬgeˬlaˇ 17:21

Nya dui kʼaˬ dui dui-eu aˬ yawꞈ-euˬ yehˇ deuˬ guiˇ deuˆ gaˇ bi sehꞈ jiˇ-awˇ, maˬ bi sehꞈ ni dzeuˇ-iˇ-euˬ yehˇ deuˬ tiˬ paw tiˬ gʼaˬ-ehˇ cehˆ byaˆ jiˇ tehꞈ-a. Kʼoeˇ ngeh jawˇ, Sahˬpaˬ Miˬyehˇ pyeuꞈ-eu ngaˬ neh ngehˬ-euˬ dawˬ naw maꞈ-ahˇ siˬ duˬ laˇ tehꞈ-a.”

Iˇsaˬyaˇ 48:20

Baˬbuˇloˬ meuˬ laꞈ kʼoeˇ neh doˆ-iˇ-awˇ, iˇ buˬ iˇ law gʼeh-awˬ. Gaˇ kawˆ kʼoeˇ laˬ kʼaˬ cehˇ taˆ ni guˇ-awˇ, yawˬ gaˇ na luꞈ bi gaˬ doe-awˬ. “Aˬ yawꞈ-euˬ zaˬ kʼaˆ Iˇsaˬleˬlaˆ-ahˇ, Sahˬpaˬ Miˬyehˇ ka kʼoꞈ-euˬ meh” lehˇ guˇ gaˬ-awˬ.

Panmaeq 18:4

Kʼoeˇ naˇ, mˬ kʼoeˇ taˆ heu loꞈ-ehˇ paˇ ehˇ-eu dawˬ-ahˇ ngaˇ ya gaˬ-euˬma. “Ngaˬ-euˬ tsawˇ haˬ deuˬ doˆ laˇ-awˬ. Aˬ yawꞈ jawˇ gaˇ neh doˆ laˇ-awˬ. Aˬ yawꞈ iˬ baˇ mˇ gaˇ taˬ ahˇ. Aˬ yawꞈ-euˬ shaˬ zahˬ taˬ caw pi.

Yeˬsaˬgeˬlaˇ 11:16

“Nymˬ-mˇ poˆ jawˇ, nawˬ nehˬ-ehˇ tiˬ kawˆ loꞈ-ehˇ bi nyehꞈ daˆ laꞈ-euˬ tsawˇ haˬ deuˬ-ahˇ, ngaˇ heu loꞈ-ehˇ ehˇ-eu meh lehˇ ehˇ nehˬ-awˬ. Aˬ yawꞈ maꞈ-ahˇ gaˇ mahˇ kaˬ-eu tsawˇ jeuˬ deuˬ jawˇ gaˇ biˇ jawˇ laˇ-awˇ, aˬ cawˬ miˇ kʼahˬ doe ni bi jawˇ byaˆ-euˬ gʼaˬ ngaˇ ma. Ehˇ kʼawꞈ, nymˬ-mˇ poˆ jawˇ-aˬ, aˬ yawꞈ maꞈ kʼaˇ jawˇ luꞈ-eu miˇ kʼahˬ laꞈ kʼoeˇ aˬ yawꞈ maꞈ nehˬ-ehˇ ngaˇ jawˇ ma.

Dawˬmehˬ 28:64

“Mˬ dzeˇ miˇ dzeˇ keuˆ ni jawˇ luꞈ-eu tsawˇ jeuˬ deuˬ jawˇ gaˇ Sahˬpaˬ Miˬyehˇ nawˬ-ahˇ teh byaˆ-awˇ, nawˇ hawˇ-eu nawˬ-euˬ aˬ poeˬ aˬ bawˇ deuˬ dzeuˇ laˇ ngeh tiˬ jawˇ-iˬ uˬ duˬ maˬ tahˬ haw-euˬ, daˇ kawˬ hawˇ-eu kʼaˬ lo neh jahˇ taˬ-euˬ miˬyehˇ deuˬ-ahˇ, kʼoeˇ gaˇ nawˇ uˬ duˬ ya tahˬ tehꞈ-a.

Aˇ dahˬ 19:17

“Naw maꞈ ya buˬ-iˇ ni cehˆ dzeuˇ tehˇ tehˬ-awˬ. Nahˇ gʼoꞈ taˬ paˇ gʼoꞈ haw. Deh ga heu maˬ cehˆ li kʼoeˇ keuˆ ni tiˬ gaˇ-iˬ taˬ naˬ. Naw maꞈ maˬ shiˇ-ehˇ ya dzeuˇ-iˇ ni, gawˬ jawˬ paw cehˆ daˆ leꞈ-awˬ” lehˇ, mˬ taˆ gʼaˬ kʼehˇ tiˬ gʼaˬ aˬ yawꞈ maꞈ-ahˇ ehˇ nehˬ-euˬ meh.

Zaˬkaˬliˇ 2:7

“Baˬbuˇloˬ miˇ kʼahˬ-ahˇ jawˇ-eu tsawˇ haˬ deuˬ-oˇ, Ziˇoˬ gawˬ jawˬ-ahˇ cehˆ gʼoꞈ doˆ laˇ yawˬ” lehˇ ehˇ-eu meh.

Aˬmoˆ 9:9

“Ngaˇ dawˬ biꞈ-awˇ, Iˇsaˬleˬlaˆ tsawˇ haˬ deuˬ-ahˇ cehˇ yaˇ yaˇ-eu loꞈ-ehˇ yaˇ ma. Aˬ cawˬ tsawˇ jeuˬ deuˬ nehˬ-ehˇ aˬ yawꞈ maꞈ-ahˇ puiˬ jeˬ jeˬ-awˇ, maˬ muiˬ-eu deuˬ dawˬ tawˆ luꞈ biˬ dzeh ma.

Yeˬsaˬgeˬlaˇ 5:12

Nawˬ-euˬ tsawˇ haˬ smˬ bymˇ tiˬ bymˇ-aˬ, naˇ-eu gawˇ-eu jeˬ hawˇ-eu mehꞈ-eu shuꞈ-eu jeˬ baˬ da neh meuˬ laꞈ kʼoeˇ ya shiˇ tehꞈ-a. Smˬ bymˇ tiˬ bymˇ-aˬ, meuˬ-euˬ laꞈ nyiˇ mi cehˇ neh bi sehꞈ tehꞈ-a. Dzeˇ-eu smˬ bymˇ tiˬ bymˬ-ahˇ jaˬ lehˇ laꞈ kʼoeˇ byaˆ dzeh-awˇ, ngaˬ-euˬ mi cehˇ neh caw teh ma.

Yeˬlaˬmiˇ 51:50

Baˬbuˇloˬ miˇ kʼahˬ laꞈ kʼoeˇ jawˇ-eu aˬ yawꞈ-euˬ tsawˇ haˬ deuˬ-ahˇ, Sahˬpaˬ Miˬyehˇ heu loꞈ-ehˇ ehˇ-eu meh. “Shiˇ-eu jeˬ-ahˇ naw maꞈ dzeuˇ-iˇ-euˬ meh. Maˬ nyi naˬ ni nymˬ-mˇ doˆ-iˇ-awˬ. Naw maꞈ gaˇ mahˇ kaˬ gaˇ jawˇ luꞈ kʼawꞈ, naw maꞈ-euˬ Sahˬpaˬ Miˬyehˇ pyeuꞈ-eu ngaˬ-ahˇ noeˬ mawˇ-awˇ, Yeˬluˇsaˬlehˬ meuˬ-ahˇ taˬ ngehˇ,

Yeˬlaˬmiˇ 51:45

Iˇsaˬleˬlaˆ tsawˇ haˬ deuˬ-oˇ, kʼoeˇ gaˇ maˬ jawˇ ni cehˆ-awˬ. Sahˬpaˬ Miˬyehˇ nui ma pehˇ-eu jeˬ-ahˇ dzeuˇ-iˇ nya ni cehˆ-awˬ.

Yeˬlaˬmiˇ 51:6

Baˬbuˇloˬ miˇ kʼahˬ-ahˇ neh cehˆ doˆ-awˬ. Uˬ kʼawˇ buˬ ni cehˆ-awˬ. Baˬbuˇloˬ miˇ kʼahˬ-euˬ iˬ baˇ baˬ da neh shiˇ gaˇ taˬ bi keuˆ. Miˇ kʼahˬ kʼoeˇ kʼahˬ-ahˇ oꞈ-eu geuˇ-eu loꞈ-ehˇ, nymˬ-mˇ ngaˇ kʼehˬ nehˬ luꞈ-eu ma.

Yeˬlaˬmiˇ 50:8

“Iˇsaˬleˬlaˆ tsawˇ haˬ deuˬ-oˇ, Baˬbuˇloˬ miˇ kʼahˬ-ahˇ neh cehˆ dzeuˇ-awˬ. Miˇ kʼahˬ kʼoeˇ kʼahˬ-ahˇ neh aˬ cawˬ mehˬ hu cehˆ doˆ-awˬ.

Yeˬlaˬmiˇ 31:10

Sahˬpaˬ Miˬyehˇ heu loꞈ-ehˇ ehˇ-eu meh. “Miˇ kʼahˬ tsawˇ jeuˬ dawˬ tawˆ luꞈ naˇ haˬ sheˇ. Iˬ ma laˆ shaˆ kʼoeˇ baˬ keuˆ ni ngaˬ-euˬ dawˬ naˬ gaˬ-awˬ. Ngaˬ-euˬ tsawˇ haˬ deuˬ-ahˇ ngaˇ teh byaˆ-euˬ ngeuˇ ma. Ehˇ kʼawꞈ aˬ yawꞈ maꞈ-ahˇ ngaˇ poˆ kʼoꞈ-awˇ, yawˇ bo-eu gʼaˬ yawˇ yawˇ maꞈ-ahˇ haw-eu loꞈ-ehˇ, aˬ yawꞈ maꞈ-ahˇ ngehˬ gʼeh dah teˬ ma.

Yeˬlaˬmiˇ 31:8

Laꞈ taˆ paw kʼahˬ-ahˇ neh aˬ yawꞈ maꞈ-ahˇ ngaˇ sheuˬ kʼoꞈ ka leꞈ-awˇ, mˬ dzeˇ miˇ dzeˇ-ahˇ neh poˆ kʼoꞈ uiˬ ma. Myaˆ behꞈ kuiˇ kuˆ hawˇ-eu gʼawˇ mawˇ maˬ ngehꞈ-eu deuˬ, aˬ nyiˇ ciˬ deˇ le-euˬ aˬ ma deuˬ ahˇ leˇ-ehˇ, teu myaˆ heu myaˆ maˬ siˬ ni gʼoꞈ uiˬ laˇ tehꞈ-a.

Yeˬlaˬmiˇ 15:4

Maˬnaˇseˬ-euˬ aˬ li Heˬsaˬgiˇ gʼaˬ Yuˇdaˆ miˇ kʼahˬ-ahˇ uˆ lahˇ ngeh, Yeˬluˇsaˬlehˬ meuˬ-ahˇ aˬ yawꞈ neh mˇ yaꞈ-eu jeˬ baˬ da neh, miˇ tsaˬ kʼoeˇ taˆ jawˇ-eu tsawˇ haˬ dawˬ tawˆ luꞈ guˆ-iˇ ni, aˬ yawꞈ maꞈ-ahˇ ngaˇ jahˇ nehˬ ma.”

Yeˬlaˬmiˇ 3:18

Iˇsaˬleˬlaˆ hawˇ-eu Yuˇdaˆ tiˬ gaˇ gm leˇ-awˇ, laꞈ taˆ paw jaˆ-eu miˇ kʼahˬ -ahˇ aˬ cawˬ neh bi nyehꞈ byoˆ gʼeh-euˬ gaˇ neh gʼoꞈ ka le-awˇ, naw maꞈ-euˬ aˬ poeˬ aˬ bawˇ deuˬ-ahˇ ngaˬ neh biꞈ tsehˆ taˬ-euˬ miˇ kʼahˬ-ahˇ ya gʼoꞈ jawˇ le tehꞈ-a.”

Yeˬlaˬmiˇ 1:14

Kʼoeˇ ngeh, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Miˇ kʼahˬ heu kʼahˬ-ahˇ kʼaˇ jawˇ-eu tsawˇ haˬ dawˬ tawˆ luꞈ kʼoeˇ taˆ, laꞈ taˆ paw neh shaˬ zahˬ guˆ gaˆ tahˬ kʼaˇ daˆ leꞈ tehꞈ-a.

Iˇsaˬyaˇ 55:1

Sahˬpaˬ Miˬyehˇ heu loꞈ-ehˇ ehˇ-eu meh. “Iˇ cuꞈ kʼaˇ mehꞈ-eu tsawˇ haˬ deuˬ, iˇ cuꞈ jaˆ gaˇ laˇ-awˬ. Pyuˇ maˬ ahˇ-eu tsawˇ haˬ deuˬ kʼawꞈ, zeuˇ dzaˬ zeuˇ dawˇ laˇ-awˬ. Pyuˇ maˬ ahˇ-ehˇ aˇ poeˬ maˬ biꞈ nya kʼawꞈ, aˬ gaꞈ dzaˇ uiˇ hawˇ-eu mawˇ neˇ aˬ coeˇ zeuˇ dawˇ laˇ-awˬ.

Luˇta 4:1

Meuˬ lahˇ kʼehˬ dawˬ peh jaˆ-eu, meuˬ-ahˇ jawˇ-eu tsawˇ haˬ deuˬ mehˬ bawˬ bawˬ dzaˬ duˬ-ahˇ Bawˇza le-awˇ, nuiˇ luꞈ-eu meh. Kʼoeˇ ngeh, aˬ yawꞈ neh Luˇta-ahˇ ehˇ nehˬ-euˬ Aˬliˇmaˬlehˇ-ahˇ aˬ yuiꞈ aˬ nyiˇ peh dzehˬ-eu tsawˇ haˬ kʼoeˇ gʼaˬ iˇ tsehˆ gʼeh gaˇ aˬ yawꞈ mawˇ-awˇ, “Mawˬ cawˬ-oˇ, heu gaˇ laˇ-awˇ nuiˇ laˇ-awˬ” lehˇ kuˇ-euˬ meh. Kʼoeˇ ngeh, tsawˇ haˬ kʼoeˇ gʼaˬ kʼoeˇ gaˇ le-awˇ nuiˇ leˇ-euˬ meh.

Maꞈtehˬ 24:31

Daˇ heh baw-eu teˇ saˇ yaw kʼaˆ-ehˇ mahˇ doˆ laˇ-awˇ, aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ heu coeˇ kʼoeˇ coeˇ doˆ ni jawˇ luꞈ-eu aˬ yawꞈ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Maˬkuˆ 13:27

Aˬ yawꞈ-euˬ mˬ taˆ gʼaˬ kʼehˇ deuˬ-ahˇ miˇ ma oeˬ coeˇ oeˬ pyawˬ-ahˇ aˬ yawꞈ pyehˬ gʼeh-awˇ, mˬ dzeˇ miˇ dzeˇ kʼoeˇ dzeˇ heu dzeˇ doˆ ni jawˇ luꞈ-eu, Miˬyehˇ neh tseˇ doˆ-euˬ tsawˇ haˬ deuˬ bi sheuˬ uiˬ laꞈ tehꞈ-a.

Jaceuq 44:2

Aˬcawˬtsawˇjeuˬtsawˇca deuˬ-ahˇ, nawˬ-euˬaˬlaꞈneh teh dzeh-awˇ, nga maꞈ-euˬpoeˬpiˬkʼoeˇdeuˬ-ahˇ, kʼoeˇgaˇjawˇduˬbi dah-euˬmeh. Tsawˇjeuˬkʼoeˇdeuˬ-ahˇnawˇkʼehˬ-awˇ, poeˬpiˬdeuˬbi dehꞈdzaˬ-euˬmeh.

Yeˬsaˬgeˬlaˇ 5:10

Kʼoeˇ loꞈ-ehˇ jahˇ nehˬ ngeh jawˇ, Yeˬluˇsaˬlehˬ meuˬ-ahˇ jawˇ-eu deuˬ, aˬ ma aˬ da deuˬ zaˬ deuˬ-euˬ shaˬ jiˇ ya dzaˬ gaˇ keuˆ-awˇ, zaˬ deuˬ aˬ ma aˬ da-euˬ shaˬ jiˇ ya dzaˬ gaˇ keuˆ tehꞈ-a. Nawˬ-ahˇ ngaˇ kʼehˬ-awˇ, yawˬ paw na luꞈ byaˆ dzeh gʼeh ngeh, yaw dehꞈ-ehˇ aˬ suˇ gʼaˬ dzeuˇ-iˇ nya nmˇ.

Daˬyeˬlaˇ 11:4

Ehˇ kʼawꞈ, aˬ yawꞈ baoˬ huiˬ dui dui luꞈ ngeh, aˬ yawꞈ-euˬ miˇ kʼahˬ kʼahˬ maˬ kʼoeˇ kʼahˬ, oeˬ paˆ paˆ-iˇ tehꞈ-a. Aˬ yawꞈ nehˬ-ehˇ aˇ jeuˬ aˇ ca maˬ taꞈ-eu deuˬ aˬ yawꞈ-euˬ jawˇ duˬ-ahˇ sahˬ paˬ geuꞈ tehꞈ-a. Ehˇ kʼawꞈ, aˬ yawꞈ maꞈ aˬ yawꞈ loꞈ-ehˇ baoˬ maˬ huiˬ-a.

Yeˬlaˬmiˇ 31:38

Sahˬpaˬ Miˬyehˇ heu loꞈ-ehˇ ehˇ-eu meh. “Nahˇ ma ga kʼehˬ paw jaˆ-eu meuˬ-ahˇ loꞈ piˇ-eu Haˬnaˬneˬlaˇ nymˇ goˇ ahˇ neh laꞈ coeˇ lahˇ kʼehˬ-ahˇ doˆ ni, Yeˬluˇsaˬlehˬ meuˬ meuˬ lah-ehˇ, paˇ gawˬ ziꞈ-eu aˇ yamˬ keuˆ le luꞈ meh.

Zaˬkaˬliˇ 1:16

Kʼoeˇ miˇ neh, Yeˬluˇsaˬlehˬ meuˬ-ahˇ gʼawˬ shaˬ gaˬ nehˬ-eu gʼaˇ duˬ ngaˇ paˇ gʼoꞈ le-euˬ ma. Ngaˇ nui ma pehˇ-eu jeˬ byoˆ-iˇ-awˇ, ngaˬ-euˬ Uˬ duˬ tahˬ nymˇ nymˇ ma tsoˆ muiˬ-awˇ, meuˬ paˇ gawˬ ziꞈ ma.”