Zaˬkaˬliˇ 14:11 - Akha

¹¹ Meuˬ laꞈ kʼoeˇ jawˇ-eu tsawˇ haˬ deuˬ, luˬ-iˇ seˇ-iˇ-eu jeˬ-ahˇ guˆ kʼaˇ maˬ za ni, nui saˇ oꞈ-eu laꞈ kʼoeˇ ya dehꞈ tehꞈ-a.

Zaˬkaˬliˇ 14:11 Referans Kwoze

Panmaeq 22:3

Meuˬ kʼoeˇ meuˬ laꞈ kʼoeˇ Miˬyehˇ neh yaˬ kʼehˇ bi yaˬ-euˬ jeˬ tiˬ jeˬ-iˬ maˬ ya mawˇ-a. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ meuˬ kʼoeˇ meuˬ-ahˇ jaˆ-awˇ, aˬ yawꞈ-euˬ zaˬ kʼaˆ deuˬ aˬ yawꞈ-ahˇ uˬ duˬ tahˬ tehꞈ-a.

Aˬmoˆ 9:15

Ngaˬ-euˬ tsawˇ haˬ heu deuˬ-ahˇ ngaˇ, aˬ yawꞈ maꞈ-euˬ miˇ kʼahˬ laꞈ kʼoeˇ, ziꞈ dah ni paˇ ka ziꞈ nehˬ ma. Ngaˬ neh biꞈ-euˬ miˇ kʼahˬ-ahˇ neh, ciˇ tahˬ maˬ bi gʼawˇ lehˆ ma lehˇ, naw maꞈ-euˬ Miˬyehˇ pyeuꞈ luꞈ-eu, ngaˇ Sahˬpaˬ Miˬyehˇ ehˇ-eu ma.”

Panmaeq 21:4

Aˬ yawꞈ maꞈ-euˬ myaˆ biˇ dawˬ tawˆ luꞈ-ahˇ aˬ yawꞈ siˆ shawˇ nehˬ tehꞈ-a. Shiˇ-eu jeˬ maˬ paˇ jaˆ-ehˇ, noeˬ shaˬ noeˬ zahˬ-eu jeˬ, ngoeˇ-eu jeˬ hawˇ-eu, naˇ-eu gawˇ-eu jeˬ maˬ paˇ jaˆ meh. Yaw oeˇ kʼoeˇ deuˬ dawˬ tawˆ luꞈ byoˆ jiˇ-euˬ meh.”

Zaˬkaˬliˇ 8:8

Nahˇ ma doˆ kʼehˬ ga kʼehˬ paw neh aˬ yawꞈ maꞈ-ahˇ ngaˇ sheuˬ kʼoꞈ uiˬ laꞈ-awˇ, Yeˬluˇsaˬlehˬ meuˬ-ahˇ bi jawˇ ma. Aˬ yawꞈ maꞈ ngaˬ-euˬ tsawˇ haˬ pyeuꞈ-awˇ, ngaˇ aˬ yawꞈ maꞈ-euˬ Miˬyehˇ pyeuꞈ-eu laꞈ kʼoeˇ, yaw tsaˬ yaw dawˇ jeˬ hawˇ-eu saˇ jaˇ ziꞈ-eu jeˬ neh aˬ yawꞈ maꞈ-ahˇ ngaˇ uˆ lahˇ ma.

Zaˬkaˬliˇ 8:4

Tsawˇ mawˬ mawˬ dui dui laˇ-awˇ, gawˬ yoeˬ toˆ toˆ-ehˇ cah-eu deuˬ, meuˬ-euˬ poˆ ka nuiˇ luꞈ gaˇ tiˬ poˆ paˇ ya mawˇ tehꞈ-a.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Yawˇlaˆ 3:20

Mˬ maˬ maˬ byaˆ zaˇ ziˇ jiˇ ni, Yuˇdaˆ miˇ kʼahˬ tsawˇ haˬ behˇ-awˇ, Yeˬluˇsaˬlehˬ ziˇ baw tehꞈ-a.

Yawˇlaˆ 3:17

“Kʼoeˇ ngeh jawˇ, Iˇsaˬleˬlaˆ-oˇ, SahˬpaˬMiˬyehˇ lehˇ kuˇ-eu ngaˇ, nawˬ-euˬ Miˬyehˇ pyeuꞈ-eu ma lehˇ, nawˇ siˬ duˬ mawˇ duˬ laˇ tehꞈ-a. Muiˬ-eu shawˇ-eu ngaˬ-euˬ gawˬjawˬ, Ziˇoˬ-euˬ kʼoeˇ taˆ ngaˇ jawˇ ma. Yeˬluˇsaˬlehˬ meuˬ shawˇ laˇ-awˇ, aˬ cawˬ neh bi deuˆ gʼaˬ-eu jeˬ, tiˬ jawˇ-iˬ maˬ paˇ keuˆ le meh.

Yeˬsaˬgeˬlaˇ 37:26

Aˬ yawꞈ maꞈ-ahˇ mˬ maˬ maˬ byaˆ zaˇ ziˇ nui saˇ bi oꞈ-eu dawˬ ma saˇ jaˇ ngaˇ dzaˬ ma. Aˬ yawꞈ maꞈ-ahˇ bi dehꞈ dzaˬ laˇ-awˇ, bi jeuˬ bi o le ma. Aˬ yawꞈ maꞈ-euˬ miˇ kʼahˬ laꞈ kʼoeˇ, ngaˬ-euˬ uˬ duˬ tahˬ nymˇ nymˇ ma mˬ maˬ maˬ byaˆ zaˇ ziˇ bi jaˆ ma.

Yeˬlaˬmiˇ 31:40

Lmˬ bymˇ jaˆ-awˇ yaw jawꞈ yaw laꞈ biˬ dzeh duˬ pyeuꞈ-eu deh kʼawꞈ kʼawꞈ lah-ehˇ maˬ ehˇ, Giˇdaˬloˬ lawˇ gawˆ kʼoeˇ taˆ paw dzeˇ, nahˇ ma doˆ kʼehˬ paw Mahˬ-euˬ lahˇ kʼehˬ-ahˇ keuˆ ni jaˆ-eu deh ga ga lah-ehˇ maˬ ehˇ, ngaˬ-euˬ gʼaˇ duˬ muiˬ-eu shawˇ-eu pehˇ tsahˇ pyeuꞈ laˇ tehꞈ-a. Meuˬ heu meuˬ-ahˇ tiˬ jawˇ-iˬ maˬ paˇ bi byaˆ-iˇ-ehˇ, tiˬ jawˇ-iˬ maˬ paˇ bi laˆ cawˆ ma.”

Iˇsaˬyaˇ 66:22

“Ngaˬ-euˬ baoˬ baˬ da neh, mˬ yaw shuiꞈ hawˇ-eu miˇ kʼahˬ yaw shuiꞈ maˬ cawˆ-iˇ ni ziꞈ-eu loꞈ-ehˇ, naw maꞈ-euˬ zaˬ deuˬ uˆ deuˬ hawˇ-eu naw maꞈ-eu tsawˇ myahˇ, maˬ cawˆ-iˇ ni ziꞈ tehꞈ-a.

Iˇsaˬyaˇ 60:18

Haiˬ-eu gaˇ kawˆ maˬ paˇ ya gaˬ haw-ehˇ, nawˬ-euˬ miˇ kʼahˬ-ahˇ laˆ cawˆ-eu jeˬ maˬ paˇ keuˆ le meh. Meuˬ lahˇ gawˬ-euˬ loꞈ-ehˇ nawˬ-ahˇ ngaˇ haw piˇ-awˇ, nawˬ-ahˇ ngaˇ ka kʼoꞈ-eu miˇ neh, ngaˬ-ahˇ nawˇ ya ja ceuˬ-euˬ tehꞈ-a.

Iˇsaˬyaˇ 26:1

Yuˇdaˆ miˇ kʼahˬ laꞈ kʼoeˇ caˇ dawˬ heu bymˇ ya caˇ-eu aˇ nah keuˆ le tehꞈ-a. Aˬ dui-euˬ meuˬ ziꞈ dui dui meh. Meuˬ meuˬ lahˇ-ahˇ Miˬyehˇ haw piˇ luꞈ meh.

Bawˇtsahˬ 21:3

Aˬ yawꞈ maꞈ-euˬ shaˇ dawˬ-ahˇ Sahˬpaˬ Miˬyehˇ naˇ haˬ geuꞈ-awˇ, Kaˬnaˬ tsawˇ jeuˬ-ahˇ gʼaˬ leˇ ni aˬ yawꞈ maꞈ-ahˇ caw ba nehˬ-euˬ meh. Kʼoeˇ naˇ, Kaˬnaˬ tsawˇ haˬ deuˬ hawˇ-eu aˬ yawꞈ maꞈ-euˬ meuˬ dawˬ tawˆ luꞈ-ahˇ Iˇsaˬleˬlaˆ tsawˇ haˬ deuˬ laˆ luˬ laˆ seˇ jiˇ-awˇ, jawˇ duˬ kʼoeˇ tsahˇ-ahˇ Hawˇmaˬ lehˇ kuˇ-euˬ meh.

Yeˬlaˬmiˇ 32:37

Ngaˇ nui ma pehˇ-eu laꞈ kʼoeˇ aˬ cawˬ miˇ kʼahˬ doe ni bi jawˇ byaˆ taˬ-euˬ ngaˬ-euˬ tsawˇ haˬ heu deuˬ-ahˇ paˇ sheuˬ uiˬ-awˇ, jawˇ duˬ heu tsahˇ-ahˇ paˇ sheuˬ kʼoꞈ keuˆ nehˬ-awˇ, nui saˇ oꞈ-eu laꞈ kʼoeˇ bi dehꞈ ma.

Zaˬkaˬliˇ 8:13

Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ-oˇ, dzeuˇ laˇ-euˬ aˇ yamˬ laꞈ kʼoeˇ aˬ cawˬ tsawˇ jeuˬ deuˬ tiˬ gʼaˬ tiˇ gʼaˬ yaˬ kʼehˇ yaˬ ngeh, ‘Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ loꞈ-ehˇ guiˬ lahˬ doeˇ luꞈ-uˇʼ lehˇ ehˇ-awˇ yaˬ-euˬ meh. Ehˇ kʼawꞈ, naw maꞈ-ahˇ ngaˇ ka kʼoꞈ nehˬ ma. Kʼoeˇ ngeh jawˇ, ‘Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ loꞈ-ehˇ guiˬ lahˬ za luꞈ-uˇʼ lehˇ, aˬ cawˬ tsawˇ jeuˬ kʼoeˇ deuˬ tiˬ gʼaˬ tiˇ gʼaˬ ehˇ tehꞈ-a. Teu miˇ neh, gʼaˬ byehˆ maˬ byehˆ-ehˇ, maˬ guˆ ni dehꞈ-awˬ.”

Dawˬmehˬ 33:28

Kʼoeˇ miˇ neh, Yaˬkoˆ-euˬ zaˬ deuˬ, dzaˬ la gʼo cehˇ aˬ gaꞈ dzaˇ uiˇ, dzaˬ ngeh maˬ jiˇ dawˇ ngeh maˬ shuꞈ, uˬ yehˇ loꞈ-ehˇ ceuˬ ga muiˬ-eu, miˇ kʼahˬ-ahˇ naw maꞈ ya jawˇ-awˇ, nui saˇ oꞈ-eu laꞈ kʼoeˇ dehꞈ-awˬ.

Zaˬkaˬliˇ 12:6

“Aˇ yamˬ kʼoeˇ yamˬ keuˆ laˇ ngeh jawˇ, Yuˇdaˆ tsawˇ jeuˬ tsawˇ ca deuˬ-ahˇ, aˇ bawˇ sahˬ kʼaˆ hawˇ-eu cehˇ myah laˇ-euˬ cehˇ yaˇ-ahˇ puiˆ-eu miˬ dzaˬ loꞈ-ehˇ bi pyeuꞈ laˇ ma. Dawˬ peh jaˆ-eu miˇ kʼahˬ dawˬ tawˆ luꞈ-ahˇ aˬ yawꞈ maꞈ laˆ cawˆ jiˇ tehꞈ-a. Yeˬluˇsaˬlehˬ tsawˇ haˬ deuˬ-aˬ, meuˬ laꞈ kʼoeˇ saˇ lehˆ ni ya jawˇ tehꞈ-a.