Zaˬkaˬliˇ 14:10 - Akha

¹⁰ Laꞈ taˆ paw jaˆ-eu Geˬdaˬ meuˬ-ahˇ neh, laꞈ oˆ paw jaˆ-eu Leˬmoˬ meuˬ-ahˇ keuˆ ni, miˇ kʼahˬ kʼahˬ lah ni saˇ lehˆ ni laˆ pyeuꞈ tehꞈ-a. Yeˬluˇsaˬlehˬ meuˬ-aˬ, dawˬ peh jaˆ-eu miˇ gahˬ deuˬ kʼoeˇ taˆ goˇ ca ni jaˆ tehꞈ-a. Meuˬ-euˬ jawˇ zaˇ-aˬ, Beˬyaˬmiˬ lahˇ kʼehˬ-ahˇ neh, yaw beh lahˇ kʼehˬ tiˬ kʼehˬ jaˆ-euˬ laꞈ coeˇ lahˇ kʼehˬ-ahˇ keuˆ ni hawˇ-eu, Haˬnaˬneˬlaˇ nymˇ goˇ-ahˇ neh, sahˬ paˬ-euˬ aˬ gaꞈ dzaˇ uiˇ lehˬ duˬ-ahˇ keuˆ ni jeˇ tehꞈ-a.

Zaˬkaˬliˇ 14:10 Referans Kwoze

Zaˬkaˬliˇ 12:6

“Aˇ yamˬ kʼoeˇ yamˬ keuˆ laˇ ngeh jawˇ, Yuˇdaˆ tsawˇ jeuˬ tsawˇ ca deuˬ-ahˇ, aˇ bawˇ sahˬ kʼaˆ hawˇ-eu cehˇ myah laˇ-euˬ cehˇ yaˇ-ahˇ puiˆ-eu miˬ dzaˬ loꞈ-ehˇ bi pyeuꞈ laˇ ma. Dawˬ peh jaˆ-eu miˇ kʼahˬ dawˬ tawˆ luꞈ-ahˇ aˬ yawꞈ maꞈ laˆ cawˆ jiˇ tehꞈ-a. Yeˬluˇsaˬlehˬ tsawˇ haˬ deuˬ-aˬ, meuˬ laꞈ kʼoeˇ saˇ lehˆ ni ya jawˇ tehꞈ-a.

Yawˇshuˆ 15:32

Leˇbaoˇ meuˬ, Shiˇlaˬheˬ meuˬ, Aˬiˇnaˆ meuˬ, Leˬmoˬ meuˬ, heu nyiˬ tseˇ gʼoeˬ meuˬ hawˇ-eu, meuˬ heu deuˬ-euˬ tahˬ gʼoꞈ tahˬ jawˇ jaˆ-eu meuˬ meuˬ zaˬ deuˬ meh.

Yeˬlaˬmiˇ 37:13

Ehˇ kʼawꞈ, Beˬyaˬmiˬ lahˇ kʼehˬ-ahˇ ngaˇ le keuˆ ngeh, lahˇ kʼehˬ-ahˇ loꞈ piˇ-eu yehˇ pyeuꞈ-eu Iˇliˇjaˬ lehˇ kuˇ-eu gʼaˬ, “Nawˇ Baˬbuˇloˬ tsawˇ haˬ jawˇ paw cehˆ uˇ leˇ-eu lehˇ gʼeh-eu nga” lehˇ ngaˬ-ahˇ ehˇ-eu meh. Iˇliˇjaˬ-euˬ aˬ da-aˬ, Sheˬleˬmiˇ meh. Aˬ yawꞈ-euˬ aˬ bawˇ-aˬ, Haˬnaˬniˇyaˆ meh.

Yeˬlaˬmiˇ 30:18

Sahˬpaˬ Miˬyehˇ heu loꞈ-ehˇ ehˇ-eu meh. “Ngaˬ-euˬ tsawˇ haˬ deuˬ yawˬ ha miˇ kʼahˬ-ahˇ paˇ bi gʼoꞈ jawˇ leˇ-awˇ, nymˇ jiˇ yawˬ jiˇ na luꞈ kʼoeˇ taˆ, ngaˇ gʼawˬ shaˬ gaˬ nehˬ ma. Yeˬluˇsaˬlehˬ meuˬ paˇ bi gawˬ muiˬ-awˇ, sahˬ paˬ jawˇ-eu hawˇ nymˇ paˇ bi tsoˆ ziꞈ ma.

1 Sahˬpaˬ 15:22

Kʼoeˇ naˇ, Yuˇdaˆ miˇ kʼahˬ doe ni Aˬsaˬ neh tsawˇ haˬ pyehˬ gʼeh-awˇ, “Tsawˇ haˬ yawˬ gʼaˬ na luꞈ laˇ-awˇ, Laˬmahˇ meuˬ gawˬ ziꞈ-eu gʼaˇ duˬ Bawˬshaˬ neh zmˬ-euˬ kʼaˬ lo hawˇ-eu daˇ kawˬ deuˬ baꞈ doˆ laˇ-awˬ” lehˇ bi tsaꞈ gaˬ doe-euˬ meh. Kʼaˬ lo hawˇ-eu daˇ kawˬ kʼoeˇ deuˬ-ahˇ Aˬsaˬ yuˇ-awˇ, Miˇzaˬpaˬ meuˬ hawˇ-eu Beˬyaˬmiˬ miˇ kʼahˬ-ahˇ jaˆ-eu Geˬbaˬ meuˬ tsoˆ muiˬ gaˇ zmˬ-euˬ meh.

Zaˬkaˬliˇ 2:4

Mˬ taˆ gʼaˬ kʼehˇ yaw beh gʼaˬ, aˬ yawꞈ jawˇ gaˇ oe-euˬ mˬ taˆ gʼaˬ kʼehˇ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Yaw kawˇ-ehˇ cehˆ coeˬ coeˬ-awˇ, daˇ dza aˇ caˆ yuˇ luꞈ-eu zaˬ guˬ kʼoeˇ gʼaˬ-ahˇ heu loꞈ-ehˇ ehˇ nehˬ-iˇ-awˬ. Yeˬluˇsaˬlehˬ meuˬ laꞈ kʼoeˇ, jeˬ zaˬ hawˇ-eu tsawˇ haˬ aˇ dzehˬ myaˬ dzeuˇ-eu miˇ neh, meuˬ meuˬ lahˇ kʼoeˇ maˬ deˇ leˇ-a. Teu miˇ neh meuˬ meuˬ lahˇ maˬ bi jaˆ nya-a lehˇ ehˇ nehˬ-awˬ.

Yeˬlaˬmiˇ 38:7

Ehˇ kʼawꞈ, aˬ yawꞈ maꞈ neh ngaˬ-ahˇ lah duˬ laꞈ kʼoeˇ nyehꞈ ahˇ-euˬ gaˇ kawˆ-ahˇ, sahˬ paˬ-euˬ hawˇ nymˇ laꞈ kʼoeˇ yaw huiˬ yaw mahˇ tiˬ gʼaˬ geuꞈ luꞈ-eu Suˬdaˬ tsawˇ haˬ Eˇbehˆmeˬlehˆ ya gaˬ-euˬ meh. Kʼoeˇ ngeh, Beˬyaˬmiˬ lahˇ kʼehˬ dawˬ peh sahˬ paˬ nuiˇ luꞈ-eu meh.

Neˬhaˬmiˇ 3:1

Yeˬluˇsaˬlehˬ meuˬ lahˇ paˇ gawˬ muiˬ-euˬ gaˇ kawˆ-aˬ, heu loꞈ-ehˇ meh. Piˇ ma Yaw huiˬ gʼaˬ pyeuꞈ-eu Eˇlaˬshiˆ hawˇ-eu aˬ yawꞈ-euˬ cawˬ piˇ ma deuˬ Yawˇ lahˇ kʼehˬ-ahˇ gawˬ muiˬ-awˇ, Miˬyehˇ-ahˇ a nehˬ-awˇ laˇ gʼoˆ paꞈ dawˆ tsoꞈ-euˬ meh. Tiˬ yaˇ gʼaˬ loꞈ-eu nymˇ goˇ hawˇ-eu Haˬnaˬneˬlaˇ-euˬ loꞈ-eu nymˇ goˇ-ahˇ keuˆ ni jaˆ-eu meuˬ meuˬ lahˇ-ahˇ aˬ yawꞈ maꞈ Miˬyehˇ-ahˇ a nehˬ-euˬ meh.

Yaˇ kʼaˬ daˇ 20:47

Ehˇ kʼawꞈ, deh ga caw caw-ehˇ Leˬmoˬ lo guˇ paw tsawˇ haˬ koꞈ yaˇ gʼaˬ cehˆ-awˇ, cehˆ dzeuˇ-euˬ meh. Ba la oeˬ siˬ byah ni, aˬ yawꞈ maꞈ kʼoeˇ gaˇ jawˇ-euˬ meh.

Yaˇ kʼaˬ daˇ 20:45

Tiˬ deuˬ-aˬ, Leˬmoˬ lo guˇ paw ciˬ pyawˇ-awˇ, deh ga caw caw-ehˇ cehˆ-euˬ meh. Kʼoeˇ deuˬ kʼawꞈ, gaˇ pehˇ-ahˇ ngaˬ heˇ gʼaˬ bi sehꞈ-euˬ meh. Dzeˇ-eu deuˬ-aˬ, Giˇdmˬ meuˬ paw cehˆ-awˇ, nyiˬ heˇ gʼaˬ paˇ bi sehꞈ-euˬ meh.

Aˬmoˆ 9:11

Sahˬpaˬ Miˬyehˇ ehˇ-eu, “Coˬ pyaˆ coˬ shaˆ taˬ-euˬ nymˇ tiˬ nymˇ-ahˇ duˇ-eu Daˬbiˇ-euˬ miˇ kʼahˬ-ahˇ ngaˇ paˇ ciˬ tuˇ nehˬ-eu aˇ nah keuˆ le tehꞈ-a. Meuˬ meuˬ lahˇ deuˬ-ahˇ ngaˇ gawˬ muiˬ-awˇ, meuˬ deuˬ paˇ tsoˆ muiˬ nehˬ-eu laꞈ kʼoeˇ, aˇ hu ba kʼaˇ jaˆ-euˬ loꞈ-ehˇ aˬ yawꞈ yaw oeˇ-ahˇ duˇ ni laˆ saˆ muiˬ nehˬ ma.

Iˇsaˬyaˇ 10:29

Aˬ yawꞈ maꞈ gʼaˬ lahˇ oe tsehˆ-awˇ, Geˬbaˬ meuˬ-ahˇ uˬ ciꞈ oe yaꞈ-euˬ meh. Laˬmahˇ meuˬ-ahˇ jawˇ-eu tsawˇ haˬ deuˬ guˆ dui dui-awˇ, Sawˇluˆ-euˬ meuˬ pyeuꞈ-eu Giˇbyaˬ meuˬ-ahˇ jawˇ-eu deuˬ cehˆ byaˆ jiˇ-euˬ meh.

Iˇsaˬyaˇ 2:2

Aˬ kaˇ mehˬ hu paw keuˆ le-eu aˇ nah aˇ yamˬ laꞈ kʼoeˇ, Sahˬpaˬ Miˬyehˇ-euˬ Uˬ duˬ tahˬ nymˇ nymˇ ma jaˆ-eu gawˬ jawˬ kʼoeˇ, gawˬ jawˬ dawˬ tawˆ luꞈ kʼoeˇ taˆ goˇ dzehˬ laˇ-awˇ, gawˬ duˇ dawˬ tawˆ luꞈ kʼoeˇ taˆ jaˆ tehꞈ-a. Tsawˇ jeuˬ dawˬ tawˆ luꞈ kʼoeˇ gaˇ le uiˬ jiˇ-awˇ,

Neˬhaˬmiˇ 12:39

Kʼoeˇ gaˇ neh naˇ, Eˇpaˬleˬ lahˇ kʼehˬ, Yeˬshaˬnahˬ lahˇ kʼehˬ, Ngaˬ shaˬ lahˇ kʼeh, Haˬnaˬneˬlaˇ nymˇ goˇ, Tiˬ yaˇ gʼaˬ-euˬ nymˇ goˇ hawˇ-eu Yawˇ lahˇ kʼehˬ iˇ dzeuˇ-awˇ, Uˬ duˬ tahˬ nymˇ nymˇ ma -euˬ lahˇ kʼehˬ-ahˇ keuˆ ni iˇ-euˬ ma.

2 Laˬsaˬbaˬ 25:23

Yeˬhawˇshaˆ neh Aˬmaˬziˇ-ahˇ nyehꞈ mi-awˇ, Yeˬluˇsaˬlehˬ meuˬ-ahˇ sheuˬ kʼoꞈ gʼeh-awˇ, Yeˬluˇsaˬlehˬ meuˬ meuˬ lahˇ-ahˇ, Eˇpaˬleˬ lahˇ kʼehˬ-ahˇ neh Laꞈcoeˇ-euˬ lahˇ kʼehˬ-ahˇ keuˆ ni, tiˬ yaˇ lmˇ ehˇ gʼaˬ ni laˆ byaˆ nehˬ-euˬ meh.

1 Laˬsaˬbaˬ 6:77

Miˇ tsaˬ maˬ za-ehˇ dzeˇ-eu Meˬlaˬliˇ aˇ jeuˬ deuˬ-ahˇ biꞈ-euˬ meuˬ deuˬ-aˬ, heu deuˬ meh. Zeˬbuˬloˬ miˇ kʼahˬ laꞈ kʼoeˇ, Leˬmoˬnoˬ meuˬ, Taˬbawˬ meuˬ hawˇ-eu, meuˬ heu nyiˬ meuˬ-euˬ jawˬ jawˬ-ehˇ jaˆ-eu jeˬ zaˬ gaˆ kʼahˬ deuˬ meh.

1 Laˬsaˬbaˬ 4:32

Kʼoeˇ uˬ taꞈ, Eˇtamˬ meuˬ, Aˬiˇ meuˬ, Leˬmoˬ meuˬ, Tawˇsheˬ meuˬ, Aˇshah meuˬ heu ngaˬ meuˬ hawˇ-eu,

Yaˇ kʼaˬ daˇ 21:13

Kʼoeˇ naˇ, Iˇsaˬleˬlaˆ tsawˇ haˬ aˇ maꞈ aˇ muˇ dawˬ tawˆ luꞈ, Leˬmoˬ lo guˇ-ahˇ jawˇ luꞈ-eu Beˬyaˬmiˬ tsawˇ haˬ deuˬ-ahˇ, Guiˇ maˬ paˇ deuˆ ma lehˇ bi ehˇ gaˬ-iˇ-euˬ meh.

Yawˇshuˆ 21:17

Beˬyaˬmiˬ miˇ kʼahˬ laꞈ kʼoeˇ aˬ yawꞈ maꞈ-ahˇ biˇ oꞈ nehˬ-euˬ meuˬ oeˬ meuˬ-aˬ, Giˇbyoˬ meuˬ, Geˬbaˬ meuˬ,

2 Sahˬpaˬ 14:13

Yeˬhawˇshaˆ neh Aˬmaˬziˇ-ahˇ nyehꞈ-awˇ, Yeˬluˇsaˬlehˬ meuˬ-ahˇ le-awˇ, Eˇpaˬleˬ lahˇ kʼehˬ-ahˇ neh Laꞈcoeˇ lahˇ kʼehˬ-ahˇ keuˆ ni jaˆ-eu, tiˬ yaˇ lmˇ mahˇ-eu meuˬ meuˬ lahˇ kʼoeˇ pyawˬ laˆ byaˆ yaꞈ-euˬ meh.

Yeˬlaˬmiˇ 20:2

ngaˬ-ahˇ diˬ-awˇ, Uˬ duˬ tahˬ nymˇ nymˇ ma-euˬ lahˇ-ahˇ jaˆ-eu Beˬyaˬmiˬ lahˇ kʼehˬ laꞈ taˆ kʼehˬ dawˬ peh shmˇ caˆ paꞈ-awˇ bi jawˇ-eu gʼaˇ duˬ aˬ yawꞈ dawˬ biꞈ-euˬ meh.

2 Laˬsaˬbaˬ 26:9

Yeˬluˇsaˬlehˬ meuˬ-euˬ meuˬ lahˇ-ahˇ jaˆ-eu Laꞈcoeˇ lahˇ kʼehˬ, Deh kʼawꞈ lahˇ kʼehˬ hawˇ-eu meuˬ lahˇ laꞈ coeˇ-ahˇ, meuˬ-ahˇ loꞈ piˇ-eu nymˇ goˇ tsoˆ-eu laꞈ kʼoeˇ, meuˬ lahˇ-ahˇ aˬ yawꞈ ziꞈ dah ni laˆ ziꞈ-euˬ meh.

Miˇkaˬ 4:1

Aˇ nah heu nah keuˆ le tehꞈ-a. Uˬ duˬ tahˬ nymˇ nymˇ ma jaˆ-eu gawˬ jawˬ kʼoeˇ jawˬ goˇ dui dui-awˇ, gawˬ jawˬ gawˬ duˇ dawˬ tawˆ kʼoeˇ taˆ, huiˬ dui goˇ dui dui luꞈ tehꞈ-a. Tsawˇ jeuˬ dawˬ tawˆ kʼoeˇ gaˇ laˇ-awˇ,

Zaˬkaˬliˇ 8:3

Ngaˬ-euˬ muiˬ-eu shawˇ-eu meuˬ pyeuꞈ-eu Yeˬluˇsaˬlehˬ meuˬ-ahˇ ngaˇ gʼoꞈ jawˇ le ma. Meuˬ kʼoeˇ-ahˇ saˇ jaˇ ziꞈ-eu meuˬ lehˇ aˬ cawˬ kuˇ-awˇ, Baoˬ huiˬ-eu Sahˬpaˬ Miˬyehˇ-euˬ gawˬ jawˬ-ahˇ muiˬ-eu shawˇ-eu gawˬ jawˬ lehˇ kuˇ tehꞈ-a.