Zaˬkaˬliˇ 12:8 - Akha

⁸ Aˇ yamˬ kʼoeˇ yamˬ keuˆ laˇ ngeh, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ Sahˬpaˬ Miˬyehˇ haw piˇ-awˇ, gʼaˬ baˬ dui dui-eu tsawˇ haˬ tiˬ gʼaˬ-ahˇ keuˆ ni, Daˬbiˇ naˆ ni gʼaˬ ahˇ tehꞈ-a. Daˬbiˇ-euˬ zaˬ deuˬ uˆ deuˬ, Sahˬpaˬ Miˬyehˇ-euˬ gʼaˬ kʼehˇ loꞈ-ehˇ maˬ ehˇ, Miˬyehˇ-euˬ mawˇ do loꞈ-ehˇ maˬ ehˇ, aˬ yawꞈ maꞈ-ahˇ sheuˬ gʼeh tehꞈ-a.

Zaˬkaˬliˇ 12:8 Referans Kwoze

Zaˬkaˬliˇ 9:8

Ngaˬ-euˬ miˇ kʼahˬ ngaˇ loꞈ piˇ-awˇ, iˇ tsehˆ laˇ tsehˆ-eu maˬ bi jaˆ. Ngaˇ haw tsoˆ-awˇ loꞈ-eu miˇ neh, kʼehˬ dzaˬ kʼaˆ dzaˬ-eu tsawˇ haˬ deuˬ, aˬ yawꞈ maꞈ-ahˇ maˬ toeˬ ciˆ-a.

Zaˬkaˬliˇ 2:5

Sahˬpaˬ Miˬyehˇ-euˬ mawˇ do miˬ dzaˬ kaˇ pyawˇ loꞈ-ehˇ meuˬ-ahˇ haw piˇ-eu uˬ taꞈ, aˬ yawꞈ-euˬ yaw shehꞈ kʼahˬ sehˇ dawˬ tawˆ luꞈ pi-awˇ kʼoeˇ gaˇ jawˇ ma lehˇ, Sahˬpaˬ Miˬyehˇ saˇ jaˇ dzaˬ taˬ-euˬ meh lehˇ ehˇ nehˬ-awˬ.”

Miˇkaˬ 7:16

Aˬ cawˬ tsawˇ jeuˬ deuˬ gʼaˬ kʼaˆ dui dui kʼawꞈ, kʼoeˇ loꞈ-ehˇ mˇ mehˬ nehˬ ngeh nui ma gʼaˬ baˬ dui dui-iˇ tehꞈ-a. Aˬ yawꞈ maꞈ zahˬ leˇ jiˇ-awˇ, kʼaˬ meh hawˇ-eu naˬ bawˇ dehˬ kaˬ tehꞈ-a.

Miˇkaˬ 7:8

Muiˇ-eu deuˬ aˬ dui-ahˇ aˬ jaꞈ maˬ paˇ jaꞈ nya meh. Aˬ dui coˬ-iˇ gʼaˬ-euˬ kʼawꞈ tiˬ poˆ paˇ tuˇ laˇ tehꞈ-a. Nymˬ-mˇ aˬ dui yaw zahˇ laꞈ kʼoeˇ ya jawˇ kʼawꞈ, Sahˬpaˬ Miˬyehˇ aˬ dui-ahˇ yaw shehꞈ biꞈ laꞈ tehꞈ-a.

Yawˇlaˆ 3:10

Nyoˬ tsehˬ-ahˇ mi cehˇ tehˆ pyeuꞈ-awˇ, yehˬ kʼoꞈ-ahˇ gahˬ tehˆ pyeuꞈ jiˇ-awˬ. Gʼaˬ baˬ dui dui-eu tsawˇ haˬ kʼawꞈ, guiˇ dzoeˬ aˬ da ma lehˇ lmˬ-awˬ.

Hawˇseˬ 3:5

Ehˇ kʼawꞈ, Iˇsaˬleˬlaˆ tsawˇ haˬ deuˬ aˬ yawꞈ maꞈ-euˬ Miˬyehˇ pyeuꞈ-eu Sahˬpaˬ Miˬyehˇ hawˇ-eu, aˬ yawꞈ maꞈ-euˬ sahˬ paˬ Daˬbiˇ-euˬ tsuiꞈ laꞈ oˆ dehꞈ le-euˬ tsawˇ haˬ tiˬ gʼaˬ jawˇ paw paˇ gʼoꞈ kʼoꞈ laˇ-eu aˇ nah tiˬ nah jaˆ tehꞈ-a. Kʼoeˇ ngeh jawˇ, aˬ yawꞈ maꞈ Sahˬpaˬ Miˬyehˇ-ahˇ guˆ-awˇ, aˬ yawꞈ neh biꞈ-euˬ muiˬ-eu guiˬ lahˬ deuˬ za tehꞈ-a.

Panmaeq 22:16

“Ngaˇ Yeˬsuˇ-aˬ, Ka li zaˬ aˇ muˇ laꞈ kʼoeˇ gaˇ kawˆ heu deuˬ naw maꞈ-ahˇ bi ehˇ gaˬ-eu gʼaˇ duˬ, ngaˬ-euˬ mˬ taˆ gʼaˬ kʼehˇ-ahˇ kʼehˇ gʼeh leꞈ-euˬ ma. Ngaˇ-aˬ, Daˬbiˇ-euˬ zaˬ ma. Aˬ guiˇ shawˬ ga shawˬ muiˇ pyeuꞈ-eu ma.”

Panmaeq 22:13

Ngaˇ-aˬ, aˇ dahˬ beh-eu hawˇ-eu aˇ saˬ saˬ-eu gʼaˬ ma. Dahˬ beh-eu jeˬ hawˇ-eu aˇ saˬ saˬ-eu jeˬ ma.”

HeˬByehˇ 11:34

Guˆ dui dui laˇ paˬ-ehˇ gʼeh-eu miˬ dzaˬ-ahˇ laˆ miˆ nya-awˇ, mi cehˇ neh maˬ bi sehꞈ ni dzeuˇ-iˇ nya-euˬ meh. Aˬ yawꞈ maꞈ gʼaˬ baˬ dui dui-euˬ kʼawꞈ, gʼaˬ kʼaˆ dui dui laˇ-awˇ aˬ cawˬ tsawˇ jeuˬ-euˬ guiˇ maꞈ deuˬ-ahˇ deuˆ gʼaˬ nya-euˬ meh.

1 Tiˆmoˇseˬ 3:16

Aˬ dui-euˬ uˬ duˬ tahˬ-eu zahˇ sahˇ kʼoꞈ heu hmˬ-euˬ zaꞈ taˬ-euˬ jeˬ aˇ naˆ ni huiˬ-eu gaˇ kawˆ, tsawˇ haˬ tiˬ gʼaˬ-iˬ tsawˇ pyehˇ maˬ pyehˇ nya-a. Miˬyehˇ shiˬ shaˬ pi le-euˬ heu, Yaw sahˇ Miˬyehˇ saˇ kiˇ kamˬ-awˇ, mˬ taˆ gʼaˬ kʼehˇ mawˇ duˬ-euˬ meh. Tsawˇ jeuˬ doe ni mehˬ doe jiˇ-awˇ, miˇ tsaˬ doe ni yawꞈ-ahˇ jah meh. Yaw shehꞈ kʼahˬ sehˇ laꞈ kʼoeˇ yawꞈ-ahˇ, mˬ taˆ sheuˬ daˆ kʼoꞈ leꞈ-euˬ meh.

Lormav 9:5

Aˬ yawꞈ maꞈ-aˬ, tsawˇ myahˇ doˆ dui dui-eu Heˬbyehˇ tsawˇ haˬ aˬ poeˬ aˬ bawˇ kʼoeˇ deuˬ o neh jeuˬ le o le-euˬ tsawˇ haˬ deuˬ meh. Yeˬsuˇ Ka li kʼawꞈ, tsuiꞈ taꞈ gaˇ neh sawˇ leꞈ naˇ, aˬ yawꞈ maꞈ-euˬ tsawˇ jeuˬ pyeuꞈ-eu meh. Dawˬ tawˆ kʼoeˇ taˆ uˆ lahˇ-eu Miˬyehˇ-ahˇ mˬ maˬ maˬ byaˆ zaˇ ziˇ ja ceuˬ luꞈ-uˇ. Aˬ miˬ.

Maꞈtehˬ 1:23

“Zaˬ miˬ yaw shawˇ tiˬ gʼaˬ zaˬ tsehˆ leˇ-awˇ, aˬ li tiˬ li ciˬ tehꞈ-a. Aˬ li kʼoeˇ li-ahˇ Eˇmaˬnoeˬlaˇ lehˇ myahˇ tehꞈ-a” lehˇ ehˇ taˬ-euˬ dawˬ jaˆ-eu meh. “Eˇmaˬnoeˬlaˇ” lehˇ ehˇ-eu dawˬ tsuiꞈ-aˬ, “Miˬyehˇ aˬ dui nehˬ-ehˇ jawˇ meh” lehˇ ehˇ mawꞈ-eu meh.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Miˇkaˬ 5:8

Aˬ cawˬ tsawˇ jeuˬ yaw kaˬ-ahˇ jawˇ tehˬ yaꞈ-euˬ deuˬ-aˬ, aˇ bawˇ sahˬ kʼaˆ hawˇ-eu gaˆ dzaˬ duˬ-ahˇ smˇ dzaˬ luꞈ-eu aˇ laˬ jaˬ shiˇ-ahˇ duˇ tehꞈ-a. Yawˇ yawˇ maꞈ laꞈ kʼoeˇ aˬ yawꞈ uˇ-iˇ-awˇ, yawˇ-ahˇ baꞈ dawꞈ gʼeh-awˇ, gʼeu pyaˬ gʼeu shaˇ nehˬ-eu miˇ neh, bi ka kʼoꞈ-eu gʼaˇ duˬ noeˬ tmˬ kʼaˇ maˬ paˇ za ni jahˇ nehˬ-eu meh.

Hawˇseˬ 12:3

Aˬ yawꞈ maꞈ-euˬ aˬ poeˬ Yaˬkoˆ, uˬ maˆ laꞈ kʼoeˇ uˇ luꞈ ngeh neh, Iˇsawˇ-euˬ kuiˇ nuiꞈ-ahˇ tsuˆ-awˇ, aˬ yawꞈ paˇ huiˬ loˆ laˇ ngeh jawˇ, Miˬyehˇ nehˬ-ehˇ paˇ dawꞈ-euˬ meh.

Yeˬlaˬmiˇ 27:10

Aˬ yawꞈ maꞈ naw maꞈ-ahˇ mehˇ shuiˇ shuiˇ-awˇ, naw maꞈ-euˬ miˇ kʼahˬ-ahˇ neh gaˇ mahˇ kaˬ gaˇ naw maꞈ-ahˇ bi nyehꞈ byoˆ gʼeh-eu lehˇ tsawˇ gahˇ gahˇ-eu meh. Ngaˇ naw maꞈ-ahˇ teh doˆ-awˇ, naw maꞈ ya luˬ ya seˇ-iˇ tehꞈ-a.

Iˇsaˬyaˇ 63:9

Aˬ yawꞈ maꞈ ya daˬ-eu shaˬ zahˬ dawˬ tawˆ laꞈ kʼoeˇ, aˬ yawꞈ maꞈ-ahˇ aˬ yawꞈ ka kʼoꞈ-euˬ meh. Mˬ taˆ gʼaˬ kʼehˇ aˬ yawꞈ maꞈ-ahˇ ka kʼoꞈ-euˬ maˬ ngeuˇ-a. Sahˬpaˬ Miˬyehˇ mawˇ do oe-awˇ ka kʼoꞈ-euˬ meh. Aˬ yawꞈ maꞈ-ahˇ aˬ yawꞈ maˬ haw ni byehˇ dzeh-euˬ, tiˬ jawˇ-iˬ maˬ jaˆ-a.

Iˇsaˬyaˇ 53:3

Aˬ dui aˬ yawꞈ-ahˇ maˬ haw nahˇ-ehˇ byehˇ dzeh-euˬ ma. Shaˬ zahˬ dawˬ tawˆ luꞈ-ahˇ aˬ yawꞈ awˆ daˬ-euˬ meh. Tsawˇ haˬ tiˬ gʼaˬ-iˬ aˬ yawꞈ-ahˇ maˬ haw cawˬ nehˬ-a. Tiˬ jeˬ-iˬ gaˇ dahˇ maˬ tsoeˬ-eu tsawˇ haˬ loꞈ-ehˇ, aˬ yawꞈ-ahˇ aˬ dui yaw zeu maˬ baw-aˬ.

Iˇsaˬyaˇ 49:7

Aˬ cawˬ noeˬ teˬ gaˇ ya daˬ-awˇ, miˇ kʼahˬ tsawˇ jeuˬ deuˬ bye dui dui-eu gʼaˬ pyeuꞈ-eu, sahˬ paˬ sahˬ ma deuˬ-euˬ zaˬ kʼaˆ pyeuꞈ-eu gʼaˬ-ahˇ, Iˇsaˬleˬlaˆ-euˬ muiˬ-eu shawˇ-eu Miˬyehˇ pyeuꞈ luꞈ-eu ka kʼoꞈ-eu gʼaˬ heu loꞈ-ehˇ ehˇ nehˬ-euˬ meh. “Nawˇ buˬ-iˇ gaˇ sahˬ paˬ deuˬ ya mawˇ-awˇ, tuˇ-awˇ nawˬ-ahˇ yaw zeu ya baw tehꞈ-a. Sahˬ paˬ zaˬ yo deuˬ kʼawꞈ nawˬ-ahˇ mawˇ ngeh, awˆ byaˆ-awˇ taˬ huiˬ tehꞈ-a.” Sahˬpaˬ Miˬyehˇ aˬ yawꞈ-euˬ zaˬ kʼaˆ-ahˇ tseˇ doˆ nehˬ-euˬ miˇ neh, kʼoeˇ loꞈ-ehˇ ya pyeuꞈ laˇ tehꞈ-a. Iˇsaˬleˬlaˆ-euˬ muiˬ-eu shawˇ-eu Miˬyehˇ-aˬ, aˬ yawꞈ-euˬ saˇ jaˇ dawˬ-ahˇ ziꞈ-eu meh.

Iˇsaˬyaˇ 30:26

Ba la yaw shehꞈ nahˇ ma loꞈ-ehˇ bya-eu uˬ taꞈ, nahˇ ma shiꞈ bymˇ bya dzehˬ laˇ-awˇ, shiꞈ nah bya-eu yaw shehꞈ tiˬ nah laꞈ kʼoeˇ bya jiˇ gaˇ duˇ tehꞈ-a. Sahˬpaˬ Miˬyehˇ neh aˬ yawꞈ-euˬ tsawˇ haˬ deuˬ-ahˇ diˬ naˇ laˆ naˇ nehˬ-euˬ naˇ gawˇ deuˬ-ahˇ aˬ yawꞈ paˇ laˆ saˆ taˬ ngeh nah, kʼoeˇ deuˬ dawˬ tawˆ luꞈ keuˆ le tehꞈ-a.

Jaceuq 82:6

Naw maꞈ miˬ yehˇ meh lehˇ ngaˇ ehˇ-eu ma. Naw maꞈ yawˬ gʼaˬ na luꞈ Huiˬ dui mahˇ dui dui-eu Gʼaˬ-euˬ aˬ li tehꞈ meh.

Hawˇseˬ 1:7

Ehˇ kʼawꞈ, Yuˇdaˆ miˇ kʼahˬ zaˬ deuˬ-ahˇ ngaˬ-euˬ nui gaˬ bi mawˇ ma. Aˬ yawꞈ maꞈ-euˬ Miˬyehˇ pyeuꞈ-eu ngaˇ Sahˬpaˬ Miˬyehˇ, aˬ yawꞈ maꞈ-ahˇ ka kʼoꞈ nehˬ ma. Ehˇ kʼawꞈ, guiˇ deuˆ-awˇ ka kʼoꞈ nehˬ-eu lehˇ gʼeh-eu maˬ ngeuˇ, mi cehˇ neh maˬ ehˇ, kaˆ neh maˬ ehˇ, kaˆ myaˬ neh maˬ ehˇ, mahˬ neh maˬ ehˇ, mahˬ dziˬ-eu yehˇ deuˬ neh maˬ ehˇ, aˬ yawꞈ maꞈ-ahˇ ka kʼoꞈ-eu lehˇ gʼeh-eu maˬ ngeuˇ.”

Doˆ-iˇ 14:19

Iˇsaˬleˬlaˆ guiˇ maꞈ-euˬ mehˬ hu paw jawˇ-eu Miˬ yehˇ-euˬ gʼaˬ kʼehˇ kʼoeˇ gʼaˬ, naˇ kʼah paw jiˆ gʼoꞈ le-euˬ meh. Mˬ dmˇ kʼawˇ zeuˇ kʼoeˇ zeuˇ kʼawꞈ, naˇ kʼah paw jiˆ kʼoꞈ le-awˇ,

Doˆ-iˇ 33:2

Naw maꞈ-ahˇ bi sheuˬ gʼeh-eu gʼaˇ duˬ, mˬ taˆ gʼaˬ kʼehˇ tiˬ gʼaˬ ngaˇ pyehˬ gʼeh ma. Kaˬnaˬ tsawˇ jeuˬ maˬ ehˇ, Heˬtaˆ tsawˇ jeuˬ maˬ ehˇ, Paˬyehˆ tsawˇ jeuˬ maˬ ehˇ, ngaˇ teh doˆ ma.

Uˬ duˬ 26:8

Naw maꞈ tsawˇ haˬ ngaˬ gʼaˬ, aˬ cawˬ tiˬ yaˇ gʼaˬ-ahˇ gʼaˬ leˇ-awˇ, naw maꞈ tsawˇ haˬ tiˬ yaˇ gʼaˬ, aˬ cawˬ tiˬ muiˇ gʼaˬ-ahˇ gʼaˬ leˇ tehꞈ-a.

Yawˇshuˆ 23:10

Naw maꞈ tsawˇ haˬ aˬ geu gʼaˬ maˬ kaˬ, aˬ cawˬ tsawˇ haˬ tiˬ heˇ gʼaˬ cehˆ byoˆ ni jahˇ nya tehꞈ-a. Aˬ jeˬ miˇ neh ehˇ naˇ, naw maꞈ-euˬ Miˬyehˇ pyeuꞈ-eu Sahˬpaˬ Miˬyehˇ neh saˇ jaˇ dzaˬ taˬ-euˬ loꞈ-ehˇ, naw maꞈ gʼaˇ duˬ aˬ yawꞈ guiˇ deuˆ luꞈ-eu meh.

Jaceuq 8:5

Ehˇkʼawꞈni, tsawˇhaˬzaˬ-ahˇnawˇ, nawˬ-euˬlaꞈoˆsaˬ-i taˬ-awˇ, yaw shehꞈkʼehˬsehˇbiꞈ-eu laꞈkʼoeˇ, taˬhuiˬtaˬmahˇnehˬtaˬ-euˬ meh.

Iˇsaˬyaˇ 31:4

Sahˬpaˬ Miˬyehˇ ngaˬ-ahˇ ehˇ-eu, “Yawˇ bo-eu deuˬ aˇ naˆ guˇ kʼawꞈ, yawˇ kawꞈ sehꞈ-eu aˇ laˬ jaˬ shiˇ, maˬ luˆ laˇ ni jawˇ-eu loꞈ-ehˇ, Ziˇoˬ gawˬ jawˬ-ahˇ haw piˇ-eu, Baoˬ huiˬ-eu Sahˬpaˬ Miˬyehˇ pyeuꞈ-eu ngaˬ-ahˇ tiˬ jeˬ-iˬ maˬ teh luˆ nya-a.

Zaˬkaˬliˇ 9:14

Aˬ yawꞈ-euˬ tsawˇ haˬ deuˬ kʼoeˇ taˆ, Sahˬpaˬ Miˬyehˇ doˆ le tehꞈ-a. mˬ jeˬ tsawˬ tehˆ tehˆ-eu loꞈ-ehˇ, aˬ yawꞈ kaˆ myaˬ beuˆ leꞈ tehꞈ-a. Dawˬ tawˆ kʼoeˇ taˆ uˆ lahˇ luꞈ-eu, Sahˬpaˬ Miˬyehˇ daˇ heh baw-awˇ, laꞈ oˆ paw neh baw daˆ laꞈ-euˬ, jaˬ lehˇ lehˇ ma dziˬ laꞈ tehꞈ-a.

Iˇsaˬyaˇ 33:24

Ziˇoˬ meuˬ laꞈ kʼoeˇ jawˇ-eu tsawˇ haˬ deuˬ, tiˬ gʼaˬ-iˬ naˇ-eu gawˇ-eu maˬ baw-ehˇ, kʼoeˇ gaˇ jawˇ-eu tsawˇ haˬ deuˬ-euˬ iˬ baˇ, dawˬ tawˆ luꞈ pyehˬ nehˬ jiˇ tehꞈ-a.

Zaˬkaˬliˇ 10:7

Iˇsaˬleˬlaˆ tsawˇ haˬ deuˬ-aˬ, gʼaˬ kʼaˆ-eu yehˇ-ahˇ duˇ leˇ-awˇ, aˬ gaꞈ dzaˇ uiˇ dawˇ-eu loꞈ-ehˇ, laˬ kʼaˬ cehˇ-eu jeˬ oꞈ tehꞈ-a. Aˬ yawꞈ maꞈ gʼaˬ leˇ-euˬ gaˇ kawˆ, zaˬ deuˬ uˆ deuˬ maˬ ngehˇ leˇ-ehˇ, Sahˬpaˬ Miˬyehˇ mˇ-euˬ gaˇ-ahˇ, laˬ kʼaˬ cehˇ nui kʼahˇ shiˇ tehꞈ-a.