Zaˬkaˬliˇ 12:10 - Akha

¹⁰ “Daˬbiˇ-euˬ zaˬ deuˬ uˆ deuˬ hawˇ-eu, Yeˬluˇsaˬlehˬ meuˬ-ahˇ jawˇ-eu tsawˇ haˬ nui deuˬ-ahˇ, gʼawˬ shaˬ gaˬ-eu nui ma hawˇ-eu uˬ duˬ tahˬ-eu nui ma bi ahˇ ma. Aˬ yawꞈ maꞈ neh tsawˆ sehꞈ-euˬ tsawˇ haˬ-ahˇ aˬ yawꞈ maꞈ haw-awˇ, zaˬ tiˬ gʼaˬ tehꞈ-ehˇ jawˇ-eu bi shiˇ-euˬ loꞈ-ehˇ tsawˇ ngoeˇ ngoeˇ nehˬ tehꞈ-a. Dehꞈ beh beh le-euˬ aˬ li bi shiˇ-euˬ loꞈ-ehˇ, tsawˇ ngoeˇ ngoeˇ dui dui tehꞈ-a.

Zaˬkaˬliˇ 12:10 Referans Kwoze

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Yeˬsaˬgeˬlaˇ 39:29

Iˇsaˬleˬlaˆ tsawˇ jeuˬ kʼoeˇ taˆ ngaˬ-euˬ Yaw sahˇ shehˬ daˆ nehˬ-awˇ, aˬ yawꞈ maꞈ-ahˇ tiˬ jawˇ-iˬ maˬ paˇ byehˇ dzeh ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Yeˬlaˬmiˇ 6:26

Sahˬpaˬ Miˬyehˇ aˬ yawꞈ-euˬ tsawˇ haˬ deuˬ-ahˇ heu loꞈ-ehˇ ehˇ-eu meh. “Guˬ daˇ pehˇ zeuˇ mehˬ tsoeˬ dm-awˇ, kʼaˬ lehˇ tsahˬ-ahˇ mahˬ poˆ poˆ-awˬ. Aˬ li tiˬ gʼaˬ tehꞈ-euˬ gʼaˇ duˬ tsawˇ ngoeˇ ngoeˇ-eu loꞈ-ehˇ, nui ma shaˬ zahˬ mˇ dui dui-awˬ. Aˬ jeˬ miˇ neh ehˇ naˇ, naw maꞈ-ahˇ laˆ cawˆ le-eu muiˇ-eu deuˬ, ja pyuˬ ni guiˇ deuˆ le tehꞈ-a.

Gʼaˬkʼehˇ 2:33

Aˬ yawꞈ-euˬ Aˬda pyeuꞈ-eu Miˬyehˇ-euˬ aˇ maˇ paw aˬ yawꞈ-ahˇ ciˬ huiˬ ciˬ mahˇ keuˆ nehˬ-awˇ, Miˬyehˇ neh saˇ jaˇ dzaˬ taˬ-euˬ jaˆ-eu loꞈ-ehˇ, Yaw sahˇ Miˬyehˇ za-euˬ meh. Nymˬ-mˇ naw maꞈ ya gaˬ ya mawˇ luꞈ-eu heu-aˬ, a yawꞈ neh Yaw sahˇ Miˬyehˇ shehˆ daˆ nehˬ laꞈ-euˬ jeˬ pyeuꞈ-eu meh.

Eˇpeˇsu 6:18

Miˬyehˇ caw ba laꞈ ni guiˬ lahˬ shaˇ-awˇ, kʼoeˇ deuˬ dawˬ tawˆ luꞈ-ahˇ mˇ gʼeh-awˬ. Yaw sahˇ Miˬyehˇ sheuˬ gʼeh-eu laꞈ kʼoeˇ aˬ myah luꞈ guiˬ lahˬ shaˇ-awˬ. Maˬ ya smˬ-iˇ ni aˬ myah luꞈ yaw beuˇ beuˇ-ehˇ jawˇ-awˬ. Miˬyehˇ-euˬ tsawˇ haˬ dawˬ tawˆ luꞈ gʼaˇ duˬ aˬ myah luꞈ guiˬ lahˬ shaˇ-awˬ.

Lormav 8:26

Kʼoeˇ gaˇ duˇ ni, aˬ dui gʼaˬ baˬ-eu miˇ neh Yaw sahˇ Miˬyehˇ caw ba le-euˬ meh. Aˬ dui guiˬ lahˬ aˬ joˆ-ehˇ ya shaˇ-eu gaˇ kawˆ aˬ dui maˬ siˬ nya-eu miˇ neh, Yaw sahˇ Miˬyehˇ aˬ dui-euˬ dah zaˇ kʼaˬ meh neh maˬ ja mehˬ nya-eu jeˬ mahˇ mahˇ-ehˇ Miˬyehˇ-ahˇ shaˇ-eu meh.

Lormav 8:15

Aˬ jeˬ miˇ neh ehˇ naˇ, Miˬyehˇ neh naw maꞈ-ahˇ biꞈ-euˬ Yaw sahˇ Miˬyehˇ-aˬ, naw maꞈ-ahˇ zaˬ kʼaˆ maˬ bi geuꞈ-eu uˬ taꞈ, naw maꞈ guˆ-iˇ ni maˬ jahˇ-a. Naw maꞈ Miˬyehˇ-euˬ zaˬ pyeuꞈ laˇ ni jahˇ-eu meh. Yaw sahˇ Miˬyehˇ-euˬ baoˬ-ahˇ gʼoe-eu laꞈ kʼoeˇ Miˬyehˇ-ahˇ “Aˬda-oˇ, ngaˬ Da-oˇ” lehˇ aˬ dui kuˇ-eu ma.

Maꞈtehˬ 24:30

Kʼoeˇ ngeh, Tsawˇhaˬ-euˬ Zaˬmaˇ oe luꞈ-eu gaˇ kawˆ mˬ kʼoeˇ taˆ bi siˬ bi mawˇ tehꞈ-a. Tsawˇhaˬ-euˬ Zaˬmaˇ mˬ dmˇ dziˬ-awˇ, baoˬ hawˇ-eu yaw shehꞈ kʼahˬ sehˇ tiˬ byah ni oe luꞈ gaˇ ya mawˇ ngeh, miˇ tsaˬ zaˬ deuˬ ngoeˇ tehꞈ-a.

Aˬmoˆ 8:10

Naw maꞈ bawˬ-iˬ gʼeh luꞈ ngeh, tsawˇ shiˇ tsawˇ naˇ mˇ-eu jeˬ ngaˇ bi keuˆ le-awˇ, naw maꞈ laˬ kʼaˬ cehˇ-eu caˇ dawˬ caˇ luꞈ ngeh, kuiˇ deuˇ gui-eu aˇ yamˬ ngaˇ bi keuˆ le ma. Naw maꞈ uˬ jehˆ ya jehˆ dzeh-awˇ, guˬ daˇ pehˇ zeuˇ mehˬ tsoeˬ dm-eu laꞈ kʼoeˇ, aˬ li tiˬ gʼaˬ jawˇ-eu bi shiˇ cuˆ-awˇ tsawˇ ngoeˇ ngoeˇ luꞈ-eu aˬ ma aˬ da loꞈ-ehˇ shaˬ zahˬ naꞈ ni ngaˇ jahˇ ma. Aˇ nah kʼoeˇ nah-ahˇ, yawˬ jeˬ na luꞈ kʼoeˇ taˆ, dawˇ keuˆ le-awˇ aˇ saˬ ya saˬ tehꞈ-a.

HeˬByehˇ 12:2

Aˬ dui-euˬ myaˆ nuiˆ Yeˬsuˇ-ahˇ haw tsoˆ taˬ kaˇ-euˇ. Aˬ dui Miˬyehˇ-ahˇ aˇ dahˬ beh ngeh neh aˇ saˬ saˬ ngeh keuˆ ni jah-euˬ-aˬ, aˬ yawꞈ baˬ da neh ma. Laꞈ yaꞈ baˬ da neh aˬ yawꞈ nui ma maˬ cawˆ-a. Aˬ yawꞈ-euˬ mehˬ shi jaˆ luꞈ-eu laˬ kʼaˬ cehˇ-eu jeˬ baˬ da neh, laꞈ yaꞈ kʼoeˇ taˆ ya shiˇ-eu daˬ ga dui dui-eu jeˬ-ahˇ aˬ yawꞈ kʼahˬ maˬ lahˇ-a. Nymˬ-mˇ aˬ yawꞈ Miˬyehˇ-euˬ dzoeˬ dzaˬ nuiˇ mahˬ-euˬ aˇ maˇ paw nuiˇ luꞈ-eu meh.

Gʼaˬkʼehˇ 11:15

Kʼoeˇ naˇ, ngaˇ dawˬ ngehˬ dahˬ beh-eu nehˬ-ehˇ, yaw beh aˬ dui maꞈ kʼoeˇ taˆ pyeuꞈ beh beh laˇ ngeh poˆ loꞈ-ehˇ, aˬ yawꞈ maꞈ kʼoeˇ taˆ Muiˬ-eu shawˇ-eu Yaw sahˇ Miˬyehˇ zaꞈ le-euˬ meh.

Gʼaˬkʼehˇ 10:45

Yuˇdaˆ tsawˇ haˬ maˬ ngeuˇ-eu deuˬ-ahˇ kʼawꞈ, Miˬyehˇ neh Muiˬ-eu shawˇ-eu Yaw sahˇ Miˬyehˇ shehˆ daˆ nehˬ-euˬ gaˇ, Beˬtuˆluˆ nehˬ-ehˇ Yuˇbeˬ meuˬ-ahˇ neh laˇ-euˬ jah-eu Yuˇdaˆ tsawˇ haˬ deuˬ zahˬ leˇ-euˬ meh.

Gʼaˬkʼehˇ 2:17

‘Miˬyehˇ neh ehˇ taˬ-euˬ dawˬ-aˬ, Aˇ saˬ saˬ-eu aˇ nah keuˆ ngeh, tsawˇ haˬ yawˬ gʼaˬ na luꞈ kʼoeˇ taˆ, ngaˬ-euˬ Yaw sahˇ shehˆ daˆ nehˬ ma. Naw maꞈ-euˬ aˬ buˇ aˬ li deuˬ, ngaˬ-euˬ gʼaˇ duˬ ngehˬ dah tehꞈ-a. Naw maꞈ-euˬ tsawˇ haˬ zaˬ guˬ deuˬ, Yaw sahˇ mehˬ-eu jeˬ ya mawˇ-awˇ, naw maꞈ-euˬ tsawˇ mawˬ tsawˇ kʼaˆ deuˬ, yuꞈ maˆ gʼawˬ mya jeˬ maˆ tehꞈ-a.

Yeˬlaˬmiˇ 50:4

Sahˬpaˬ Miˬyehˇ heu loꞈ-ehˇ ehˇ-eu meh. “Aˇ yamˬ kʼoeˇ yamˬ keuˆ le ngeh, Yuˇdaˆ tsawˇ haˬ hawˇ-eu Iˇsaˬleˬlaˆ tsawˇ haˬ deuˬ ngoeˇ ngoeˇ-ehˇ, aˬ yawꞈ maꞈ-euˬ Miˬyehˇ pyeuꞈ-eu ngaˬ-ahˇ poˆ laˇ tehꞈ-a.

Yeˬlaˬmiˇ 31:9

Myaˆ biˇ yoeˇ-awˇ guiˬ lahˬ shaˇ-eu laꞈ kʼoeˇ, ngaˬ-euˬ tsawˇ haˬ ngaˬ-euˬ mehˬ nah caw teh kʼoꞈ laꞈ tehꞈ-a. Iˇ cuꞈ lawˇ gawˆ yoeˇ-eu paw sheuˬ gʼeh-awˇ, pehˆ toˆ kʼaˇ maˬ za-eu gaˇ ma yaw juiˇ paw neh, aˬ yawꞈ maꞈ-ahˇ ngaˇ sheuˬ doˆ kʼoꞈ laꞈ ma. Ngaˇ Iˇsaˬleˬlaˆ-euˬ aˬ da loꞈ-ehˇ gʼeh-awˇ, Eˇpaˬleˬ ngaˬ-euˬ aˬ li aˬ yuiꞈ yuiꞈ saˬ ma.”

Iˇsaˬyaˇ 32:15

Ehˇ kʼawꞈ, Miˬyehˇ Yaw sahˇ aˬ dui kʼoeˇ taˆ paˇ keuˆ le-awˇ, miˇ tsaˬ yaw cawˆ miˇ muiˬ paˇ muiˬ laˇ-awˇ, dzaˬ la gʼo cehˇ za dui dui le tehꞈ-a.

Yuˇdaˆ 1:20

Ehˇ kʼawꞈ, ngaˇ gaˬ-eu cawˬ deuˬ-oˇ, naw maꞈ-aˬ, yawˬ ha-euˬ muiˬ dui shawˇ dui dui-eu jah-eu jeˬ huiˬ laˇ mahˇ laˇ nya ni leh jeh-awˬ. Muiˬ-eu shawˇ-eu Yaw sahˇ Miˬyehˇ-euˬ baoˬ laꞈ kʼoeˇ guiˬ lahˬ shaˇ-awˬ.

Gʼaˬkʼehˇ 2:37

Beˬtuˆluˆ kʼoeˇ loꞈ-ehˇ ehˇ gaˇ tsawˇ haˬ kʼoeˇ deuˬ ya gaˬ ngeh, aˬ yawꞈ maꞈ-euˬ nui ma-ahˇ zaw dui dui leˇ-awˇ, Beˬtuˆluˆ hawˇ-eu gʼaˬ kʼehˇ kʼoeˇ deuˬ-ahˇ ehˇ-eu, “Aˬ yuiꞈ aˬ nyiˇ deuˬ-oˇ, nga maꞈ aˬ joˆ-ehˇ jahˇ paˬ nga.”

Dawqdaq 1:23

Ngaˇ saˇ kiˇ kamˬ gaˇ naˇ haˬ sheˇ. Ngaˬ-euˬ nui gahˇ naw maꞈ-ahˇ shehˆ daˆ nehˬ-awˇ, ngaˬ-euˬ dawˬ naw maꞈ-ahˇ bi gaˬ le ma.

Jaceuq 51:12

Nawˬ-euˬ ka kʼoꞈ-eu guiˬ lahˬ yaw dzahˇ laꞈ kʼoeˇ doˆ le-euˬ laˬ kʼaˬ cehˇ-eu jeˬ ngaˬ-ahˇ biꞈ nehˬ laꞈ-awˇ, nawˬ-euˬ ehˇ dawˬ naˇ haˬ nya ni ngaˬ-ahˇ caw ba nehˬ laꞈ.

Maꞈtehˬ 26:75

Kʼoeˇ ngeh jawˇ, “Ya poeˇ maˬ doeˇ laˇ mi naˆ-ehˇ, nawˇ ngaˬ-ahˇ maˬ siˬ lehˇ smˬ poˆ keuˆ ni pyehˇ tehꞈ-a” lehˇ, Yeˬsuˇ neh aˬ yawꞈ-ahˇ ehˇ nehˬ-euˬ dawˬ kʼoeˇ dawˬ-ahˇ, Beˬtuˆluˆ noeˬ doˆ leˇ-euˬ meh. Kʼoeˇ naˇ, aˬ yawꞈ laꞈ nyiˇ iˇ doˆ-awˇ, ngoeˇ dui dui-euˬ meh.

Yoˇhaˬ 1:29

Yawˬ nah yawˬ, Yeˬsuˇ oe luꞈ gaˇ Yoˇhaˬ mawˇ-awˇ ehˇ-eu, “Miˇ tsaˬ zaˬ-euˬ iˬ baˇ-ahˇ pi dzeh le-euˬ Miˬyehˇ-euˬ yawˇ zaˬ-ahˇ haw sheˇ.

Dawqdaq 4:3

Ngaˇ ngaˬ da-euˬ aˬ li pyeuꞈ luꞈ ngeh, ngaˬ ma-euˬ aˬ li zaˬ nahˬ pyeuꞈ luꞈ ngeh,

Iˇsaˬyaˇ 45:22

“Miˇ tsaˬ tsawˇ haˬ dawˬ tawˆ luꞈ-oˇ, Nymˬ-mˇ ngaˇ jawˇ gaˇ gʼoꞈ laˇ-awˬ. Naw maꞈ-ahˇ ngaˇ ka kʼoꞈ nehˬ ma. Miˬyehˇ ngaˇ tiˬ gʼaˬ jawˇ-eu tehꞈ ma.

Yeˬlaˬmiˇ 31:19

Nawˬ-ahˇ byehˇ dzeh-awˇ gʼoˆ doˆ-iˇ-euˬ kʼawꞈ, nymˬ-mˇ nga maꞈ noeˬ poˆ-euˬ ma. Nawˇ nga maꞈ-ahˇ kʼehˬ nehˬ laꞈ ngeh, nui ma zahˇ tsui ni shaˬ-euˬ ma. Zaˬ guˬ pyeuꞈ ngeh mˇ lehˬ-euˬ iˬ baˇ baˬ da neh, daˬ ga-awˇ shaꞈ dawˇ dui dui nya.

Yeˬsaˬgeˬlaˇ 20:43

Kʼoeˇ ngeh jawˇ, naw maꞈ neh mˇ dzeuˇ yaꞈ-euˬ shaꞈ dawˇ paˬ-ehˇ gʼeh-eu gaˇ deuˬ hawˇ-eu, naw maꞈ yawˬ haˇ yawˬ ha laˆ jawꞈ-euˬ gaˇ kawˆ-ahˇ noeˬ mawˇ laˇ tehꞈ-a. Naw maꞈ neh mˇ dzeuˇ yaꞈ-euˬ yaw haiˬ jeˬ baˬ da neh, naw maꞈ yawˬ haˇ yawˬ ha nui daˆ daˆ tehꞈ-a.

Yeˬsaˬgeˬlaˇ 37:14

Aˬ yawꞈ maꞈ-ahˇ ngaˬ-euˬ saꞈ baw ahˇ nehˬ-eu laꞈ kʼoeˇ paˇ bi gʼoꞈ dehꞈ laˇ-awˇ, aˬ yawꞈ maꞈ-euˬ miˇ kʼahˬ-ahˇ paˇ bi jawˇ ma. Kʼoeˇ ngeh jawˇ, ngaˇ Sahˬpaˬ Miˬyehˇ pyeuꞈ-eu aˬ yawꞈ maꞈ ya siˬ duˬ tehꞈ-a. Ngaˇ heu loꞈ-ehˇ mˇ ma lehˇ saˇ jaˇ dzaˬ taˬ-euˬ loꞈ-ehˇ, aˬ diˇ aˬ maˇ mˇ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Zaˬkaˬliˇ 13:9

Smˬ bymˇ tiˬ bymˇ dzeˇ-eu deuˬ-ahˇ, miˬ dzaˬ laꞈ kʼoeˇ ngaˇ dzeh puiˆ-awˇ, pyuˇ baw guiˇ-awˇ shawˇ-eu loꞈ-ehˇ, shmˇ yaw muiˬ lawˬ haw-euˬ loꞈ-ehˇ, ngaˇ laˆ muiˬ laˆ shawˇ kʼoꞈ geuꞈ ma. Ngaˬ-euˬ tsawˇ myahˇ yawꞈ maꞈ kuˇ-awˇ, yawꞈ maꞈ-ahˇ ngaˇ oˬ toˬ nehˬ ma. ‘Naw maꞈ ngaˬ-euˬ tsawˇ haˬ ma’ lehˇ aˬ yawꞈ maꞈ-ahˇ ngaˇ ehˇ nehˬ ngeh, ‘Sahˬpaˬ Miˬyehˇ pyeuꞈ-eu Miˬyehˇ’, nga maꞈ-euˬ Miˬyehˇ ngeuˇ ma lehˇ, aˬ yawꞈ maꞈ saˇ kiˇ kamˬ tehꞈ-a.”

Aˇ dahˬ 45:1

Yoˇsehˆ-aˬ, aˬ yawꞈ-euˬ zaˬ kʼaˆ deuˬ mehˬ shi aˬ yawꞈ-euˬ nui ma laꞈ kʼoeˇ maˬ dzahˬ tehˬ coeˇ ni pyeuꞈ laˇ-euˬ miˇ neh, zaˬ kʼaˆ kʼoeˇ deuˬ-ahˇ laꞈ nyiˇ bi doˆ-iˇ-euˬ meh. Aˬ yawꞈ aˬ suˇ gʼaˬ pyeuꞈ-eu gaˇ kawˆ aˬ yawꞈ-euˬ mehˇ nmˇ deuˬ-ahˇ aˬ yawꞈ ehˇ doˆ nehˬ ngeh, aˬ cawˬ tiˬ gʼaˬ-iˬ maˬ jawˇ-a.

Aˇ dahˬ 45:2

Aˬ yawꞈ yaw kʼaˆ-ehˇ guˇ-awˇ ngoeˇ-eu miˇ neh, Iˇjiˇtuˆ tsawˇ haˬ deuˬ-ahˇ gaˬ leˇ-awˇ, gaˇ kawˆ kʼoeˇ sahˬpaˬ jawˇ gaˇ keuˆ ni gaˬ keuˆ leˇ-euˬ meh.

Bawˇtsahˬ 21:9

Kʼoeˇ ngeh, Moˇseˬ guiˬ shuiˇ aˇ lawˇ mawˇ kawˇ tehˆ-awˇ, daˇ kawˬ ka tuˇ-awˇ bi ceuˬ-euˬ meh. Aˇ lawˇ bi toˆ-euˬ tsawˇ haˬ deuˬ kʼoeˇ gaˇ haw ngeh, taˬ leˇ-euˬ meh.

1 Saˬmeuˬlaˆ 7:2

Sahˬpaˬ Miˬyehˇ-euˬ Dawˬ ma saˇ jaˇ Bahˬ keuˆ-aˬ, Giˇliˇyaˆyeˬlmˬ meuˬ laꞈ kʼoeˇ, nyiˬ tseˇ kʼoꞈ ehˇ gʼaˬ ni jaˆ-euˬ meh. Aˇ yamˬ kʼoeˇ yamˬ laꞈ kʼoeˇ, Iˇsaˬleˬlaˆ tsawˇ haˬ dawˬ tawˆ luꞈ Sahˬpaˬ Miˬyehˇ bi caw ba le-eu gʼaˇ duˬ guˇ guˇ-ehˇ shaˇ-euˬ meh.