Zaˬkaˬliˇ 11:5 - Akha

⁵ Zeuˇ-eu tsawˇ haˬ deuˬ yawˇ kʼoeˇ deuˬ-ahˇ sehꞈ kʼawꞈ, yaˇ kʼaˬ daˇ gaˇ maˬ ya daˬ-a. Aˬ yawꞈ maꞈ shaˬ jiˇ sehꞈ ahˬ-awˇ, ‘Nga maꞈ smˇ muiˬ muiˬ laˇ-euˬ miˇ neh, Sahˬpaˬ Miˬyehˇ-ahˇ ja ceuˬ ma’ lehˇ ehˇ-eu meh. Yawˇ kʼoeˇ deuˬ-ahˇ bo-eu yaw sahˇ gʼaˬ kʼawꞈ, yawˇ kʼoeˇ deuˬ-ahˇ gʼawˬ shaˬ maˬ gaˬ-a.

Zaˬkaˬliˇ 11:5 Referans Kwoze

Yeˬlaˬmiˇ 50:7

Kʼaˇ mawˇ le-eu deuˬ aˬ yawꞈ maꞈ-ahˇ kawꞈ sehꞈ dzaˬ-awˇ, aˬ yawꞈ maꞈ Sahˬpaˬ Miˬyehˇ-ahˇ mˇ bahˬ-euˬ miˇ neh, kʼoeˇ loꞈ-ehˇ jahˇ nehˬ-eu iˬ baˇ maˬ ahˇ-aˇ lehˇ, muiˇ-eu deuˬ ehˇ-eu meh. Aˬ yawꞈ maꞈ-euˬ aˬ poeˬ aˬ bawˇ deuˬ Sahˬpaˬ Miˬyehˇ-ahˇ saˇ jaˇ ziꞈ-euˬ loꞈ-ehˇ, aˬ yawꞈ maꞈ kʼawꞈ ziꞈ-eu tsaˬ tehꞈ-a lehˇ, muiˇ-eu deuˬ ehˇ-eu meh.

Hawˇseˬ 12:8

‘Nga maꞈ smˇ muiˬ muiˬ dui dui ma. Maˬ sui maˬ dawˇ-eu jeˬ laꞈ kʼoeˇ, pyuˇ shuiˇ laˆ jaˆ taˬ-euˬ meh lehˇ, tsawˇ haˬ tiˬ gʼaˬ-iˬ nga maꞈ-ahˇ, maˬ ngehˬ nya-a’ lehˇ ehˇ-eu meh.

2 Beˬtuˆluˆ 2:3

Maˬ ngeuˇ-eu mehˬ-eu tsoˆ-eu saˬ laˬ kʼoeˇ deuˬ pyuˇ shuiˇ myawˬ gahˬ-ahˇ nui kʼahˇ jaˆ-eu miˇ neh, naw maꞈ-ahˇ maˬ ngeuˇ gaˇ keuˆ ni ja mehˬ-awˇ aˬ yawꞈ maꞈ gʼaˇ duˬ jiˇ jeuˬ ahˇ ni mˇ tehꞈ-a. Aˬ yawꞈ maꞈ-ahˇ Yaˇ kʼaˬ daˇ nehˬ-eu gʼaˬ aˇ hu ba neh lehˬ hmˬ dah taˬ-awˇ, aˬ yawꞈ maꞈ-ahˇ laˆ cawˆ-eu gʼaˬ maˬ yuꞈ kʼaˆ ni yaw noeˬ-ehˇ jawˇ luꞈ meh.

Yoˇhaˬ 16:2

Naw maꞈ-ahˇ Yuˇdaˆ tawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ laꞈ tehꞈ-a. Naw maꞈ-ahˇ sehꞈ-eu kʼoeˇ-aˬ, Miˬyehˇ-euˬ nui kʼahˇ mˇ-eu jeˬ pyeuꞈ-eu ma lehˇ, naw maꞈ-ahˇ sehꞈ-eu tsawˇ haˬ deuˬ noe-eu aˇ nah keuˆ le tehꞈ-a.

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Yeˬsaˬgeˬlaˇ 34:21

Naˇ luꞈ-eu deuˬ-ahˇ yawˇ yawˇ maꞈ-ahˇ maˬ bi uˇ ni naw maꞈ tahˬ dzeh-eu meh.

Yeˬsaˬgeˬlaˇ 34:10

Ngaˇ naw maꞈ-ahˇ muiˇ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Ngaˬ-euˬ yawˇ deuˬ ngaˇ yuˇ kʼoꞈ jiˇ-awˇ, naw maꞈ-ahˇ tiˬ jawˇ-iˬ yawˇ maˬ paˇ bi bo ma. Naw maꞈ-ahˇ muiˬ leˇ ni, ngaˬ-euˬ yawˇ tiˬ jawˇ-iˬ maˬ paˇ bi bo ma. Ngaˬ-euˬ yawˇ deuˬ yuˇ kʼoꞈ jiˇ-awˇ, naw maꞈ neh maˬ paˇ bi sehꞈ dzaˬ ma.

Yeˬsaˬgeˬlaˇ 34:6

Ngaˬ-euˬ yawˇ deuˬ gawˬ jawˬ yaw goˇ paw gaˆ byoˆ jiˇ-euˬ meh. Miˇ kʼahˬ doe ni iˇ byoˆ laˇ byoˆ jiˇ-euˬ kʼawꞈ, haw piˇ nehˬ-awˇ poˆ kʼoꞈ-eu gʼaˬ maˬ jawˇ-a.

Yeˬlaˬmiˇ 2:3

Iˇsaˬleˬlaˆ nawˇ nui gʼaˬ-ahˇ maˬ taꞈ. Nawˇ-aˬ shawˇ jehˆ ni gʼeh-eu ngaˬ-euˬ myawˬ gahˬ ma. Nawˬ-ahˇ laˆ coeˬ laˆ ciˆ laˇ-eu tsawˇ haˬ kʼoeˇ taˆ, luˬ-iˇ seˇ-iˇ-eu jeˬ ngaˇ pyehˬ gʼeh-euˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Neˬhaˬmiˇ 5:8

heu loꞈ-ehˇ ehˇ nehˬ-euˬ ma. “Maˬ gʼeh nya-ehˇ pyeuꞈ laˇ-awˇ aˬ cawˬ tsawˇ jeuˬ-euˬ laꞈ-ahˇ ahˬ ahˇ nehˬ-eu lehˇ gʼeh-eu Yuˇdaˆ tsawˇ haˬ deuˬ-ahˇ aˬ dui kʼaˇ gʼeh nya-eu loꞈ-ehˇ zeuˇ kʼoꞈ nehˬ-euˬ ma. Nymˬ-mˇ poˆ jawˇ-aˬ, yawˬ ha tsawˇ jeuˬ pyeuꞈ-eu Yuˇdaˆ tsawˇ haˬ-ahˇ yawˬ ha paˇ zeuˇ geuꞈ-eu lehˇ naw maꞈ leh jeh luꞈ-eu nga laˬ.” Aˬ yuiꞈ aˬ tsu kʼoeˇ deuˬ ciˬ cuˇ ni jawˇ-awˇ tiˬ jeˬ-iˬ maˬ ngehˬ maˬ tmˇ nya ni pyeuꞈ-iˇ-euˬ meh.

2 Sahˬpaˬ 4:1

Miˬyehˇ gʼaˇ duˬ ngehˬ dah-eu aˇ muˇ tiˬ muˇ-ahˇ taꞈ-eu, Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-euˬ miˬ coeˬ miˬ ma tiˬ gʼaˬ, Eˇliˇshehˇ jawˇ gaˇ le-awˇ ehˇ-eu, “Ngaˬ-euˬ kʼaˬ dzeˇ zaˬ shiˇ-euˬ meh. Nawˇ siˬ nya-eu loꞈ-ehˇ, aˬ yawꞈ Miˬyehˇ ehˇ dawˬ naˇ haˬ-euˬ tsawˇ haˬ tiˬ gʼaˬ meh. Ehˇ kʼawꞈ, ngaˬ-euˬ kʼaˬ dzeˇ zaˬ-ahˇ pyuˇ paˇ nehˬ taˬ-euˬ tsawˇ haˬ tiˬ gʼaˬ oe-awˇ, dziˇ dzoˆ kʼoeˇ aˇ poeˬ ngaˬ-euˬ aˬ li nyiˬ li-ahˇ sheuˬ kʼoꞈ gʼeh-awˇ, zaˬ kʼaˆ bi geuꞈ-eu lehˇ gʼeh-eu meh.”

Panmaeq 18:13

cawˬ kʼaˬ cawˬ piˇ deuˬ, tsaˬ gawˬ baˬ gawˬ deuˬ, dzaˇ muiˇ dzaˇ sawˇ deuˬ, aˬ gaꞈ dzaˇ uiˇ deuˬ, dzaˬ-eu tsiˇ deuˬ, cehˇ meu hawˇ-eu cehˇ deuˬ, mawˇ neˇ hawˇ-eu yawˇ deuˬ, mahˬ hawˇ-eu mahˬ laˆ lawˬ deuˬ, zaˬ kʼaˆ deuˬ, tsawˇ haˬ-euˬ saꞈ laˇ deuˬ, heu deuˬ-ahˇ zeuˇ-eu gʼaˬ maˬ jawˇ-ehˇ pyeuꞈ-iˇ-euˬ meh.

Yoˇhaˬ 10:1

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ-eu ma. Yawˇ yawˇ kuˆ laꞈ kʼoeˇ gʼoˆ kʼehˬ-ahˇ neh maˬ uˇ laˇ-ehˇ, yawˬ gaˇ yawˬ neh daˆ uˇ laˇ-eu tsawˇ haˬ-aˬ, smˇ kʼoeˬ tahˇ joe meh.

Panmaeq 3:17

‘Ngaˇ smˇ muiˬ smˇ baw pyeuꞈ-awˇ, kʼaˇ loˬ-eu jeˬ dawˬ tawˆ luꞈ jaˆ jiˇ ma lehˇ nawˇ ehˇ-eu meh. Ehˇ kʼawꞈ, nawˇ shaˬ zahˬ aˇ naˆ ni ya mˇ paˬ-ehˇ gʼeh-awˇ, aˇ naˆ ni gʼawˬ shaˬ gaˬ laˇ paˬ-ehˇ gʼeh-eu gaˇ kawˆ yawˬ haˇ yawˬ ha maˬ siˬ nya-a. Nawˇ-aˬ, iˇ shaˬ shaˬ dui dui-awˇ, neˇ myawˆ ni gʼeh-eu uˬ taꞈ, myaˆ behꞈ behꞈ-eu meh.

Hawˇseˬ 12:9

Iˇjiˇtuˆ miˇ kʼahˬ laꞈ kʼoeˇ neh, naw maꞈ-ahˇ sheuˬ doˆ-euˬ Miˬyehˇ, Sahˬpaˬ Miˬyehˇ pyeuꞈ-eu ngaˇ-aˬ, aˇ hu kʼaˇ shuiꞈ deh-ahˇ shaˬ ngeh, sehˬ gʼawˆ laꞈ kʼoeˇ jawˇ-euˬ loꞈ-ehˇ, naw maꞈ ya jawˇ poˆ ni jahˇ ma.

Aˬmoˆ 2:6

Sahˬpaˬ Miˬyehˇ ehˇ-eu, “Iˇsaˬleˬlaˆ miˇ kʼahˬ-ahˇ jawˇ-eu tsawˇ haˬ deuˬ tiˬ poˆ saˇ-iˬ tiˬ poˆ iˬ baˇ mˇ-euˬ miˇ neh, aˬ yawꞈ maꞈ-ahˇ ngaˇ aˬ diˇ aˬ maˇ kʼehˬ nehˬ kʼaˆ nehˬ ma. Aˬ yawꞈ maꞈ-ahˇ dziˇ dzoˆ maˬ tsoeˬ nehˬ nya-eu yaw sui yaw dawˇ tsawˇ haˬ deuˬ hawˇ-eu, sehˬ nawˆ tiˬ juꞈ aˇ poeˬ maˬ tsoeˬ tsehˆ nya gaˇ keuˆ ni shaˬ-eu tsawˇ haˬ deuˬ-ahˇ, aˬ cawˬ zaˬ kʼaˆ bi geuꞈ-eu lehˇ aˬ yawꞈ maꞈ ahˬ dzaˬ-euˬ meh.