Zaˬkaˬliˇ 11:17 - Akha

¹⁷ Yawˇ yawˇ maꞈ-ahˇ byehˇ dzeh taˬ-eu, doeˇ dui dui-eu yawˇ bo-eu gʼaˬ, shaˬ dui zahˬ dui ya dui tehꞈ-a. Myaˆ nuiˆ aˇ maˇ paw nuiˆ hawˇ-eu, aˬ laꞈ-ahˇ mi cehˇ deuˆ luꞈ-uˇ. Aˬ laꞈ kʼoeˇ koˆ-iˇ buꞈ-iˇ-awˇ, aˇ maˇ paw nuiˆ behꞈ tsehˆ luꞈ-uˇ.”

Zaˬkaˬliˇ 11:17 Referans Kwoze

Yeˬlaˬmiˇ 23:1

Sahˬpaˬ Miˬyehˇ-euˬ tsawˇ jeuˬ-ahˇ laˆ cawˆ-awˇ, miˇ kʼahˬ doe ni teh byaˆ nehˬ-euˬ aˬ yuiꞈ aˬ tsu deuˬ-aˬ, shaˬ zahˬ naꞈ dui dui tehꞈ-a.

Yeˬsaˬgeˬlaˇ 13:3

Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ heu loꞈ-ehˇ ehˇ-eu meh. “Miˬyehˇ gʼaˇ duˬ ngehˬ dah-eu aˬ dzawˬ aˇ gah heu deuˬ shaˬ zahˬ naꞈ dui dui tehꞈ-a. Aˬ yawꞈ maꞈ yawˬ ha neh kʼaˇ noeˬ doˆ-euˬ jeˬ ngehˬ dah-eu meh.

1 Gawˇliˬtu 8:4

Kʼoeˇ miˇ neh, tahˬ paˬ aˬ ma mawˇ kawˇ-ahˇ lawˇ-euˬ dzaˇ-ahˇ dzaˬ-eu gaˇ kawˆ ngaˇ heu loꞈ-ehˇ ehˇ-eu ma. Tahˬ paˬ aˬ ma mawˇ kawˇ-aˬ, aˬ diˇ aˬ maˇ maˬ jaˆ maˬ jawˇ-eu jeˬ-euˬ dah zaˇ tehˆ taˬ-euˬ mawˇ kawˇ meh lehˇ aˬ dui siˬ nya ma. Miˬyehˇ tiˬ gʼaˬ tehꞈ-ehˇ jawˇ-eu gaˇ kawˆ kʼawꞈ, aˬ dui siˬ nya ma.

Yeˬsaˬgeˬlaˇ 34:2

“Tsawˇ haˬ zaˬ-oˇ, Iˇsaˬleˬlaˆ tsawˇ jeuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ-ahˇ, dawˬ heu deuˬ ciˬ pi nehˬ-awˬ. Aˬ yawꞈ maꞈ-ahˇ ngaˬ-euˬ gʼaˇ duˬ ngehˬ dah nehˬ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu meh lehˇ ehˇ nehˬ-awˬ. Iˇsaˬleˬlaˆ-ahˇ bo-eu yawˇ bo-eu yaw sahˇ deuˬ-oˇ, naw maꞈ kʼoeˇ taˆ doeˇ dui dui-eu jeˬ keuˆ le tehꞈ-a. Naw maꞈ yawˬ ha gʼawˇ mawˇ gaˇ kawˆ tehꞈ-ehˇ shaˇ noeˬ-awˇ, yawˇ deuˬ-ahˇ maˬ haw-a.

Maꞈtehˬ 23:16

Aˬ cawˬ-ahˇ gaˇ ma mehˬ-eu myaˆ behꞈ deuˬ-oˇ, naw maꞈ ya noeˬ shaˬ dui dui tehꞈ-a. ‘Tsawˇ haˬ tiˬ gʼaˬ na, Uˬ duˬ tahˬ nymˇ nymˇ ma-ahˇ gʼoe-awˇ kamˬ naˇ, aˬ yawꞈ neh kamˬ-euˬ loꞈ-ehˇ maˬ mˇ kʼawꞈ, tiˬ jeˬ-iˬ maˬ ngeuˇ-a. Ehˇ kʼawꞈ, Uˬ duˬ tahˬ nymˇ nymˇ ma laꞈ kʼoeˇ jaˆ-eu shuiˇ-ahˇ gʼoe-awˇ kamˬ naˇ, aˬ yawꞈ neh kʼaˇ kamˬ taˬ-euˬ loꞈ-ehˇ maˬ mˇ-ehˇ maˬ gʼeh nya-a’ lehˇ naw maꞈ mehˬ-eu meh.

Yeˬlaˬmiˇ 23:32

Naˇ haˬ-awˬ. Sahˬpaˬ Miˬyehˇ pyeuꞈ-eu ngaˇ heu loꞈ-ehˇ ehˇ-eu ma. Jaˬ myawꞈ mehˇ shuiˇ tiˬ byah ni ahˇ-eu, yawˬ ha neh yuꞈ maˆ maˆ mawˇ-euˬ gaˇ kawˆ ja-eu Miˬyehˇ gʼaˇ duˬ ngehˬ dah-eu tsawˇ haˬ kʼoeˇ deuˬ-ahˇ ngaˇ muiˇ-eu ma. Aˬ yawꞈ maꞈ yuꞈ maˆ maˆ mawˇ-euˬ gaˇ kawˆ ja-awˇ, jaˬ myawꞈ mehˇ shuiˇ shuiˇ-awˇ, kʼahˬ sehˇ jehˆ-eu laꞈ kʼoeˇ ngaˬ-euˬ tsawˇ haˬ deuˬ-ahˇ gaˇ ma sheuˬ bahˬ-eu meh. Aˬ yawꞈ maꞈ-ahˇ ngaˇ dawˬ biꞈ-awˇ kʼehˇ gʼeh leꞈ-euˬ maˬ ngeuˇ. Aˬ yawꞈ maꞈ-aˬ, ngaˬ-euˬ tsawˇ haˬ deuˬ gʼaˇ duˬ tiˬ pawꞈ-iˬ gaˇ dahˇ maˬ tsoeˬ-a lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Lormav 11:7

Toˆ-ehˇ ngeuˇ naˇ, aˬ joˆ-ehˇ ehˇ nmˇ. Iˇsaˬleˬlaˇ tsawˇ haˬ deuˬ-aˬ, yawˬ ha poˆ luꞈ-eu jeˬ-ahˇ maˬ poˆ mawˇ-aˬ. Miˬyehˇ neh tseˇ doˆ-euˬ deuˬ pyeuꞈ-eu tsawˇ haˬ ui cuiˆ tehꞈ-ehˇ kʼoeˇ-ahˇ poˆ mawˇ-euˬ meh. Kʼoeˇ deuˬ-ahˇ dzeuˇ naˇ, tsawˇ haˬ dawˬ tawˆ luꞈ Miˬyehˇ kuˇ gaˇ maˬ gaˬ leˇ ni naˬ bawˬ bawˬ jiˇ-euˬ meh.

Yoˇhaˬ 12:40

“Tsawˇ haˬ heu deuˬ nui ma gʼahˇ-awˇ, naˬ bawˇ yaw tuˇ bi tuˇ laˇ-awˇ, myaˆ nuiˆ myaˆ behꞈ laˆ behꞈ nehˬ-awˬ. Kʼoeˇ loꞈ-ehˇ maˬ jahˇ nehˬ taˬ naˇ, yawꞈ maꞈ myaˆ nuiˆ haw mawˇ nya-awˇ, naˬ bawˇ gaˬ nya laˇ-eu uˬ taꞈ, nui ma gʼoˆ shaw nya-eu miˇ neh, ngaˇ jawˇ paw paˇ gʼoꞈ kʼoꞈ laˇ-awˇ, naˇ gawˇ bi yaˇ taˬ laˇ tehꞈ-a.”

Yoˇhaˬ 9:39

Yeˬsuˇ ehˇ-eu, “Myaˆ behꞈ deuˬ-ahˇ myaˆ nuiˆ bi mawˇ laˇ-awˇ, myaˆ nuiˆ mawˇ luꞈ-eu deuˬ myaˆ behꞈ bi behꞈ-iˇ ni yaˇ kʼaˬ daˇ-eu gʼaˇ duˬ, miˇ tsaˬ heu kʼoeˇ taˆ ngaˇ oe-euˬ ma.”

Maꞈtehˬ 23:13

“Awꞈ-aꞈ tahˬ kʼoˬ-ahˇ duˇ-eu Zahˇ dawˬ kʼoꞈ dawˬ mehˬ-eu saˬ laˬ deuˬ hawˇ-eu Paˬliˬsehˇ deuˬ-oˇ, naw maꞈ ya noeˬ shaˬ dui dui tehꞈ-a. Aˬ jeˬ miˇ neh ehˇ naˇ, tsawˇ haˬ zaˬ-euˬ mehˬ shi, Mˬtaˆ Miˇkʼahˬ-ahˇ uˇ leˇ-eu laˇ gʼoˆ-ahˇ naw maꞈ gʼoˆ sehˬ sehˬ taˬ-awˇ, yawˬ ha maˬ uˇ leˇ-eu uˬ taꞈ, uˇ leˇ-eu lehˇ leh jeh-eu tsawˇ haˬ deuˬ-ahˇ kʼawꞈ, naw maꞈ maˬ bi uˇ leˇ-a.

Yeˬlaˬmiˇ 22:1

Daˬbiˇ-euˬ dzoeˬ dzaˬ nuiˇ mahˬ-ahˇ nuiˇ-eu Yuˇdaˆ sahˬ paˬ-euˬ nymˇ-ahˇ, Sahˬpaˬ Miˬyehˇ ngaˬ-ahˇ kʼehˇ gʼeh-awˇ, kʼoeˇ gaˇ jawˇ-eu sahˬ paˬ-ahˇ maˬ ehˇ, sahˬ paˬ-euˬ gaˇ mˇ-eu yaw huiˬ yaw mahˇ deuˬ-ahˇ maˬ ehˇ, Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-ahˇ maˬ ehˇ, Sahˬpaˬ Miˬyehˇ-euˬ dawˬ heu loꞈ-ehˇ tsaꞈ gaˬ leˇ-awˬ lehˇ ehˇ-eu meh.

Iˇsaˬyaˇ 44:10

Tahˬ pahˬ aˬ ma mawˇ kawˇ tehˆ-awˇ miˬ yehˇ loꞈ-ehˇ taˬ huiˬ-eu laꞈ kʼoeˇ uˬ duˬ tahˬ-eu-aˬ, tiˬ jeˬ-iˬ gaˇ dahˇ maˬ tsoeˬ-a.

Iˇsaˬyaˇ 29:10

Naw maꞈ yuꞈ kʼaˆ byoˆ ni, Sahˬpaˬ Miˬyehˇ jahˇ-euˬ meh. Miˬyehˇ gʼaˇ duˬ ngehˬ dah-eu deuˬ myaˆ nuiˆ bi dehˬ kaˬ-awˇ, nyiˇ paˬ shaˆ ma deuˬ myaˆ maˬ mawˇ nya-a.

Iˇsaˬyaˇ 9:15

Uˬ duˬ-aˬ, aˬ yuiꞈ aˬ tsu deuˬ meh. Dawˬ miˬ-aˬ, Miˬyehˇ gʼaˇ duˬ ngehˬ dah-eu deuˬ meh. Aˬ yawꞈ maꞈ mehˬ-eu jeˬ jaˬ myawꞈ myawꞈ luꞈ-eu meh.

1 Sahˬpaˬ 13:4

Dawˬ kʼoeˇ deuˬ-ahˇ sahˬ paˬ Yeˬyawˇbamˬ ya gaˬ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ-ahˇ laꞈ noeˇ toeˬ-awˇ, “Tsawˇ haˬ heu gʼaˬ-ahˇ nyehꞈ-awˬ” lehˇ dawˬ biꞈ-euˬ meh. Kʼoeˇ ngeh, ja pyuˬ ni sahˬ paˬ-euˬ aˬ laꞈ laꞈ shiˇ shiˇ-iˇ-awˇ, maˬ cawˬ kʼoꞈ nya ni pyeuꞈ-iˇ-euˬ meh.

1 Saˬmeuˬlaˆ 2:31

Nawˬ-euˬ nymˇ jiˇ laꞈ kʼoeˇ tsawˇ haˬ tiˬ gʼaˬ-iˬ mawˬ laˇ ngeh keuˆ ni maˬ bi dehꞈ keuˆ-eu gʼaˇ duˬ, nawˬ-euˬ nymˇ jiˇ hawˇ-eu nawˬ-euˬ aˇ jeuˬ laꞈ kʼoeˇ kʼaˇ jawˇ-eu zaˬ guˬ dawˬ tawˆ luꞈ-ahˇ, ngaˇ ya sehꞈ jiˇ-eu aˇ yamˬ peh laˇ luꞈ meh.

Zaˬkaˬliˇ 10:2

Tahˬ pahˬ, shaˆ ma, nyiˇ paˬ deuˬ-ahˇ, tsawˇ haˬ zaˬ jah-awˇ gʼoe-euˬ kʼawꞈ, kʼaˇ ehˇ kʼaˇ jeˬ yaw lehˬ tehꞈ meh. Yuꞈmaˆ dawˬ tsuiꞈ yuˇ doˆ-eu deuˬ, jaˬ myawꞈ myawꞈ-euˬ loꞈ-ehˇ pyeuꞈ-awˇ, tiˬ jeˬ-iˬ gaˇ dahˇ maˬ tsoeˬ-a. Kʼoeˇ miˇ neh miˇ kʼahˬ zaˬ kʼoeˇ deuˬ, byoˆ-iˇ-euˬ yawˇ yawˇ maꞈ loꞈ-ehˇ, sheuˬ gʼeh nehˬ-eu gʼaˬ maˬ jawˇ ni, cah cah-ehˇ shaˬ gaˇ duˇ-eu meh.

Zaˬkaˬliˇ 11:15

Kʼoeˇ naˇ, Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Gaˇ dahˇ maˬ tsoeˬ-eu yawˇ bo-eu yaw sahˇ tiˬ poˆ paˇ geuꞈ haw sheˇ.