Zaˬkaˬliˇ 11:14 - Akha

¹⁴ Kʼoeˇ naˇ, “Nui ma gm-eu jeˬ” lehˇ kuˇ-eu daˇ cuiˇ kʼoeˇ ngaˇ paˇ ngawˬ kʼehꞈ-awˇ Yuˇdaˆ miˇ kʼahˬ hawˇ-eu Iˇsaˬleˬlaˆ miˇ kʼahˬ yaw kaˬ-ahˇ jaˆ luꞈ-eu, mehˇ nmˇ yaw kaˬ nui ma gm-eu jeˬ bi cawˆ-iˇ-euˬ ma.

Zaˬkaˬliˇ 11:14 Referans Kwoze

Iˇsaˬyaˇ 9:21

Maˬnaˇseˬ tsawˇ jeuˬ hawˇ-eu Eˇpaˬleˬ tsawˇ jeuˬ, tiˬ jeuˬ tiˇ jeuˬ kawꞈ sehꞈ dzaˬ tehꞈ-a. Aˬ yawꞈ maꞈ tiˬ gaˇ paˇ gm leˇ-awˇ, Yuˇdaˆ miˇ kʼahˬ-ahˇ paˇ ceh le tehꞈ-a. Kʼoeˇ naˆ ni jahˇ nehˬ gʼaˬ-euˬ kʼawꞈ, Sahˬpaˬ Miˬyehˇ nui pehˇ maˬ taˬ leˇ-ehˇ, Iˇsaˬleˬlaˆ-ahˇ kʼehˬ-eu gʼaˇ duˬ cawˬ ja taˬ-euˬ aˬ laꞈ maˬ baꞈ ka ni bi jaˆ tehꞈ-a.

Yaˬkoˆ 3:16

Myaˆ naˆ-eu jeˬ hawˇ-eu yawˬ ha gʼaˇ duˬ tehꞈ-ehˇ shaˇ noeˬ-eu jeˬ kʼaˇ jaˆ gaˇ, maˬ tsaˬ maˬ dzoeˇ leˇ-eu jeˬ hawˇ-eu yaw haiˬ gʼawˬ mya jeˬ jaˆ-eu meh.

Yaˬkoˆ 3:14

Ehˇ kʼawꞈ, myaˆ naˆ-eu jeˬ, aˬ cawˬ-ahˇ nui ma naˇ-eu jeˬ hawˇ-eu, yawˬ ha-euˬ gʼaˇ duˬ tehꞈ-ehˇ shaˇ noeˬ-eu jeˬ naw maꞈ-euˬ nui ma laꞈ kʼoeˇ ahˇ naˇ, zaˬ siˬ tsawˇ gahˇ ahˇ ma lehˇ kʼahˬ sehˇ jehˆ-awˇ yaw tsaˬ yaw dawˇ jeˬ-ahˇ taˬ mˇ bahˬ.

Gaˬlaˬtiˆ 5:15

Ehˇ kʼawꞈ, naw maꞈ bawˇ tsahˬ jeˬ zaˬ yaw haiˬ deuˬ loꞈ-ehˇ tiˬ gʼaˬ tiˇ gʼaˬ coeˬ leˇ naˇ leˇ-eu jeˬ jahˇ luꞈ naˇ, haw taˬ-awˬ, tiˬ gʼaˬ tiˇ gʼaˬ puiˆ byoˆ leꞈ tehꞈ-a.

Maꞈtehˬ 24:10

Tsawˇ haˬ gʼawˬ mya ni, yawˬ ha-euˬ jah-eu jeˬ-ahˇ byehˇ dzeh tehꞈ-a. Aˬ yawꞈ maꞈ tiˬ gʼaˬ tiˇ gʼaˬ saˇ jaˇ puiˬ-awˇ, tiˬ gʼaˬ tiˇ gʼaˬ muiˇ tehꞈ-a.

Zaˬkaˬliˇ 11:9

Kʼoeˇ naˇ, yawˇ yawˇ maꞈ-ahˇ heu loꞈ-ehˇ ehˇ nehˬ-euˬ ma. “Ngaˇ naw maꞈ-ahˇ maˬ paˇ bo ma. Shiˇ-eu deuˬ ehˬ-ehˇ shiˇ luꞈ-uˇ. Cawˆ-iˇ-eu deuˬ kʼawꞈ, ehˬ-ehˇ cawˆ-iˇ jiˇ luꞈ-uˇ. Maˬ shiˇ-ehˇ dzeˇ-eu deuˬ kʼawꞈ, tiˬ gʼaˬ tiˇ gʼaˬ shaˬ jiˇ dzaˬ luꞈ-uˇ.”

Zaˬkaˬliˇ 11:7

Yawˇ gaꞈ-eu deuˬ neh sehꞈ-eu gʼaˇ duˬ zeuˇ taˬ-euˬ yawˇ deuˬ-ahˇ ngaˇ bo-euˬ ma. Daˇ cuiˇ nyiˬ cuiˇ ngaˇ tuˆ tehˬ taˬ-euˬ ma. Tiˬ cuiˇ-ahˇ “Gʼawˬ shaˬ gaˬ-eu jeˬ” lehˇ myahˇ-awˇ, biˬ cuiˇ-ahˇ “nui ma gm-eu jeˬ” lehˇ myahˇ-euˬ ma. Kʼoeˇ naˇ, yawˇ kʼoeˇ deuˬ-ahˇ ngaˇ bo-euˬ ma.

Iˇsaˬyaˇ 11:13

Iˇsaˬleˬlaˆ miˇ kʼahˬ Yuˇdaˆ miˇ kʼahˬ-ahˇ myaˆ maˬ paˇ naˆ-ehˇ, Yuˇdaˆ miˇ kʼahˬ Iˇsaˬleˬlaˆ miˇ kʼahˬ-ahˇ muiˇ-eu nui ma byoˆ-iˇ tehꞈ-a.

Zaˬkaˬliˇ 11:6

Miˇ tsaˬ zaˬ tiˬ gʼaˬ-ahˇ-iˬ ngaˇ gʼawˬ shaˬ maˬ paˇ gaˬ ma. Tsawˇ haˬ dawˬ tawˆ luꞈ, uˆ lahˇ-eu sahˬ paˬ sahˬ ma deuˬ-euˬ laꞈ-ahˇ ngaˇ a nehˬ ma. Sahˬpaˬ sahˬ ma kʼoeˇ deuˬ miˇ tsaˬ tahˬ kʼawˇ heu-ahˇ kʼaˇ kʼehˬ mawꞈ-eu kʼehˬ ngeh, tiˬ gʼaˬ-ahˇ-iˬ ngaˇ maˬ ka kʼoꞈ nehˬ.”

Yeˬsaˬgeˬlaˇ 37:22

Miˇ kʼahˬ heu kʼahˬ laꞈ kʼoeˇ, Iˇsaˬleˬlaˆ gawˬ jawˬ deuˬ kʼoeˇ taˆ, aˬ yawꞈ maꞈ-ahˇ miˇ kʼahˬ tiˬ kʼahˬ bi pyeuꞈ laˇ ma. Aˬ yawꞈ maꞈ sahˬ paˬ tiˬ gʼaˬ tehꞈ-ehˇ uˆ lahˇ-eu uˬ moˆ tiˬ kawˆ loꞈ-ehˇ jawˇ-awˇ, tsawˇ jeuˬ nyiˬ jeuˬ maˬ paˇ bi baw-ehˇ, miˇ kʼahˬ nyiˬ kʼahˬ maˬ paˇ bi dehꞈ paˆ ma.

Maˬkuˆ 3:24

Miˇ kʼahˬ tiˬ kʼahˬ laꞈ kʼoeˇ aˇ muˇ gʼawˬ mya muˇ muˇ paˆ-awˇ guiˇ deuˆ naˇ, miˇ kʼahˬ kʼoeˇ kʼahˬ maˬ ziꞈ-aˇ.