Zaˬkaˬliˇ 11:1 - Akha

¹ Leˬbaˬnoˬ-oˇ, laˇ gʼoˆ pah-awˬ. Nawˬ-euˬ shuˬ liˇ aˇ bawˇ kʼoeˇ deuˬ, miˬ dzaˬ bi puiˆ sehꞈ-eu gʼaˇ duˬ, nawˬ-euˬ laˇ gʼoˆ pah dzeh jiˇ-awˬ.

Zaˬkaˬliˇ 11:1 Referans Kwoze

Yeˬlaˬmiˇ 22:23

Leˬbaˬnoˬ gawˬ jawˬ-ahˇ shaˇ leˇ-euˬ, shuˬ liˇ neh tsoˆ-euˬ nymˇ laꞈ kʼoeˇ, naw maꞈ saˇ lehˆ ni dehꞈ luꞈ meh. Ehˇ kʼawꞈ, zaˬ baw aˬ ma-euˬ shaˬ zahˬ-ahˇ duˇ-eu, shaˬ zahˬ naw maꞈ-ahˇ zaw laˇ ngeh, naw maꞈ aˇ naˆ ni ya shaˬ nmˇ.

Zaˬkaˬliˇ 10:10

Iˇjiˇtuˆ miˇ kʼahˬ laꞈ kʼoeˇ neh, Aˬshuˇliˆ miˇ kʼahˬ laꞈ kʼoeˇ neh, aˬ yawꞈ maꞈ-ahˇ sheuˬ kʼoꞈ laꞈ-awˇ, yawˬ ha miˇ kʼahˬ-ahˇ bi jawˇ ma. Giˇlaˆ miˇ kʼahˬ laꞈ kʼoeˇ maˬ ehˇ, Leˬbaˬnoˬ miˇ kʼahˬ-ahˇ maˬ ehˇ, miˇ kʼahˬ jawˇ byah jiˇ gaˇ keuˆ ni, aˬ yawꞈ maꞈ-ahˇ ngaˇ bi jawˇ ma.

Haˬgaiˇ 1:8

Gawˬ jawˬ-ahˇ daˇ kawˬ shaˇ leˇ-awˇ, Uˬ duˬ tahˬ nymˇ nymˇ ma tsoˆ muiˬ-awˬ. Kʼoeˇ loꞈ-ehˇ jahˇ naˇ, ngaˇ nui kʼahˇ shiˇ-awˇ, ngaˬ-ahˇ kʼoeˇ gaˇ uˬ duˬ paˇ ya tahˬ tehꞈ-a.

Haˬbaˬkuˆ 2:17

Leˬbaˬnoˬ sahˬ kʼaˆ nawˇ tuˇ-euˬ, nawˬ-ahˇ tuˇ poˆ gaˇ ya daˬ-awˇ, bawˇ tsahˬ jeˬ zaˬ-ahˇ nawˇ sehꞈ-euˬ, jeˬ zaˬ nawˬ-ahˇ paˇ sehꞈ tehꞈ-a. Tsawˇ haˬ-euˬ shiˬ nawˇ sehꞈ yoeˇ-awˇ, miˇ tsaˬ-ahˇ nawˇ kʼehˬ-euˬ miˇ neh, kʼoeˇ loꞈ-ehˇ ya daˬ poˆ tehꞈ-a.

Haˬbaˬkuˆ 2:8

Miˇ kʼahˬ tsawˇ jeuˬ gʼawˬ mya ni-ahˇ, nawˇ nawˬ dzaˬ kʼaˆ dzaˬ-euˬ miˇ neh, kʼaˇ buˬ kʼaˇ law-iˇ-euˬ kʼoeˇ deuˬ, nawˬ-ahˇ paˇ daˆ poˆ laˇ tehꞈ-a. Miˇ tsaˬ-ahˇ nawˇ yaw haiˬ mˇ-awˇ, tsawˇ haˬ shiˬ laˆ yoeˇ-euˬ miˇ neh, meuˬ deuˬ kʼoeˇ taˆ kʼaˆ myawˬ mˇ-awˇ, kʼaˆ dzaˇ dzaˬ-euˬ jaˆ-eu miˇ neh, nawˬ-ahˇ paˇ daˆ poˆ laˇ tehꞈ-a.

Dawˬmehˬ 32:22

Ngaˬ-euˬ nui pehˇ miˬ lmˇ nyehˆ-awˇ, miˇ tsaˬ dawˬ tawˆ bi puiˆ byoˆ ma. Miˇ tsaˬ dawˬ dah puiˆ naꞈ gʼeh-awˇ, gawˬ jawˬ duˬ puˇ puiˆ dzaˬ tehꞈ-a.

Yeˬsaˬgeˬlaˇ 31:3

Uˬ pyaˬ uˬ laꞈ aˇ paꞈ sahˇ-awˇ, mˬ dmˇ tuˆ ni goˇ-awˇ muiˬ-eu, Leˬbaˬnoˬ gawˬ jawˬ-ahˇ dehꞈ-eu, shuˬ liˇ aˇ bawˇ-ahˇ nawˇ duˇ meh.

Zaˬkaˬliˇ 11:2

Guˇ baˬ luˇ aˇ bawˇ deuˬ ngoeˇ-awˬ. Shuˬ liˇ aˇ bawˇ coˬ jiˇ-euˬ meh. Muiˬ-eu poeˬ-eu aˇ bawˇ kʼoeˇ deuˬ, byoˆ-iˇ cawˆ-iˇ jiˇ shaw-euˬ meh. Baˬshaˬ tsuiꞈ kaˆ aˇ bawˇ deuˬ-oˇ, sahˬ kʼaˆ kʼaˆ ma teˬ byoˆ-euˬ gaˇ, myaˆ biˇ doˆ-awˇ ngoeˇ dui dui-awˬ.

Zaˬkaˬliˇ 12:6

“Aˇ yamˬ kʼoeˇ yamˬ keuˆ laˇ ngeh jawˇ, Yuˇdaˆ tsawˇ jeuˬ tsawˇ ca deuˬ-ahˇ, aˇ bawˇ sahˬ kʼaˆ hawˇ-eu cehˇ myah laˇ-euˬ cehˇ yaˇ-ahˇ puiˆ-eu miˬ dzaˬ loꞈ-ehˇ bi pyeuꞈ laˇ ma. Dawˬ peh jaˆ-eu miˇ kʼahˬ dawˬ tawˆ luꞈ-ahˇ aˬ yawꞈ maꞈ laˆ cawˆ jiˇ tehꞈ-a. Yeˬluˇsaˬlehˬ tsawˇ haˬ deuˬ-aˬ, meuˬ laꞈ kʼoeˇ saˇ lehˆ ni ya jawˇ tehꞈ-a.