Zaˬkaˬliˇ 10:12 - Akha

¹² Ngaˬ-euˬ tsawˇ jeuˬ gʼaˬ bi kʼaˆ ma. Ngaˬ-euˬ dawˬ-ahˇ naˇ haˬ geuꞈ-awˇ, ngaˬ-ahˇ uˬ duˬ tahˬ tehꞈ-a” lehˇ, Sahˬpaˬ Miˬyehˇ ehˇ taˬ-euˬ meh.

Zaˬkaˬliˇ 10:12 Referans Kwoze

Iˇsaˬyaˇ 41:10

Taˬ guˆ. Ngaˇ nawˬ nehˬ-ehˇ jawˇ ma. Ngaˇ naw maꞈ-euˬ Miˬyehˇ ngeuˇ ma. Tiˬ jeˬ-ahˇ-iˬ naw maꞈ guˆ-eu maˬ loˬ. Ngaˇ gʼaˬ biꞈ-awˇ caw ba nehˬ ma. Nawˬ maꞈ-ahˇ ngaˇ haw piˇ-awˇ ka kʼoꞈ ma.

Zaˬkaˬliˇ 10:6

Yuˇdaˆ nymˇ jiˇ gʼaˬ bi kʼaˆ-awˇ, Yoˇsehˆ nymˇ jiˇ ngaˇ ka kʼoꞈ ma. Aˬ yawꞈ maꞈ-ahˇ gʼawˬ shaˬ gaˬ-awˇ, iˇ kahˇ sheuˬ kʼoꞈ keuˆ jiˇ nehˬ ma. Ngaˬ neh maˬ byehˇ dzeh-euˬ loꞈ-ehˇ, aˬ yawꞈ maꞈ paˇ bi dehꞈ poˆ ma. Sahˬpaˬ Miˬyehˇ pyeuꞈ-eu ngaˇ-aˬ, aˬ yawꞈ maꞈ-euˬ Miˬyehˇ ngeuˇ ma. Aˬ yawꞈ maꞈ neh shaˇ-euˬ shaˇ dawˬ, maˬ byehˇ ni ngaˇ naˇ haˬ nehˬ ma.

Iˇsaˬyaˇ 2:5

Yaˬkoˆ-euˬ zaˬ deuˬ uˆ deuˬ-oˇ, Sahˬpaˬ Miˬyehˇ-euˬ yaw shehꞈ laꞈ kʼoeˇ, aˬ dui cah gʼeh kaˇ-euˇ.

2 Tiˆmoˇseˬ 2:1

Ngaˬ li-oˇ, Yeˬsuˇ Ka li laꞈ kʼoeˇ aˬ dui za taˬ-euˬ guiˬ lahˬ yaw dzahˇ baˬ da neh gʼaˬ ahˇ-awˬ.

Miˇkaˬ 4:5

Tsawˇ jeuˬ yawˬ jeuˬ na luꞈ yawˬ ha-euˬ miˬ yehˇ-ahˇ uˬ duˬ tahˬ-awˇ, yawˬ ha miˬ yehˇ-euˬ ehˇ dawˬ naˇ haˬ luꞈ meh. Ehˇ kʼawꞈ, aˬ dui-aˬ, aˬ dui-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ aˬ dui uˬ duˬ tahˬ-awˇ, mˬ maˬ maˬ byaˆ zaˇ ziˇ aˬ yawꞈ-euˬ dawˬ naˇ haˬ geuꞈ ma.

Gawˇlawˇsehˇ 3:17

Naw maꞈ kʼaˇ mˇ kʼaˇ shaˇ kʼaˇ ngehˬ kʼaˇ tmˇ-eu jeˬ laꞈ kʼoeˇ, Sahˬ paˬ Yeˬsuˇ-euˬ tsawˇ myahˇ uˬ moˆ Aˬ da Miˬyehˇ-euˬ guiˬ lahˬ-ahˇ ja ceuˬ ja ceuˬ-ehˇ mˇ-awˬ.

Gawˇlawˇsehˇ 2:6

Naw maꞈ-aˬ, Yeˬsuˇ Ka li-ahˇ naw maꞈ-euˬ Sahˬpaˬ loꞈ-ehˇ ha geuꞈ gʼaˬ-euˬ miˇ neh, aˬ yawꞈ-euˬ laꞈ kʼoeˇ dehꞈ gʼeh-awˬ.

Piˇliˇpiˆ 4:13

Aˬ geu jeˬ keuˆ le-eu maˬ kaˬ, Ka li neh ngaˬ-ahˇ biꞈ laꞈ-euˬ baoˬ-ahˇ gʼoe-awˇ ciˬ daˬ coeˇ ma.

Iˇsaˬyaˇ 45:24

“Aˬ yawꞈ maꞈ heu loꞈ-ehˇ ehˇ tehꞈ-a. Ngaˇ baˬ da neh tehꞈ-ehˇ gʼaˬ leˇ nya-awˇ, ngaˬ-euˬ laꞈ kʼoeˇ tehꞈ-ehˇ gʼaˬ jaˆ-eu meh. Ehˇ kʼawꞈ ngaˬ-ahˇ bye-eu tsawˇ haˬ, myaˆ pyawˬ naˇ mehˇ ya cawˆ tehꞈ-a.

Aˇ dahˬ 24:40

Kʼoeˇ ngeh, aˬ yawꞈ ngaˬ-ahˇ heu loꞈ-ehˇ ehˇ-eu meh. ‘Aˬ myah luꞈ ngaˇ yaw zeu baw luꞈ-eu ngaˬ-euˬ Sahˬpaˬ Miˬyehˇ-aˬ, aˬ yawꞈ-euˬ gʼaˬ kʼehˇ-ahˇ nawˬ nehˬ-ehˇ bi oe-awˇ, nawˇ mˇ-eu jeˬ pyeuꞈ leˇ nya ni bi caw ba le tehꞈ-a. Ngaˬ da o neh dehꞈ ka leꞈ-euˬ ngaˬ-euˬ tsawˇ jeuˬ tsawˇ ca deuˬ laꞈ kʼoeˇ, ngaˬ li gʼaˇ duˬ miˬ zaˬ tiˬ gʼaˬ nawˇ ya shaˇ poˆ nehˬ meh.

Eˇpeˇsu 6:10

Aˇ saˬ saˬ-eu dawˬ heu loꞈ-ehˇ ehˇ-eu ma. Sahˬpaˬ Yeˬsuˇ-euˬ huiˬ-eu baoˬ-ahˇ gʼoe-awˇ, aˬ yawꞈ laꞈ kʼoeˇ gʼaˬ ahˇ laˇ-awˬ.

Zaˬkaˬliˇ 12:5

Kʼoeˇ ngeh, ‘Baoˬ huiˬ-eu Miˬyehˇ pyeuꞈ-eu Sahˬpaˬ Miˬyehˇ-aˬ, Yeˬluˇsaˬlehˬ meuˬ-ahˇ jawˇ-eu aˬ yawꞈ-euˬ tsawˇ haˬ deuˬ-ahˇ gʼaˬ biꞈ-eu ngaˇ’ lehˇ, Yuˇdaˆ tsawˇ jeuˬ tsawˇ ca deuˬ tiˬ jeuˬ tiˇ jeuˬ ehˇ tehꞈ-a.

Aˇ dahˬ 5:24

Aˬ yawꞈ miˇ tsaˬ kʼoeˇ taˆ yaw dehꞈ dehꞈ-euˬ tiˬ ziˇ, Miˬyehˇ nehˬ-ehˇ cawˬ cawˬ taꞈ-awˇ, aˬ yawꞈ-ahˇ tiˬ jawˇ-iˬ maˬ paˇ ya mawˇ ni byoˆ tsehˆ-euˬ meh. Aˬ jeˬ miˇ neh ehˇ naˇ, aˬ yawꞈ-ahˇ Miˬyehˇ sheuˬ kʼoꞈ gʼeh-euˬ meh.

1 Teˇsaˬloˇni 4:1

Aˬ yuiꞈ aˬ nyiˇ Ka li zaˬ deuˬ-oˇ, aˇ saˬ saˬ-eu dawˬ heu loꞈ-ehˇ ehˇ mawꞈ-eu ma. Miˬyehˇ nui kʼahˇ shiˇ ni aˬ joˆ-ehˇ ya dehꞈ ya jawˇ-eu gaˇ kawˆ, naw maꞈ-ahˇ nga maꞈ dehꞈ mehˬ jawˇ mehˬ gʼaˬ-euˬ ma. Naw maꞈ kʼoeˇ loꞈ-ehˇ dehꞈ luꞈ jawˇ luꞈ-eu meh. Kʼoeˇ naˆ maˬ tseˇ leh jeh-awˇ dehꞈ daˆ leꞈ-eu gʼaˇ duˬ Sahˬpaˬ Yeˬsuˇ-euˬ tsawˇ myahˇ uˬ moˆ naw maꞈ-ahˇ nga maꞈ shaˇ-eu ma.

1 Teˇsaˬloˇni 2:12

Nga maꞈ naw maꞈ-ahˇ gʼaˬ biꞈ-awˇ nui saˇ bi za-euˬ ma. Aˬ yawꞈ-euˬ Miˇkʼahˬ hawˇ-eu yaw shehꞈ kʼahˬ sehˇ laꞈ kʼoeˇ uˇ laˇ ni naw maꞈ-ahˇ kuˇ luꞈ-eu Miˬyehˇ nui ma tsaˬ ni yaw dehꞈ dehꞈ-eu gʼaˇ duˬ, naw maꞈ-ahˇ nga maꞈ maˬ tsehˆ leˇ ni gʼaˬ biꞈ-euˬ ma.

Yeˬsaˬgeˬlaˇ 30:24

Kʼoeˇ naˇ, Baˬbuˇloˬ sahˬ paˬ-euˬ laꞈ du bi deuˇ laˇ-awˇ, aˬ yawꞈ-euˬ aˬ laꞈ-ahˇ ngaˬ-euˬ mi cehˇ dawˆ ahˇ nehˬ ma. Ehˇ kʼawꞈ, Iˇjiˇtuˆ sahˬ paˬ-euˬ aˬ laꞈ ngaˇ ngawˬ kʼehꞈ-awˇ, aˬ yawꞈ-ahˇ muiˇ-eu deuˬ-euˬ mehˬ shi mahˇ mahˇ-ehˇ shiˇ leˇ tehꞈ-a.