Zaˬkaˬliˇ 1:20 - Akha20 Kʼoeˇ naˇ, diˬ puˬ baꞈ luꞈ-eu ba jiˬ oeˬ gʼaˬ, Sahˬpaˬ Miˬyehˇ ngaˬ-ahˇ bi mawˇ laꞈ-euˬ meh. Gade chapit la |
Kʼoeˇ miˇ neh, aˬ yawꞈ maꞈ-ahˇ muiˇ-eu deuˬ neh, aˬ yawꞈ maꞈ-ahˇ nawˇ bi deuˆ gʼaˬ-awˇ, bi uˆ lahˇ-euˬ meh. Aˬ yawꞈ maꞈ shaˬ-eu zahˬ-eu laꞈ kʼoeˇ, caw ba le-awˬ lehˇ nawˬ-ahˇ kuˇ ngeh, nawˇ mˬ kʼoeˇ taˆ jawˇ-awˇ naˇ haˬ nehˬ-euˬ meh. Aˬ yawꞈ maꞈ-ahˇ nawˇ gʼawˬ shaˬ gaˬ dui dui-eu laꞈ kʼoeˇ, muiˇ-eu deuˬ-euˬ laꞈ-ahˇ neh bi ka kʼoꞈ-eu gʼaˇ duˬ, aˬ yuiꞈ aˬ tsu deuˬ nawˇ pyehˬ gʼeh-euˬ meh.
Nawˬ-ahˇ nga maꞈ uˬ duˬ tahˬ-eu ma lehˇ ehˇ-eu meh. Kʼoeˇ naˇ, Giˇdoˬ, Baˬyehˇ, Yeˬpaˬtaˆ aˬ ha smˇ gʼaˬ-ahˇ, tiˬ gʼaˬ saˇ-iˬ tiˬ gʼaˬ Sahˬpaˬ Miˬyehˇ pyehˬ gʼeh leꞈ-awˇ, aˇ saˬ saˬ laˇ ngeh ngaˬ-ahˇ pyehˬ gʼeh leꞈ-euˬ meh. Nga maꞈ oeˬ gʼaˬ aˬ yawꞈ gʼaˬ yawꞈ, muiˇ-eu deuˬ-euˬ aˬ laꞈ laꞈ kʼoeˇ neh naw maꞈ-ahˇ ka kʼoꞈ-awˇ, naw maꞈ-ahˇ nui saˇ za-eu laꞈ kʼoeˇ bi dehꞈ bi jawˇ-euˬ ma.
Kʼoeˇ gaˇ neh naˇ, bawˇ tsahˬ bawˇ dahˇ caw caw-ehˇ aˬ yawꞈ maꞈ paˇ iˇ gʼeh-awˇ, Eˬdoˬ miˇ kʼahˬ hawˇ-eu Mawˇbaˆ miˇ kʼahˬ-ahˇ gaˇ jaw jaw-awˇ, Aˬnoˬ lawˇ baˬ-euˬ nui baˬ paw, Mawˇbaˆ miˇ kʼahˬ-euˬ nahˇ ma doˆ kʼehˬ paw dzeˇ laˇ doˆ-euˬ meh. Aˬ yawꞈ maꞈ kʼoeˇ gaˇ sehˬ gʼawˆ gʼawˆ-awˇ jawˇ-euˬ meh. Aˬnoˬ lawˇ baˬ aˬ yawꞈ maꞈ maˬ tsehˆ doˆ-aˬ. Aˬ jeˬ miˇ neh ehˇ naˇ, kʼoeˇ-aˬ, Mawˇbaˆ miˇ kʼahˬ-euˬ miˇ kaˬ pyeuꞈ-eu meh.