Yuˇdaˆ 1:14 - Akha

¹⁴ Aˇ hu ba, Aˬdaˬ-ahˇ neh shiꞈ tsuiꞈ tiˬ tsuiꞈ-ahˇ dehꞈ yaꞈ-euˬ Iˇnawˆ neh, aˬ yawꞈ maꞈ-euˬ gaˇ kawˆ heu loꞈ-ehˇ ngehˬ dah yaꞈ-euˬ jaˆ-eu meh. “Sahˬpaˬ Miˬyehˇ-aˬ, muiˬ-eu shawˇ-eu mˬ taˆ gʼaˬ kʼehˇ aˇ muiˇ aˇ seh nehˬ-ehˇ oe tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁴ Aqdaq-anr nae guikalef ngae, shiftsuif tiqtsuif-anr jawr-eu Ernov khawf aqyawf maf-euq garkawv, Miqyaer gharduq heulof-aer ngaeqdan taq-euq mae, “Hawde-eq. Sanqpaq Miqyaer, aqyawf-euq tsawrshawr armyaer arjuirghaq sheuq-awr oe taef-a.

Yuˇdaˆ 1:14 Referans Kwoze

Dawˬmehˬ 33:2

Siˇnaˆ gawˬ jawˬ jawˬ ma-ahˇ neh, Sahˬpaˬ Miˬyehˇ oe gʼeh leꞈ-awˇ, Eˬdoˬ miˇ kʼahˬ-euˬ mˬ taˆ-ahˇ, nahˇ ma loꞈ-ehˇ yawˬ doˆ laˇ-awˇ, Paˬlaˬ gawˬ jawˬ uˬ du jawˇ-awˇ, yawˬ tsawˇ-ahˇ yaw shehꞈbya-euˬ meh. Mˬ taˆ gʼaˬ kʼehˇ aˇ heˇ aˇ muiˇ, aˬ yawꞈ-euˬ tiˬ jawˬ jawˇ luꞈ-awˇ, aˬ yawꞈ aꞈ laꞈ aˇ maˇ laꞈ-ahˇ, doꞈ-eu miˬ lmˇ yuˇ luꞈ-eu meh.

1 Teˇsaˬloˇni 3:13

Aˬ dui-euˬ Sahˬpaˬ Yeˬsuˇ aˬ yawꞈ-euˬ tsawˇ haˬ dawˬ tawˆ luꞈ nehˬ-ehˇ oe ngeh, aˬ dui-euˬ Aˬda Miˬyehˇ mehˬ shi naw maꞈ iˬ baˇ taˬ kʼaˇ maˬ za-eu muiˬ-eu shawˇ-eu tsawˇ haˬ pyeuꞈ ni, aˬ yawꞈ naw maꞈ-ahˇ kʼoeˇ loꞈ-ehˇ gʼaˬ biꞈ lahˬ nehˬ luꞈ-uˇ.

Maꞈtehˬ 16:27

Tsawˇhaˬ-euˬ Zaˬmaˇ-aˬ, aˬ yawꞈ Aˬda-euˬ yaw shehꞈ kʼahˬ sehˇ dm-awˇ, aˬ yawꞈ-euˬ mˬ taˆ gʼaˬ kʼehˇ deuˬ nehˬ-ehˇ zaꞈ le-awˇ, tsawˇ haˬ yawˬ gʼaˬ yawˬ na luꞈ-ahˇ, yawˬ ha neh kʼaˇ mˇ taˬ-euˬ loꞈ-ehˇ tsoeˬ kʼoꞈ nehˬ le tehꞈ-a.

Maꞈtehˬ 25:31

“Tsawˇhaˬ-euˬ Zaˬmaˇ mˬ taˆ gʼaˬ kʼehˇ deuˬ sheuˬ-awˇ, Sahˬ paˬ loꞈ-ehˇ zaꞈ le ngeh, aˬ yawꞈ-euˬ dzoeˬ dzaˬ nuiˇ mahˬ kʼoeˇ taˆ nuiˇ le tehꞈ-a.

Zaˬkaˬliˇ 14:5

Gawˬ jawˬ-ahˇ nyiˬ paˆ biˇ paˆ-euˬ gʼaˬ lawˬ kʼoeˇ caw caw-ehˇ, naw maꞈ cehˆ dzeuˇ nya tehꞈ-a. Aˇ hu Yuˇdaˆ miˇ kʼahˬ-ahˇ sahˬ paˬ Awˇziˇ uˆ lahˇ luꞈ ngeh miˇ luˆ luˆ laˇ-awˇ, naw maꞈ-euˬ aˬ poeˬ aˬ bawˇ deuˬ cehˆ-euˬ loꞈ-ehˇ, naw maꞈ kʼawꞈ ya cehˆ tehꞈ-a. Ngaˬ-euˬ Miˬyehˇ pyeuꞈ-eu Sahˬpaˬ Miˬyehˇ-aˬ, mˬ taˆ gʼaˬ kʼehˇ dawˬ tawˆ luꞈ sheuˬ-awˇ oe tehꞈ-a.

Aˇ dahˬ 5:18

Jaˬyehˆ tiˬ yaˇ koꞈ tseˇ nyiꞈ kʼoꞈ kʼawˆ ngeh, Iˇnawˆ lehˇ myahˇ-euˬ aˬ li tiˬ li jawˇ le-euˬ meh.

Panmaeq 1:7

Haw yawˬ. Aˬ yawꞈ mˬ dmˇ dziˬ-awˇ oe luꞈ meh. Tsawˇ haˬ yawˬ gʼaˬ na luꞈ aˬ yawꞈ-ahˇ ya mawˇ tehꞈ-a. Aˬ yawꞈ-ahˇ gahˬ neh tsawˆ-euˬ deuˬ kʼawꞈ ya mawˇ tehꞈ-a. Aˬ yawꞈ baˬ da neh miˇ tsaˬ zaˬ dawˬ tawˆ luꞈ tsawˇ ngoeˇ ya ngoeˇ tehꞈ-a. Aˬ diˇ ngeuˇ tehꞈ-a. Aˬ miˬ.

Iˇsaˬyaˇ 26:21

Haw yawˬ, Sahˬpaˬ Miˬyehˇ aˬ yawꞈ-euˬ jawˇ duˬ-ahˇ luˆ laˇ-awˇ, iˬ baˇ mˇ-eu miˇ tsaˬ zaˬ-ahˇ kʼehˬ-eu lehˇ oe luꞈ meh. Miˇ tsaˬ kʼoeˇ taˆ sehꞈ kʼoeˬ shiˇ kʼoeˬ kʼoeˬ-awˇ, laˆ zaꞈ laˆ byoˆ taˬ-euˬ dawˬ tawˆ, bya cehˆ ni doˆ laˇ jiˇ tehꞈ-a.

HeˬByehˇ 12:22

Ehˇ kʼawꞈ, naw maꞈ-aˬ, Ziˇoˬ gawˬ jawˬ hawˇ-eu dehꞈ luꞈ-eu Miˬyehˇ-euˬ meuˬ-ahˇ laˇ-euˬ meh. Kʼoeˇ-aˬ, mˬ taˆ gʼaˬ kʼehˇ aˇ muiˇ aˇ seh jawˇ-eu mˬ taˆ-euˬ Yeˬluˇsaˬlehˬ meuˬ meh.

Panmaeq 5:11

Ngaˇ paˇ haw gʼeh leꞈ ngeh, mˬ taˆ gʼaˬ kʼehˇ aˇ seh aˇ lamˬ-euˬ teˇ saˇ ya gaˬ-euˬ ma. Dzoeˬ dzaˬ nuiˇ mahˬ, dehꞈ luꞈ-eu jeˬ zaˬ kʼoeˇ oeˬ mawˇ hawˇ-eu, aˬ yuiꞈ aˬ tsu kʼoeˇ nyiˬ tseˇ oeˬ gʼaˬ-euˬ tiˬ jawˬ, aˬ yawꞈ maꞈ yawꞈ luꞈ-eu meh.