Yuˇdaˆ 1:12 - Akha

¹² Aˬ yawꞈ maꞈ yawˬ ha uˬ maˆ dehˆ ni tehꞈ-ehˇ shaˇ sawˇ-awˇ, shaꞈ dawˇ-eu maˬ baw ni dzaˬ-eu dawˇ-eu aˇ dzehˬ-ehˇ gʼeh-eu kʼoeˇ-aˬ, naw maꞈ gʼoeˇ-eu gaˬ-eu laꞈ kʼoeˇ dzaˬ taꞈ dawˇ taꞈ-eu hawˬ byawˇ-ahˇ laˆ jawꞈ gaˇ duˇ-eu meh. Aˬ yawꞈ maꞈ-aˬ, jaˬ lehˇ neh bi baw ha gʼeh-euˬ uˬ yehˇ maˬ ahˇ-eu mˬ dmˇ-ahˇ duˇ-eu meh. Aˇ siˬ siˬ yamˬ-ahˇ maˬ siˬ le-eu miˇ neh puˇ ngawˬ ciˇ lehˆ-ehˇ bi gʼawˇ dzeh-awˇ nyiˬ poˆ shiˇ-euˬ aˇ siˬ aˇ bawˇ-ahˇ duˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Tsawrhaq heudeuq-aq, nawmaf-euq gaq-eu yawbui-euq lafkhoer marbyawf pyeuf-awr, nawmaf naeq-aer yawbui buitaf ngae, guv-eu jeq maqanrni, yawqha-euq gharduq taef-aer laejae-eu mae. Aqyawf maf-aq, jaqlaer nae bi bawghae luf-eu, ircuf maqdanq-eu mqdmr lof-aer dur-awr, arsiq siqyamq-anr maq siqle-aer, duqcir-anr nae bi ghawrdzae-awr, nyiq pov shir-euq arsiq arbawr lof-aer khawf dur-eu mae.

Yuˇdaˆ 1:12 Referans Kwoze

Maꞈtehˬ 15:13

Yeˬsuˇ ehˇ-eu, “Mˬ kʼoeˇ taˆ jawˇ-eu ngaˬ Da neh maˬ ka taˬ-euˬ aˇ bawˇ yawˬ bawˇ na luꞈ, gʼawˇ lehˆ dzeh gaˇ ya daˬ tehꞈ-a.

Yeˬsaˬgeˬlaˇ 34:8

Ngaˇ dehꞈ luꞈ-eu Miˬyehˇ kʼaˇ pyeuꞈ kʼoeˇ keuˆ ni, naw maꞈ ngaˬ-euˬ dawˬ-ahˇ naˇ haˬ-eu tsaˬ meh. Yawˇ bo-eu gʼaˬ maˬ jawˇ-eu miˇ neh, bawˇ tsahˬ jeˬ zaˬ deuˬ ngaˬ-euˬ yawˇ deuˬ-ahˇ kawꞈ luꞈ meh. Ngaˬ-euˬ yawˇ bo-eu deuˬ yawˇ maˬ poˆ kʼoꞈ-a. Aˬ yawꞈ maꞈ yawˬ ha gʼaˇ duˬ tehꞈ-ehˇ shaˇ noeˬ-awˇ, yawˇ deuˬ-ahˇ byehˇ dzeh taˬ-euˬ meh.

Piˇliˇpiˆ 3:19

Aˬ yawꞈ maꞈ-aˬ, shiˬ buiˇ lah ma-ahˇ aˇ saˬ ya saˬ-iˇ meh. Aˬ jeˬ miˇ neh ehˇ naˇ, aˬ yawꞈ maꞈ-euˬ shiˬ shaˬ jiˇ nui kʼahˇ-aˬ, aˬ yawꞈ maꞈ-euˬ miˬyehˇ meh. Aˬ yawꞈ maꞈ-aˬ, yawˬ ha shaꞈ dawˇ paˬ-ehˇ gʼeh-eu jeˬ-ahˇ maˬ shaꞈ dawˇ ni jahˇ gʼeh haw-awˇ, miˇ tsaˬ shiˬ shaˬ jiˇ-ahˇ taꞈ-eu jeˬ tehꞈ-ehˇ shaˇ noeˬ luꞈ-eu meh.

Eˇpeˇsu 4:14

Kʼoeˇ ngeh jawˇ aˬ dui-aˬ, jah-eu jeˬ laꞈ kʼoeˇ zaˬ loꞈ-ehˇ maˬ paˇ pyeuꞈ-ehˇ, aˬ cawˬ-ahˇ tsawˇ gahˇ gahˇ-awˇ gaˇ ma sheuˬ bahˬ nehˬ-eu tsawˇ haˬ deuˬ-euˬ mehˇ shuiˇ jaˬ lehˇ baw laˇ ngeh, aˬ dui-ahˇ maˬ baw poˆ maˬ baw laˆ nya-aˇ.

Dawqdaq 25:14

Yawˬ ha maˬ mˇ keuˆ nya gaˇ keuˆ ni saˇ jaˇ dzaˬ-eu tsawˇ haˬ-aˬ, uˬ yehˇ maˬ ahˇ-eu mˬ dmˇ hawˇ-eu jaˬ lehˇ-ahˇ duˇ-eu meh.

Luˇkaꞈ 21:34

“Naw maꞈ yaw beuˇ beuˇ-ehˇ jawˇ-awˬ. Maˬ ngeuˇ naˇ, dzaˬ boˆ dawˇ boˆ boˆ-eu jeˬ, dzaˬ yehꞈ dawˇ yehꞈ-eu jeˬ hawˇ-eu, yaw dehꞈ dehꞈ-eu gaˇ kawˆ kʼahˬ lahˇ-eu jeˬ naw maꞈ-euˬ nui ma-ahˇ ciˬ tehˬ taˬ-awˇ maˬ noeˬ maˬ duˇ-ehˇ jawˇ luꞈ ngeh, lahˇ ju-ahˇ paꞈ leˇ-eu loꞈ-ehˇ, aˇ nah kʼoeˇ nah naw maꞈ kʼoeˇ taˆ ja pyuˬ ni bi keuˆ le nmˬ-mˇ.

Luˇkaꞈ 8:6

Siˬ yoeˬ tiˬ paˆ na deuˬ-aˬ, kʼaˬ lo lo yaˇ-ahˇ ga-iˇ-awˇ, dehꞈ laˇ-euˬ meh. Ehˇ kʼawꞈ, miˇ tsaˬ yaw gui miˇ neh, nyoeˬ-iˇ koˆ-iˇ-euˬ meh.

Yeˬsaˬgeˬlaˇ 34:10

Ngaˇ naw maꞈ-ahˇ muiˇ ma lehˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ ehˇ-eu ma. Ngaˬ-euˬ yawˇ deuˬ ngaˇ yuˇ kʼoꞈ jiˇ-awˇ, naw maꞈ-ahˇ tiˬ jawˇ-iˬ yawˇ maˬ paˇ bi bo ma. Naw maꞈ-ahˇ muiˬ leˇ ni, ngaˬ-euˬ yawˇ tiˬ jawˇ-iˬ maˬ paˇ bi bo ma. Ngaˬ-euˬ yawˇ deuˬ yuˇ kʼoꞈ jiˇ-awˇ, naw maꞈ neh maˬ paˇ bi sehꞈ dzaˬ ma.

Yeˬsaˬgeˬlaˇ 34:2

“Tsawˇ haˬ zaˬ-oˇ, Iˇsaˬleˬlaˆ tsawˇ jeuˬ kʼoeˇ taˆ aˬ yuiꞈ aˬ tsu geuꞈ luꞈ-eu deuˬ-ahˇ, dawˬ heu deuˬ ciˬ pi nehˬ-awˬ. Aˬ yawꞈ maꞈ-ahˇ ngaˬ-euˬ gʼaˇ duˬ ngehˬ dah nehˬ-awˇ, Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ, heu loꞈ-ehˇ ehˇ-eu meh lehˇ ehˇ nehˬ-awˬ. Iˇsaˬleˬlaˆ-ahˇ bo-eu yawˇ bo-eu yaw sahˇ deuˬ-oˇ, naw maꞈ kʼoeˇ taˆ doeˇ dui dui-eu jeˬ keuˆ le tehꞈ-a. Naw maꞈ yawˬ ha gʼawˇ mawˇ gaˇ kawˆ tehꞈ-ehˇ shaˇ noeˬ-awˇ, yawˇ deuˬ-ahˇ maˬ haw-a.

Yaˬkoˆ 5:5

Miˇ tsaˬ heu kʼoeˇ taˆ naw maꞈ yaw dehꞈ dehꞈ-euˬ-aˬ, laˬ kʼaˬ tiˬ cehˇ, nui kʼahˇ tiˬ shiˇ dehꞈ-euˬ meh. Bi sehꞈ dzaˬ-eu aˇ nah kʼoeˇ nah-euˬ gʼaˇ duˬ, naw maꞈ yawˬ haˇ yawˬ ha cu tsuˇ taˬ-euˬ meh.

1 Tiˆmoˇseˬ 5:6

Ehˇ kʼawꞈ, byawˬ gʼa mo gʼa-eu jeˬ mehˬ nah dehꞈ gʼeh luꞈ-eu miˬ coeˬ miˬ ma-aˬ, dehꞈ luꞈ kʼawꞈ shiˇ-euˬ gaˇ duˇ-eu meh.

Luˇkaꞈ 16:19

“Smˇ muiˬ smˇ baw tiˬ gʼaˬ jawˇ-eu meh. Aˬ yawꞈ-aˬ, aˇ poeˬ kʼaˆ dui dui-eu mehˬ tsoeˬ yaw pyuˇ yaw neˇ dm-awˇ, yawˬ nah na luꞈ dzaˬ-awˇ dawˇ-awˇ byawˬ gʼa luꞈ-eu meh.

Luˇkaꞈ 12:45

Ehˇ kʼawꞈ, zaˬ kaˆ kʼoeˇ gʼaˬ ‘Ngaˬ-eu baw leˬ yaw awˬ awˬ-ehˇ maˬ gʼoꞈ laˇ-aˇ’ lehˇ yawˬ haˇ yawˬ ha ehˇ-awˇ, kʼaˬ dzeˇ zaˬ zaˬ kʼaˆ deuˬ hawˇ-eu zaˬ miˬ zaˬ zaˬ kaˆ deuˬ-ahˇ diˬ diˬ-ehˇ, dzaˬ yehꞈ dawˇ yehꞈ-awˇ jawˇ naˇ,

Maˬkuˆ 4:6

Ehˇ kʼawꞈ, nahˇ ma doˆ laˇ-awˇ, aˇ ji kʼoeˇ deuˬ-ahˇ lawꞈ zaw ngeh, ciˇ ka maˬ naꞈ-eu miˇ neh, nyoeˬ-iˇ koˆ-iˇ-euˬ meh.

Maꞈtehˬ 13:6

Ehˇ kʼawꞈ, nahˇ tsaˇ kʼaˆ laˇ-awˇ, aˇ ji kʼoeˇ deuˬ-ahˇ lawꞈ zaw ngeh, ciˇ ka maˬ naꞈ-eu miˇ neh, nyoeˬ-iˇ koˆ-iˇ-eu meh.

Hawˇseˬ 6:4

Ehˇ kʼawꞈ, Sahˬpaˬ Miˬyehˇ ehˇ-eu, “Iˇsaˬleˬlaˆ-oˇ, nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga, Yuˇdaˆ miˇ kʼahˬ-oˇ nawˬ-ahˇ ngaˇ, aˬ joˆ-ehˇ ya jahˇ nehˬ paˬ nga. Naw nyaꞈ ngaˬ-ahˇ gaˬ-eu jeˬ-aˬ, uˬ shawˬ tmˬ-eu mˬ dmˇ hawˇ-eu, uˬ shawˬ ga aˬ-euˬ ceuˬ loꞈ-ehˇ, tiˬ kʼehˇ laˇ kʼehˬ gmˬ-eu tehꞈ meh.

Yeˬsaˬgeˬlaˇ 34:18

Naw maꞈ tiˬ paˆ na deuˬ muiˬ dui dui-eu yaˇ moꞈ ya dzaˬ luꞈ-eu tehꞈ-ehˇ maˬ gʼaˬ ni, naw maꞈ maˬ dzaˬ nahˇ-eu yaˇ moꞈ deuˬ-ahˇ nawˬ pahˬ nehˬ-eu meh. Shawˇ jehˆ ni gʼeh-eu iˇ cuꞈ naw maꞈ dawˇ-awˇ, naw maꞈ maˬ dawˇ-eu iˇ cuꞈ-ahˇ iˇ neˇ laˆ neˇ-eu meh.

Yeˬsaˬgeˬlaˇ 17:9

“Dawˬ tawˆ kʼoeˇ taˆ uˆ lahˇ-eu Sahˬpaˬ Miˬyehˇ pyeuꞈ-eu ngaˇ heu loꞈ-ehˇ naˇ haˬ mawꞈ-eu ma. Aˬ gaꞈ baw duˆ kʼoeˇ maˬ shiˇ ni mehˇ laˇ nya tehꞈ-a loˇ. Kʼaˬ dzeˇ yaw beh mawˇ aˬ gaꞈ baw duˆ kʼoeˇ-ahˇ maˬ gʼawˇ lehˆ doˆ ni byehˇ tehꞈ-a loˇ. Aˇ siˬ shawˆ dzeh-awˇ, uˬ laꞈ ngawˬ kʼehꞈ-awˇ bi nyoeˬ-iˇ ni maˬ jahˇ-ehˇ byehˇ nehˬ tehꞈ-a loˇ. Baw duˆ kʼoeˇ gʼawˇ lehˆ doˆ-eu gʼaˇ duˬ gʼaˬ teu naˆ naˆ-ehˇ maˬ jiˇ-aˇ. Tsawˇ haˬ gʼawˬ mya ni maˬ loˬ-aˇ.

Jaceuq 1:3

lawˇbaˬ gawˆtaw aˇ bawˇ loꞈ-ehˇ, yamˬlaw tsaˬni aˇ siˬloˆ-awˇ, aˇpaꞈ koˆ-iˇ-eu maˬ baw-ehˇ, kʼaˇmˇ-eu jeˬ guiˬlahˬbaw meh.

2 Laˬsaˬbaˬ 7:20

ngaˬ neh naw maꞈ-ahˇ biꞈ taˬ-euˬ miˇ kʼahˬ heu kʼahˬ laꞈ kʼoeˇ neh naw maꞈ-ahˇ ngaˇ teh dzeh-awˇ, ngaˬ-ahˇ uˬ duˬ tahˬ-eu jawˇ duˬ bi pyeuꞈ-eu gʼaˇ duˬ ngaˬ neh mˇ shawˇ taˬ-euˬ Uˬ duˬ tahˬ nymˇ nymˇ ma heu nymˇ-ahˇ ngaˇ byehˇ dzeh ma. Uˬ duˬ tahˬ nymˇ nymˇ ma heu nymˇ-ahˇ tsawˇ jeuˬ dawˬ tawˆ luꞈ ja bu ja doeˇ-awˇ, kʼaˇ jahˇ mawꞈ-eu jahˇ tehꞈ-a.

Jaceuq 37:2

Jaˆgaˆloꞈ-ehˇkoˆ-iˇjiˇ-awˇ, yaˆmoꞈloꞈ-ehˇ shiˇjiˇtehꞈ-a.

HeˬByehˇ 13:9

La kʼaˬ cehˇ-eu Guiˬ lahˬ dawˬ-ahˇ beu gaˇ-eu mehˬ-eu tsoˆ-eu gʼawˬ mya jeˬ neh gaˇ ma taˬ bi sheuˬ bahˬ. Dzaˇ dzaˬ sheuˬ-eu baˬ da neh naw maꞈ-euˬ saꞈ laˇ gʼaˬ kʼaˆ laˇ-eu maˬ ngeuˇ-a. Miˬyehˇ-euˬ guiˬ lahˬ yaw dzahˇ-aˬ, naw maꞈ-euˬ saꞈ laˇ gʼaˬ bi kʼaˆ laˇ-eu gʼaˇ duˬ muiˬ dui dui-eu jeˬ pyeuꞈ-eu meh. Dzaˇ dzaˬ sheuˬ-eu kʼoeˇ-aˬ, tsawˇ haˬ zaˬ gʼaˇ duˬ gaˇ dahˇ maˬ tsoeˬ-a.

Uˬ duˬ 14:43

Nymˇ kʼoeˇ nymˇ-euˬ kʼaˬ lo tsaˬ byaˆ yuˇ doˆ gʼaˬ-awˇ, seuˆ shawˇ gʼaˬ-awˇ neh, miˇ tsaˬ paˇ lehꞈ myahˬ-awˇ laˆ saˆ gʼaˬ miˇ tsa, nyawˬ naˇ-eu maˇ naˇ paˇ doˆ laˇ naˇ,

Yawˇbaˆ 8:17

Aˬ yawꞈ maꞈ-euˬ duˬ ciˇ kʼaˬ lo-ahˇ cah jawˬ-awˇ, kʼaˬ lo aˬ yawꞈ siˬ yawꞈ-ahˇ tsuˆ tehˬ ziꞈ taˬ-euˬ meh.