Yoˇhaˬ 9:34 - Akha

³⁴ Aˬ yawꞈ maꞈ aˬ yawꞈ-ahˇ ehˇ-eu, “Nawˇ loꞈ-ehˇ gʼeh-eu iˬ baˇ laꞈ kʼoeˇ dehꞈ le-awˇ huiˬ laˇ-euˬ tsawˇ haˬ tiˬ gʼaˬ nga maꞈ-ahˇ paˇ mehˬ paˇ tsoˆ-eu gʼeh te loˇ.” Kʼoeˇ naˇ, aˬ yawꞈ-ahˇ Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Khoernar-aq, aqyawfmaf, aqyawf-anr aerkhof naeq-eu, “Nawr iqbax-euq lafkhoer daefpanq daeflanr le-euq khawf, nga’maf-anr parmaeq lar-eu le lor?” Khoernar-aq, aqyawfmaf, aqyawf-anr taedov ghae-euq mae.

Yoˇhaˬ 9:34 Referans Kwoze

Yoˇhaˬ 9:22

Aˬ da aˬ ma kʼoeˇ nyiˬ gʼaˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh kʼoeˇ loꞈ-ehˇ ehˇ-eu meh. Aˬ jeˬ miˇ neh ehˇ naˇ, Yeˬsuˇ-ahˇ Meˬsiˇya meh lehˇ kʼaˇ jah-eu tsawˇ haˬ deuˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ neh bawˬ tsehˆ taˬ-euˬ meh.

Yoˇhaˬ 9:2

Aˬ yawꞈ-euˬ zaˬ lahˇ deuˬ aˬ yawꞈ-ahˇ ehˇ-eu, “Saˬ laˬ-oˇ, aˬ yawꞈ dehꞈ le ngeh neh myaˆ behꞈ behꞈ-eu teu aˬ suˇ gʼaˬ-euˬ iˬ baˇ baˬ da neh gʼeh ta. Aˬ yawꞈ-euˬ iˬ baˇ baˬ da neh nga loˇ. Aˬ da aˬ ma-euˬ iˬ baˇ baˬ da neh nga loˇ.”

Iˇsaˬyaˇ 66:5

Sahˬpaˬ Miˬyehˇ-ahˇ guˆ-awˇ ehˇ dawˬ naˇ haˬ-eu deuˬ-oˇ, aˬ yawꞈ-euˬ dawˬ-ahˇ naw maꞈ naˇ haˬ sheˇ. “Naw maꞈ ngaˬ-ahˇ saˇ jaˇ ziꞈ-eu miˇ neh, naw maꞈ tsawˇ jeuˬ tiˬ paˆ deuˬ naw maꞈ-ahˇ bye-awˇ, naw maꞈ-ahˇ myaˆ maˬ haw cawˬ-ehˇ, ‘Naw maꞈ laˬ kʼaˬ cehˇ luꞈ gaˇ nga maꞈ ya mawˇ ni, Sahˬpaˬ Miˬyehˇ-euˬ baoˬ bi mawˇ le-awˇ, naw maꞈ-ahˇ ka kʼoꞈ nehˬ luꞈ-uˇ’ lehˇ ehˇ tehꞈ-a. Ehˇ kawꞈ, kʼoeˇ loꞈ-ehˇ ehˇ-eu deuˬ kʼoeˇ taˆ, shaꞈ dawˇ-eu jeˬ keuˆ le tehꞈ-a.

Luˇkaꞈ 18:17

Zaˬ yaw nyiˇ tiˬ gʼaˬ loꞈ-ehˇ nui ma taˬ-awˇ Miˬyehˇ Miˇkʼahˬ-ahˇ maˬ ha geuꞈ-eu tsawˇ haˬ aˬ geu gʼaˬ maˬ kaˬ, kʼoeˇ gaˇ maˬ ya uˇ leˇ-aˇ lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Jaceuq 51:5

Ngaˇ dehꞈ le ngeh neh haiˬ-eu tsawˇ haˬ pyeuꞈ-eu ma. Dehꞈ doˆ le ngeh nah neh iˬ baˇ ahˇ-euˬ ma.

Yawˇbaˆ 25:4

Miˬyehˇ mehˬ shi yaw tsaˬ yaw dawˇ aˬ geu gʼaˬ jawˇ ta.

Aˇ dahˬ 19:9

Ehˇ kʼawꞈ, aˬ yawꞈ maꞈ heu loꞈ-ehˇ paˇ ehˇ-eu meh. “Cehˆ yawˬ-awˬ. Teu gaˇ taˬ jawˇ tsoeˬ. Nawˇ boeˇ miˬ siˬ kʼaˬ nawˇ. Nga maꞈ-ahˇ, heu loꞈ-ehˇ jahˇ-awˬ, kʼoeˇ loꞈ-ehˇ jahˇ-awˬ lehˇ mehˬ nehˬ laꞈ paˬ-ehˇ, nawˇ aˬ suˇ gʼaˬ te. Heu gaˇ cehˆ jawˇ le-euˬ daˬ yah maˬ ngeuˇ te loˇ. Cehˆ yawˬ-awˬ. Maˬ cehˆ yawˬ-eu jeˬ maˇ-iˬ, kʼoeˇ nyiˬ gʼaˬ-ahˇ naˆ maˬ tseˇ nawˬ-ahˇ jahˇ nehˬ nyaˇ.” Aˬ yawꞈ maꞈ Lawˇtaˬ-ahˇ dehˬ dzeh-awˇ laˇ gʼoˆ ngawˬ pyaˆ-eu lehˇ leh jeh-eu meh.

Panmaeq 13:17

Jeˬ zaˬ yaw haiˬ yaw beh mawˇ-euˬ tsawˇ myahˇ maˬ ngeuˇ naˇ tsawˇ myahˇ kʼoeˇ-euˬ dah zaˇ pyeuꞈ-eu naˬ baꞈ maˬ diˬ taˬ-euˬ tsawˇ haˬ-aˬ, ahˬ laꞈ zeuˇ laꞈ maˬ ya mˇ-a.

3 Yoˇhaˬ 1:9

Naw maꞈ-euˬ Ka li zaˬ aˇ muˇ-ahˇ, ngaˇ sahˬ boꞈ yaw nymˇ nymˇ-ehˇ boꞈ ahˇ nehˬ-euˬ ma. Ehˇ kʼawꞈ, Ka li zaˬ aˇ muˇ kʼoeˇ taˆ aˬ yuiꞈ geuꞈ mawꞈ-eu Daˬyawˇdaˬlaˇ kʼoeˇ gʼaˬ ngaˬ-euˬ dawˬ-ahˇ tiˬ pawꞈ-iˬ maˬ naˇ haˬ nehˬ laꞈ-a.

1 Beˬtuˆluˆ 5:5

Kʼoeˇ loꞈ-ehˇ duˇ ni, zaˬ guˬ deuˬ gʼeh tsawˇ mawˬ deuˬ-euˬ ehˇ dawˬ naˇ haˬ-awˬ. Naw maꞈ dawˬ tawˆ luꞈ nui nahˬ nui yu ahˇ-eu laꞈ kʼoeˇ tiˬ gʼaˬ tiˇ gʼaˬ caw ba-awˬ. A jeˬ miˇ neh ehˇ naˇ, “Nui ma huiˬ-eu mahˇ-eu deuˬ-ahˇ Miˬyehˇ muiˇ-awˇ, nui nahˬ nui yu ahˇ-eu deuˬ-ahˇ gʼawˬ shaˬ gaˬ nehˬ-eu meh” lehˇ, Jaˇliꞈ laꞈ kʼoeˇ ehˇ taˬ-euˬ meh.

Eˇpeˇsu 2:3

Aˬ dui dawˬ tawˆ luꞈ kʼawꞈ, aˬ yawꞈ maꞈ loꞈ-ehˇ shiˬ shaˬ jiˇ-euˬ nui kʼahˇ mehˬ nah dehꞈ dzeuˇ yaꞈ-awˇ, aˬ dui-euˬ nui ma gʼawˇ mawˇ kʼaˇ loˆ laˇ-euˬ jeˬ mˇ-euˬ ma. Aˬ dui-aˬ, miˇ tsaˬ zaˬ kʼaˇ ngeuˇ-eu ngeuˇ-awˇ, Miˬyehˇ nui ma pehˇ-eu jeˬ-ahˇ ya daˬ-eu yaw duˬ baw-euˬ ma.

Gaˬlaˬtiˆ 2:15

Aˬ dui maꞈ-aˬ, dehꞈ le ngeh neh maˇ maˇ ni Yuˇdaˆ tsawˇ haˬ ma. Aˬ yawꞈ maꞈ ehˇ-eu loꞈ-ehˇ, “aˬ cawˬ tsawˇ jeuˬ iˬ baˇ zaˬ deuˬ” maˬ ngeuˇ.

1 Gawˇliˬtu 5:13

Laꞈ nyiˇ paw-euˬ tsawˇ haˬ deuˬ-ahˇ Miˬyehˇ yaˇ kʼaˬ daˇ tehꞈ-a. Jaˇliꞈ laꞈ kʼoeˇ ehˇ taˬ-euˬ loꞈ-ehˇ, “Haiˬ-eu tsawˇ haˬ deuˬ-ahˇ naw maꞈ laꞈ kʼoeˇ maˬ bi jawˇ ni teh doˆ-awˬ.”

Yoˇhaˬ 9:40

Kʼoeˇ gaˇ jawˇ-eu Paˬliˬsehˇ tiˬ paˆ na deuˬ aˬ yawꞈ kʼoeˇ loꞈ-ehˇ ehˇ gaˇ ya gaˬ ngeh, “Nga maꞈ-ahˇ myaˆ behꞈ nga lehˇ nawˇ ehˇ mawꞈ-eu maˬ ngeuˇ-eu paˬ” lehˇ ehˇ-eu meh.

Yoˇhaˬ 9:35

Tsawˇ haˬ kʼoeˇ gʼaˬ-ahˇ teh dzeh nehˬ-euˬ gaˇ kawˆ Yeˬsuˇ ya gaˬ ngeh, aˬ yawꞈ-ahˇ poˆ mawˇ-awˇ, “Tsawˇ haˬ-euˬ Zaˬmaˇ-ahˇ nawˇ jah ma loˇ” lehˇ naˇ haˬ-euˬ meh.

Yoˇhaˬ 8:41

Naw maꞈ-aˬ, naw maꞈ-euˬ aˬ da mˇ-euˬ loꞈ-ehˇ mˇ-eu meh. Aˬ yawꞈ maꞈ ehˇ-eu, “Nga maꞈ-euˬ aˬ da-aˬ, Miˬyehˇ tiˬ gʼaˬ tehꞈ ma. Nga maꞈ maˇ maˇ ni aˬ yawꞈ-euˬ zaˬ ma. Jawˇ zaˇ shaˬ leˇ-awˇ dehꞈ le-euˬ zaˬ deuˬ maˬ ngeuˇ.”

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Luˇkaꞈ 14:11

Aˬ jeˬ miˇ neh ehˇ naˇ, yawˬ haˇ yawˬ ha taˬ huiˬ-eu tsawˇ haˬ yawˬ gʼaˬ na luꞈ, aˬ cawˬ taˬ nyiˇ nehˬ gaˇ ya daˬ-awˇ, yawˬ haˇ yawˬ ha taˬ nyiˇ-eu tsawˇ haˬ yawˬ gʼaˬ na luꞈ, taˬ huiˬ nehˬ-eu jeˬ-ahˇ za tehꞈ-a.”

Luˇkaꞈ 11:45

Zahˇ dawˬ kʼoꞈ dawˬ mehˬ-eu saˬ laˬ tiˬ gʼaˬ Yeˬsuˇ-ahˇ ehˇ-eu, “Saˬ laˬ-oˇ, nawˇ teu loꞈ-ehˇ ehˇ-eu teu, nga maꞈ-ahˇ kʼawꞈ zaw laˇ nya.”

Luˇkaꞈ 6:22

“Tsawˇhaˬ-euˬ Zaˬmaˇ mehˬ nah naw maꞈ caw teh-eu baˬ da neh, aˬ cawˬ naw maꞈ-ahˇ muiˇ-eu, naw maꞈ-ahˇ sawˇ dzeh-awˇ yehˬ bawˬ sehˇ lu-ehˇ ehˇ-eu, naw maꞈ-euˬ tsawˇ myahˇ cawˆ-iˇ ni jahˇ-eu, heu loꞈ-ehˇ gʼeh-eu deuˬ-ahˇ naw maꞈ ya daˬ ngeh, naw maꞈ guiˬ lahˬ huiˬ-eu meh.

Iˇsaˬyaˇ 65:5

Kʼoeˇ naˇ, aˬ yawꞈ maꞈ-euˬ dawˬ peh aˬ cawˬ maˬ bi laˇ-a. Aˬ yawꞈ maꞈ muiˬ-eu shawˇ-eu tsawˇ haˬ pyeuꞈ-eu baˬ da neh, aˬ cawˬ maˬ bi toeˬ ciˆ kʼmˬ-a lehˇ ehˇ-eu meh. Kʼoeˇ loꞈ-ehˇ gʼeh-eu tsawˇ haˬ-ahˇ ngaˇ maˬ oˇ oꞈ coeˇ nya. Aˬ yawꞈ maꞈ-ahˇ ngaˇ nui ma pehˇ-eu jeˬ, maˬ miˆ tsehˆ-iˇ nya-eu miˬ dzaˬ-ahˇ duˇ-eu ma.

Dawqdaq 29:1

Ngehˬ-ehˇ mehˬ naˇ ngehˬ-ehˇ nui ma huiˬ-eu tsawˇ haˬ, tiˬ nah ya shaˬ byoˆ leꞈ tehꞈ-a.

Dawqdaq 26:12

Yawˬ ha maˬ bym gaˇ bym ma lehˇ noeˬ-eu tsawˇ haˬ-aˬ, aˬ dzawˬ aˇ gah naˆ maˬ tseˇ doeˇ-eu meh.

Dawqdaq 22:10

Nui ma huiˬ-eu tsawˇ haˬ-ahˇ yahˇ-awˬ. Tsawˇ pyehˇ pyehˇ-eu, ceh dzaˬ-eu, yaˬ kʼehˇ yaˬ-eu heu deuˬ byoˆ-iˇ jiˇ tehꞈ-a.

Yawˇbaˆ 14:4

Tsawˇ haˬ zaˬ loꞈ-ehˇ gʼeh-eu maˬ muiˬ maˬ shawˇ-eu jeˬ laꞈ kʼoeˇ, muiˬ-eu shawˇ-eu jeˬ maˬ doˆ laˇ nya-a.

2 Laˬsaˬbaˬ 25:16

Aˬmaˬziˇ ehˇ-eu, “Sahˬ paˬ-ahˇ bi ja noeˬ bi ja duˇ-eu gʼaˬ bi geuꞈ-eu lehˇ nga maꞈ nawˬ-ahˇ aˬ myah tseˇ doˆ taˬ ta. Dawˬ maˬ ngehˬ ni ciˬ cuˇ ni jawˇ-awˬ. Nymˬ-mˇ ngaˬ neh bi sehꞈ nmˬ-mˇ.” Kʼoeˇ ngeh, Miˬyehˇ gʼaˇ duˬ ngehˬ dah-eu kʼoeˇ gʼaˬ dawˬ maˬ paˇ ngeh ni byehˇ-euˬ meh. Ehˇ kʼawꞈ, heu loꞈ-ehˇ tiˬ dawˬ ehˇ nehˬ yaꞈ-euˬ meh. “Nawˇ heu loꞈ-ehˇ mˇ-awˇ ngaˬ neh ja noeˬ ja duˇ nehˬ-euˬ gaˇ maˬ naˇ haˬ geuꞈ-eu miˇ neh, Miˬyehˇ nawˬ-ahˇ laˆ luˬ laˆ seˇ ma lehˇ noeˬ tsehˆ gʼaˬ-euˬ nymˬ-mˇ ngaˇ siˬ nya ma.”

Doˆ-iˇ 2:14

Tsawˇ haˬ kʼoeˇ gʼaˬ ehˇ-eu, “Nga maꞈ kʼoeˇ taˆ aˬ yuiꞈ aˬ tsu geuꞈ-awˇ, yaˇ kʼaˬ bi daˇ-eu gʼaˇ duˬ, aˬ suˇ gʼaˬ nawˬ-ahˇ tseˇ doˆ taˬ ta. Iˇjiˇtuˆ tsawˇ haˬ kʼoeˇ gʼaˬ-ahˇ sehꞈ-euˬ loꞈ-ehˇ, ngaˬ-ahˇ nawˇ paˇ sehꞈ-eu gʼeh te loˇ.” Kʼoeˇ ngeh, Moˇseˬ guˆ laˇ-awˇ, “Ngaˬ neh mˇ-euˬ jeˬ aˬ cawˬ siˬ nya jiˇ-euˬ ngaˇ” lehˇ yawˬ haˇ yawˬ ha ehˇ-euˬ meh.

3 Yoˇhaˬ 1:10

Teu miˇ neh ngaˇ laˇ naˇ, aˬ yawꞈ neh kʼaˇ mˇ kʼaˇ shaˇ-euˬ jeˬ-ahˇ ehˇ ma. Nga maꞈ-euˬ gaˇ kawˆ ja bu ja doeˇ-euˬ jeˬ hawˇ-eu aˬ yawꞈ neh jaˬ myawꞈ kʼaˇ myawꞈ-euˬ jeˬ dawˬ tawˆ luꞈ ehˇ ma. Kʼoeˇ naˆ tehꞈ maˬ ngeuˇ-a siˬ. Aˬ yuiꞈ a nyiˇ Ka li zaˬ deuˬ laˇ ngeh aˬ yawꞈ maˬ ha geuꞈ-euˬ uˬ taꞈ, kʼaˇ ha geuꞈ mawꞈ-eu tsawˇ haˬ deuˬ-ahˇ kʼawꞈ laˆ tsoeˬ-awˇ, Ka li zaˬ aˇ muˇ laꞈ kʼoeˇ neh teh doˆ-eu lehˇ leh jeh-eu meh.