Yoˇhaˬ 6:45 - Akha

⁴⁵ “‘Tsawˇ haˬ yawˬ gʼaˬ na luꞈ-ahˇ Miˬyehˇ mehˬ nehˬ tsoˆ nehˬ tehꞈ-a’ lehˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ neh boꞈ taˬ-euˬ jaˆ-eu meh. Aˬda-euˬ dawˬ ya gaˬ-awˇ dzaw geuꞈ-eu tsawˇ haˬ aˬ geu gʼaˬ maˬ kaˬ, ngaˇ jawˇ gaˇ laˇ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴⁵ Miqyaer gharduq ngaeqdan-eu deuq-euq sanqbof-euq lafkhoer, ‘Miqyaer, tsawrhaq yawqghaq navluf-anr maeqnaeq taef-a,’ (Isy 54:13) laer boftaq-euq mae. Khoermirnae, Aqda Miqyaer maeq-eu dawq-anr yagaq-awr dzawgeuf-euq tsawrhaq yawqghaq navluf ngar jawr-eu gar lar taef-a.

Yoˇhaˬ 6:45 Referans Kwoze

Iˇsaˬyaˇ 54:13

“Nawˬ-euˬ tsawˇ haˬ deuˬ-ahˇ ngaˇ mehˬ nehˬ tsoˆ nehˬ-awˇ, nui saˇ oꞈ-awˇ bi baw bi za le ma.

HeˬByehˇ 10:16

“Sahˬpaˬ Miˬyehˇ ehˇ-eu, Dawˬ ma saˇ jaˇ heu hmˬ, mehˬ hu paw-euˬ aˇ yamˬ laꞈ kʼoeˇ, aˬ yawꞈ maꞈ nehˬ-ehˇ ngaˇ dzaˬ ma. Aˬ yawꞈ maꞈ-euˬ nui noeˬ laꞈ kʼoeˇ, zahˇ dawˬ kʼoꞈ dawˬ dawˆ ahˇ nehˬ-awˇ, nui ma laꞈkʼoeˇ boꞈ myahˬ nehˬ ma.”

1 Teˇsaˬloˇni 4:9

Ka li zaˬ cawˬ cawˬ ya gaˬ ya gʼoeˇ-eu gaˇ kawˆ naw maꞈ-ahˇ boꞈ nehˬ-eu maˬ paˇ loˬ meh. Naw maꞈ tiˬ gʼaˬ tiˇ gʼaˬ aˬ joˆ-ehˇ ya gaˬ ya gʼoeˇ-eu gaˇ kawˆ, Miˬyehˇ neh naw maꞈ-ahˇ mehˬ nehˬ tsoˆ nehˬ gʼaˬ-euˬ meh.

Miˇkaˬ 4:2

aˬ yawꞈ maꞈ heu loˇ ehˇ tehꞈ-a. “Sahˬpaˬ Miˬyehˇ-euˬ gawˬ jawˬ-ahˇ, Yaˬkoˆ-euˬ Miˬyehˇ-euˬ nymˇ-ahˇ, laˇ-awˬ, aˬ dui daˆ leˇ kaˇ-euˇ. Yawꞈ-euˬ gaˇ ma-ahˇ cah nya ni, yawꞈ aˬ dui-ahˇ mehˬ laꞈ tehꞈ-a.” Sahˬpaˬ Miˬyehˇ zahˇ dawˬ kʼoꞈ dawˬ, Ziˇoˬ gawˬ jawˬ-ahˇ doˆ le-awˇ, yawꞈ neh mehˬ-euˬ tsoˆ-euˬ dawˬ deuˬ, Yeˬluˇsaˬlehˬ-ahˇ doˆ le meh.

Iˇsaˬyaˇ 2:3

tsawˇ haˬ gʼawˬ mya ni uiˬ laˇ bymˇ laˇ-awˇ, heu loꞈ-ehˇ ehˇ tehꞈ-a. “Laˇ-awˬ. Sahˬpaˬ Miˬyehˇ-euˬ gawˬ jawˬ-ahˇ daˆ leˇ kaˇ-euˇ. Iˇsaˬleˬlaˆ Miˬyehˇ-euˬ Uˬ duˬ tahˬ nymˇ nymˇ ma-ahˇ le kaˇ-euˇ. Aˬ yawꞈ-euˬ gaˇ ma-ahˇ aˬ dui cah nya ni, aˬ yawꞈ neh bi mehˬ bi tsoˆ leˇ kaˇ-euˇ.” Ziˇoˬ meuˬ-ahˇ neh zahˇ dawˬ kʼoꞈ dawˬ doˆ le-awˇ, Yeˬluˇsaˬlehˬ meuˬ-ahˇ neh Sahˬpaˬ Miˬyehˇ-euˬ dawˬ gaˬ doˆ le-eu meh.”

Yoˇhaˬ 6:65

Aˬ yawꞈ paˇ ehˇ-eu, “Kʼoeˇ miˇ neh, Aˬda neh bi laˇ-euˬ maˬ ngeuˇ naˇ, tsawˇ haˬ tiˬ gʼaˬ-iˬ ngaˇ jawˇ gaˇ maˬ laˇ nya-a lehˇ, naw maꞈ-ahˇ ngaˇ ehˇ nehˬ-euˬ ma.”

Yoˇhaˬ 6:37

Ngaˬ Da neh ngaˬ-ahˇ kʼaˇ biꞈ laꞈ-euˬ tsawˇ haˬ yawˬ gʼaˬ yawˬ na luꞈ ngaˇ jawˇ gaˇ laˇ tehꞈ-a. Ngaˇ jawˇ gaˇ laˇ-eu tsawˇ haˬ aˬ geu gʼaˬ-ahˇ maˬ kaˬ, ngaˇ maˬ ha geuꞈ nehˬ ni maˬ byehˇ.

Maꞈtehˬ 17:5

Beˬtuˆluˆ kʼoeˇ loꞈ-ehˇ ehˇ luꞈ ngeh, yaw shehꞈ bya-eu mˬ dmˇ aˬ yawꞈ maꞈ kʼoeˇ taˆ zaꞈ le-awˇ, “Heu-aˬ, ngaˇ gaˬ dui dui-awˇ nui kʼahˇ shiˇ dui dui-eu ngaˬ-euˬ zaˬ maˇ ma. Aˬ yawꞈ-euˬ dawˬ-ahˇ naˇ haˬ geuꞈ-awˬ” lehˇ, mˬ dmˇ laꞈ kʼoeˇ dawˬ ngehˬ doˆ laˇ-euˬ meh.

Eˇpeˇsu 1:17

Naw maꞈ-ahˇ Yaw sahˇ Miˬyehˇ biꞈ nehˬ-eu gʼaˇ duˬ, baoˬ yaw shehꞈ kʼahˬ sehˇ huiˬ-eu Aˬda pyeuꞈ-eu aˬ duiˬ-euˬ Sahˬpaˬ Yeˬsuˇ Ka li-euˬ Miˬyehˇ-ahˇ ngaˇ shaˇ-eu ma. Naw maꞈ Miˬyehˇ-ahˇ siˬ nya laˇ ni, yaw sahˇ Miˬyehˇ naw maꞈ-ahˇ zaˬ siˬ tsawˇ gahˇ bi ahˇ laˇ-awˇ, Miˬyehˇ gaˇ kawˆ pah mehˬ nehˬ laꞈ tehꞈ-a.

Yoˇhaˬ 10:27

Ngaˬ-euˬ yawˇ deuˬ ngaˬ-euˬ dawˬ naˇ haˬ-eu meh. Aˬ yawꞈ maꞈ-ahˇ ngaˇ siˬ nya-awˇ, aˬ yawꞈ maꞈ ngaˬ-euˬ mehˬ nah caw teh-eu meh.

Luˇkaꞈ 18:31

Zaˬ lahˇ tseˇ nyiꞈ gʼaˬ-ahˇ Yeˬsuˇ kuˇ doˆ-awˇ, heu loꞈ-ehˇ ehˇ nehˬ-euˬ meh. “Aˬ dui maꞈ Yeˬluˇsaˬlehˬ meuˬ-ahˇ le luꞈ-eu ma. Tsawˇhaˬ-euˬ Zaˬmaˇ gaˇ kawˆ Miˬyehˇ gʼaˇ duˬ ngehˬ dah-eu deuˬ neh kʼaˇ boꞈ taˬ-euˬ yawˬ jeˬ na luꞈ, kʼoeˇ gaˇ byah laˇ jiˇ tehꞈ-a.

Luˇkaꞈ 1:70

Aˇ hu tsawˇ muiˬ tsawˇ shawˇ pyeuꞈ-eu, Miˬyehˇ gʼaˇ duˬ ngehˬ dah nehˬ-eu, ngehˬ zaˬ tmˇ zaˬ deuˬ-ahˇ gʼoe-awˇ, aˬ dui-ahˇ bye-awˇ kʼehˬ laꞈ-euˬ, muiˇ-eu deuˬ dawˬ tawˆ-euˬ laꞈ-ahˇ, aˬ dui-ahˇ ka kʼoꞈ nehˬ ma lehˇ, aˬ yawꞈ saˇ jaˇ dzaˬ taˬ-euˬ meh.

Maˬkuˆ 1:2

Gaˇ kawˆ heu-aˬ, Miˬyehˇ gʼaˇ duˬ ngehˬ dah-eu Iˇsaˬyaˇ neh heu loꞈ-ehˇ boꞈ-euˬ gaˇ aˇ dahˬ beh taˬ-euˬ meh. “Miˬyehˇ heu loꞈ-ehˇ ehˇ-eu meh. ‘Haw yawˬ, nawˇ iˇ-eu gaˇ ma-ahˇ, lehˬ hmˬ laˆ saˆ taˬ-eu gʼaˇ duˬ, ngaˬ-euˬ gʼaˬ kʼehˇ tiˬ gʼaˬ-ahˇ ngaˇ, nawˬ-euˬ mehˬ hu pyehˬ gʼeh-eu ma.

Maꞈtehˬ 11:27

“Yawˬ jeˬ na luꞈ, ngaˬ Da neh ngaˬ-ahˇ a nehˬ jiˇ laꞈ-euˬ meh. Aˬda maˬ ngeuˇ naˇ, Zaˬmaˇ-ahˇ siˬ nya-eu tiˬ gʼaˬ-iˬ maˬ jawˇ-a. Zaˬmaˇ hawˇ-eu Zaˬmaˇ neh tseˇ doˆ-awˇ pah mehˬ nehˬ-euˬ tsawˇ haˬ deuˬ maˬ ngeuˇ naˇ, Aˬda-ahˇ siˬ nya-eu tiˬ gʼaˬ-iˬ maˬ jawˇ-a.

Gʼaˬkʼehˇ 7:42

Kʼoeˇ miˇ neh, Miˬyehˇ neh aˬ yawꞈ maꞈ-ahˇ byehˇ dzeh nehˬ-awˇ, mˬ kʼoeˇ taˆ jaˆ-eu nahˇ ma, ba la, aˬ guiˇ deuˬ-ahˇ uˬ duˬ tahˬ-eu tsawˇ haˬ deuˬ bi pyeuꞈ laˇ-euˬ meh. Miˬyehˇ gʼaˇ duˬ ngehˬ dah-eu deuˬ-euˬ sahˬ boꞈ laꞈ kʼoeˇ, heu loꞈ-ehˇ boꞈ taˬ-euˬ meh. ‘Iˇsaˬleˬlaˆ tsawˇ haˬ deuˬ-oˇ, bawˇ tsahˬ bawˇ dahˇ kʼaˇ shuiꞈ deh-ahˇ, oeˬ tseˇ kʼoꞈ oeˬ tseˇ myaˇ byah ni, naw maꞈ jeˬ zaˬ sehꞈ-awˇ lawˇ-euˬ, ngaˬ-ahˇ lawˇ-euˬ maˬ ngeuˇ-a de.

Gʼaˬkʼehˇ 13:40

Teu miˇ neh, Miˬyehˇ gʼaˇ duˬ ngehˬ dah-eu deuˬ neh heu loꞈ-ehˇ ehˇ taˬ-euˬ kʼoeˇ, naw maꞈ kʼoeˇ taˆ maˬ bi keuˆ le-eu gʼaˇ duˬ yahˇ-awˬ.

Piˇliˇpiˆ 3:15

Guiˬ lahˬ saꞈ laˇ paw tsawˇ kʼaˆ kʼaˆ laˇ-euˬ aˬ dui dawˬ tawˆ luꞈ, kʼoeˇ loꞈ-ehˇ nui ma taˬ-eu tsaˬ meh. Ehˇ kʼawꞈ, naw maꞈ tiˬ paˆ na deuˬ nui ma taˬ-eu yawˬ jeˬ yawˬ jaˆ naˇ, naw maꞈ-ahˇ geuˇ-eu loꞈ-ehˇ gʼoˆ shaw nya ni Miˬyehˇ caw ba nehˬ laꞈ tehꞈ-a.

1 Yoˇhaˬ 2:27

Ehˇ kʼawꞈ, Ka li neh naw maꞈ-euˬ kʼoeˇ taˆ aˬ yawꞈ-euˬ Yaw sahˇ shehˆ daˆ nehˬ gʼaˬ-euˬ meh. Aˬ yawꞈ-euˬ Yaw sahˇ kʼoeˇ naw maꞈ laꞈ kʼoeˇ kʼaˇ jawˇ kʼoeˇ keuˆ ni, aˬ cawˬ naw maꞈ-ahˇ mehˬ nehˬ tsoˆ nehˬ-eu maˬ paˇ loˬ meh. Aˬ jeˬ miˇ neh ehˇ naˇ, aˬ yawꞈ-euˬ Yaw sahˇ kʼoeˇ naw maꞈ-ahˇ yawˬ jeˬ na luꞈ mehˬ nehˬ tsoˆ nehˬ laꞈ tehꞈ-a. Aˬ yawꞈ-euˬ Yaw sahˇ kʼaˇ mehˬ kʼaˇ tsoˆ-eu jeˬ dawˬ tawˆ luꞈ, tsaˬ dui dui-eu meh. Tiˬ pawꞈ-iˬ maˬ lehˬ-a. Yaw sahˇ kʼoeˇ neh mehˬ nehˬ tsoˆ nehˬ laꞈ-euˬ jeˬ-ahˇ naˇ haˬ geuꞈ-awˇ, Ka li-euˬ laꞈ kʼoeˇ jawˇ-awˬ.