Yoˇhaˬ 5:34 - Akha

³⁴ Ngaˬ-euˬ gaˇ kawˆ aˬ cawˬ saˇ kiˇ bi kamˬ-eu lehˇ ngaˇ heu loꞈ-ehˇ ehˇ-eu maˬ ngeuˇ. Naw maꞈ ka kʼoꞈ-eu jeˬ bi za ni ehˇ-eu ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

³⁴ Aqdir aernar-aq, tsawrhaq kamq-eu sarkir-anr ngar maqghoe. Aerkhawf, nawmaf yabuq-ir ni ngar heulof-aer aer-eu ma.

Yoˇhaˬ 5:34 Referans Kwoze

1 Yoˇhaˬ 5:9

Tsawˇ haˬ zaˬ saˇ kiˇ kamˬ gaˇ aˬ dui jah-eu-aˬ, Miˬyehˇ saˇ kiˇ kamˬ gaˇ aˇ naˆ ni paˇ jah paˬ nga. Aˬ yawꞈ-euˬ Zaˬmaˇ gaˇ kawˆ Miˬyehˇ-euˬ mawˇ do saˇ kiˇ kamˬ taˬ-euˬ meh.

Yoˇhaˬ 20:31

Ehˇ kʼawꞈ, heu gaˇ kʼaˇ boꞈ taˬ-euˬ heu deuˬ-aˬ, Yeˬsuˇ-aˬ Meˬsiˇya hawˇ-eu Miˬyehˇ-euˬ Zaˬmaˇ pyeuꞈ-eu naw maꞈ jah laˇ ni maˬ ehˇ, naw maꞈ aˬ yawꞈ-ahˇ jah-eu laꞈ kʼoeˇ dehꞈ-eu jeˬ za nya ni maˬ ehˇ, boꞈ taˬ-euˬ jeˬ pyeuꞈ-eu ma.

1 Tiˆmoˇseˬ 4:16

Yawˬ ha-euˬ gʼawˇ mawˇ gaˇ kawˆ maˬ ehˇ, yawˬ ha mehˬ-eu tsoˆ-eu jeˬ gaˇ kawˆ maˬ ehˇ, yaw muiˬ-ehˇ yahˇ-awˬ. Gaˇ heu deuˬ-ahˇ maˬ byehˇ ni mˇ daˆ leꞈ-awˬ. Aˬ jeˬ miˇ neh ehˇ naˇ, nawˇ kʼoeˇ loꞈ-ehˇ mˇ-eu kʼoeˇ-aˬ, nawˬ-euˬ gʼawˇ mawˇ-ahˇ maˬ ehˇ, nawˬ neh mehˬ nehˬ tsoˆ nehˬ-euˬ tsawˇ haˬ deuˬ-ahˇ maˬ ehˇ, ka kʼoꞈ-eu jeˬ pyeuꞈ-eu meh.

1 Gawˇliˬtu 9:22

Jah-eu gʼaˬ baˬ-eu tsawˇ haˬ deuˬ Ka li zaˬ bi pyeuꞈ laˇ-eu gʼaˇ duˬ, ngaˇ kʼawꞈ jah-eu gʼaˬ baˬ-eu tsawˇ haˬ geuꞈ-euˬ ma. Tsawˇ haˬ yawˬ gʼaˬ na luꞈ gʼaˇ duˬ yawˬ jeˬ na luꞈ ngaˇ geuꞈ doe-awˇ, aˬ yawꞈ maꞈ tiˬ paˆ na deuˬ-ahˇ aˬ joˆ-ehˇ jahˇ-awˇ ka kʼoꞈ paˬ nga lehˇ, kʼaˇ gʼeh nya-eu loꞈ-ehˇ leh jeh doe-euˬ ma.

Lormav 10:1

Aˬ yuiꞈ aˬ nyiˇ Ka li zaˬ deuˬ-oˇ, ngaˬ-euˬ nui ma laꞈ kʼoeˇ ngaˬ-euˬ tsawˇ jeuˬ ka kʼoꞈ-eu jeˬ bi za mawꞈ dui dui nya. Aˬ yawꞈ maꞈ gʼaˇ duˬ ngaˇ guiˬ lahˬ shaˇ dui dui luꞈ ma.

Lormav 3:3

Ehˇ kʼawꞈ, aˬ yawꞈ maꞈ tiˬ paˆ na deuˬ Miˬyehˇ-euˬ dawˬ-ahˇ saˇ jaˇ maˬ ziꞈ naˇ, aˬ joˆ-ehˇ paˇ jahˇ nmˇ. Aˬ yawꞈ maꞈ kʼoeˇ loꞈ-ehˇ gʼeh-euˬ baˬ da neh Miˬyehˇ saˇ jaˇ maˬ ziꞈ nga lehˇ aˬ dui ehˇ nmˇ loˇ.

Yoˇhaˬ 8:54

Yeˬsuˇ ehˇ-eu, “Ngaˇ yawˬ haˇ yawˬ ha taˬ huiˬ naˇ, ngaˬ neh taˬ huiˬ-euˬ kʼoeˇ maˬ poeˬ maˬ lawˬ-aˇ. Ngaˬ-ahˇ taˬ huiˬ-eu gʼaˬ-aˬ, ngaˬ Da meh. Naw maꞈ-euˬ Miˬyehˇ ma lehˇ naw maꞈ ehˇ-eu kʼoeˇ gʼaˬ meh.

Yoˇhaˬ 5:41

Tsawˇ haˬ zaˬ neh bi ja ceuˬ-eu jeˬ-ahˇ ngaˇ poˆ luꞈ-eu maˬ ngeuˇ.

Luˇkaꞈ 24:47

Kʼoeˇ naˇ, Yeˬluˇsaˬlehˬ meuˬ-ahˇ neh dahˬ beh-awˇ, tsawˇ jeuˬ dawˬ tawˆ luꞈ-ahˇ iˬ baˇ noeˬ poˆ-eu gaˇ kawˆ hawˇ-eu, Miˬyehˇ iˬ baˇ pyehˬ nehˬ-eu gaˇ kawˆ, aˬ yawꞈ-euˬ tsawˇ myahˇ uˬ moˆ ya mehˬ nehˬ-iˇ meh lehˇ boꞈ taˬ-euˬ meh.

Lormav 12:21

Yaw haiˬ jeˬ neh naw maꞈ-ahˇ taˬ bi gʼaˬ leˇ. Ehˇ kʼawꞈ, yaw muiˬ jeˬ mˇ-awˇ yaw haiˬ jeˬ-ahˇ bi gʼaˬ leˇ-awˬ.

Lormav 10:21

Ehˇ kʼawꞈ, Iˇsaˬleˬlaˆ tawˇ jeuˬ gaˇ kawˆ aˬ yawꞈ heu loꞈ-ehˇ ehˇ taˬ-euˬ meh. “Ngaˬ-euˬ ehˇ dawˬ maˬ naˇ haˬ-ehˇ ngaˬ-ahˇ puiˬ luꞈ-eu tsawˇ jeuˬ-ahˇ ha geuꞈ-eu gʼaˇ duˬ, ngaˬ-euˬ aˬ laꞈ nah ga-ehˇ cawˬ ja taˬ-euˬ ma.”

Luˇkaꞈ 19:10

Tsawˇhaˬ-euˬ Zaˬmaˇ-aˬ, byoˆ-iˇ-euˬ deuˬ-ahˇ poˆ mawˇ-awˇ ka kʼoꞈ-eu gʼaˇ duˬ oe-euˬ meh.”

Luˇkaꞈ 13:34

“Yeˬluˇsaˬlehˬ-oˇ, Yeˬluˇsaˬlehˬ-oˇ, Miˬyehˇ gʼaˇ duˬ ngehˬ dah-eu tsawˇ haˬ deuˬ-ahˇ nawˇ sehꞈ-awˇ, Miˬyehˇ neh kʼehˇ gʼeh leꞈ-euˬ tsawˇ haˬ deuˬ-ahˇ kʼaˬ lo neh biˬ-euˬ meh. Ya ciˆ ya ma-euˬ aˬ dahˇ neh ya ciˆ ya zaˬ deuˬ-ahˇ uˆ kaˬ-eu loꞈ-ehˇ, nawˬ-euˬ zaˬ deuˬ-ahˇ ngaˇ aˇ myaˆ poˆ uˆ kaˬ nehˬ mawꞈ-euˬ nga. Ehˇ kʼawꞈ, nawˇ ngaˬ-ahˇ kʼoeˇ loꞈ-ehˇ maˬ bi uˆ kaˬ nehˬ laꞈ-aˬ.

Yoˇhaˬ 5:32

Ehˇ kʼawꞈ, ngaˬ-euˬ gʼaˇ duˬ saˇ kiˇ kamˬ-eu tiˬ gʼaˬ jawˇ meh. Aˬ yawꞈ ngaˬ-euˬ gaˇ kawˆ saˇ kiˇ kamˬ-euˬ kʼoeˇ tsaˬ meh lehˇ ngaˇ siˬ nya ma.