Yoˇhaˬ 3:28 - Akha

²⁸ ‘Ngaˇ-aˬ, Ka li maˬ ngeuˇ. Ka li-euˬ mehˬ hu Miˬyehˇ neh kʼehˇ gʼeh leꞈ-euˬ gʼaˬ tehꞈ ma’ lehˇ ehˇ-eu naw maꞈ gaˬ duˬ taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁸ ‘Ngar-aq, Kali maqngeur, Kali-euq maeqhu Miqyaer nae khaerghae lef-euq ghaq taef ma’ laer ngar, nawmaf-anr aernaeq-euq ma. Ngaq nae aer-euq dawq heudawq-anr nawmaf khawf sarkir kamqnya-eu mae.

Yoˇhaˬ 3:28 Referans Kwoze

Yoˇhaˬ 1:20

Yoˇhaˬ tiˬ jeˬ-iˬ maˬ zaꞈ taˬ ni, bya cehˆ ni ehˇ nehˬ-eu, “Ngaˇ Ka li maˬ ngeuˇ.”

Yoˇhaˬ 1:23

Yoˇhaˬ ehˇ-eu, “‘SahˬpaˬMiˬyehˇ oe-eu gʼaˇ duˬ gaˇ ma shaˇ dahˇ-awˬ’ lehˇ, bawˇ tsahˬ bawˇ dahˇ laꞈ kʼoeˇ tsawˇ haˬ tiˬ gʼaˬ guˇ tehꞈ-a lehˇ, Miˬyehˇ gʼaˇ duˬ ngehˬ dah-eu Iˇsaˬyaˆ neh ehˇ-euˬ kʼoeˇ ngaˇ ma.”

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

Maꞈtehˬ 3:3

Miˬyehˇ gʼaˇ duˬ ngehˬ dah-eu Iˇsaˬyaˇ neh ehˇ-euˬ dawˬ heu dawˬ-aˬ, Yoˇhaˬ-ahˇ ehˇ-euˬ dawˬ pyeuꞈ-eu meh. “Bawˇ tsahˬ bawˇ dahˇ laꞈ kʼoeˇ jawˇ-awˇ, heu loꞈ-ehˇ tiˬ gʼaˬ guˇ luꞈ meh. ‘SahˬpaˬMiˬyehˇ oe-eu gʼaˇ duˬ, gaˇ ma lehˬ hmˬ laˆ saˆ taˬ-awˬ. Aˬ yawꞈ oe-eu gaˇ ma tiˬ kahˇ, dawˇ coe ni shaˇ dahˇ doˆ taˬ-awˬ.’ ”

Yoˇhaˬ 1:25

Aˬ yawꞈ maꞈ Yoˇhaˬ-ahˇ naˇ haˬ-eu, “Nawˇ-aˬ, Ka li kʼawꞈ maˬ ngeuˇ, Eˇliˇyaˆ kʼawꞈ maꞈ ngeuˇ, Miˬyehˇ gʼaˇ duˬ ngehˬ dah-eu tsawˇ haˬ kʼawꞈ maˬ ngeuˇ lehˇ ehˇ-eu jeˬ maˇ-iˬ, aˬ jeˬ miˇ neh aˬ cawˬ-ahˇ iˇ cuꞈ shawˇ nehˬ te.”

Luˇkaꞈ 1:76

Ngaˬ-euˬ aˬ li pyeuꞈ-eu nawˬ-ahˇ, Huiˬ dui Mahˇ dui dui-eu gʼaˬ-euˬ ngehˬ zaˬ tmˇ zaˬ lehˇ kuˇ tehꞈ-a. Sahˬpaˬ iˇ-eu gaˇ ma mehˬ hu, nawˇ jeˬ huˬ ya iˇ huˬ taˬ-awˇ, gaˇ ma shaˇ dahˇ nehˬ-eu laꞈ kʼoeˇ,

Yoˇhaˬ 1:27

Aˬ yawꞈ ngaˬ-euˬ mehˬ nah oe luꞈ meh. Ngaˇ-aˬ, aˬ yawꞈ-euˬ sehˬ nawˆ aˇ caˆ puiˇ nehˬ-eu tehꞈ-ehˇ kʼawꞈ maˬ geuˇ nya.”