Yoˇhaˬ 21:20 - Akha

²⁰ Beˬtuˆluˆ zeuˆ pyawˇ haw ngeh, Yeˬsuˇ gaˬ dui dui-eu zaˬ lahˇ kʼoeˇ gʼaˬ aˬ yawꞈ-euˬ mehˬ nah cah luꞈ gaˇ ya mawˇ-euˬ meh. Zaˬ lahˇ kʼoeˇ gʼaˬ-aˬ, ciꞈ hawˬ dzaˬ taꞈ ngeh miˇ Yeˬsuˇ-euˬ dawˬ peh tah tehˬ leˇ-awˇ, “Sahˬpaˬ-oˇ, nawˬ-ahˇ ahˬ dzaˬ-eu lehˇ gʼeh-eu aˬ suˇ gʼaˬ-a” lehˇ naˇ haˬ-euˬ kʼoeˇ gʼaˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Beqtuvluv nanrghof ghofhaw ngae, Yeqsur zawr gaq-eu zaqlanr khoerghaq cantaelaf luf-eu gar ya’mawr-euq mae. Zaqlanr khoerghaq-aq, cifhawq dzaqtaf ngae mir, Yeqsur-euq khanq-anr khawqdar-awr, “Sanqpaq-or! Nawq-anr anqdzaq-eu aqsur ghaq la?” laer narhaq-euq khoerghaq mae.

Yoˇhaˬ 21:20 Referans Kwoze

Yoˇhaˬ 21:7

Yeˬsuˇ gaˬ dui dui-eu zaˬ lahˇ kʼoeˇ gʼaˬ Beˬtuˇluˆ-ahˇ, “Tsawˇ haˬ kʼoeˇ gʼaˬ Sahˬpaˬ Yeˬsuˇ nga” lehˇ ehˇ nehˬ-euˬ meh. Sahˬpaˬ Yeˬsuˇ nga lehˇ ehˇ gaˇ Beˬtuˆluˆ ya gaˬ ngeh, mehˬ tsoeˬ gʼeu dm-awˇ iˇ cuꞈ-ahˇ tsawˬ puꞈ-euˬ meh. Aˬ jeˬ miˇ neh ehˇ naˇ, aˬ yawꞈ mehˬ tsoeˬ maˬ dm ni za dzeh luꞈ-eu meh.

Yoˇhaˬ 20:2

Kʼoeˇ ngeh, Siˇmoˬ Beˬtuˆluˆ hawˇ-eu Yeˬsuˇ gaˬ dui dui-eu zaˬ lahˇ kʼoeˇ gʼaˬ jawˇ gaˇ aˬ yawꞈ cehˆ gʼeh-awˇ, “Aˬ yawꞈ maꞈ Sahˬpaˬ-ahˇ lmˬ bymˇ laꞈ kʼoeˇ neh baꞈ doˆ gʼeh-awˇ, aˬ gaˇ baꞈ taˬ-iˇ-euˬ lehˇ maˬ paˇ siˬ ngaˇ” lehˇ ehˇ nehˬ-euˬ meh.

Yoˇhaˬ 21:24

Zaˬ lahˇ kʼoeˇ gʼaˬ-aˬ, gaˇ kawˆ heu deuˬ saˇ kiˇ kamˬ-euˬ gʼaˬ pyeuꞈ-eu uˬ taꞈ, boꞈ doˆ-euˬ gʼaˬ kʼawꞈ pyeuꞈ-eu meh. Aˬ yawꞈ neh ehˇ-euˬ gaˇ kawˆ heu deuˬ maˇ maˇ ni ngeuˇ meh lehˇ aˬ dui siˬ nya-eu ma.

Maꞈtehˬ 26:46

Tuˇ-awˬ. Iˇ kaˇ-euˇ. Haw sheˇ. Ngaˬ-ahˇ ahˬ dzaˬ-eu lehˇ gʼeh-eu gʼaˬ heu gaˇ oe keuˆ taˬ-euˬ ngaˇ.”

Yoˇhaˬ 21:21

Beˬtuˆluˆ zaˬ lahˇ kʼoeˇ gʼaˬ-ahˇ mawˇ ngeh, Yeˬsuˇ-ahˇ heu loꞈ-ehˇ naˇ haˬ-euˬ meh. “Sahˬpaˬ-oˇ, heu gʼaˬ toe. Aˬ yawꞈ-euˬ gʼaˇ duˬ mehˬ hu paw aˬ joˆ-ehˇ jaˆ ta.”