Yoˇhaˬ 20:12 - Akha

¹² Mˬ taˆ gʼaˬ kʼehˇ nyiˬ gʼaˬ mehˬ tsoeˬ yaw pyuˇ dm-awˇ, Yeˬsuˇ-ahˇ baꞈ taˬ-awˇ bi jaˆ-euˬ kʼoeˇ tsahˇ-ahˇ, mˬ gʼmˬ paw tiˬ gʼaˬ, kuiˇ bi paw tiˬ gʼaˬ jawˇ luꞈ gaˇ aˬ yawꞈ ya mawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹² Khoerngae, maeqtsoeq pyurdeuqni dmluf-eu mqtav ghaqkhaer nyiq ghaq, Yeqsur-euq mawrdo baftaq-euq khoertsanr-anr, uqghmq paw tiq ghaq, kuirbi paw tiq ghaq laer nuirluf-eu gar ya’mawr-euq mae.

Yoˇhaˬ 20:12 Referans Kwoze

Panmaeq 3:4

Ehˇ kʼawꞈ, Saˬdiˇ meuˬ-ahˇ jawˇ-eu naw maꞈ heu myaˆ gʼaˬ-aˬ, mehˬ tsoeˬ maˬ jawꞈ-iˇ-aˬ siˬ. Naw maꞈ ngaˬ nehˬ-ehˇ cah-awˇ, mehˬ tsoeˬ yaw pyuˇ ya dm tehꞈ-a. Aˬ jeˬ miˇ neh ehˇ naˇ, naw maꞈ kʼoeˇ loꞈ-ehˇ mˇ geuˇ-eu tsawˇ haˬ pyeuꞈ-eu meh.

Panmaeq 7:14

“Ngaˇ maˬ siˬ nya nya. Nawˇ siˬ nya meh” lehˇ ngaˇ ehˇ kʼoꞈ nehˬ-euˬ ma. Aˬ yawꞈ ngaˬ-ahˇ ehˇ-eu, “Tsawˇ haˬ heu deuˬ-aˬ, guˆ dui dui laˇ paˬ-ehˇ gʼeh-eu kʼehˬ-eu kʼaˆ-eu jeˬ-ahˇ daˬ dzeuˇ laꞈ-euˬ tsawˇ haˬ deuˬ meh. Aˬ yawꞈ maꞈ-euˬ pehˇ kʼahˬ pehˇ mahˇ-ahˇ Yawˇ zaˬ-euˬ shiˬ neh pyuˇ deuˬ ni tsiˬ shawˇ taˬ-euˬ meh.

Gʼaˬkʼehˇ 1:10

A yawꞈ maꞈ aˬ yawꞈ mˬ-ahˇ gʼoꞈ daˆ leˇ gaˇ haw tsoˆ-awˇ jawˇ ngeh, mehˬ tsoeˬ pyuˇ deuˬ ni dm luꞈ-eu tsawˇ haˬ nyiˬ gʼaˬ aˬ yawꞈ maꞈ-euˬ dawˬ peh ja pyuˬ ni yawꞈ le-euˬ meh.

Maꞈtehˬ 17:2

A ha smˇ gʼaˬ-euˬ mehˬ shi, Yeˬsuˇ gʼawˇ mawˇ paˇ-euˬ meh. Aˬ yawꞈ-euˬ myaˆ pyawˬ nahˇ ma loꞈ-ehˇ yaw shehꞈ bya-awˇ, aˬ yawꞈ-euˬ mehˬ tsoeˬ pyuˇ deuˬ ni gʼeh-awˇ naˇ guiˇ guiˇ laˇ-eu meh.

Daˬyeˬlaˇ 7:9

Ngaˇ haw haw-ehˇ jawˇ ngeh, dzoeˬ dzaˬ nuiˇ mahˬ ciˬ taˬ le-euˬ meh. Mˬ bymˬ miˇ bymˬ bymˬ ngeh neh dehꞈ luꞈ-eu gʼaˬ, dzoeˬ dzaˬ nuiˇ mahˬ tiˬ mahˬ kʼoeˇ taˆ nuiˇ le-euˬ meh. Aˬ yawꞈ dm luꞈ-eu mehˬ tsoeˬ saˬ laˬ loꞈ-ehˇ pyuˇ deuˬ ni gʼeh-awˇ, aˬ yawꞈ-euˬ uˬ duˬ tsehˇ kahˇ shawˇ jehˆ ni gʼeh-eu yawˇ caꞈ hm-ahˇ duˇ-eu meh. Aˬ yawꞈ-euˬ dzoeˬ dzaˬ nuiˇ mahˬ miˬ dzaˬ doꞈ luꞈ-eu daˇ jawˇ kʼoeˇ taˆ jaˆ-awˇ, miˬ lmˇ nyehˆ oˬ ni jaˆ-eu meh.

2 Laˬsaˬbaˬ 5:12

Aˬsaˆ, Heˬmaˬ, Yeˬduˇdoˬ aˬ ha maꞈ hawˇ-eu, aˬ yawꞈ maꞈ-euˬ aˬ li deuˬ, aˬ yuiꞈ aˬ nyiˇ deuˬ dawˬ tawˆ luꞈ ahˇ leˇ-ehˇ, caˇ dawˬ kʼaˇ caˇ nya-eu Leˬbiˇ tsawˇ haˬ dawˬ tawˆ luꞈ, shawˇ jehˆ ni gʼeh-eu saˬ paˇ paˇ pyuˇ dm-eu laꞈ kʼoeˇ, lawˇ duˬ-euˬ nahˇ ma doˆ kʼehˬ paw yawꞈ-awˇ, cehˇ lehˇ ciˆ-awˇ deuˇ-mˬ diˬ luꞈ-eu meh. Piˇ ma tiˬ yaˇ nyiˬ tseˇ gʼaˬ aˬ yawꞈ maꞈ-ahˇ daˇ heh baw caw nehˬ-euˬ meh.