Yoˇhaˬ 19:6 - Akha

⁶ Piˇ ma aˬ yuiꞈ deuˬ hawˇ-eu Yuˇdaˆ tsawˇ haˬ deuˬ aˬ yawꞈ-ahˇ ya mawˇ ngeh, “Laꞈ yaꞈ kʼoeˇ taˆ taꞈ sehꞈ-awˬ. Laꞈ yaꞈ kʼoeˇ taˆ taꞈ sehꞈ-awˬ” lehˇ guˇ-eu meh. Sahˬ paˬ Piˇlaˆ aˬ yawꞈ maꞈ-ahˇ ehˇ nehˬ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ gʼeh-awˇ laꞈ yaꞈ kʼoeˇ taˆ taꞈ sehꞈ-iˇ-awˬ. Ngaˇ aˬ yawꞈ-euˬ yaw lehˬ maˬ poˆ mawˇ nya nya.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁶ Pirma aqyuif deuq hawr-eu lofpir-eu kuirlaf deuq, Yeqsur-anr ya’mawr ngae gur-awr aer-eu, “Aqyawf-anr lafyaq-euq khoertav tafsaef-awq, aqyawf-anr lafyaq-euq khoertav tafsaef-awq!” Pirlav, aqyawf maf-anr aernaeq-eu, “Nawmaf, aqyawf-anr sheuqghae-awr tafsaef-ir-awq. Ngar-aq, aqyawf-euq lafkhoer yawlaeq tiqjeq-iq maq povmawrnya nya.”

Yoˇhaˬ 19:6 Referans Kwoze

Yoˇhaˬ 18:31

Sahˬ paˬ Piˇlaˆ ehˇ-eu, “Toˆ-ehˇ ngeuˇ naˇ, naw maꞈ aˬ yawꞈ-ahˇ sheuˬ kʼoꞈ gʼeh-awˇ, naw maꞈ-euˬ zahˇ sahˇ kʼoꞈ kʼaˇ jaˆ-eu loꞈ-ehˇ yaˇ kʼa daˇ-awˬ.” Aˬ yawꞈ maꞈ ehˇ-eu “Nga maꞈ tsawˇ haˬ maˬ sehꞈ kʼmˬ-a.”

Yoˇhaˬ 19:4

Sahˬpaˬ Piˇlaˆ tiˬ poˆ paˇ iˇ doˆ-awˇ, tsawˇ haˬ aˇ maꞈ-ahˇ heu loꞈ-ehˇ ehˇ nehˬ-euˬ meh, “Naˇ haˬ sheˇ. Tsawˇ haˬ heu gʼaˬ-euˬ yaw lehˬ ngaˇ maˬ poˆ mawˇ nya-euˬ naw maꞈ ya siˬ duˬ ni, aˬ yawꞈ-ahˇ naw maꞈ jawˇ gaˇ sheuˬ doˆ nehˬ leꞈ ma.”

Gʼaˬkʼehˇ 7:52

Naw maꞈ-euˬ aˬ poeˬ aˬ bawˇ deuˬ neh maˬ bi kʼehˬ maˬ bi kʼaˆ haw-euˬ Miˬyehˇ gʼaˇ duˬ ngehˬ dah-eu tsawˇ haˬ tiˬ gʼaˬ-iˬ maˬ jawˇ-a. Miˬyehˇ-euˬ tsaˬ-eu dawˇ-eu Zaˬkʼaˆ oe tehꞈ-a lehˇ aˇ hu ngehˬ dah-euˬ deuˬ-ahˇ aˬ yawꞈ maꞈ sehꞈ-euˬ meh. Nymˬ-mˇ poˆ jawˇ-aˬ, naw maꞈ yaw tsaˬ yaw dawˇ kʼoeˇ gʼaˬ-ahˇ aˬ cawˬ-euˬ aˬ laꞈ laꞈ kʼoeˇ a nehˬ-awˇ sehꞈ-euˬ meh.

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Yoˇhaˬ 19:15

Aˬ yawꞈ maꞈ guˇ-eu, “Aˬ yawꞈ-ahˇ sehꞈ-awˬ. Aˬ yawˬ-ahˇ sehˬ-awˬ. Laꞈ yaꞈ kʼoeˇ taˆ taꞈ sehꞈ-awˬ.” Sahˬ paˬ Piˇlaꞈ aˬ yawꞈ maꞈ-ahˇ ehˇ nehˬ-eu, “Naw maꞈ-euˬ sahˬ paˬ-ahˇ laꞈ yaꞈ kʼoeˇ taˆ taꞈ sehꞈ-awˬ loˇ.” Piˇ ma aˬ yuiꞈ deuˬ ehˇ-eu, “Nga maꞈ-euˬ sahˬ paˬ-aˬ sahˬ paˬ Gehˇsaˬ tiˬ gʼaˬ tehꞈ ma.”

Luˇkaꞈ 23:4

Kʼoeˇ naˇ, piˇ ma aˬ yuiꞈ deuˬ hawˇ-eu tsawˇ haˬ aˇ maꞈ maꞈ ma-ahˇ sahˬ paˬ Piˇlaꞈ ehˇ nehˬ-eu, “Tsawˇ haˬ heu gʼaˬ lehˬ-eu ca-eu ngaˇ maˬ mawˇ-aˬ.”

Maꞈtehˬ 27:24

Aˬ yawꞈ neh ehˇ-euˬ dawˬ-ahˇ aˬ yawꞈ maꞈ maˬ naˇ haˬ geuꞈ-eu uꞈ taꞈ, miˇ kʼahˬ zaˬ deuˬ luiˬ gʼa laˇ-awˇ suˬ saˬ laˇ-eu gaˇ ma dahˇ gaˇ sahˬ paˬ Piˇlaˆ haw mawˇ ngeh, iˇ cuꞈ ciˬ-awˇ tsawˇ haˬ aˇ maꞈ maꞈ ma mehˬ shi aˬ laꞈ dzuiˬ dzeh-awˇ ehˇ-eu, “Tsawˇ haˬ heu gʼaˬ ya shiˇ-eu gaˇ kawˆ heu ngaˬ-ahˇ tiˬ jeˬ-iˬ maˬ taꞈ. Naw maꞈ neh mˇ-euˬ gaˇ meh.”

Maꞈtehˬ 27:22

Sahˬ paˬ Piˇlaˆ ehˇ-eu, “Toˆ-ehˇ jeˬ maˇ-iˬ, Ka li lehˇ kuˇ-eu Yeˬsuˇ-ahˇ ngaˇ aˬ joˆ-ehˇ jahˇ nmˇ.” Aˬ yawꞈ maꞈ dawˬ tawˆ luꞈ ehˇ-eu, “Laꞈ yaꞈ kʼoeˇ taˆ taꞈ sehꞈ-awˬ.”

Maꞈtehˬ 26:58

Beˬtuˆluˆ-aˬ, naˇ kʼah paw ui cuiˆ gaˇ mahˇ kaˬ gaˇ cah-awˇ, Piˇ ma Yaw huiˬ gʼaˬ-euˬ nymˇ-ahˇ gawˬ lahˇ taˬ-euˬ laꞈ kʼoeˇ paw keuˆ ni caw teh keuˆ gʼeh-euˬ meh. Aˬ yawꞈ lahˇ laꞈ kʼoeˇ uˇ leˇ-awˇ, Yeˬsuˇ-ahˇ aˬ cawˬ aˬ joˆ-ehˇ jahˇ nehˬ-eu tiˬ saˬ tiˬ li haw-eu gʼaˇ duˬ, kʼoeˇ gaˇ loꞈ piˇ-eu yehˇ deuˬ nehˬ-ehˇ ga dzuˇ leˇ-euˬ meh.

Yoˇhaˬ 18:3

Yuˇdaˆ-aˬ, Loˇmaˆ yehˇ yehˇ maꞈ tiˬ maꞈ hawˇ-eu, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh kʼehˇ gʼeh leꞈ-euˬ Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ sheuˬ-awˇ, yaˇ kmˇ kʼoeˇ kmˇ-ahˇ iˇ-euˬ meh. Aˬ yawꞈ maꞈ-aˬ, guiˇ deuˆ-eu keu ka yuˇ-awˇ, tsiˇ kʼmˬ hawˇ-eu tsiˇ du keuˬ-awˇ iˇ-euˬ meh.

Yoˇhaˬ 18:38

Sahˬ paˬ Piˇlaˆ ehˇ-eu, “Yaw tsaˬ yaw dawˇ ehˇ-eu aˬ jeˬ-a.”