Yoˇhaˬ 19:27 - Akha

²⁷ Kʼoeˇ naˇ, zaˬ lahˇ kʼoeˇ gʼaˬ-ahˇ kʼawꞈ, “Aˬ yawꞈ-ahˇ nawˬ ma loꞈ-ehˇ sawˇ-awˬ” lehˇ ehˇ nehˬ-euˬ meh. Kʼoeˇ ngeh nah neh naˇ, zaˬ lahˇ kʼoeˇ gʼaˬ Yeˬsuˇ-euˬ aˬ ma-ahˇ sheuˬ kʼoꞈ gʼeh-awˇ, aˬ yawꞈ-euˬ nymˇ-ahˇ bi jawˇ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Khoernar-aq, zaqlanr khoerghaq-anr aernaeq-eu, “Haeq, nawqma-anr hawsher-eq!” Khoerngae yamq-anr nae nar-aq, zaqlanr khoerghaq, Yeqsur-euq aqma-anr aqyawf-euq irkanr-anr sheuqkhof ghae-awr bijawr-euq mae.

Yoˇhaˬ 19:27 Referans Kwoze

Yoˇhaˬ 16:32

Naw maꞈ dawˬ tawˆ luꞈ bi teh byaˆ jiˇ-awˇ, yawˬ ha-euˬ nymˇ-ahˇ yawˬ ha cehˆ gʼoꞈ jiˇ-awˇ, ngaˬ-ahˇ tehꞈ-ehˇ byehˇ dzeh yaꞈ-eu aˇ yamˬ keuˆ le luꞈ meh. Aˇ yamˬ kʼoeˇ aˬ diˇ keuˆ le taˬ-euˬ meh. Ehˇ kʼawꞈ, ngaˇ-aˬ, tiˬ gʼaˬ tehꞈ maˬ ngeuˇ. Aˬ jeˬ miˇ neh ehˇ naˇ, Aˬda ngaˬ nehˬ-ehˇ jawˇ ma.

Yoˇhaˬ 1:11

Aˬ yawꞈ-euˬ miˇ kʼahˬ-ahˇ aˬ yawꞈ oe-euˬ kʼawꞈ, aˬ yawꞈ-euˬ tsawˇ haˬ deuˬ aˬ yawꞈ-ahˇ maˬ ha geuꞈ-a.

Aˇ dahˬ 45:8

Teu baˬ da neh, ngaˬ-ahˇ heu gaˇ bi oe-euˬ gʼaˬ-aˬ, naw maꞈ maˬ ngeuˇ-a. Miˬyehˇ meh. Sahˬ paˬ-euˬ gaˇ mˇ-eu yaw huiˬ yaw mahˇ deuˬ kʼoeˇ taˆ, Miˬyehˇ neh ngaˬ-ahˇ aˬ cawˬ naˆ maˬ tseˇ huiˬ dzehˬ-eu gʼaˬ bi geuꞈ laꞈ-euˬ meh. Ngaˇ-aˬ, miˇ kʼahˬ heu kʼahˬ kʼahˬ lah ni-ahˇ ya haw ya pyaˆ-awˇ, Iˇjiˇtuˆ miˇ kʼahˬ-ahˇ ya uˆ lahˇ-eu gʼaˬ pyeuꞈ-eu ma.

Maˬkuˆ 3:34

Aˬ yawꞈ-euˬ tiˬ jawˬ nuiˇ luꞈ-eu tsawˇ haˬ deuˬ jawˇ paw aˬ yawꞈ ciˬ pyawˇ doe-awˇ ehˇ-eu, “Haw-awˬ. Tsawˇ haˬ heu deuˬ ngaˬ ma hawˇ-eu ngaˬ-euˬ mehˇ nmˇ deuˬ ma.

Maꞈtehˬ 25:40

Kʼoeˇ ngeh, aˬ yawꞈ maꞈ-ahˇ Sahˬ paˬ heu loꞈ-ehˇ ehˇ nehˬ tehꞈ-a. ‘Ngaˬ-euˬ aˬ yuiꞈ aˬ nyiˇ heu deuˬ laꞈ kʼoeˇ, aˬ cawˬ naˆ maˬ tseˇ nyiˇ teˬ-eu gʼaˬ-ahˇ naw maꞈ neh ngehˬ gʼeh nehˬ-euˬ jeˬ-aˬ, ngaˬ-ahˇ ngehˬ gʼeh nehˬ laꞈ gaˇ duˇ-eu meh lehˇ, ngaˇ naw maꞈ-ahˇ maˇ jawˆ ni ehˇ-eu ma.’

Aˇ dahˬ 47:12

Aˬ yawꞈ-euˬ aˬ da-ahˇ maˬ ehˇ, aˬ yawꞈ-euˬ mehˇ nmˇ deuˬ-ahˇ maˬ ehˇ, aˬ yawꞈ aˬ da o neh jeuˬ le o le-euˬ tsawˇ haˬ dawˬ tawˆ luꞈ-ahˇ maˬ ehˇ, Yoˇsehˆ yaw muiˬ paˬ-ehˇ bi dzaˬ bi dawˇ-euˬ meh.

Luˇkaꞈ 18:28

Kʼoeˇ ngeh, Beˬtuˆluˆ ehˇ-eu, “Haw sheˇ. Nga maꞈ kʼaˇ jaˆ-eu yawˬ jeˬ na luꞈ byehˇ dzeh yaꞈ jiˇ-awˇ, nawˬ-euˬ mehˬ nah caw teh laˇ-euˬ maˬ ngeuˇ nga loˇ.”

Gʼaˬkʼehˇ 21:6

Kʼoeˇ naˇ, tiˬ gʼaˬ tiˇ gʼaˬ gʼoꞈ dawˬ tsaꞈ yaꞈ-awˇ, nga maꞈ saˇ baoˬ laꞈ kʼoeˇ uˇ-iˇ ngeh, aˬ yawꞈ maꞈ iˇ kahˇ paw gʼoꞈ leˇ-euˬ meh.