Yoˇhaˬ 19:11 - Akha

¹¹ Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹¹ Yeqsur aerkhof-eu, “Laftav paw nae nawq-anr aryaq maqbif-euq nar-aq, nawr, ngaq-euq khoertav aryaq tiqpawf-iq maqjav-a. Khoermirnae, ngaq-anr nawr jawr-eu gar sheuqha lar-euq tsawrhaq-aq, nawq-euq navmaqtser iqbax naf-eu mae.”

Yoˇhaˬ 19:11 Referans Kwoze

Lormav 13:1

Tsawˇ haˬ yawˬ gʼaˬ na luꞈ miˇ kʼahˬ sahˬ paˬ uˆ lahˇ-eu uˬ moˆ ya jawˇ meh. Aˬ jeˬ miˇ neh ehˇ naˇ, Miˬyehˇ neh maˬ biꞈ-euˬ gaˇ, uˆ lahˇ-eu baoˬ maˬ jaˆ nya-a. Sahˬ paˬ sahˬ ma deuˬ-aˬ, Miˬyehˇ neh baoˬ biꞈ-awˇ bi uˆ lahˇ-euˬ deuˬ pyeuꞈ-eu meh.

Yoˇhaˬ 3:27

Yoˇhaˬ ehˇ-eu, “Tsawˇ haˬ aˬ geu gʼaˬ maˬ kaˬ, Miˬyehˇ neh maˬ biꞈ-euˬ gaˇ tiˬ jeˬ-iˬ maˬ za nya-a.

Gʼaˬkʼehˇ 2:23

Miˬyehˇ-aˬ, yaw beh neh aˬ yawꞈ neh lehˬ hmˬ taˬ-euˬ loꞈ-ehˇ, Yeˬsuˇ-ahˇ naw maꞈ-euˬ aˬ laꞈ laꞈ kʼoeˇ a nehˬ-eu gʼaˇ duˬ, naꞈ ngeh neh noeˬ tsehˆ taˬ gʼaˬ-euˬ meh. Kʼoeˇ naˇ, iˬ baˇ mˇ-eu tsawˇ haˬ deuˬ neh laꞈ yaꞈ kʼoeˇ taˆ bi taꞈ tehˬ-eu laꞈ kʼoeˇ, naw maꞈ aˬ yawꞈ-ahˇ sehꞈ-euˬ meh.

Daˬyeˬlaˇ 4:17

Heu-aˬ, haw luꞈ pyaˆ luꞈ-eu mˬ taˆ gʼaˬ kʼehˇ neh noeˬ tsehˆ-awˇ, daˇ tsehˆ-euˬ dawˬ ma. Dawˬ tawˆ kʼoeˇ taˆ huiˬ-eu Miˬyehˇ-aˬ, tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, teˬ dui nyiˇ dui dui-eu tsawˇ haˬ tiˬ gʼaˬ-ahˇ keuˆ ni, aˬ yawꞈ miˇ kʼahˬ dzoeˬ dzaˬ biꞈ keuˆ nehˬ nya-eu gaˇ kawˆ, mˬ dzeˇ miˇ dzeˇ keuˆ ni jawˇ-eu tsawˇ haˬ dawˬ tawˆ luꞈ siˬ duˬ luꞈ-uˇ’ lehˇ ehˇ-eu meh.

Gʼaˬkʼehˇ 3:13

Aˬbyaˬhaˬ, Iˇtsaˆ hawˇ-eu Yaˬkoˆ-euˬ Miˬyehˇ pyeuꞈ-eu aˬ dui maꞈ-euˬ aˬ poeˬ aˬ bawˇ deuˬ-euˬ Miˬyehˇ neh, a yawꞈ-euˬ Zaˬ kʼaˆ Yeˬsuˇ-ahˇ muiˬ-eu shawˇ-eu yaw shehꞈ kʼahˬ sehˇ biꞈ nehˬ-euˬ meh. Ehˇ kʼawꞈ, aˬ yawꞈ-ahˇ miˇ kʼahˬ sahˬ paˬ sahˬ ma deuˬ-euˬ aˬ laꞈ laꞈ kʼoeˇ naw maꞈ a nehˬ-awˇ, aˬ yawꞈ-ahˇ pyehˬ nehˬ-eu gʼaˇ duˬ sahˬ paˬ Piˇlaˆ noeˬ tsehˆ gʼaˬ-euˬ kʼawꞈ, sahˬ paˬ Piˇlaˆ mehˬ shi aˬ yawꞈ-ahˇ naw maꞈ iˬ baˆ poˆ-euˬ meh.

Yoˇhaˬ 7:30

Kʼoeˇ ngeh, aˬ yawꞈ maꞈ aˬ yawꞈ-ahˇ nyehꞈ-eu lehˇ gʼeh-eu meh. Ehˇ kʼawꞈ, aˬ yawꞈ-euˬ aˇ yamˬ maˬ keuˆ le dah-euˬ miˇ neh aˬ yawꞈ-ahˇ tiˬ gʼaˬ-iˬ maˬ nyehꞈ nya-a.

Yaˬkoˆ 1:17

Muiˬ-eu guiˬ lahˬ hawˇ-eu byah-eu laꞈ sawˬ dawˬ tawˆ luꞈ, mˬ paw neh yaw shehꞈ-euˬ Aˬda jawˇ gaˇ neh oe-euˬ meh. Aˬ yawꞈ laꞈ kʼoeˇ poˆ laˇ paˇ laˇ nya-eu naˇ shmˇ maˬ ahˇ-a.

Daˬyeˬlaˇ 4:25

Tsawˇ haˬ baꞈ tsahˬ-ahˇ neh nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ nawˇ ya jawˇ tehꞈ-a. Shiꞈ kʼoꞈ keuˆ ni nawˇ mawˇ neˇ loꞈ-ehˇ yaˇ moꞈ ya dzaˬ-awˇ, deh ga-ahˇ ceuˬ deh deh deh-ehˇ ya yuꞈ tehꞈ-a. Kʼoeˇ ngeh jawˇ, tsawˇ haˬ zaˬ-euˬ miˇ kʼahˬ deuˬ-ahˇ Dawˬ tawˆ kʼoeˇ taˆ huiˬ-eu Miˬyehˇ tuˆ tehˬ taˬ-awˇ, aˬ yawꞈ kʼaˇ biꞈ mawˬ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.

Maꞈtehˬ 6:13

Iˬ baˇ muˇ juˇ mehˬ nah, taˬ bi iˇ laꞈ, Yaw haiˬ laꞈ kʼoeˇ, bi dzeuˇ-iˇ laꞈ.’

Yaˬkoˆ 4:17

Kʼoeˇ miˇ neh, yawˬ ha mˇ paˬ-ehˇ gʼeh-eu jeˬ-ahˇ siˬ nya-awˇ maˬ mˇ-eu tsawˇ haˬ-aˬ, iˬ baˇ ahˇ-eu meh.

Lormav 11:36

Kʼaˇ jawˇ kʼaˇ jaˆ-eu jeˬ dawˬ tawˆ luꞈ aˬ yawꞈ neh beh taˬ-euˬ meh. Dawˬ tawˆ luꞈ aˬ yawꞈ baˬ da neh jaˆ luꞈ jawˇ luꞈ-awˇ, aˬ yawꞈ-euˬ gʼaˇ duˬ jaˆ luꞈ jawˇ luꞈ-eu tehꞈ meh. Mˬ maˬ maˬ byaˆ zaˇ ziˇ Miˬyehˇ-ahˇ ciˬ huiˬ ciˬ mahˇ kaˇ-euˇ. Aˬ miˬ.

Gʼaˬkʼehˇ 4:28

Nawˬ-euˬ baoˬ hawˇ-eu nawˬ-euˬ nui kʼahˇ-ahˇ gʼoe-awˇ bi pyeuꞈ laˇ-eu gʼaˇ duˬ aˇ hu ba neh nawˬ neh noeˬ tsehˆ taˬ-euˬ yawˬ jeˬ na luꞈ keuˆ le ni mˇ-eu lehˇ aˬ yawꞈ maꞈ uiˬ leˇ-euˬ meh.

Maꞈtehˬ 27:2

Aˬ yawꞈ maꞈ aˬ yawꞈ-ahˇ shmˇ caˆ paꞈ-awˇ tsahˇ doˆ gʼeh-awˇ, Loˇmaˆ tsawˇ haˬ sahˬ paˬ Piˇlaˆ jawˇ gaˇ tsahˇ gʼeh-euˬ meh.

Jaceuq 62:11

Baoˬ ehˇ-eu jeˬ aˬ yawꞈ-euˬ ma lehˇ Miˬyehˇ ehˇ gaˇ, ngaˇ gʼawˬ mya poˆ ya gaˬ haw-euˬ ma.

Maˬkuˆ 14:44

Yeˬsuˇ-ahˇ ahˬ dzaˬ-euˬ kʼoeˇ gʼaˬ tsawˇ haˬ kʼoeˇ maꞈ-ahˇ heu loꞈ-ehˇ ehˇ nehˬ taˬ-euˬ meh. “Ngaˇ mehˬ cuˇ cuˇ nehˬ-eu gʼaˬ-aˬ, naw maꞈ poˆ luꞈ-eu kʼoeˇ gʼaˬ meh de. Aˬ yawꞈ-ahˇ nyehꞈ-awˇ, yaw muiˬ paˬ-ehˇ bi loꞈ-awˇ tsahˇ gʼeh-awˬ.”

Daˬyeˬlaˇ 5:21

Tsawˇ haˬ zaˬ-euˬ baꞈ tsahˬ-ahˇ neh aˬ yawꞈ-ahˇ teh dzeh-awˇ, bawˇ tsahˬ jeˬ zaˬ-euˬ nui ma ahˇ laˇ-euˬ meh. Bawˇ tsahˬ mahˬ tahˬ laˆ deuˬ nehˬ-ehˇ aˬ yawꞈ jawˇ-awˇ, mawˇ neˇ loꞈ-ehˇ yaˇ moꞈ tseuˆ dzaˬ-awˇ, deh ga-ahˇ naˇ shmˇ maˬ baw gaˇ, ceuˬ deh deh deh-ehˇ yuꞈ-euˬ meh. Aˇ saˬ saˬ laˇ ngeh jawˇ, tsawˇ haˬ zaˬ-euˬ miˇ kʼahˬ dawˬ tawˆ luꞈ, Dawˬ tawˆ kʼoeˇ taˆ huiˬ-eu Miˬyehˇ-euˬ laꞈ-ahˇ jaˆ-awˇ, aˬ yawꞈ kʼaˇ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, aˬ yawꞈ-ahˇ siˬ duˬ leˇ-euˬ meh.

Daˬyeˬlaˇ 4:32

Tsawˇ haˬ baꞈ tsahˬ laꞈ kʼoeˇ nawˬ-ahˇ teh dzeh-awˇ, bawˇ tsahˬ jeˬ zaˬ nehˬ-ehˇ ya jawˇ-iˇ-awˇ, shiꞈ kʼoꞈ keuˆ ni mawˇ neˇ loꞈ-ehˇ yaˇ moꞈ ya dzaˬ tehꞈ-a. Kʼoeˇ ngeh jawˇ, dawˬ tawˆ kʼoeˇ taˆ huiˬ-eu Miˬyehˇ tsawˇ haˬ zaˬ-euˬ miˇ kʼahˬ kʼoeˇ taˆ baoˬ jaˆ-awˇ, aˬ yawꞈ biꞈ mawꞈ-eu gʼaˬ-ahˇ miˇ kʼahˬ dzoeˬ dzaˬ biꞈ nya-eu gaˇ kawˆ, nawˇ siˬ duˬ tehꞈ-a.”

Yoˇhaˬ 18:3

Yuˇdaˆ-aˬ, Loˇmaˆ yehˇ yehˇ maꞈ tiˬ maꞈ hawˇ-eu, piˇ ma aˬ yuiꞈ deuˬ hawˇ-eu Paˬliˬsehˇ deuˬ neh kʼehˇ gʼeh leꞈ-euˬ Uˬ duˬ tahˬ nymˇ nymˇ ma-ahˇ loꞈ-eu yehˇ deuˬ sheuˬ-awˇ, yaˇ kmˇ kʼoeˇ kmˇ-ahˇ iˇ-euˬ meh. Aˬ yawꞈ maꞈ-aˬ, guiˇ deuˆ-eu keu ka yuˇ-awˇ, tsiˇ kʼmˬ hawˇ-eu tsiˇ du keuˬ-awˇ iˇ-euˬ meh.

Yoˇhaˬ 9:41

Yeˬsuˇ ehˇ-eu, “Naw maꞈ myaˆ behꞈ law nmˇ-aˬ, iˬ baˇ maˬ ahˇ-aˇ. Ehˇ kʼawꞈ, naw maꞈ myaˆ nuiˇ mawˇ nya ma lehˇ yawˬ haˇ yawˬ ha ehˇ-eu miˇ neh, iˬ baˇ ahˇ-eu meh.”

Luˇkaꞈ 22:53

Naw maꞈ nehˬ-ehˇ Uˬ duˬ tahˬ nymˇ nymˇ ma laꞈ kʼoeˇ yawˬ nah na luꞈ ngaˇ jawˇ luꞈ ngeh, naw maꞈ ngaˬ-ahˇ maˬ nyehꞈ-a. Ehˇ kawꞈ, yaw zahˇ-euˬ baoˬ uˆ lahˇ-eu aˇ yamˬ heu yamˬ, naw maꞈ heu loꞈ-ehˇ mˇ-eu gʼaˇ duˬ tsaˬ dui dui-eu aˇ yamˬ meh.”

Daˬyeˬlaˇ 4:35

Miˇ tsaˬ tsawˇ haˬ dawˬ tawˆ luꞈ-ahˇ, aˬ yawꞈ tsawˇ haˬ maˬ sawˇ nehˬ-a. Mˬ taˆ zaˬ deuˬ, miˇ tsaˬ zaˬ deuˬ, yawꞈ-euˬ laꞈ kʼawˆ uˬ moˆ tehꞈ meh. Yawꞈ nui kʼahˇ maˬ tsahˇ pyawˇ nya-a. Yawꞈ-ahˇ dawˬ poˆ maˬ poˆ nya-a.

Ngoeˇ dawˬ 3:37

Sahˬpaˬ Miˬyehˇ maˬ bi pyeuꞈ gaˇ, aˬ suˇ gʼaˬ neh dawˬ biꞈ nehˬ-awˇ, mˇ pyeuꞈ shaˇ pyeuꞈ nya-eu jawˇ ta.

Maꞈtehˬ 26:65

Dawˬ kʼoeˇ dawˬ-ahˇ ya gaˬ ngeh, Piˇ ma Yaw huiˬ gʼaˬ yawˬ ha dm luꞈ-eu mehˬ tsoeˬ gʼeu pyaˬ-awˇ ehˇ-eu, “Tsawˇ haˬ heu gʼaˬ Miˬyehˇ-ahˇ yehˬ bawˬ sehˇ lu-ehˇ ehˇ-euˬ meh. Saˇ kiˇ yawˬ jeˬ yawˬ maˬ paˇ loˬ meh. Aˬ yawꞈ Miˬyehˇ-euˬ tsawˇ myahˇ-ahˇ yehˬ bawˬ sehˇ lu-ehˇ ehˇ-euˬ naw maꞈ ya gaˬ-euˬ meh.

Jaceuq 39:9

Ngaˬ-euˬshaˬzahˬnaꞈ-eu heu-aˬ, nawˬneh jahˇnehˬlaꞈ-euˬmiˇneh, dawˬmaˬngehˬni ciˬcuˇjawˇma.

1 Laˬsaˬbaˬ 29:11

Baoˬ maˬ ehˇ, yaw shehꞈ kʼahˬ sehˇ maˬ ehˇ, huiˬ dui mahˇ dui dui-eu jeˬ maˬ ehˇ, gʼaˬ leˇ-eu jeˬ maˬ ehˇ, zahˬ dui dui leˇ paˬ-ehˇ gʼeh-eu jeˬ maˬ ehˇ, dawˬ tawˆ luꞈ nawˬ-euˬ laꞈ kʼoeˇ byah luꞈ meh. Mˬ hawˇ-eu miˇ kʼoeˇ taˆ kʼaˇ jaˆ-eu yawˬ jeˬ na luꞈ nawˬ-euˬ pyeuꞈ-awˇ, dawˬ tawˆ kʼoeˇ taˆ uˆ lahˇ-eu huiˬ dzehˬ-eu sahˬ paˬ nawˇ meh.

Yoˇhaˬ 18:13

Kʼoeˇ naˇ, Aˬna jawˇ gaˇ jeˬ huˬ sheuˬ gʼeh-euˬ meh. Aˬ na-aˬ, kʼoeˇ ngeh kʼoꞈ-ahˇ Piˇ ma Yaw huiˬ gʼaˬ geuꞈ luꞈ-eu Gaˬyaˬpaˇ-euˬ tsawˇ mawˬ meh.

Yoˇhaˬ 19:10

Sahˬ paˬ Piˇlaˆ aˬ yawꞈ-ahˇ ehˇ nehˬ-eu, “Aˬ jeˬ miˇ neh nawˇ ngaˬ-ahˇ dawˬ maˬ ngehˬ cawˬ te. Nawˬ-ahˇ pyehˬ nehˬ-eu gʼaˇ duˬ maˬ ehˇ, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ maˬ ehˇ, ngaˬ-euˬ aˬ laꞈ laꞈ kʼoeˇ jaˆ ma.”