Yoˇhaˬ 19:10 - Akha

¹⁰ Sahˬ paˬ Piˇlaˆ aˬ yawꞈ-ahˇ ehˇ nehˬ-eu, “Aˬ jeˬ miˇ neh nawˇ ngaˬ-ahˇ dawˬ maˬ ngehˬ cawˬ te. Nawˬ-ahˇ pyehˬ nehˬ-eu gʼaˇ duˬ maˬ ehˇ, laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ maˬ ehˇ, ngaˬ-euˬ aˬ laꞈ laꞈ kʼoeˇ jaˆ ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Khoerngae, Pirlav, aqyawf-anr aernaeq-eu, “Nawr, ngaq-anr dawq maq ngaeqcawq lor? Ngar, nawq-anr tafsaef-eu aryaq hawr-eu nawq-anr pyaeqnaeq-eu aryaq jav-eu laer, nawr maq siqnya-eu le laq?”

Yoˇhaˬ 19:10 Referans Kwoze

Yoˇhaˬ 18:39

Kʼoeˇ naˇ, hawˇ nymˇ-euˬ laꞈ nyiˇ jawˇ-eu deuˬ jawˇ gaˇ sahˬ paˬ Piˇlaˆ iˇ-awˇ, heu loꞈ-ehˇ ehˇ nehˬ-euˬ meh. “Tsawˇ haˬ heu gʼaˬ-euˬ yaw lehˬ ngaˇ maˬ poˆ mawˇ nya nya. Ehˇ kʼawꞈ, Baˬsaˬkaˬ Bawˬ-iˬ kʼaˇ keuˆ le ngeh, naw maꞈ gʼaˇ duˬ tsawˇ haˬ tiˬ gʼaˬ ngaˇ ya pyehˬ nehˬ-eu zahˇ sahˇ kʼoꞈ jaˆ-eu ma. Naw maꞈ gʼaˇ duˬ Yuˇdaˆ tsawˇ haˬ-euˬ Sahˬ paˬ heu gʼaˬ-ahˇ bi pyehˬ nehˬ mawꞈ-eu nya loˇ.”

Daˬyeˬlaˇ 5:19

Aˬ yawꞈ huiˬ dui mahˇ dui dui-eu miˇ neh, miˇ tsaˬ kʼoeˇ taˆ kʼaˇ jawˇ-eu tsawˇ jeuˬ tsawˇ ca dawˬ tawˆ luꞈ, aˬ yawꞈ-ahˇ guˆ-awˇ yaw dzuˬ dzuˬ-eu meh. Aˬ yawꞈ sehꞈ mawꞈ-eu gʼaˬ-ahˇ sehꞈ-awˇ, aˬ yawꞈ bi dehꞈ mawꞈ-eu gʼaˬ-ahˇ maˬ sehꞈ ni bi dehꞈ-euˬ meh. Aˬ yawꞈ ciˬ huiˬ mawꞈ-eu gʼaˬ-ahˇ ciˬ huiˬ-awˇ, aˬ yawꞈ dehˬ awˆ mawꞈ-eu gʼaˬ-ahˇ dehˬ awˆ nehˬ-euˬ meh.

Yoˇhaˬ 19:9

Aˬ yawꞈ hawˇ nymˇ laꞈ kʼoeˇ paˇ gʼoꞈ kʼoꞈ-iˇ-awˇ, “Nawˇ aˬ gaˇ neh oe teˬ” lehˇ, Yeˬsuˇ-ahˇ naˇ haˬ-euˬ meh. Ehˇ kʼawꞈ, Yeˬ suˇ dawˬ maˬ tmˇ-a.

Yoˇhaˬ 19:11

Yeˬsuˇ ehˇ-eu, “Miˬyehˇ neh nawˬ-ahˇ baoˬ biꞈ taˬ-euˬ miˇ neh, nawˇ ngaˬ-euˬ kʼoeˇ taˆ baoˬ jaˆ-eu meh. Kʼoeˇ miˇ neh, ngaˬ-ahˇ nawˬ-euˬ aˬ laꞈ laꞈ kʼoeˇ a nehˬ laˇ-euˬ gʼaˬ-aˬ, nawˇ naˆ maˬ tseˇ iˬ baˇ huiˬ dzehˬ meh.”