Yoˇhaˬ 18:4 - Akha

⁴ Yeˬsuˇ-aˬ, aˬ yawꞈ-euˬ kʼoeˇ taˆ keu le luꞈ-eu yawˬ jeˬ na luꞈ-ahˇ siˬ nya-eu miˇ neh, mehˬ hu paw le doˆ-awˇ, “Naw maꞈ aˬ suˇ gʼaˬ-ahˇ poˆ te” lehˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴ Yeqsur-aq, aqyawf-euq khoertav keuvle-eu laer ghae-eu yawqjeq navluf-anr siqnya-awr, maeqhu paw ledov-awr aqyawf maf-anr narhaq-eu, “Nawmaf aqsur ghaq-anr povluf-eu le?”

Yoˇhaˬ 18:4 Referans Kwoze

Yoˇhaˬ 13:1

Baˬsaˬkaˬ Bawˬ-iˬ keuˆ le-eu mehˬ hu ngeh nah, aˬ yawꞈ miˇ tsaˬ heu-ahˇ gʼawˬ-iˇ-awˇ, Aˬda jawˇ gaˇ ya gʼoꞈ leˇ-eu aˇ yamˬ tsaˬ laˇ-euˬ gaˇ kawˆ Yeˬsuˇ siˬ nya-eu meh. Miˇtsaˬ kʼoeˇ taˆ jawˇ-eu aˬ yawꞈ-ahˇ jah-eu tsawˇ haˬ deuˬ-ahˇ aˬ yawꞈ gaˬ-awˇ, aˇ saˬ saˬ ngeh keuˆ ni gaˬ-euˬ meh.

Yoˇhaˬ 18:7

“Naw maꞈ aˬ suˇ gʼaˬ-ahˇ poˆ te” lehˇ Yeˬsuˇ tiˬ poˆ paˇ naˇ haˬ-euˬ meh. “Naˬzaˬlehˇ meuˬ-ahˇ jawˇ-eu Yeˬsuˇ-ahˇ poˆ-eu ma” lehˇ aˬ yawꞈ maꞈ paˇ ehˇ-eu meh.

Gʼaˬkʼehˇ 2:28

Dehꞈ-eu gaˇ ma nawˇ mehˬ laꞈ-awˇ, nawˇ ngaˬ nehˬ-ehˇ jawˇ-eu miˇ neh, ngaˇ laˬ kʼaˬ cehˇ-eu jeˬ byah ma.’

Jaceuq 27:3

Guiˇmaꞈtiˬmaꞈmaꞈlah oe-awˇ, ngaˬ-ahˇjawˬlahˇjiˇkʼawꞈmaˬguˆ. Muiˇ-eu deuˬngaˬ-ahˇdeuˆle kʼawꞈ, ngaˬ-euˬnui ma ziꞈdah jaˆma.

Yoˇhaˬ 19:28

Nymˬ-mˇ poˆ jawˇ, yawˬ jeˬ na luꞈ byah laˇ gʼaˬ-euˬ gaˇ kawˆ Yeˬsuˇ siˬ nya-euˬ meh. Jaˇliꞈ laꞈ kʼoeˇ ehˇ taˬ-euˬ loꞈ-ehˇ byah laˇ ni, “Iˇ cuꞈ mehꞈ nya” lehˇ Yeˬsuˇ ehˇ-eu meh.

Yoˇhaˬ 13:11

Aˬ geu gʼaˬ aˬ yawꞈ-ahˇ ahˬ dzaˬ-eu lehˇ gʼeh-eu gaˇ kawˆ Yeˬsuˇ siˬ duˬ taˬ-euˬ miˇ neh, “Naw maꞈ laꞈ kʼoeˇ tiˬ gʼaˬ maˬ ngeuˇ naˇ dawˬ tawˆ luꞈ yaw shawˇ meh” lehˇ ehˇ-eu jeˬ pyeuꞈ-eu meh.

Yoˇhaˬ 6:64

Ehˇ kʼawꞈ, naw maꞈ laꞈ kʼoeˇ tiˬ paˆ na deuˬ maˬ jah nga siˬ.” (Aˬ geu deuˬ maˬ jah-eu tsawˇ haˬ pyeuꞈ-awˇ, aˬ geu gʼaˬ aˬ yawꞈ-ahˇ ahˬ dzaˬ tehꞈ-a lehˇ, naꞈ ngeh neh Yeˬsuˇ siˬ nya taˬ-euˬ meh.)

Luˇkaꞈ 24:44

Kʼoeˇ naˇ, aˬ yawꞈ maꞈ-ahˇ aˬ yawꞈ heu loꞈ-ehˇ ehˇ nehˬ-euˬ meh. “Moˇseˬ-euˬ Zahˇ dawˬ kʼoꞈ dawˬ laꞈ kʼoeˇ maˬ ehˇ, Miˬyehˇ gʼaˇ duˬ ngehˬ dah-eu deuˬ neh boꞈ taˬ-euˬ sahˬ boꞈ deuˬ laꞈ kʼoeˇ maˬ ehˇ, Ja ceuˬ-eu sahˬ boꞈ laꞈ kʼoeˇ maˬ ehˇ, ngaˬ-euˬ gaˇ kawˆ boꞈ taˬ-euˬ yawˬ jeˬ na luꞈ, heu loꞈ-ehˇ pyeuꞈ laˇ-awˇ ya byah laˇ meh lehˇ, ngaˇ naw maꞈ nehˬ-ehˇ jawˇ ngeh neh naw maꞈ-ahˇ ehˇ nehˬ-euˬ ma.”

Maꞈtehˬ 26:31

Kʼoeˇ naˇ, aˬ yawꞈ maꞈ-ahˇ Yeˬsuˇ heu loꞈ-ehˇ ehˇ nehˬ-euˬ meh. “Nymˇ ciꞈ naw maꞈ dawˬ tawˆ luꞈ ngaˬ-ahˇ byehˇ dzeh-awˇ cehˆ tehꞈ-a. Aˬ jeˬ miˇ neh ehˇ naˇ, ‘Yawˇ bo-eu yaw sahˇ-ahˇ Miˬyehˇ sehꞈ-awˇ, yawˇ yawˇ maꞈ cehˆ byaˆ jiˇ tehꞈ-a’ lehˇ, Jaˇliꞈ laꞈ kʼoeˇ ehˇ taˬ-euˬ meh.

Maꞈtehˬ 26:21

Aˬ yawꞈ maꞈ dzaˬ luꞈ dawˇ luꞈ ngeh Yeˬsuˇ ehˇ-eu, “Naw maꞈ laꞈ kʼoeˇ tiˬ gʼaˬ ngaˬ-ahˇ ahˬ dzaˬ tehꞈ-a lehˇ, naw maꞈ-ahˇ ngaˇ maˇ jawˆ ni ehˇ-eu ma.”

Maꞈtehˬ 26:2

“Nyiˬ nah dzeuˇ naˇ, Baˬsaˬkaˬ Bawˬ-iˬ gʼeh-eu aˇ yamˬ keuˆ le-euˬ naw maꞈ siˬ nya meh. Kʼoeˇ ngeh, Tsawˇhaˬ-euˬ Zaˬmaˇ-ahˇ laꞈ yaꞈ kʼoeˇ taˆ bi taꞈ sehꞈ-eu gʼaˇ duˬ a nehˬ tehꞈ-a.”

Maꞈtehˬ 16:21

Kʼoeˇ ngeh nah neh aˇ dahˬ beh-awˇ, zaˬ lahˇ deuˬ-ahˇ Yeˬsuˇ heu loꞈ-ehˇ bya cehˆ ni ehˇ nehˬ-euˬ meh. “Yeˬluˇsaˬlehˬ meuˬ-ahˇ ngaˇ le-awˇ, aˬ yuiꞈ aˬ tsu deuˬ, piˇ ma aˬ yuiꞈ deuˬ hawˇ-eu, Zahˇ dawˬ kʼoꞈ dawˬ mehˬ-eu saˬ laˬ deuˬ, ngaˬ-ahˇ gʼawˬ mya jeˬ jahˇ nehˬ laꞈ gaˇ ya daˬ dui dui-eu yaw duˬ baw meh. Aˬ cawˬ ngaˬ-ahˇ sehꞈ tehꞈ-a. Ehˇ kʼawꞈ, smˬ nah byah laˇ naˇ, Miˬyehˇ ngaˬ-ahˇ paˇ bi gʼoꞈ dehꞈ laˇ tehꞈ-a.”

Dawqdaq 28:1

Maˬ sui maˬ dawˇ-eu tsawˇ haˬ deuˬ-aˬ, aˬ cawˬ maˬ caw teh gaˇ guˆ guˆ-ehˇ cehˆ-eu meh. Ehˇ kʼawꞈ, yaw sui yaw dawˇ tsawˇ haˬ aˇ laˬ jaˬ shiˇ loꞈ-ehˇ kʼaˬ duˬ ni dehꞈ-eu meh.

Jaceuq 3:6

Muiˇ-eu tsawˇhaˬ aˇheˇaˇmuiˇ, jawˬlahˇle gaˇkʼawꞈngaˇmaˬguˆ.

Neˬhaˬmiˇ 6:11

Ngaˇ aˬ yawꞈ-ahˇ heu loꞈ-ehˇ ehˇ kʼoꞈ nehˬ-euˬ ma. “Ngaˇ loꞈ-ehˇ gʼeh-eu tsawˇ haˬ tiˬ gʼaˬ cehˆ zaꞈ-eu tsaˬ tehꞈ-a loˇ. Yawˬ ha-euˬ tsawˇ shiˇ uˬ kʼawˇ ya buˬ-iˇ ni Uˬ duˬ tahˬ nymˇ nymˇ ma laꞈ kʼoeˇ ngaˇ cehˆ yaꞈ-iˇ tehꞈ-a lehˇ nawˇ noeˬ te loˇ. Ngaˇ maˬ cehˆ zaꞈ-iˇ.”

1 Sahˬpaˬ 18:10

Miˇ tsaˬ kʼoeˇ taˆ ngaˬ-euˬ sahˬ paˬ neh nawˬ-ahˇ maˬ poˆ doe-euˬ miˇ kʼahˬ maˬ paˇ jaˆ meh lehˇ, nawˬ-euˬ Miˬyehˇ pyeuꞈ-eu Sahˬpaˬ Miˬyehˇ mehˬ shi ngaˇ saˇ kiˇ kamˬ-eu ma. Miˇ kʼahˬ tiˬ kʼahˬ na-ahˇ uˆ lahˇ-eu sahˬ paˬ sahˬ ma tiˬ gʼaˬ na, aˬ yawꞈ maꞈ-euˬ miˇ kʼahˬ laꞈ kʼoeˇ nawˇ maˬ jawˇ-a lehˇ kʼaˇ ehˇ gaˬ laˇ ngeh, nawˬ-ahˇ aˬ diˇ aˬ maˇ poˆ mawˇ-euˬ gaˇ kawˆ tsawˇ haˬ kʼoeˇ gʼaˬ-ahˇ Aˬhaˆ bi kamˬ-euˬ meh.

1 Beˬtuˆluˆ 4:1

Ka li-euˬ shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ-aˬ, naw maꞈ kʼawꞈ aˬ yawꞈ noeˬ-eu loꞈ-ehˇ noeˬ nya ni lehˬ hmˬ taˬ-awˬ. Aˬ jeˬ miˇ neh ehˇ naˇ, shiˬ shaˬ jiˇ gʼawˇ mawˇ kʼehˬ-eu kʼaˆ-eu jeˬ-ahˇ ya daˬ-euˬ tsawˇ haˬ-aˬ, iˬ baˇ-ahˇ ziˇ tsehˆ-euˬ meh.

Yoˇhaˬ 18:5

“Naˬzaˬlehˇ meuˬ-ahˇ jawˇ-eu Yeˬsuˇ-ahˇ poˆ-eu ma” lehˇ aˬ yawꞈ maꞈ ehˇ-eu meh. “Ngaˇ Yeˬsuˇ ma” lehˇ aˬ yawꞈ ehˇ kʼoꞈ nehˬ-euˬ meh. Yeˬsuˇ-ahˇ ahˬ dzaˬ-euˬ Yuˇdaˆ gʼeh, tsawˇ haˬ kʼoeˇ deuˬ nehˬ-ehˇ yawꞈ luꞈ-eu meh.