Yoˇhaˬ 16:21 - Akha

²¹ Zaˬ miˬ zaˬ tiˬ gʼaˬ zaˬ baw-eu lehˇ gʼeh ngeh, shaˬ zahˬ ya mˇ-eu aˇ yamˬ keuˆ le-euˬ miˇ neh noeˬ shaˬ-eu meh. Ehˇ kʼawꞈ, zaˬ ciˬ doˆ leꞈ gʼaˬ ngeh, shaˬ zahˬ naꞈ-eu jeˬ-ahˇ ngehˇ jiˇ-eu meh. Aˬ jeˬ miˇ neh ehˇ naˇ, zaˬ tiˬ gʼaˬ miˇ tsaˬ kʼoeˇ taˆ dehꞈ doˆ le-euˬ miˇ neh, aˬ yawꞈ laˬ kʼaꞈ cehˇ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²¹ Zaqmiq aqbur tiq ghaq, zaq baw-eu laer ghae ngae, aryamq tsaqlar-euq mirnae, aqyawf noeqshaq-eu mae. Aerkhawf, aqyawf, zaq khoerghaq bawghaq-euq naeq-aer, shaqzanq naf-euq jeq ngaerjir-euq mae. Aqjeq mirnae aernar-aq, mirtsaq-euq khoertav tsawrhaq tiq ghaq daefle-euq mirnae laqkhaq caer-eu mae.

Yoˇhaˬ 16:21 Referans Kwoze

Jaceuq 113:9

Maˬ baw aˬ ma-ahˇ aˬ yawꞈ taˬ huiˬ nehˬ-awˇ, zaˬ jawˇ le-awˇ laˬ kʼaˬ bi cehˇ-eu meh. Sahˬpaˬ Miˬyehˇ-ahˇ ja ceuˬ-awˬ.

Iˇsaˬyaˇ 13:8

Guˆ-eu gaˆ-eu jeˬ aˬ yawꞈ maꞈ-ahˇ tsuˆ tehˬ taˬ-awˇ, shaˬ zahˬ naꞈ dui dui-eu miˇ neh, zaˬ baw luꞈ-eu aˬ ma loꞈ-ehˇ ya tsahˇ tehꞈ-a. Guˆ-eu miˇ neh tiˬ gʼaˬ tiˇ gʼaˬ haw tsoˆ taˬ-awˇ, baˬ ba neˇ tseuˆ ni shaˬ tehꞈ-a.

1 Teˇsaˬloˇni 5:3

Miˇ kʼahˬ saˇ-awˇ guˆ kʼaˇ maˬ za-a lehˇ aˬ cawˬ ja luꞈ ngeh, luˬ-iˇ seˇ-iˇ-eu jeˬ aˬ yawꞈ maꞈ kʼoeˇ taˆ keuˆ le tehꞈ-a. Zaˬ ciˬ deˇ le-euˬ aˬ ma tiˬ gʼaˬ uˬ maˆ naˇ doˆ laˇ-eu loꞈ-ehˇ ja pyuˬ ni ga keuˆ le-awˇ, aˬ yawꞈ maꞈ maˬ dzeuˇ-i nya-aˇ.

Miˇkaˬ 4:10

Yeˬluˇsaˬlehˬ meuˬ-ahˇ jawˇ-eu tsawˇ haˬ deuˬ-oˇ, zaˬ baw-eu shaˬ luꞈ-eu zaˬ miˬ zaˬ tiˬ gʼaˬ loꞈ-ehˇ teuˆ teuˆ-ehˇ ngoeˇ-awˬ. Aˬ jeˬ miˇ neh ehˇ naˇ, nymˬ-mˇ neh naw maꞈ meuˬ laꞈ nyiˇ ya doˆ-iˇ-awˇ, deh ga buˇ deˬ-ahˇ ya jawˇ-iˇ tehꞈ-a. Baˬbuˇloˬ miˇ kʼahˬ-ahˇ naw maꞈ ya jawˇ-iˇ tehꞈ-a. Ehˇ kʼawꞈ, muiˇ-eu deuˬ-euˬ laꞈ-ahˇ neh, kʼoeˇ gaˇ Sahˬpaˬ Miˬyehˇ naw maꞈ-ahˇ ka kʼoꞈ tehꞈ-a.

Gaˬlaˬtiˆ 4:27

Aˬ jeˬ miˇ neh ehˇ naˇ, Jaˇliꞈ laꞈ kʼoeˇ heu loꞈ-ehˇ ehˇ taˬ-euˬ meh. “Zaˬ maˬ jawˇ-eu aˬ ma deuˬ-oˇ, naw maꞈ laˬ kʼaˬ cehˇ dui dui-awˬ. Zaˬ baw-eu uˬ maˆ naˇ naˇ-ehˇ, maˬ shaˬ haw-euˬ aˬ ma deuˬ-oˇ, laˬ kʼaˬ cehˇ-awˇ guˇ dui dui-awˬ. Aˬ jeˬ miˇ neh ehˇ naˇ, kʼaˬ dzeˇ zaˬ neh bi kʼoꞈ-euˬ deuˬ, kʼaˬ dzeˇ zaˬ baw-eu deuˬ maˬ tseˇ, zaˬ gʼawˬ mya ni jawˇ le tehꞈ-a.”

Aˇ dahˬ 3:16

Kʼoeˇ naˇ, Miˬyehˇ pyeuꞈ-eu Sahˬpaˬ Miˬyehˇ zaˬ miˬ zaˬ gʼaˬ-ahˇ heu loꞈ-ehˇ ehˇ nehˬ-euˬ meh. “Aˬ nyiˇ pi luꞈ ngeh maˬ ehˇ, aˬ nyiˇ ciˬ ngeh maˬ ehˇ, nawˇ ya mˇ-eu shaˬ zahˬ heu naˆ maˬ tseˇ naꞈ dzehˬ laˇ ni ngaˇ jahˇ ma. Nawˇ kʼoeˇ naˆ naˆ-ehˇ ya shaˬ kʼawꞈ, nawˬ-euˬ kʼaˬ dzeˇ zaˬ-ahˇ nawˇ aˬ myah luꞈ nui kʼahˇ jaˆ tehꞈ-a. Ehˇ kʼawꞈ, nawˬ-euˬ kʼaˬ dzeˇ zaˬ uˆ lahˇ-eu uˬ moˆ nawˇ ya jawˇ tehꞈ-a” lehˇ ehˇ nehˬ-euˬ meh.

Iˇsaˬyaˇ 21:3

Kʼoeˇ baˬ da neh ngaˬ-euˬ gʼawˇ mawˇ laꞈ kʼoeˇ, zaˬ baw doˆ-eu shaˬ-eu loꞈ-ehˇ, naˇ dui gawˇ dui dui nya.

Iˇsaˬyaˇ 66:7

“Ngaˬ-euˬ muiˬ-eu shawˇ-eu meuˬ-aˬ, uˬ maˆ maˬ naˇ ni zaˬ baw-euˬ aˬ ma-ahˇ duˇ-eu meh.

Miˇkaˬ 4:9

Aˬ jeˬ miˇ neh nawˇ yaw kʼaˆ-ehˇ guˇ guˇ-ehˇ ngoeˇ te. Aˬ jeˬ miˇ neh zaˬ baw luꞈ-eu zaˬ miˬ zaˬ tiˬ gʼaˬ loꞈ-ehˇ nawˇ shaˬ zahˬ mˇ luꞈ te. Nawˬ-euˬ sahˬ paˬ hawˇ-eu nawˬ-ahˇ nui noeˬ nui duˇ biꞈ-eu deuˬ maˬ jawˇ-ehˇ pyeuꞈ-iˇ-euˬ miˇ neh te loˇ.

Yawˇbaˆ 11:16

Iˇ jeuˬ oe-euˬ myahˇ laˇ ngeh ngehˇ-eu loꞈ-ehˇ, nawˬ-euˬ shaˬ zahˬ nawˇ ngehˇ byoˆ jiˇ tehꞈ-a.