Yoˇhaˬ 14:23 - Akha

²³ Yeˬsuˇ ehˇ-eu, “Ngaˬ-ahˇ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ-ahˇ naˇ haˬ geuꞈ tehꞈ-a. Kʼoeˇ loꞈ-ehˇ naˇ haˬ geuꞈ-eu tsawˇ haˬ-ahˇ ngaˬ Da gaˬ-awˇ, ngaˬ Da nga nyaꞈ aˬ yawꞈ-euˬ nui ma laꞈ kʼoeˇ jawˇ le ma.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²³ Yeqsur, aqyawf-anr heulof-aer aerkhof naeq-euq mae, “Aqgeu ghaq maqkaq, ngaq-anr gaq nar-aq, ngaq-euq dawq-anr mrcaw taef-a. Khoeruqtaf, ngaqDa khawf aqyawf-anr gaq-awr, nga’nyaf Dazaq, aqyawf jawr-eu gar oe-awr, aqyawf naeq-aer jawr ma.

Yoˇhaˬ 14:23 Referans Kwoze

Yoˇhaˬ 14:21

Ngaˬ neh biꞈ-euˬ dawˬ-ahˇ ya gaˬ-euˬ loꞈ-ehˇ naˇ haˬ geuꞈ-eu tsawˇ haˬ-aˬ, ngaˬ-ahˇ gaˬ-eu tsawˇ haˬ meh. Ngaˬ-ahˇ kʼaˇ gaˬ-eu tsawˇ haˬ-ahˇ ngaˬ Da gaˬ tehꞈ-a. Ngaˇ kʼawꞈ aˬ yawꞈ-ahˇ gaˬ-awˇ, ngaˇ aˬ suˇ gʼaˬ pyeuꞈ-eu gaˇ kawˆ a yawꞈ-ahˇ bi siˬ bi mawˇ ma.”

Yoˇhaˬ 14:15

“Naw maꞈ ngaˬ-ahˇ gaˬ naˇ, ngaˬ neh biꞈ-euˬ dawˬ deuˬ-ahˇ naˇ haˬ geuꞈ tehꞈ-a.

1 Yoˇhaˬ 2:24

Kʼoeˇ miˇ neh, aˇ dahˬ beh ngeh neh naw maꞈ ya gaˬ taˬ-euˬ guiˬ lahˬ dawˬ-ahˇ nui ma laꞈ kʼoeˇ ziꞈ dah ni tuˆ tehˬ taˬ-awˬ. Guiˬ lahˬ dawˬ kʼoeˇ-ahˇ naw maꞈ tuˆ tehˬ taˬ naˇ, Zaˬmaˇ hawˇ-eu Aˬda Miˬyehˇ laꞈ kʼoeˇ naw maꞈ aˬ myah luꞈ jawˇ tehꞈ-a.

1 Yoˇhaˬ 4:4

Ehˇ kʼawꞈ, ngaˇ gaˬ dui dui-eu zaˬ deuˬ-oˇ, naw maꞈ-aˬ, Miˬyehˇ-ahˇ taꞈ-eu tsawˇ haˬ pyeuꞈ-awˇ, Miˬyehˇ gʼaˇ duˬ ngehˬ dah-eu maˬ ngeuˇ-eu tsawˇ haˬ kʼoeˇ deuˬ-ahˇ gʼaˬ leˇ-euˬ meh. Aˬ jeˬ miˇ neh ehˇ naˇ, naw maꞈ laꞈ kʼoeˇ jawˇ luꞈ-eu Yaw sahˇ-aˬ, miˇ tsaˬ heu-ahˇ taꞈ-eu tsawˇ haˬ deuˬ laꞈ kʼoeˇ jawˇ luꞈ-eu yaw sahˇ naˆ maˬ tseˇ baoˬ ahˇ dzehˬ-eu meh.

2 Gawˇliˬtu 6:16

Miˬyehˇ-euˬ uˬ duˬ tahˬ nymˇ hawˇ-eu lawˇ ciꞈ zaˬ-euˬ tahˬ pahˬ aˬ ma mawˇ kawˇ aˬ joˆ-ehˇ tiˬ gaˇ jaˆ nya nmˇ. Aˬ dui-aˬ, dehꞈ luꞈ-eu Miˬyehˇ-euˬ uˬ duˬ tahˬ nymˇ pyeuꞈ-eu ma. Jaˇliꞈ laꞈ kʼoeˇ Miˬyehˇ heu loꞈ-ehˇ ehˇ taˬ-euˬ meh. “Ngaˬ-euˬ tsawˇ haˬ nehˬ-ehˇ jawˇ-awˇ, yawꞈ maꞈ nehˬ-ehˇ cah ma. Ngaˇ yawꞈ maꞈ-euˬ Miˬyehˇ geuꞈ-awˇ, yawꞈ maꞈ ngaˬ-euˬ tsawˇ haˬ geuꞈ ma.”

Jaceuq 91:1

Miˬyehˇ-ahˇ kʼaˇ tahˬ shaˇ-eu tsawˇ haˬ deuˬ, Baoˬ huiˬ-eu Miˬyehˇ haw piˇ-eu uˬ moˆ kʼaˇ jawˇ-eu tsawˇ haˬ deuˬ

Yoˇhaˬ 10:30

Aˬda hawˇ-eu ngaˇ-aˬ, aˬ yawꞈ tiˬ gʼaˬ ma.”

Iˇsaˬyaˇ 57:15

“Huiˬ-eu goˇ-eu muiˬ-eu shawˇ-eu Miˬyehˇ ngaˇ ma. Mˬ maˬ maˬ byaˆ zaˇ ziˇ ziꞈ-eu ngaˇ ma. Muiˬ-eu shawˇ-eu jawˇ duˬ yaw goˇ-ahˇ ngaˇ jawˇ kʼawꞈ, iˬ baˇ noeˬ poˆ-awˇ nahˬ yu ni gʼeh-eu deuˬ nehˬ-ehˇ ngaˇ jawˇ-awˇ, aˬ yawꞈ maꞈ noeˬ tmˬ kʼaˇ bi za-eu ma.

Yoˇhaˬ 6:56

Ngaˬ-euˬ shaˬ jiˇ dzaˬ-awˇ ngaˬ-euˬ shiˬ dawˇ-eu tsawˇ haˬ-aˬ, ngaˬ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, ngaˇ kʼawꞈ, aˬ yawꞈ-euˬ laꞈ kʼoe jawˇ-eu ma.

Yoˇhaˬ 14:17

Aˬ yawꞈ-aˬ, Miˬyehˇ-euˬ gaˇ kawˆ yaw tsaˬ yaw dawˇ jeˬ pah mehˬ-eu gʼaˬ pyeuꞈ-eu Yaw sahˇ Miˬyehˇ meh. Miˇ tsaˬ zaˬ deuˬ aˬ yawꞈ-ahˇ nui ma laꞈ kʼoeˇ maˬ ha geuꞈ nya-a. Aˬ jeˬ miˇ neh ehˇ naˇ, aˬ yawꞈ maꞈ aˬ yawꞈ-ahˇ maˬ siˬ maˬ mawˇ nya-a. Ehˇ kʼawꞈ, naw maꞈ aˬ yawꞈ-ahˇ siˬ nya meh. Aˬ jeˬ miˇ neh ehˇ naˇ, aˬ yawꞈ naw maꞈ nehˬ-ehˇ jawˇ-awˇ, naw maꞈ-euˬ nui ma laꞈ kʼoeˇ uˇ-eu meh.

Aˇ dahˬ 1:26

Kʼoeˇ naˇ, “Aˬ dui maꞈ-euˬ aˇ gʼehˇ-ahˇ duˇ-eu tsawˇ haˬ zaˬ deuˬ-ahˇ beh kaˇ-euˇ. Aˬ yawꞈ maꞈ aˬ dui-ahˇ duˇ-awˇ, ngaˬ shaˬ ngaˬ deˇ deuˬ kʼoeˇ taˆ maˬ ehˇ, bawˇ tsahˬ jeˬ zaˬ hawˇ-eu cu nya-eu jeˬ zaˬ yaw yah deuˬ yaw huiˬ yaw nyiˇ dawˬ tawˆ luꞈ kʼoeˇ taˆ maˬ ehˇ, baoˬ jaˆ tehꞈ-a” lehˇ Miˬyehˇ ehˇ-eu meh.

Panmaeq 21:22

Meuˬ kʼoeˇ meuˬ laꞈ kʼoeˇ, uˬ duˬ tahˬ nymˇ nymˇ ma jaˆ gaˇ ngaˇ maˬ ya mawˇ-aˬ. Aˬ jeˬ miˇ neh ehˇ naˇ, Baoˬ huiˬ-eu Sahˬpaˬ Miˬyehˇ hawˇ-eu Yawˇzaˬ-aˬ, meuˬ kʼoeˇ meuˬ-euˬ uˬ duˬ tahˬ nymˇ nymˇ ma pyeuꞈ-eu meh.

Aˇ dahˬ 11:7

Aˬ yawꞈ maꞈ tiˬ gʼaˬ neh ngehˬ-euˬ dawˬ tiˬ gʼaˬ maˬ gʼoˆ siˬ nya-ehˇ bi pyeuꞈ-iˇ-eu gʼaˇ duˬ, aˬ dui zaꞈ ka-iˇ-awˇ, aˬ yawꞈ maꞈ-euˬ dawˬ-ahˇ laˆ bahˬ laˆ baˆ nehˬ kaˇ-euˇ.”

Panmaeq 22:3

Meuˬ kʼoeˇ meuˬ laꞈ kʼoeˇ Miˬyehˇ neh yaˬ kʼehˇ bi yaˬ-euˬ jeˬ tiˬ jeˬ-iˬ maˬ ya mawˇ-a. Miˬyehˇ hawˇ-eu Yawˇzaˬ-euˬ dzoeˬ dzaˬ nuiˇ mahˬ meuˬ kʼoeˇ meuˬ-ahˇ jaˆ-awˇ, aˬ yawꞈ-euˬ zaˬ kʼaˆ deuˬ aˬ yawꞈ-ahˇ uˬ duˬ tahˬ tehꞈ-a.

Jaceuq 90:1

Sahˬpaˬ Miˬyehˇ-oˇ, tiˬ ziˇ saˇ-iˬ tiˬ ziˇ nawˇ nga maꞈ-euˬ nymˇ loꞈ-ehˇ pyeuꞈ-eu ma.

Yoˇhaˬ 8:51

Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ-eu tsawˇ haˬ-aˬ, tiˬ jawˇ-iˬ maˬ shiˇ-aˇ.”

Yoˇhaˬ 8:52

Aˬ yawꞈ maꞈ aˬ yawꞈ-ahˇ ehˇ-eu, “Nymˬ-mˇ poˆ jawˇ-aˬ, nawˇ nehꞈ uˇ-eu nga maꞈ-ahˇ siˬ duˬ laˇ ngaˇ. Aˬbyaˬhaˬ gʼeh shiˇ-euˬ meh. Miˬyehˇ gʼaˇ duˬ ngehˬ dah-eu deuˬ gʼeh shiˇ jiˇ-euˬ meh. Ehˇ kʼawꞈ, nawˬ neh mehˬ nehˬ tsoˆ nehˬ-euˬ gaˇ kʼaˇ naˇ haˬ geuꞈ-eu tsawˇ haˬ maˬ shiˇ-aˇ lehˇ nawˇ ehˇ-eu nga laˬ.

Yoˇhaˬ 14:24

Ngaˬ-ahˇ maˬ gaˬ-eu tsawˇ haˬ-aˬ, ngaˬ neh mehˬ nehˬ tsoˆ nehˬ-euˬ dawˬ deuˬ-ahˇ maˬ naˇ haˬ geuꞈ-a. Naw maꞈ ya gaˬ-euˬ ngaˬ neh mehˬ-euˬ tsoˆ-euˬ dawˬ kʼoeˇ deuˬ-aˬ, ngaˬ-euˬ nui noeˬ ngehˬ-euˬ dawˬ maˬ ngeuˇ. Ngaˬ-ahˇ kʼehˇ gʼeh leꞈ-euˬ Aˬda-euˬ dawˬ meh.

Yoˇhaˬ 15:10

Ngaˬ Da-euˬ dawˬ-ahˇ ngaˇ naˇ haˬ geuꞈ-awˇ, ngaˬ Da-euˬ gʼoeˇ-eu gaˬ-eu jeˬ laꞈ kʼoeˇ ngaˇ jawˇ-eu loꞈ-ehˇ, naw maꞈ ngaˬ-euˬ dawˬ-ahˇ naˇ haˬ geuꞈ naˇ, ngaˬ-euˬ gʼoeˇ-eu gaˬ-eu jeˬ laꞈ kʼoeˇ naw maꞈ jawˇ tehꞈ-a.

Yoˇhaˬ 16:27

Naw maꞈ ngaˬ-ahˇ gaˬ-awˇ, Miˬyehˇ jawˇ gaˇ neh oe-euˬ meh lehˇ jah-eu miˇ neh, Aˬda naw maꞈ-ahˇ gaˬ-eu meh.

Eˇpeˇsu 3:17

Naw maꞈ jah-eu baˬ da neh naw maꞈ laꞈ kʼoeˇ Ka li jawˇ le ni ngaˇ guiˬ lahˬ shaˇ-eu ma. Naw maꞈ gʼoeˇ-eu gaˬ-eu jeˬ-ahˇ dawˬ pehˬ taˬ ni ngaˇ guiˬ lahˬ shaˇ-eu ma.

1 Yoˇhaˬ 2:5

Ehˇ kʼawꞈ, Miˬyehˇ-euˬ ehˇ dawˬ kʼaˇ naˇ haˬ geuꞈ-eu tsawˇ haˬ-aˬ, aˬ yawꞈ-euˬ laꞈ kʼoeˇ Miˬyehˇ-ahˇ gaˬ-eu jeˬ byah laˇ gʼaˬ-euˬ meh. Kʼoeˇ loꞈ-ehˇ naˇ haˬ geuꞈ-eu laꞈ kʼoeˇ, aˬ dui aˬ yawꞈ laꞈ kʼoeˇ jawˇ-eu tsawˇ haˬ pyeuꞈ-eu gaˇ kawˆ yaw duˬ yaw ciˇ baw-eu meh.

1 Yoˇhaˬ 5:3

Aˬ dui Miˬyehˇ-ahˇ gaˬ-eu lehˇ ehˇ-eu kʼoeˇ-aˬ, aˬ yawꞈ-euˬ dawˬ-ahˇ naˇ haˬ geuꞈ gaˇ ehˇ-eu meh. Aˬ yawꞈ-euˬ dawˬ-aˬ, aˬ dui maˬ caw teh nya paˬ-ehˇ shaˬ-eu jeˬ maˬ ngeuˇ-a.

2 Yoˇhaˬ 1:6

Gʼoeˇ-eu gaˬ-eu jeˬ lehˇ ngaˇ ehˇ luꞈ-eu heu-aˬ, Miˬyehˇ-euˬ dawˬ-ahˇ naˇ haˬ geuꞈ gaˇ ehˇ mawꞈ-eu ma. Naw maꞈ dawˬ tawˆ luꞈ aˇ dahˬ beh ngeh neh ya gaˬ taˬ-euˬ dawˬ heu dawˬ-aˬ, naw maꞈ dawˬ tawˆ luꞈ gʼoeˇ-eu gaˬ-eu jeˬ laꞈ kʼoeˇ ya dehꞈ meh lehˇ ehˇ-eu kʼoeˇ meh.

Panmaeq 21:3

Kʼaˆ dui dui-eu teˇ saˇ tiˬ saˇ dzoeˬ dzaˬ nuiˇ mahˬ-ahˇ neh heu loꞈ-ehˇ ehˇ doˆ leꞈ gaˇ ngaˇ ya gaˬ-euˬ ma. “Nymˬ-mˇ, Miˬyehˇ-euˬ nymˇ tsawˇ haˬ zaˬ jawˇ gaˇ jaˆ le-euˬ meh. Aˬ yawꞈ maꞈ nehˬ-ehˇ aˬ yawꞈ jawˇ-awˇ, aˬ yawꞈ maꞈ aˬ yawꞈ-euˬ tsawˇ haˬ pyeuꞈ laˇ tehꞈ-a. Aˬ yawꞈ-euˬ mawˇ do aˬ yawꞈ maꞈ nehˬ-ehˇ jawˇ tehꞈ-a.