Yoˇhaˬ 14:20 - Akha

²⁰ Aˇ nah kʼoeˇ nah keuˆ le ngeh, ngaˇ ngaˬ Da-euˬ laꞈ kʼoeˇ jawˇ-eu gaˇ kawˆ hawˇ-eu, ngaˇ naw maꞈ-euˬ ma laꞈ kʼoeˇ jawˇ-eu loꞈ-ehˇ naw maꞈ kʼawꞈ ngaˬ-euˬ laꞈ kʼoeˇ jawˇ-eu gaˇ kawˆ, naw maꞈ ya siˬ duˬ tehꞈ-a.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁰ Khoerngae nan keuvle nar-aq, ngar, Aqda-euq lafkhoer jawr-awr, nawmaf, ngaq-euq lafkhoer jawr-awr, ngar khawf nawmaf-euq lafkhoer jawr-eu gar nawmaf yasiq taef-a.

Yoˇhaˬ 14:20 Referans Kwoze

Yoˇhaˬ 17:26

Nawˬ neh ngaˬ-ahˇ gaˬ-euˬ gʼoeˇ-eu gaˬ-eu kʼoeˇ hmˬ aˬ yawꞈ maꞈ-euˬ laꞈ kʼoeˇ ahˇ-awˇ, ngaˇ aˬ yawꞈ maꞈ-euˬ laꞈ kʼoeˇ jawˇ nya-eu gʼaˇ duˬ, aˬ yawꞈ maꞈ nawˬ-ahˇ siˬ nya laˇ ni ngaˇ mˇ-euˬ loꞈ-ehˇ, mehˬ hu paw paˇ mˇ daˆ leꞈ ma.”

Gaˬlaˬtiˆ 2:20

Kʼoeˇ miˇ neh, ngaˇ dehꞈ luꞈ-eu heu-aˬ, ngaˇ maˬ paˇ ngeuˇ ma. Ka li ngaˬ-euˬ laꞈ kʼoeˇ dehꞈ luꞈ-eu jeˬ pyeuꞈ-eu ma. Nymˬ-mˇ ngaˇ yaw dehꞈ dehꞈ luꞈ-eu heu-aˬ, ngaˬ-ahˇ gaˬ-awˇ ngaˬ-euˬ gʼaˇ duˬ gʼawˇ mawˇ damˬ nehˬ le-euˬ Miˬyehˇ-euˬ Zaˬmaˇ-ahˇ jah-eu jeˬ laꞈ kʼoeˇ dehꞈ luꞈ-eu ma.

1 Yoˇhaˬ 4:12

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Ehˇ kʼawꞈ, aˬ dui tiˬ gʼaˬ tiˇ gʼaˬ gaˬ naˇ, aˬ dui laꞈ kʼoeˇ Miˬyehˇ jawˇ-awˇ, aˬ yawꞈ-euˬ gʼoeˇ-eu gaˬ-eu jeˬ aˬ dui laꞈ kʼoeˇ byah laˇ tehꞈ-a.

Yoˇhaˬ 14:10

Aˬda-euˬ laꞈ kʼoeˇ ngaˇ jawˇ-awˇ, ngaˬ-euˬ laꞈ kʼoeˇ Aˬda jawˇ meh lehˇ Piˇliˇpuˆ nawˇ maˬ jah te loˇ. Ngaˇ naw maꞈ-ahˇ ehˇ-eu dawˬ heu deuˬ-aˬ, ngaˬ-euˬ nui noeˬ ehˇ-eu maˬ ngeuˇ. Ngaˬ-euˬ laꞈ kʼoeˇ jawˇ luꞈ-eu Aˬda gaˇ mˇ luꞈ-eu jeˬ pyeuꞈ-eu meh.

Lormav 8:1

Kʼoeˇ miˇ neh, Yeˬsuˇ Ka li laꞈ kʼoeˇ jawˇ luꞈ-eu tsawˇ haˬ deuˬ-aˬ, nymˬ-mˇ yaˇ kʼaˬ daˇ nehˬ-eu jeˬ-ahˇ maˬ ya daˬ-a.

Yoˇhaˬ 10:38

Ehˇ kʼawꞈ, ngaˬ Da neh bi mˇ-euˬ gaˇ deuˬ-ahˇ ngaˇ mˇ luꞈ-eu yaw duˬ baw naˇ, naw maꞈ ngaˬ-euˬ mawˇ do-ahˇ maˬ jah kʼawꞈ, ngaˬ neh mˇ-euˬ gaˇ deuˬ-ahˇ jah-eu tsaˬ tehꞈ-a. Aˬda ngaˬ-euˬ laꞈ kʼoeˇ jawˇ-awˇ, ngaˇ Aˬda-euˬ laꞈ kʼoeˇ jawˇ-eu gaˇ kawˆ naw maꞈ siˬ duˬ nya ni kʼoeˇ loꞈ-ehˇ jah-eu tsaˬ tehꞈ-a.”

2 Gawˇliˬtu 13:5

Naw maꞈ jah-eu jeˬ-ahˇ ziꞈ dah ni tuˆ tehˬ luꞈ ma loˇ lehˇ yawˬ haˇ yawˬ ha pyehˆ tseˇ haw-awˬ. Yawˬ haˇ yawˬ ha lawˬ haw-awˬ. Yeˬsuˇ Ka li naw maꞈ laꞈ kʼoeˇ jawˇ meh lehˇ maˬ siˬ duˬ te loˇ. Maˬ ngeuˇ naˇ, lawˬ haw-eu jeˬ laꞈ kʼoeˇ naw maꞈ smˬ-iˇ teˬ loˇ.

Gawˇlawˇsehˇ 1:27

Miˬyehˇ-aˬ, aˬ yawꞈ-euˬ tsawˇ haˬ dawˬ tawˆ luꞈ gʼaˇ duˬ aˬ yawꞈ neh zaꞈ taˬ-euˬ jeˬ kʼoeˇ aˇ naˆ ni yaw shehꞈ kʼahˬ sehˇ byah-awˇ, aˇ naˆ ni zahˬ leˇ paˬ-ehˇ gʼeh-eu gaˇ kawˆ, aˬ yawꞈ-euˬ tsawˇ haˬ deuˬ-ahˇ bi siˬ bi mawˇ-eu lehˇ lehˬ hmˬ taˬ-euˬ meh. Zaꞈ taˬ-euˬ kʼoeˇ-aˬ, naw maꞈ laꞈ kʼoeˇ Ka li jawˇ-eu kʼoeˇ meh. Kʼoeˇ-aˬ, Miˬyehˇ zahˬ leˇ paˬ-ehˇ gʼeh-eu gʼaˬ pyeuꞈ-eu loꞈ-ehˇ, naw maꞈ kʼawꞈ bi pyeuꞈ laˇ-eu gʼaˇ duˬ ehˇ mawꞈ-euˬ meh.

Yoˇhaˬ 16:26

Aˇ nah kʼoeˇ nah keuˆ le ngeh, naw maꞈ ngaˬ-euˬ tsawˇ myahˇ laꞈ kʼoeˇ Aˬda-ahˇ shaˇ tehꞈ-a. Naw maꞈ-euˬ dah zaˇ ngaˇ aˬ yawꞈ-ahˇ shaˇ-eu maˬ paˇ loˬ meh.

Gawˇlawˇsehˇ 2:9

Miˬyehˇ laꞈ kʼoeˇ kʼaˇ ahˇ-eu jeˬ dawˬ tawˆ luꞈ, Ka li laꞈ kʼoeˇ tiˬ byah ni ahˇ-eu meh.

Gawˇlawˇsehˇ 1:19

Aˬ yawꞈ-euˬ laꞈ kʼoeˇ Miˬyehˇ-euˬ seuˆ dzeuꞈ aˇ gʼehˇ tiˬ byah ni bi ahˇ-eu gʼaˇ duˬ, Miˬyehˇ neh noeˬ tsehˆ taˬ-euˬ meh.

Yoˇhaˬ 6:56

Ngaˬ-euˬ shaˬ jiˇ dzaˬ-awˇ ngaˬ-euˬ shiˬ dawˇ-eu tsawˇ haˬ-aˬ, ngaˬ-euˬ laꞈ kʼoeˇ jawˇ-eu tsawˇ haˬ pyeuꞈ-awˇ, ngaˇ kʼawꞈ, aˬ yawꞈ-euˬ laꞈ kʼoe jawˇ-eu ma.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

Yoˇhaˬ 17:11

Nymˬ-mˇ nawˇ jawˇ gaˇ ngaˇ gʼoꞈ laˇ-eu lehˇ gʼeh-eu ma. Ngaˇ-aˬ, miˇ tsaˬ kʼoeˇ taˆ maˬ paˇ jawˇ ma. Ehˇ kʼawꞈ, aˬ yawꞈ maꞈ miˇ tsaˬ kʼoeˇ taˆ ya jawˇ-a siˬ. Muiˬ-eu shawˇ-eu Aˬda-oˇ, aˇ nyaꞈ Da zaˬ tiˬ gʼaˬ tehꞈ-ehˇ pyeuꞈ luꞈ-eu loꞈ-ehˇ, aˬ yawꞈ maꞈ kʼawꞈ nui ma tiˬ siˬ tehꞈ-ehˇ taˬ nya ni, nawˬ neh ngaˬ-ahˇ biꞈ laꞈ-euˬ tsawˇ myahˇ kʼoeˇ myahˇ-euˬ baoˬ neh aˬ yawꞈ maꞈ-ahˇ haw lahˇ nehˬ-awˬ.

Yoˇhaˬ 16:23

“Aˇ nah kʼoeˇ nah keuˆ le ngeh, naw maꞈ ngaˬ-ahˇ tiˬ jeˬ-iˬ maˬ paˇ shaˇ-aˇ. Ngaˇ naw maꞈ-ahˇ maˇ jawˆ ni ehˇ nehˬ nyaˇ. Ngaˬ-euˬ tsawˇ myahˇ laꞈ kʼoeˇ naw maꞈ kʼaˇ shaˇ-eu jeˬ-ahˇ, Aˬda biꞈ nehˬ laꞈ tehꞈ-a.

Eˇpeˇsu 2:10

Nymˬ-mˇ aˬ dui kʼaˇ ngeuˇ-eu loꞈ-ehˇ Miˬyehˇ neh aˬ dui-ahˇ beh taˬ-euˬ meh. Aˬ yawꞈ neh aˬ dui-ahˇ bi mˇ-eu lehˇ lehˬ hmˬ taˬ-euˬ yaw muiˬ jeˬ-ahˇ aˬ dui mˇ nya ni, Yeˬsuˇ Ka li laꞈ kʼoeˇ aˬ dui-ahˇ beh taˬ-euˬ meh.

1 Gawˇliˬtu 1:30

Ehˇ kʼawꞈ, naw maꞈ-ahˇ-aˬ, Yeˬsuˇ Ka li-ahˇ bi tsoꞈ taꞈ-eu gʼaˇ duˬ Miˬyehˇ mˇ-awˇ, Ka li-aˬ aˬ dui-euˬ zaˬ siˬ tsawˇ gahˇ pyeuꞈ ni Miˬyehˇ jahˇ-euˬ meh. Ka li baˬ da neh Miˬyehˇ-ahˇ aˬ dui tsaˬ leˇ tsahˇ leˇ-awˇ, Miˬyehˇ-euˬ muiˬ-eu shawˇ-eu tsawˇ haˬ pyeuꞈ laˇ-awˇ, iˬ baˇ-ahˇ buˬ-iˇ law-iˇ gʼaˬ-euˬ ma.

Yoˇhaˬ 17:7

Nawˬ neh ngaˬ-ahˇ kʼaˇ biꞈ laꞈ-euˬ yawˬ jeˬ na luꞈ nawˇ jawˇ gaˇ neh oe-euˬ meh lehˇ, aˬ yawꞈ maꞈ nymˬ-mˇ siˬ nya-eu meh.

2 Gawˇliˬtu 12:2

Dzeuˇ laˇ-euˬ tseˇ oeˬ kʼoꞈ-ahˇ, mˬ kʼoeˇ taˆ goˇ dui dui-eu tiˆ-ahˇ bi ciˬ daˆ leꞈ-euˬ Ka li zaˬ tiˬ gʼaˬ-ahˇ ngaˇ siˬ nya ma. (Gaˇ kawˆ kʼoeˇ maˇ maˇ ni pyeuꞈ dzeuˇ yaꞈ-euˬ jeˬ ngeuˇ-eu maˬ siˬ. Yaw sahˇ laꞈ kʼoeˇ ya siˬ ya mawˇ-euˬ jeˬ pyeuꞈ-eu maˬ siˬ. Ngaˬ-ahˇ maˬ ehˇ duˬ nya nya. Miˬyehˇ tiˬ gʼaˬ tehꞈ-ehˇ siˬ duˬ-eu meh.)

2 Gawˇliˬtu 5:19

Nga maꞈ ehˇ mawꞈ-eu-aˬ, miˇ tsaˬ zaˬ dawˬ tawˆ luꞈ Miˬyehˇ-ahˇ tsaˬ leˇ tsahˇ leˇ nya ni, Ka li-ahˇ gʼoe-awˇ Miˬyehˇ mˇ luꞈ-eu meh. Aˬ yawꞈ maꞈ-euˬ iˬ baˇ-ahˇ Miˬyehˇ maˬ juiˇ uiˬ taˬ ni, aˬ yawꞈ maꞈ aˬ yawꞈ-ahˇ tsaˬ leˇ tsahˇ leˇ nya ni mehˬ nehˬ-iˇ-eu gʼaˇ duˬ, aˬ yawꞈ-euˬ dawˬ nga maꞈ-ahˇ biꞈ laꞈ-euˬ meh.

Lormav 16:7

Naw maꞈ gʼaˇ duˬ leh jeh dui dui-eu laꞈ kʼoeˇ gaˇ mˇ luꞈ-eu Maˬliˇ-ahˇ kʼawꞈ noeˬ mawˇ luꞈ ma. Ngaˬ nehˬ-ehˇ tiˬ kawˆ loꞈ-ehˇ tawˬ-ahˇ uˇ-euˬ aˬ yuiꞈ aˬ nyiˇ Yuˇdaˆ tsawˇ haˬ pyeuꞈ-eu Aˬdawˇniˆ hawˇ-eu Yuˇniˆ aˬ nyaꞈ-ahˇ kʼawꞈ noeˬ mawˇ luꞈ ma. Aˬ yawꞈ nyaꞈ-aˬ, tsawˇ myahˇ doˆ-eu gʼaˬ kʼehˇ pyeuꞈ-awˇ, ngaˬ-euˬ mehˬ hu neh Ka li zaˬ pyeuꞈ laˇ-euˬ meh.

Yoˇhaˬ 14:11

Aˬda-euˬ laꞈ kʼoeˇ ngaˇ jawˇ-awˇ, ngaˬ-euˬ laꞈ kʼoeˇ Aˬda jawˇ meh lehˇ ngaˇ ehˇ gaˇ naw maꞈ jah-awˬ. Toˆ-ehˇ maˬ ngeuˇ naˇ kʼawꞈ, ngaˬ neh mˇ-euˬ gaˇ deuˬ baˬ da neh jah-awˬ.