Yoˇhaˬ 13:27 - Akha

²⁷ Kaˬ muˇ kʼoeˇ-ahˇ Yuˇdaˆ yuˇ-eu nehˬ-ehˇ, Saˬdaˬ aˬ yawꞈ-euˬ laꞈ kʼoeˇ uˇ leˇ-euˬ meh. “Nawˇ mˇ-eu lehˇ gʼeh-eu jeˬ-ahˇ yaw kawˇ-ehˇ mˇ-awˬ” lehˇ, aˬ yawꞈ-ahˇ Yeˬsuˇ ehˇ nehˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Yurdav, kaqmur khoerpyaeq yurghaq-euq naeq-aer, naef Saqdaq, aqyawf-euq nuima-euq lafkhoer urler-euq mae. Khoerngae, Yeqsur, aqyawf-anr aernaeq-eu, “Nawr mr-eu laer ghae-eu jeq yawkawr-aer mr-ir-awq.”

Yoˇhaˬ 13:27 Referans Kwoze

Luˇkaꞈ 22:3

Kʼoeˇ naˇ, Zaˬ lahˇ tseˇ nyiꞈ gʼaˬ laꞈ kʼoeˇ ahˇ-eu Iˇsaˬgaˬliˬoˆ lehˇ ehˇ-eu Yuˇdaˆ kʼoeˇ gʼaˬ-ahˇ nehꞈ Saˬdaˬ uˇ leˇ-euˬ meh.

Yoˇhaˬ 13:2

Yeˬsuˇ hawˇ-eu aˬ yawꞈ-euˬ zaˬ lahˇ deuˬ ciꞈ hawˬ dzaˬ luꞈ-eu meh. Siˇmoˬ Iˇsaˬgaˬliˬoˆ-euˬ aˬ li Yuˇdaˆ-euˬ nui ma laꞈ kʼoeˇ, Yeˬsuˇ-ahˇ ahˬ dzaˬ mawꞈ-eu nui ma Nehꞈsahˬpaˬ neh dawˆ ahˇ gʼaˬ nehˬ-euˬ meh.

Gʼaˬkʼehˇ 5:3

Beˬtuˆluˆ ehˇ-eu, “Aˬnaˬniˇ-oˇ, aˬ jeˬ miˇ neh Saˬdaˬ nawˬ-ahˇ bi uˆ lahˇ-awˇ, Muiˬ-eu shawˇ-eu Yaw sahˇ Miˬyehˇ-ahˇ jaˬ myawꞈ myawꞈ-eu laꞈ kʼoeˇ, myawˬ gahˬ ahˬ za-euˬ pyuˇ tiˬ paˆ yuˇ doˆ taˬ yaꞈ teˬ.

Maꞈtehˬ 12:45

Nehꞈ kʼoeˇ mawˇ paˇ iˇ doˆ-awˇ, aˬ yawꞈ naˆ maˬ tseˇ haiˬ-eu nehꞈ shiꞈ mawˇ paˇ kuˇ ahˇ laˬ-iˇ-awˇ bi jawˇ-euˬ meh. Kʼoeˇ loꞈ-ehˇ pyeuꞈ laˇ gʼaˬ ngeh jawˇ, tsawˇ haˬ kʼoeˇ gʼaˬ yaw beh naˆ maˬ tseˇ paˇ doeˇ dzehˬ laˇ tehꞈ-a. Heu ziˇ-ahˇ dehꞈ-eu haiˬ-eu tsawˇ haˬ deuˬ kʼoeˇ taˆ, kʼoeˇ loꞈ-ehˇ keuˆ le tehꞈ-a.”

Dawˬ tsoˆ 9:3

Tsawˇ muiˬ tsawˇ doeˇ maˬ baw ni, tsawˇ haˬ dawˬ tawˆ luꞈ aˬ yawꞈ tiˬ tsahˇ-ahˇ tehꞈ-ehˇ uˬ duˬ ya duˬ leˇ-eu meh. Nahˇ ma heu siˬ uˬ moˆ kʼaˇ pyeuꞈ luꞈ-eu jeˬ dawˬ tawˆ luꞈ, kʼoeˇ naˆ ni doeˇ-eu meh. Tsawˇ haˬ zaˬ yaw dehꞈ kʼaˇ dehꞈ kʼoeˇ keuˆ ni, nui ma laꞈ kʼoeˇ yaw haiˬ jeˬ hawˇ-eu aˬ dzawˬ aˇ gah gah-eu jeˬ tehꞈ-ehˇ byah luꞈ-awˇ, ja pyuˬ ni ya shiˇ jiˇ-eu meh.

Dawqdaq 1:16

Yaw haiˬ jeˬ mˇ-eu gʼaˇ duˬ aˬ yawꞈ maꞈ aˬ kuiˇ aˬ laꞈ kawˇ-awˇ, tsawˇ haˬ-ahˇ sehꞈ ngeh kʼahˇ kʼoꞈ-eu maˬ baw-a.

Daˬyeˬlaˇ 2:15

Aˬ jeˬ miˇ neh kʼoeˇ naˆ naˆ-ehˇ kʼaˆ-eu dawˬ biꞈ taˬ-euˬ gaˇ kawˆ, Aˬliˇoˆ-ahˇ Daˬyeˬlaˇ naˇ haˬ ngeh, kʼaˇ pyeuꞈ laˇ-euˬ yawˬ jeˬ na luꞈ, Daˬyeˬlaˇ-ahˇ Aˬliˇoˆ dzawˇ nehˬ jiˇ-euˬ meh.

Maˬkuˆ 6:25

Aˬ buˇ kʼoeˇ buˇ sahˬ paˬ Heˬloˆ jawˇ gaˇ yaw kawˇ-ehˇ paˇ gʼoꞈ leˇ-awˇ ehˇ-eu, “Iˇ cuꞈ shawˇ-eu Yoˇhaˬ-euˬ uˬ duˬ, kʼmˬ maˬ sehˇ byehˇ-ahˇ dawˆ ahˇ-awˇ, nymˬ-mˇ heu gaˇ biꞈ laꞈ gaˇ geuꞈ mawꞈ-eu ma.”

Jaceuq 109:6

Ngaˬ-ahˇ muiˇ-eu gʼaˬ-ahˇ yaˇ kʼaˬ bi daˇ-eu gʼaˇ duˬ haiˬ-eu yaˇ kʼaˬ daˇ-eu gʼaˬ tseˇ doˆ-awˇ, aˬ yawꞈ-ahˇ muiˇ-eu tsawˇ haˬ neh, aˬ yawꞈ-ahˇ yaˇ kʼaˬ bi ja-awˬ.

1 Sahˬpaˬ 18:27

Nah loˆ ceh laˇ ngeh jawˇ, aˬ yawꞈ maꞈ-ahˇ Eˇliˇyaˆ naˬ-awˇ ehˇ-eu, “Ui cuiˆ yaw kʼaˆ kʼaˆ-ehˇ guˇ guˇ-ehˇ shaˇ-awˬ tawˇ. Aˬ yawꞈ miˬ yehˇ meh-eˬ. Aˬ yawꞈ tiˬ jeˬ paˬ gaˇ kawˆ shaˇ noeˬ shaˇ noeˬ-ehˇ jawˇ-eu paˬ. Maˬ ngeuˇ naˇ, gʼaˬ naˬ naˬ luꞈ-eu maˬ siˬ. Maˬ ngeuˇ naˇ tiˬ gaˇ paw cah byoˆ gʼeh law hawˇ maˬ siˬ. Maˬ ngeuˇ naˇ, yuꞈ kʼaˆ byoˆ-euˬ miˇ neh, naw maꞈ aˬ yawꞈ-ahˇ yaw kʼaˆ kʼaˆ-ehˇ guˇ noeˬ-eu loˬ-eu paˬ.”

Maꞈtehˬ 4:10

Kʼoeˇ ngeh jawˇ, Yeˬsuˇ ehˇ-eu, “Saˬdaˬ-oˇ, doˆ-iˇ-awˬ. ‘Nawˬ-euˬ Miˬyehˇ pyeuꞈ-eu Sahˬpaˬ Miˬyehˇ-ahˇ tehꞈ-ehˇ nawˇ uˬ duˬ ya tahˬ-awˇ, aˬ yawꞈ-euˬ nui kʼahˇ tehꞈ-ehˇ ya mˇ meh’ lehˇ, Jaˇ liꞈ laꞈ kʼoeˇ boꞈ taˬ-euˬ meh.”

Yoˇhaˬ 6:70

Yeˬsuˇ ehˇ-eu,“Naw maꞈ tseˇ nyiꞈ gʼaˬ-ahˇ ngaˬ neh tseˇ doˆ-euˬ maˬ ngeuˇ-a loˇ. Ehˇ kʼawꞈ, naw maꞈ laꞈ kʼoeˇ tiˬ gʼaˬ-aˬ, Nehꞈsahˬpaˬ meh.”

Yoˇhaˬ 13:28

Aˬ jeˬ miˇ neh Yeˬsuˇ aˬ yawꞈ-ahˇ kʼoeˇ loꞈ-eh ehˇ nehˬ-eu gaˇ kawˆ, hawˬ jawˬ jawˬ luꞈ-eu tsawˇ haˬ nui deuˬ maˬ siˬ nya-a.