Yoˇhaˬ 13:10 - Akha

¹⁰ Yeˬsuˇ ehˇ-eu, “Iˇ cuꞈ dzuiꞈ gʼaˬ-euˬ tsawˇ haˬ-aˬ, yaw shawˇ miˇ neh, aˬ kuiˇ maˬ ngeuˇ naˇ dzuiꞈ-eu maˬ paˇ loˬ meh. Naw maꞈ laꞈ kʼoeˇ tiˬ gʼaˬ maˬ ngeuˇ naˇ dawˬ tawˆ luꞈ yaw shawˇ meh.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁰ Yeqsur, aqyawf-anr aernaeq-eu, “Ircuf dzuifghaq-euq tsawrhaq-aq, aqkuir dzuif-euq nar-aq, mawrdo dolan-aer shawr-eu mae. Nawmaf-aq, yawshawr mae. Aerkhawf, yawqghaq navluf-aer shawr-eu maqngeur-a.”

Yoˇhaˬ 13:10 Referans Kwoze

Yoˇhaˬ 15:3

Ngaˬ neh mehˬ nehˬ tsoˆ nehˬ-euˬ dawˬ deuˬ baˬ da neh, naw maꞈ muiˬ laˇ shawˇ laˇ gʼaˬ-euˬ meh.

2 Gawˇliˬtu 5:17

Tsawˇ haˬ tiˬ gʼaˬ Ka li laꞈ kʼoeˇ jawˇ naˇ, yaw shuiꞈ beh paˇ-euˬ tsawˇ haˬ pyeuꞈ-eu meh. Yaw oeˇ byoˆ tsehˆ-awˇ, yaw shuiꞈ paˇ laˇ-euˬ meh.

2 Gawˇliˬtu 7:1

Ngaˇ gaˬ dui dui-eu cawˬ deuˬ-oˇ, Miˬyehˇ aˬ dui-ahˇ kʼoeˇ loꞈ-ehˇ saˇ jaˇ dzaˬ taˬ-euˬ miˇ neh, aˬ dui-euˬ gʼawˇ mawˇ hawˇ-eu saꞈ laˇ-ahˇ bi jawꞈ-iˇ nya-eu yawˬ jeˬ na luꞈ-ahˇ tsiˬ shawˇ dzeh-awˇ, Miˬyehˇ-ahˇ yaw zeu baw-awˇ guˆ-eu laꞈ kʼoeˇ yaw muiˬ yaw shawˇ shawˇ-ehˇ byah byah ni dehꞈ kaˇ-euˇ.

2 Gawˇliˬtu 5:21

Ka li-aˬ, iˬ baˇ tiˬ pawꞈ-iˬ maˬ ahˇ-a. Ehˇ kʼawꞈ, Ka li laꞈ kʼoeˇ Miˬyehˇ-euˬ yaw tsaˬ yaw dawˇ jeˬ-ahˇ aˬ dui za nya ni, aˬ dui-euˬ gʼaˇ duˬ Miˬyehˇ neh Ka li-ahˇ iˬ baˇ bi pyeuꞈ-iˇ-euˬ meh.

Uˬ duˬ 16:28

Jeˬ zaˬ kʼoeˇ nyiˬ mawˇ miˬ dzaˬ-ahˇ dzah puiˆ dzeh-euˬ tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ leˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ-awˇ, iˇ cuꞈ ya dzuiꞈ meh.

Uˬ duˬ 16:26

Bawˇ tsahˬ bawˇ dahˇ-ahˇ, Aˬzaˬzeˬlaˇ jawˇ gaˇ ciꞈ myehꞈ bi teh ha-iˇ-eu tsawˇ haˬ kʼoeˇ gʼaˬ, pu-ahˇ maˬ gʼoꞈ uˇ laˇ mi naˆ-ehˇ, yawˬ ha-euˬ mehˬ tsoeˬ ya lehˬ tsiˬ shawˇ-awˇ, iˇ cuꞈ ya dzuiꞈ shawˇ meh.

Yaˬkoˆ 3:2

Aˬ dui dawˬ tawˆ luꞈ tiˬ kʼehˬ maˬ taˬ ni mˇ lehˬ-eu meh. Ehˇ kʼawꞈ, tsawˇ haˬ tiˬ gʼaˬ na ngehˬ lehˬ tmˇ lehˬ-eu maˬ baw naˇ, byah-eu loꞈ-eu tsawˇ haˬ pyeuꞈ-awˇ, yawˬ ha-euˬ nui ma gʼawˇ mawˇ dawˬ tawˆ luꞈ-ahˇ yaw muiˬ paˬ-ehˇ gʼaˬ leˇ-eu tsawˇ haˬ pyeuꞈ-eu meh.

HeˬByehˇ 9:10

Aˬ jeˬ miˇ neh ehˇ naˇ, heu deuˬ-aˬ, dzaˬ-eu dawˇ-eu jeˬ hawˇ-eu muiˬ laˇ shawˇ laˇ ni mˇ-eu zahˇ sahˇ kʼoꞈ deuˬ-ahˇ tehꞈ-ehˇ taꞈ-eu meh. Heu deuˬ-aˬ, Miˬyehˇ zahˇ yaw shuiꞈ maˬ laˆ paˇ kʼoeˇ keuˆ ni tehꞈ-ehˇ geuꞈ nya-eu, laꞈ nyiˇ paw tehꞈ-ehˇ taꞈ leˇ-eu zahˇ sahˇ kʼoꞈ pyeuꞈ-eu meh.

1 Teˇsaˬloˇni 5:23

Aˬ dui-ahˇ nui saˇ oꞈ-eu jeˬ biꞈ nehˬ laꞈ-eu Miˬyehˇ naw maꞈ-ahˇ tiˬ byah tiˬ loꞈ bi muiˬ bi shawˇ laˇ-awˇ, aˬ dui-euˬ Sahˬpaˬ Yeˬsuˇ Ka li zaꞈ le ngeh, naw maꞈ-euˬ nui ma, gʼawˇ mawˇ, saꞈ laˇ dawˬ tawˆ luꞈ, iˬ baˇ taˬ kʼaˇ maˬ bi za ni Miˬyehˇ bo saˆ luꞈ-uˇ.

Maꞈtehˬ 6:12

Aˬ cawˬ mˇ bahˬ laꞈ-euˬ jeˬ-ahˇ, nga maꞈ iˬ baˇ pyehˬ-euˬ loꞈ-ehˇ, nga maꞈ mˇ bahˬ taˬ-euˬ jeˬ-ahˇ, nawˇ iˬ baˇ pyehˬ nehˬ laꞈ.

Yeˬlaˬmiˇ 50:20

Aˇ yamˬ kʼoeˇ yamˬ keuˆ laˇ ngeh, Iˇsaˬleˬlaˆ miˇ kʼahˬ laꞈ kʼoeˇ iˬ baˇ maˬ poˆ mawˇ nya ehˇ, Yuˇdaˆ miˇ kʼahˬ laꞈ kʼoeˇ yaw haiˬ jeˬ maˬ jaˆ ni pyeuꞈ-iˇ tehꞈ-a. Aˬ jeˬ miˇ neh ehˇ naˇ, ngaˬ neh bi buˬ bi law-iˇ-euˬ tsawˇ haˬ kʼoeˇ deuˬ-ahˇ ngaˇ iˬ baˇ pyehˬ nehˬ ma lehˇ, Sahˬpaˬ Miˬyehˇ pyeuꞈ-eu ngaˇ ehˇ-eu ma.”

Dawˬ caˇ 4:7

Ngaˇ gaˬ-eu gʼaˬ-oˇ, nawˇ aˇ gʼehˇ aˇ naˆ ni muiˬ-eu nga. Ehˇ kʼaˇ za-eu tiˬ tsahˇ-iˬ maˬ baw-a.

Dawˬ tsoˆ 7:20

Yaw lehˬ tiˬ pawꞈ-iˬ maˬ mˇ-ehˇ, yaw dawˇ tehꞈ-ehˇ mˇ-eu tsawˇ muiˬ, miˇ taˆ tiˬ gʼaˬ-iˬ maˬ jawˇ-a.

Yoˇhaˬ 13:9

Siˇmoˬ Beˬtuˆluˆ ehˇ-eu, “Sahˬpaˬ-oˇ, toˆ-ehˇ jeˬ maˬ-iˬ, ngaˬ-euˬ aˬ kuiˇ tehꞈ-ehˇ maˬ ngeuˇ ni, aˬ laꞈ hawˇ-eu uˬ duˬ jiˇ dzuiꞈ nehˬ laꞈ-awˬ.”

Yoˇhaˬ 13:18

“Naw maꞈ dawˬ tawˆ luꞈ gaˇ kawˆ ngaˇ ehˇ luꞈ-eu maˬ ngeuˇ. Ngaˬ neh tseˇ doˆ-euˬ tsawˇ haˬ deuˬ ngaˇ siˬ nya ma. Ehˇ kʼawꞈ, Jaˇliꞈ laꞈ kʼoeˇ ehˇ taˬ-euˬ, ‘Ngaˬ nehˬ-ehˇ gʼawˬ nyoeˇ kʼmˬ maˬ taꞈ-eu gʼaˬ ngaˬ-ahˇ puiˬ-eu meh’ lehˇ ehˇ-eu dawˬ kʼoeˇ dawˬ maˬ byah laˇ-ehˇ maˬ gʼeh nya-a.