Yoˇhaˬ 12:41 - Akha

⁴¹ Iˇsaˬyaˇ neh kʼoeˇ loꞈ-ehˇ ehˇ taˬ-euˬ kʼoeˇ-aˬ, Yeˬsuˇ-euˬ yaw shehꞈ kʼahˬ sehˇ-ahˇ aˬ yawꞈ ya mawˇ-awˇ aˬ yawꞈ-euˬ gaˇ kawˆ ehˇ taˬ-euˬ jeˬ pyeuꞈ-eu meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁴¹ Irsaqyar, Kali-euq yawshaef khanqsaer-anr ya’mawr-awr ya’ngaeq-euq mirnae, aqyawf-euq garkawv khoerlof-aer aer-eu mae.

Yoˇhaˬ 12:41 Referans Kwoze

Yoˇhaˬ 1:18

Tsawˇ haˬ tiˬ gʼaˬ-iˬ Miˬyehˇ-ahˇ maˬ mawˇ haw-aˬ. Aˬda-euˬ bawˇ kʼahˇ-ahˇ nuiˇ-eu Zaˬmaˇ tiˬ gʼaˬ tehꞈ neh, Miˬyehˇ aˬ suˇ gʼaˬ pyeuꞈ-eu gaˇ kawˆ pah mehˬ le-euˬ meh.

HeˬByehˇ 1:3

Aˬ yawꞈ-euˬ laꞈ kʼoeˇ Miˬyehˇ-euˬ yaw shehꞈ kʼahˬ sehˇ bya doˆ luꞈ-awˇ, Miˬyehˇ-ahˇ duˇ duˇ dehꞈ dehꞈ pyeuꞈ-eu meh. Baoˬ huiˬ dui dui-eu aˬ yawꞈ-euˬ dawˬ-ahˇ gʼoe-awˇ, mˬ hawˇ-eu miˇ dawˬ tawˆ luꞈ-ahˇ haw luꞈ pyaˆ luꞈ-eu meh. Tsawˇ haˬ zaˬ-ahˇ Miˬyehˇ iˬ baˇ pyehˬ nehˬ nya ni mˇ gʼaˬ shaˇ gʼaˬ-awˇ, Dawˬ tawˆ kʼoeˇ taˆ Baoˬ huiˬ-eu gʼaˬ pyeuꞈ-eu Miˬyehˇ-euˬ aˇ maˇ paw, mˬ kʼoeˇ taˆ aˬ yawꞈ nuiˇ luꞈ-eu meh.

2 Gawˇliˬtu 4:6

“Yaw zahˇ laꞈ kʼoeˇ yaw shehꞈ bya tehꞈ-a” lehˇ ehˇ-eu Miˬyehˇ hawˇ-eu Ka li-euˬ myaˆ pyawˬ kʼoeˇ taˆ bya doˆ le-euˬ Miˬyehˇ-euˬ yaw shehꞈ kʼahˬ sehˇ-ahˇ nga maꞈ siˬ nya laˇ ni nga maꞈ-euˬ nui ma laꞈ kʼoeˇ yaw shehꞈ bi bya laꞈ-euˬ Miˬyehˇ-aˬ, aˬ yawꞈ tiˬ gʼaˬ tehꞈ meh.

Gʼaˬkʼehˇ 10:43

Aˬ yawꞈ-ahˇ kʼaˇ jah-eu tsawˇ haˬ dawˬ tawˆ luꞈ, aˬ yawꞈ tsawˇ myahˇ-euˬ baoˬ baˬ da neh iˬ baˇ pyehˬ-eu jeˬ-ahˇ za-eu gaˇ kawˆ, Miˬyehˇ gʼaˇ duˬ ngehˬ dah-eu tsawˇ haˬ dawˬ tawˆ luꞈ saˇ kiˇ kamˬ taˬ-euˬ jaˆ-eu meh.”

Yoˇhaˬ 1:14

Dawˬ kʼoeˇ tsawˇ haˬ zaˬ pyeuꞈ le-awˇ, gʼawˬ shaˬ gaˬ-eu jeˬ hawˇ-eu saˇ jaˇ ziꞈ-eu jeˬ tiˬ byah ni ahˇ-eu laꞈ kʼoeˇ, aˬ dui nehˬ-ehˇ jawˇ-euˬ meh. Aˬda-euˬ Zaˬmaˇ tiˬ gʼaˬ tehꞈ-euˬ yaw shehꞈ kʼahˬ sehˇ-ahˇ aˬ dui mawˇ-euˬ ma.

Panmaeq 19:10

Mˬ taˆ gʼaˬ kʼehˇ kʼoeˇ gʼaˬ-euˬ mehˬ shi ngaˇ ga byaˆ-awˇ uˬ duˬ tahˬ-eu lehˇ gʼeh-euˬ ma. Ehˇ kʼawꞈ, aˬ yawꞈ ehˇ-eu, “Teu loꞈ-ehˇ taˬ gʼeh. Ngaˇ-aˬ, nawˬ loꞈ-ehˇ Miˬyehˇ-euˬ zaˬ kʼaˆ tiˬ gʼaˬ pyeuꞈ-eu nawˬ-euˬ cawˬ ma. Nawˬ-euˬ aˬ yuiꞈ aˬ nyiˇ Ka li zaˬ deuˬ hawˇ-eu Yeˬsuˇ neh pah mehˬ-euˬ yaw tsaˬ yaw dawˇ jeˬ-ahˇ kʼaˇ tuˆ tehˬ luꞈ-eu deuˬ-euˬ cawˬ pyeuꞈ-eu ma. Miˬyehˇ-ahˇ uˬ duˬ tahˬ-awˬ.” Aˬ jeˬ miˇ neh ehˇ naˇ, Yeˬsuˇ neh pah mehˬ-euˬ yaw tsaˬ yaw dawˇ kʼoeˇ-aˬ, Miˬyehˇ gʼaˇ duˬ ngehˬ dah-eu deuˬ-ahˇ Miˬyehˇ neh bi noeˬ doˆ-euˬ yaw tsaˬ yaw dawˇ kʼoeˇ meh.

1 Beˬtuˆluˆ 1:11

Ka kʼoꞈ-eu jeˬ heu aˬ geu ngeh yamˬ-ahˇ keuˆ le-awˇ, aˬ joˆ-ehˇ keuˆ le-eu gaˇ kawˆ aˬ yawꞈ maꞈ poˆ tseˇ-euˬ meh. Ka li ya daˬ-euˬ shaˬ zahˬ hawˇ-eu, kʼoeˇ sawˇ miˇ tsa yaw shehꞈ kʼahˬ sehˇ doˆ laˇ-euˬ gaˇ kawˆ, aˇ hu ba neh ngehˬ dah taˬ-euˬ jaˆ-eu meh. Kʼoeˇ loꞈ-ehˇ ngehˬ dah ngeh, Ka liˬ-euˬ Yaw sahˇ neh aˬ yawꞈ maꞈ-euˬ laꞈ kʼoeˇ jawˇ-awˇ toeˬ mehˬ nehˬ-euˬ aˇ nah aˇ yamˬ kʼoeˇ-aˬ, aˇ nah aˇ yamˬ heu yamˬ meh.

Yoˇhaˬ 14:9

Yeˬsuˇ ehˇ-eu, “Ngaˇ naw maꞈ nehˬ-ehˇ heu myah ni jawˇ keuˆ laꞈ-euˬ kʼawꞈ, Piˇliˇpuˆ nawˇ ngaˬ-ahˇ maˬ siˬ nya nga siˬ laˬ. Ngaˬ-ahˇ kʼaˇ ya mawˇ-euˬ tsawˇ haˬ-aˬ, Aˬda-ahˇ ya mawˇ-euˬ gaˇ duˇ meh. ‘Nga maꞈ-ahˇ Aˬda bi mawˇ laꞈ’ lehˇ aˬ jeˬ miˇ neh ehˇ te.

Yoˇhaˬ 5:39

Jaˇ liꞈ laꞈ kʼoeˇ mˬ maˬ maˬ byaˆ zaˇ ziˇ dehꞈ-eu jeˬ-ahˇ poˆ mawˇ nya tehꞈ-a lehˇ naw maꞈ noeˬ-awˇ, Jaˇ liꞈ gui-eu meh. Naw maꞈ gui-eu Jaˇ liꞈ kʼoeˇ-euˬ laꞈ kʼoeˇ, ngaˬ-euˬ gaˇ kawˆ ehˇ taˬ-euˬ meh.

Luˇkaꞈ 24:27

Kʼoeˇ naˇ, aˬ yawꞈ nyaꞈ-ahˇ Yeˬsuˇ ja shaw nehˬ-euˬ meh. Jaˇliꞈ laꞈ kʼoeˇ aˬ yawꞈ-euˬ gaˇ kawˆ kʼaˇ ehˇ taˬ-euˬ yawˬ jeˬ na luꞈ, Moˇseˬ neh boꞈ-euˬ sahˬ boꞈ deuˬ-ahˇ neh dahˬ beh-awˇ, Miˬyehˇ gʼaˇ duˬ ngeh dah-eu deuˬ neh boꞈ-euˬ sahˬ boꞈ deuˬ-ahˇ keuˆ ni, aˬ yawꞈ nyaꞈ gʼoˆ shaw nya ni Yeˬsuˇ ja mehˬ nehˬ-euˬ meh.