Yoˇhaˬ 11:27 - Akha

²⁷ Maˬta ehˇ-eu, “Sahˬpaˬ-oˇ, ngaˇ jah ma. Nawˇ-aˬ, miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ-euˬ Zaˬmaˇ Meˬsiˇya meh lehˇ ngaˇ jah ma.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁷ Maqta, aqyawf-anr aernaeq-eu, “Sanqpaq-or! Jan ma. Nawr-aq, mirtsaq-euq khoertav oe mae laer aer-eu Miqyaer-euq Zaqyo Kali mae laer, ngar jan ma.”

Yoˇhaˬ 11:27 Referans Kwoze

Maꞈtehˬ 16:16

Siˇmoˬ Beˬtuˆluˆ ehˇ-eu, “Nawˇ-aˬ, Dehꞈ luꞈ-eu Miˬyehˇ-euˬ Zaˬmaˇ pyeuꞈ-eu Meˬsiˇya meh.”

Yoˇhaˬ 6:69

Nawˇ-aˬ, Miˬyehˇ jawˇ gaˇ neh oe-euˬ Muiˬ-eu Shawˇ-eu Gʼaˬ meh lehˇ nga maꞈ siˬ duˬ jah duˬ gʼaˬ-euˬ ma.”

Yoˇhaˬ 6:14

Yeˬsuˇ neh mˇ-euˬ zahˬ leˇ paˬ-ehˇ gʼeh-eu kʼoeˇ-ahˇ tsawˇ haˬ kʼoeˇ deuˬ ya mawˇ ngeh, “Tsawˇ haˬ heu gʼaˬ-aˬ, maˇ maˇ ni miˇ tsaˬ kʼoeˇ taˆ oe meh lehˇ ehˇ taˬ-euˬ Miˬyehˇ gʼaˇ duˬ ngehˬ dah-eu kʼoeˇ gʼaˬ ngaˇ” lehˇ ehˇ-eu meh.

Maˬlaˬkiˇ 3:1

Baoˬ huiˬ-eu Sahˬpaˬ Miˬyehˇ heu loꞈ-ehˇ ehˇ-eu meh. “Ngaˇ oe-eu gaˇ ma bi laˆ saˆ-eu gʼaˇ duˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ pyehˬ gʼeh leꞈ ma. Kʼoeˇ naˇ, naw maꞈ loꞈ luꞈ-eu Sahˬpaˬ Miˬyehˇ-aˬ, aˬ yawꞈ-euˬ Uˬ duˬ tahˬ nymˇ nymˇ ma-ahˇ ja pyuˬ ni oe keuˆ tehꞈ-a. Naw maꞈ mawˇ mawꞈ-euˬ ngaˬ-euˬ dawˬ tsaꞈ dawˬ dzawˇ mˇ-eu gʼaˬ oe-awˇ, ngaˬ-euˬ dawˬ ma saˇ jaˇ dzawˇ nehˬ le tehꞈ-a.”

1 Yoˇhaˬ 5:1

Yeˬsuˇ-ahˇ Ka li meh lehˇ kʼaˇ jah-eu tsawˇ haˬ-aˬ, Miˬyehˇ-euˬ zaˬ pyeuꞈ-eu meh. Aˬ da-ahˇ kʼaˇ gaˬ-eu tsawˇ haˬ-aˬ, aˬ da-euˬ zaˬ-ahˇ kʼawꞈ gaˬ-eu meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Gʼaˬkʼehˇ 8:36

Aˬ yawꞈ nyaꞈ gaˇ ma kahˇ li iˇ gʼeh-awˇ, iˇ cuꞈ jaˆ-eu jawˇ duˬ tiˬ tsahˇ-ahˇ iˇ keuˆ ngeh, yaw huiˬ yaw mahˇ kʼoeˇ gʼaˬ ehˇ-eu, “Heu gaˇ iˇ cuꞈ jaˆ ngaˇ. Ngaˇ iˇ cuꞈ shawˇ gaˇ aˬ jeˬ laˆ tsoeˬ-eu jaˆ ta.”

Yoˇhaˬ 4:42

Kʼoeˇ naˇ, tsawˇ haˬ kʼoeˇ deuˬ zaˬ miˬ zaˬ kʼoeˇ gʼaˬ-ahˇ heu loꞈ-ehˇ ehˇ nehˬ-euˬ meh. “Nawˇ ehˇ-eu miˇ neh nga maꞈ jah-eu maˬ ngeuˇ. Nga maꞈ-euˬ naˬ bawˇ aˬ yawꞈ-euˬ dawˬ ya gaˬ-euˬ miˇ neh jah-awˇ, aˬ yawꞈ-aˬ, aˬ diˇ aˬ maˇ miˇ tsaˬ zaˬ-ahˇ ka kʼoꞈ-eu gʼaˬ pyeuꞈ-eu gaˇ kawˆ nga maꞈ siˬ duˬ-euˬ ma.”

Yoˇhaˬ 1:49

Naˬdaˬneˬlaˇ ehˇ-eu, “Saˬ laˬ-oˇ, nawˇ-aˬ, Miˬyehˇ-euˬ Zaˬ maˇ ngaˇ. Iˇsaˬleˬlaˆ tsawˇ jeuˬ-euˬ Sahˬ paˬ ngaˇ.”

Luˇkaꞈ 2:11

Iˬ nah, Daˬbiˇ-euˬ meuˬ laꞈ kʼoeˇ, naw maꞈ-ahˇ Ka kʼoꞈ-eu gʼaˬ pyeuꞈ-eu Sahˬpaˬ Ka li dehꞈ le-euˬ meh.

Maꞈtehˬ 11:3

Aˬ yawꞈ maꞈ Yeˬsuˇ-ahˇ naˇ haˬ-eu, “Oe tehꞈ-a lehˇ Yoˇhaˬ ehˇ-eu kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaˬ yawˬ-ahˇ nga maꞈ paˇ ya dawˬ ta loˇ.”

Maꞈtehˬ 16:20

Kʼoeˇ naˇ, aˬ yawꞈ Meˬsiˇya pyeuꞈ-eu gaˇ kawˆ aˬ cawˬ tiˬ gʼaˬ-ahˇ-iˬ maˬ bi ja mehˬ-eu gʼaˇ duˬ, zaˬ lahˇ deuˬ-ahˇ Yeˬsuˇ dawˬ biꞈ-euˬ meh.

Gʼaˬkʼehˇ 8:37

Piˇliˇpuˆ ehˇ-eu, “Nawˬ-euˬ nui ma laꞈ kʼoeˇ keuˆ ni jah naˇ, iˇ cuꞈ shawˇ nya tehꞈ-a.” Aˬ yawꞈ ehˇ-eu, “Ngaˇ jah ma. Yeˬsuˇ Ka li-aˬ, Miˬyehˇ-euˬ Zaˬmaˇ meh lehˇ ngaˇ jah ma.”*