Yoˇhaˬ 11:19 - Akha

¹⁹ Miˇ kʼahˬ kʼoeˇ kʼahˬ-ahˇ jawˇ-eu tsawˇ haˬ gʼawˬ mya ni, Maˬliˇ hawˇ-eu Maˬta aˬ mahˇ aˬ da bi shiˇ-euˬ miˇ neh, gʼaˬ biꞈ nehˬ-eu lehˇ uiˬ le taˬ-euˬ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

¹⁹ Yurdav tsawrhaq ghawqmya’ni, Maqliv hawr-eu Maqta jawr-eu gar lar-awr, aqnyaf nmr-euq aqmanr shir-euq mirnae, aqyawfnyaf nuima bi sarlar-eu gharduq lartaq-euq mae.

Yoˇhaˬ 11:19 Referans Kwoze

Yawˇbaˆ 2:11

Yawˇbaˆ-euˬ cawˬ smˇ gʼaˬ-aˬ, Teˬmaˬ meuˬ-ahˇ jawˇ-euˬ Eˇliˇpaˬ, Shuˇaˬ miˇ kʼahˬ-ahˇ jawˇ-eu Biˇlaˬdaˇ hawˇ-eu Naˬmaˬ miˇ kʼahˬ-ahˇ jawˇ-eu Zoˇpaˬ meh. Yawˇbaˆ shaˬ zahˬ naꞈ dui dui luꞈ-eu gaˇ kawˆ aˬ ha smˇ gʼaˬ ya gaˬ ngeh, iˇ-awˇ gʼaˬ biꞈ-iˇ ma lehˇ aˬ yawꞈ maꞈ noeˬ tsehˆ-euˬ meh.

Yoˇhaˬ 11:31

Maˬliˇ-euˬ nymˇ-ahˇ oe-awˇ gʼaˬ biꞈ le-euˬ tsawˇ haˬ kʼoeˇ deuˬ kʼawꞈ, Maˬliˇ tehˬ law tehˬ tsaˇ-ehˇ iˇ doˆ gʼeh gaˇ ya mawˇ ngeh, caw teh gʼeh-euˬ meh. Aˬ yawꞈ lmˬ bymˇ-ahˇ iˇ-awˇ, tsawˇ ngoeˇ ngoeˇ-iˇ-eu gʼeh-eu nga lehˇ aˬ yawꞈ maꞈ noeˬ-euˬ meh.

1 Teˇsaˬloˇni 5:11

Kʼoeˇ miˇ neh, nymˬ-mˇ naw maꞈ tiˬ gʼaˬ tiˇ gʼaˬ gʼaˬ biꞈ-awˇ caw dehˬ caw toˆ luꞈ-eu loꞈ-ehˇ, mehˬ hu paw kʼawꞈ kʼoeˇ loꞈ-ehˇ dehꞈ daˆ le-awˬ.

1 Teˇsaˬloˇni 4:18

Kʼoeˇ miˇ neh, tiˬ gʼaˬ tiˇ gʼaˬ gaˇ kawˆ heu ja ja-ehˇ gʼaˬ biꞈ-awˬ.

2 Gawˇliˬtu 1:4

Aˬ yawꞈ neh biꞈ leꞈ-euˬ ngehˬ gʼeh dah teˬ-eu jeˬ-ahˇ aˬ dui gʼoe-awˇ, shaˬ-eu zahˬ-eu yawˬ jeˬ na luꞈ-ahˇ ya tahˬ puˬ-eu tsawˇ haˬ deuˬ-ahˇ aˬ dui ngehˬ gʼeh dah teˬ nehˬ nya ni, aˬ dui ya tahˬ puˬ-eu shaˬ zahˬ dawˬ tawˆ luꞈ laꞈ kʼoeˇ Miˬyehˇ aˬ dui-ahˇ ngehˬ gʼeh dah teˬ nehˬ laꞈ-euˬ meh.

Lormav 12:15

Laˬ kʼaˬ cehˇ-eu tsawˇ haˬ deuˬ nehˬ-ehˇ laˬ kʼaˬ caw cehˇ-awˇ, ngoeˇ-eu tsawˇ haˬ deuˬ nehˬ-ehˇ caw ngoeˇ-awˬ.

Ngoeˇ dawˬ 2:13

Oˇ, Yeˬluˇsaˬlehˬ meuˬ-oˇ, nawˬ-ahˇ aˬ joˆ-ehˇ ehˇ paˬ nga. Aˬ jeˬ-ahˇ shaˇ cehˆ mehˬ paˬ nga. Aˬ joˆ-ehˇ muˇ taˬ nehˬ paˬ nga. Oˇ, Yeˬluˇsaˬlehˬ meuˬ-oˇ, nawˬ-euˬ yaw cawˆ, laˆ shaˆ naꞈ-eu, aˬ suˇ gʼaˬ laˆ muiˬ kʼoꞈ nya nmˇ.

Ngoeˇ dawˬ 1:21

“Ngaˇ mahˇ luꞈ gaˇ naˇ haˬ le sheˇ. Haw cawˬ nehˬ le-eu maˬ jawˇ-a. Nawˬ neh ngaˬ-ahˇ bi shaˬ-euˬ gaˇ, muiˇ-eu deuˬ laˬ kʼaˬ cehˇ luꞈ meh. Nawˬ neh saˇ jaˇ dzaˬ-euˬ aˇ nah, yaw kawˇ ma-ehˇ bi keuˆ le-awˇ, Nymˬ-mˇ ngaˇ ya daˬ-eu loꞈ-ehˇ, muiˇ-eu deuˬ-ahˇ paˇ bi daˬ-awˬ.

Ngoeˇ dawˬ 1:16

“Kʼoeˇ miˇ neh ngaˇ tsawˇ ngoeˇ ngoeˇ-awˇ, myaˆ biˇ yoeˇ kʼaˇ doˆ le miˇ-a. Haw cawˬ le-eu gʼaˬ maˬ jawˇ-ehˇ, gʼaˬ biꞈ nehˬ laꞈ-eu maˬ jawˇ-a. Muiˇ-eu deuˬ ngaˬ-ahˇ deuˆ gʼaˬ-awˇ, zaˬ deuˬ myawˬ gahˬ smˬ jiˇ-euˬ meh.”

Ngoeˇ dawˬ 1:9

Pi di yaw jawꞈ mawˇ jiˇ laˇ-awˇ, yawˬ ha-euˬ daˬ maˬ shaˇ noeˬ-a. Coˬ dzeh-iˇ-euˬ naˇ dui dui-awˇ, haw cawˬ nehˬ-eu gʼaˬ maˬ jawˇ-a. “Sahˬpaˬ Miˬyehˇ ngaˬ-ahˇ haw sheˇ. Muiˇ-eu deuˬ ngaˬ-ahˇ gʼaˬ leˇ-awˇ, ngaˇ ya daˬ luꞈ gaˇ haw le sheˇ.”

Ngoeˇ dawˬ 1:2

Uˬ ciꞈ miˇ lah-ehˇ ngoeˇ bya-awˇ, baˬ ba myaˆ biˇ lawˇ gawˆ yoeˇ kʼawꞈ, aˬ yawꞈ-ahˇ gaˬ-euˬ tsawˇ haˬ deuˬ, haw cawˬ le-eu gʼaˬ maˬ jawˇ-a. Cawˬ deuˬ yawꞈ-ahˇ saˇ jaˇ puiˬ-awˇ, muiˇ-eu tsawˇ haˬ pyeuꞈ jiˇ-euˬ meh.

Yawˇbaˆ 42:11

Yawˇbaˆ-euˬ mehˇ nmˇ deuˬ, dmˇ ma deuˬ hawˇ-eu cawˬ deuˬ aˬ yawꞈ jawˇ gaˇ dawˬ deh gʼa laˇ-awˇ, aˬ yawꞈ-euˬ nymˇ laꞈ kʼoeˇ aˬ yawꞈ nehˬ-ehˇ dzaˬ taꞈ dawˇ taꞈ-euˬ meh. Sahˬpaˬ Miˬyehˇ neh aˬ yawꞈ kʼoeˇ taˆ bi keuˆ le-euˬ shaˬ zahˬ dawˬ tawˆ luꞈ gʼaˇ duˬ, aˬ yawꞈ maꞈ aˬ yawꞈ-ahˇ gʼawˬ shaˬ gaˬ-euˬ gaˇ kawˆ ja doˆ-awˇ, aˬ yawꞈ-ahˇ gʼaˬ biꞈ-euˬ meh. Yawˬ gʼaˬ yawˬ na luꞈ, pyuˇ ui cuiˆ hawˇ-eu shuiˇ laꞈ behˬ tiˬ behˬ aˬ yawꞈ-ahˇ biꞈ-euˬ meh.

2 Saˬmeuˬlaˆ 10:2

Kʼoeˇ ngeh, “Aˬ yawꞈ-euˬ aˬ da Naˬhaˇ ngaˬ-ahˇ saˇ jaˇ ziꞈ-euˬ loꞈ-ehˇ, ngaˇ kʼawꞈ Haˬnuˬ-ahˇ saˇ jaˇ ziꞈ-eu laꞈ kʼoeˇ cawˬ cawˬ taꞈ ma” lehˇ sahˬ paˬ Daˬbiˇ ehˇ-eu meh. Kʼoeˇ naˇ, sahˬ paˬ Naˬhaˇ shiˇ-euˬ miˇ neh aˬ yawꞈ kʼawꞈ, nui ma maˬ saˇ-eu gaˇ kawˆ bi tsaꞈ gaˬ-iˇ-eu gʼaˇ duˬ, Daˬbiˇ tsawˇ haˬ pyehˬ gʼeh-euˬ meh. Ehˇ kʼawꞈ, aˬ yawꞈ-euˬ tsawˇ haˬ kʼoeˇ deuˬ Aˬmoˬ miˇ kʼahˬ-ahˇ iˇ keuˆ ngeh,

Aˇ dahˬ 37:35

Aˬ yawꞈ-euˬ aˬ buˇ aˬ li dawˬ tawˆ luꞈ aˬ yawꞈ jawˇ gaˇ laˇ-awˇ, aˬ yawꞈ nui ma saˇ laˇ ni gʼaˬ biꞈ nehˬ kʼawꞈ, aˬ yawꞈ maˬ naˇ haˬ-ehˇ, “Ngaˬ li jawˇ-eu shiˇ-eu miˇ kʼahˬ-ahˇ maˬ keuˆ kʼoeˇ keuˆ ni, tsawˇ ngoeˇ ngoeˇ ngoeˇ-ehˇ iˇ byoˆ gʼeh-eu ma” lehˇ ehˇ-eu meh. Yaˬkoˆ-aˬ, nah doˆ le ngeh Yoˇsehˆ-ahˇ noeˬ-awˇ, tsawˇ ngoeˇ ngoeˇ ngoeˇ-ehˇ jawˇ-euˬ meh.

Iˇsaˬyaˇ 51:19

Nawˬ-euˬ kʼoeˇ taˆ shaˬ zahˬ nyiˬ jeˬ keuˆ le-euˬ meh. Guiˇ deuˆ-eu baˬ da neh nawˬ-euˬ miˇ kʼahˬ ya cawˆ-iˇ-awˇ, nawˬ-euˬ tsawˇ haˬ ya mehꞈ ya shuꞈ-eu meh. Nawˬ-ahˇ gʼawˬ shaˬ gaˬ nehˬ-eu tsawˇ haˬ maˬ jawˇ-a.

Dawˬ tsoˆ 7:2

Dzaˬbyawˇ lawˇ-eu nymˇ naˆ maˬ tseˇ, tsawˇ ngoeˇ nymˇ-ahˇ iˇ-eu muiˬ meh. Shiˇ nah yawˬ gʼaˬ na-ahˇ loꞈ gaˇ, dehꞈ ngeh siˬ duˬ taˬ-eu tsaˬ meh.

1 Saˬmeuˬlaˆ 31:13

Kʼoeˇ naˇ, shaˬ yoeˬ deuˬ yuˇ doˆ-awˇ, meuˬ kʼoeˇ meuˬ-ahˇ jaˆ-eu miˬ shuˬ paꞈ muˆ aˇ bawˇ dawˬ pehˬ-ahˇ baꞈ pahˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.

1 Laˬsaˬbaˬ 10:12

nui ma kʼaˬ dui dui-eu tsawˇ haˬ deuˬ iˇ-awˇ, Sawˇluˆ hawˇ-eu aˬ yawꞈ-euˬ aˬ li deuˬ-euˬ gʼawˇ mawˇ deuˬ, Jaˬbehˆ meuˬ-ahˇ baꞈ kʼoꞈ laꞈ-euˬ meh. Kʼoeˇ naˇ, tsuiꞈ kaˆ aˇ bawˇ tiˬ bawˇ dawˬ pehˬ-ahˇ duˬ pahˬ nehˬ-awˇ, shiꞈ nah keuˆ ni maˬ dzaˬ maˬ dawˇ-ehˇ lah-euˬ meh.

Luˇkaꞈ 10:39

Maˬta-euˬ aˬ nyiˇ Maˬliˇ lehˇ myahˇ-euˬ zaˬ miˬ zaˬ tiˬ gʼaˬ jawˇ-eu meh. Maˬliˇ-aˬ, Sahˬpaˬ Yeˬsuˇ-euˬ aˬ kuiˇ dawˬ peh nuiˇ-awˇ, Yeˬsuˇ mehˬ nehˬ tsoˆ nehˬ gaˇ naˇ haˬ luꞈ-eu meh.

Luˇkaꞈ 10:42

Ehˇ kʼawꞈ, Maˬliˇ neh tseˇ geuꞈ-euˬ jeˬ tsaˬ dui dui meh. Kʼoeˇ jeˬ-ahˇ aˬ cawˬ maˬ lu doˆ geuꞈ nya-a.”

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 11:1

Beˬtaˬniˇ meuˬ-ahˇ jawˇ-eu Laˬzaˬluˇ lehˇ myahˇ-euˬ tsawˇ haˬ tiˬ gʼaˬ naˇ luꞈ-eu meh. Beˬtaˬniˇ meuˬ-aˬ, Maˬliˇ hawˇ-eu Maˬta aˬ nyaꞈ nmˇ jawˇ-eu meuˬ kʼoeˇ meuˬ meh.

Yoˇhaˬ 11:8

Zaˬ lahˇ deuˬ ehˇ-eu, “Saˬ laˬ-oˇ, miˇ nah huˬ nah hawˇ-eu kʼoeˇ gaˇ jawˇ-eu tsawˇ haˬ deuˬ nawˬ-ahˇ kʼaˬ lo biˬ-eu lehˇ gʼeh-eu maˬ ngeuˇ-a loˇ. Nawˇ kʼoeˇ gaˇ paˇ gʼoꞈ-iˇ-eu gʼeh te loˇ.”

Yoˇhaˬ 11:33

Maˬ liˇ ngoeˇ luꞈ-awˇ, Maˬliˇ nehˬ-ehˇ laˇ-euˬ tsawˇ haˬ deuˬ kʼawꞈ ngoeˇ luꞈ gaˇ Yeˬsuˇ ya mawˇ ngeh, aˬ yawꞈ-euˬ nui ma-ahˇ zaw dui dui leˇ-euˬ meh.

Yoˇhaˬ 11:36

Kʼoeˇ ngeh, “Aˬ yawꞈ Laˬzaˬluˇ-ahˇ aˇ naˆ ni gaˬ gaˇ haw sheˇ” lehˇ, tsawˇ haˬ kʼoeˇ deuˬ ehˇ-eu meh.

Yoˇhaˬ 11:45

Maˬliˇ jawˇ gaˇ oe-euˬ tsawˇ haˬ gʼawˬ mya ni Yeˬsuˇ kʼoeˇ loꞈ-ehˇ mˇ-euˬ gaˇ ya mawˇ-awˇ, aˬ yawꞈ-ahˇ jah laˇ-euˬ meh.