Yoˇhaˬ 10:24 - Akha

²⁴ Kʼoeˇ ngeh, Yuˇdaˆ tsawˇ haˬ deuˬ aˬ yawꞈ jawˇ gaˇ uiˬ le-awˇ ehˇ-eu , “Nawˇ nga maꞈ-ahˇ kʼaˇ ngeuˇ-eu loꞈ-ehˇ maˬ ehˇ mehˬ nehˬ laꞈ ni, aˇ myah keuˆ ni nyi naˬ-eu gʼeh te. Nga maꞈ-ahˇ dawˇ coe ni ehˇ nehˬ laꞈ sheˇ. Nawˇ Meˬsiˇya ngeuˇ ma loˇ.”

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

²⁴ Khoerngae, Yurdav tsawrhaq, aqyawf-euq tiqjawq uiqlar-awr aqyawf-anr aernaeq-eu, “Nawr, nga’maf-anr yawduq maqbaw-aer aqmyan keuvni bidawq-eu laer ghae-eu le? Nawr, Kali ngeur nar-aq, nga’maf-anr dawrcoeni aernaeq laf-awq.”

Yoˇhaˬ 10:24 Referans Kwoze

Yoˇhaˬ 1:19

Yeˬluˇsaˬlehˬ meuˬ-ahˇ jawˇ-eu Yuˇdaˆ tsawˇ haˬ aˬ yuiꞈ aˬ tsu deuˬ neh, piˇ ma deuˬ hawˇ-eu Leˬbiˇ tsawˇ haˬ deuˬ-ahˇ Yoˇhaˬ jawˇ gaˇ kʼehˇ gʼeh-awˇ, “Nawˇ aˬ suˇ gʼaˬ te” lehˇ bi naˇ haˬ-iˇ-euˬ meh.

Yoˇhaˬ 8:53

Aˬ dui-euˬ aˬ da Aˬbyaˬhaˬ shiˇ-euˬ meh. Nawˇ Aˬbyaˬhaˬ naˆ maˬ tseˇ huiˬ dzehˬ ma lehˇ ehˇ mawꞈ te loˇ. Miˬyehˇ gʼaˇ duˬ ngehˬ dah-eu deuˬ gʼeh shiˇ-euˬ meh. Nawˇ aˬ suˇ gʼaˬ te lehˇ ehˇ-eu gʼeh te.”

Yoˇhaˬ 8:25

Aˬ yawꞈ maꞈ ehˇ-eu, “Nawˇ aˬ suˇ gʼaˬ te.” Yeˬsuˇ ehˇ-eu, “Aˇ dahˬ beh ngeh neh naw maꞈ-ahˇ ngaˇ ehˇ nehˬ gʼaˬ-euˬ ma.

Maꞈtehˬ 11:3

Aˬ yawꞈ maꞈ Yeˬsuˇ-ahˇ naˇ haˬ-eu, “Oe tehꞈ-a lehˇ Yoˇhaˬ ehˇ-eu kʼoeˇ gʼaˬ nawˇ ma loˇ. Maˬ ngeuˇ naˇ, yawˬ gʼaˬ yawˬ-ahˇ nga maꞈ paˇ ya dawˬ ta loˇ.”

2 Gawˇliˬtu 3:12

Nga maꞈ heu loꞈ-ehˇ noeˬ tmˬ taˬ-euˬ miˇ neh, tiˬ pawꞈ-iˬ maˬ guˆ ni ngehˬ peuˬ tmˇ peuˬ-eu ma.

Yoˇhaˬ 16:25

“Ngaˇ yaw jeˬ ma jeˬ ja ja-ehˇ, gaˇ kawˆ heu deuˬ naw maꞈ-ahˇ mehˬ nehˬ-euˬ ma. Ehˇ kʼawꞈ, ngaˇ yaw jeˬ ma jeˬ maˬ paˇ ja ni, Aˬda gaˇ kawˆ naw maꞈ-ahˇ dawˇ coe ni ya ehˇ nehˬ-eu aˇ nah keuˆ le tehꞈ-a.

Yoˇhaˬ 9:22

Aˬ da aˬ ma kʼoeˇ nyiˬ gʼaˬ Yuˇdaˆ tsawˇ haˬ aˬ yuiꞈ aˬ tsu deuˬ-ahˇ guˆ-eu miˇ neh kʼoeˇ loꞈ-ehˇ ehˇ-eu meh. Aˬ jeˬ miˇ neh ehˇ naˇ, Yeˬsuˇ-ahˇ Meˬsiˇya meh lehˇ kʼaˇ jah-eu tsawˇ haˬ deuˬ-ahˇ, Yuˇdaˆ tsawˇ haˬ-euˬ uˬ duˬ tahˬ nymˇ-ahˇ maˬ bi taꞈ ni teh dzeh-eu gʼaˇ duˬ, Yuˇdaˆ tsawˇ haˬ aˬ yuiꞈ aˬ tsu deuˬ neh bawˬ tsehˆ taˬ-euˬ meh.

Luˇkaꞈ 3:15

Tsawˇ ha kʼoeˇ deuˬ-euˬ nui ma laꞈ kʼoeˇ noeˬ tmˬ-eu jeˬ ahˇ laˇ-awˇ, Yoˇhaˬ-ahˇ Ka li ngeuˇ law hawˇ maˬ siˬ lehˇ shaˇ noeˬ luꞈ-eu meh.

1 Sahˬpaˬ 18:21

Tsawˇ haˬ kʼoeˇ deuˬ jawˇ gaˇ Eˇliˇyaˆ le-awˇ, “Naw maꞈ-euˬ nui ma laꞈ kʼoeˇ nyiˬ jeˬ noeˬ noeˬ-ehˇ aˇ myah keuˆ ni jawˇ-eu gʼeh te. Sahˬpaˬ Miˬyehˇ-aˬ, Miˬyehˇ pyeuꞈ-eu meh lehˇ ngeuˇ naˇ, aˬ yawꞈ-ahˇ uˬ duˬ tahˬ-awˬ. Ehˇ kʼawꞈ, Baˬlaˇ miˬ yehˇ-aˬ, Miˬyehˇ pyeuꞈ-eu meh lehˇ ngeuˇ naˇ kʼawꞈ, aˬ yawꞈ-ahˇ uˬ duˬ tahˬ-awˬ” lehˇ ehˇ kʼawꞈ, tsawˇ haˬ kʼoeˇ deuˬ dawˬ tiˬ dawˬ-iˬ maˬ ngehˬ-a.

Maˬkuˆ 8:32

Gaˇ kawˆ kʼoeˇ aˬ yawꞈ maꞈ-ahˇ bya cehˆ ni aˬ yawꞈ ehˇ duˬ nehˬ-euˬ meh. Kʼoeˇ miˇ neh, Beˬtuˆluˆ aˬ yawꞈ-ahˇ sheuˬ ceuˆ doˆ-awˇ, uˬ dui dui-euˬ meh.

Yoˇhaˬ 10:31

Kʼoeˇ ngeh, tsawˇ haˬ kʼoeˇ deuˬ kʼaˬ lo gʼoˆ-awˇ aˬ yawꞈ-ahˇ biˬ-eu lehˇ gʼeh-eu meh.

Yoˇhaˬ 10:33

Aˬ yawꞈ maꞈ ehˇ-eu, “Muiˬ-eu gaˇ mˇ-euˬ miˇ neh nawˬ-ahˇ nga maꞈ kʼaˬ lo biˬ-eu lehˇ gʼeh-eu maˬ ngeuˇ. Nawˇ Miˬyehˇ-ahˇ yehˬ bawˬ sehˇ lu-ehˇ ehˇ-eu miˇ neh biˬ-eu lehˇ gʼeh-eu ma. Nawˇ tsawˇ haˬ zaˬ pyeuꞈ kʼawꞈ, yawˬ haˇ yawˬ ha Miˬyehˇ tsaˬ geuꞈ-eu beu tawˇ.”