Yoˇhaˬ 1:9 - Akha

⁹ Yaw shehꞈ kʼoeˇ-aˬ, miˇ tsaˬ kʼoeˇ taˆ oe-awˇ, tsawˇ haˬ zaˬ dawˬ tawˆ luꞈ kʼoeˇ taˆ bya nehˬ le-euˬ maˇ maˇ ni gʼeh-eu yaw shehꞈ meh.

Yawshawr Yaerbof Dawqma Sarjax Yawshuif Jaceuq-eu Hawr-eu Dawqdaq

⁹ Yawshaef khoer-aq, marjawvni ghae-eu yawshaef mae. Yawshaef khoer mirtsaq-euq khoertav khar daefle-euq tsawrhaq dawqtawv luf-anr bya’naeq le-euq mae.

Yoˇhaˬ 1:9 Referans Kwoze

Yoˇhaˬ 12:46

Ngaˬ-ahˇ kʼaˇ jah-eu tsawˇ haˬ yaw zahˇ laꞈ kʼoeˇ maˬ paˇ ya jawˇ ni, yaw shehꞈ loꞈ-ehˇ miˇ tsaˬ heu kʼoeˇ taˆ ngaˇ zaꞈ le-euˬ ma.

1 Yoˇhaˬ 2:8

Ehˇ kʼawꞈ, nymˬ-mˇ ngaˇ naw maꞈ jawˇ gaˇ boꞈ ahˇ laꞈ-euˬ dawˬ heu-aˬ, yaw shuiꞈ lehˇ ehˇ nya ma. Aˬ jeˬ miˇ neh ehˇ naˇ, dawˬ heu-euˬ yaw tsaˬ yaw dawˇ jeˬ-ahˇ Ka li-euˬ laꞈ kʼoeˇ ya mawˇ-awˇ, naw maꞈ-euˬ laꞈ kʼoeˇ kʼawꞈ ya mawˇ-eu meh. Aˬ jeˬ miˇ neh ehˇ naˇ, yaw zahˇ byoˆ-iˇ luꞈ-awˇ, maˇ jawˆ ni gʼeh-eu yaw shehꞈ nymˬ-mˇ bya doˆ le-euˬ meh.

Yoˇhaˬ 1:4

Aˬ yawꞈ-aˬ, dehꞈ-eu jeˬ doˆ le duˬ pyeuꞈ-awˇ, dehꞈ-eu jeˬ kʼoeˇ-aˬ, tsawˇ haˬ zaˬ gʼaˇ duˬ yaw shehꞈ pyeuꞈ-eu meh.

Iˇsaˬyaˇ 49:6

Sahˬpaˬ Miˬyehˇ ngaˬ-ahˇ heu loꞈ-ehˇ ehˇ-eu meh. “Ngaˬ-euˬ zaˬ kʼaˆ-oˇ, ngaˇ nawˬ-ahˇ, huiˬ dzehˬ-eu gaˇ paˇ bi mˇ ma. Dzeuˇ-iˇ-euˬ Iˇsaˬleˬlaˆ tsawˇ haˬ-ahˇ sheuˬ kʼoꞈ doˆ-awˇ, aˬ yawꞈ maꞈ dehꞈ doˆ dzaˬ laˇ ni ya mˇ-eu gaˇ tehꞈ-ehˇ maˬ ngeuˇ, mˬ dzeˇ miˇ dzeˇ keuˆ ni ka kʼoꞈ-eu jeˬ za ni, nawˬ-ahˇ miˇ tsaˬ-euˬ yaw shehꞈ paˇ bi geuꞈ-eu ma.”

Yoˇhaˬ 1:7

Tsawˇ haˬ dawˬ tawˆ luꞈ ya gaˬ-awˇ jah laˇ ni, yaw shehꞈ kʼoeˇ-euˬ gaˇ kawˆ aˬ yawꞈ saˇ kiˇ kamˬ le-euˬ meh.

1 Yoˇhaˬ 5:20

Maˇ maˇ ni gʼeh-eu Miˬyehˇ-ahˇ aˬ dui siˬ nya laˇ ni, Miˬyehˇ-euˬ Zaˬmaˇ oe-awˇ noeˬ siˬ noeˬ mawˇ nya-eu tsawˇ gahˇ biꞈ laꞈ-euˬ meh lehˇ aˬ dui siˬ nya ma. Aˬ yawꞈ-euˬ Zaˬmaˇ Yeˬsuˇ Ka li laꞈ kʼoeˇ aˬ dui jawˇ luꞈ-eu miˇ neh, maˇ maˇ ni gʼeh-eu Miˬyehˇ laꞈ kʼoeˇ aˬ dui jawˇ luꞈ-eu ma. Heu-aˬ, maˇ maˇ ni gʼeh-eu Miˬyehˇ hawˇ-eu mˬ maˬ maˬ byaꞈ zaˇ ziˇ dehꞈ-eu jeˬ pyeuꞈ-eu meh.

Yoˇhaˬ 14:6

Toˇmaˆ-ahˇ Yeˬsuˇ ehˇ nehˬ-eu, “Ngaˇ-aˬ, gaˇ ma pyeuꞈ-eu ma. Yaw tsaˬ yaw dawˇ jeˬ hawˇ-eu saꞈ laˇ dehꞈ-eu jeˬ kʼawꞈ pyeuꞈ-eu ma. Ngaˬ-ahˇ maˬ gʼoe naˇ, tsawˇ haˬ tiˬ gʼaˬ-iˬ Aˬda jawˇ gaˇ ma le keuˆ nya-a.

Yoˇhaˬ 6:32

Yeˬsuˇ ehˇ-eu, “Ngaˇ naw maꞈ-ahˇ maˇ jawˆ ni ehˇ nehˬ nyaˇ. Moˇseˬ neh naw maꞈ-ahˇ bi dzaˬ-euˬ kʼoeˇ-aˬ, mˬ taˆ-euˬ kaˬ muˇ maˬ ngeuˇ-a. Naw maꞈ-ahˇ maˇ maˇ ni gʼeh-eu mˬ taˆ kaˬ muˇ biꞈ-eu gʼaˬ-aˬ, ngaˬ Da meh.

1 Yoˇhaˬ 1:8

Aˬ dui iˬ baˇ maˬ ahˇ lehˇ ehˇ naˇ, yawˬ haˇ yawˬ ha jaˬ myawꞈ myawꞈ-eu jeˬ pyeuꞈ-awˇ, aˬ dui-euˬ laꞈ kʼoeˇ yaw tsaˬ yaw dawˇ jeˬ maˬ ahˇ-a.

Iˇsaˬyaˇ 8:20

Aˬ yawꞈ maꞈ-ahˇ naw maꞈ heu loꞈ-ehˇ ehˇ kʼoꞈ nehˬ-awˬ. “Sahˬpaˬ Miˬyehˇ mehˬ nehˬ tsoˆ nehˬ laꞈ-eu jeˬ-ahˇ naˇ haˬ geuꞈ-awˬ. Nyiˇ paˬ shaˆ ma deuˬ ehˇ gaˇ taˬ naˇ haˬ. Aˬ yawꞈ maꞈ neh ehˇ-euˬ jeˬ naw maꞈ gʼaˇ duˬ tiˬ jeˬ-iˬ gaˇ dahˇ maˬ tsoeˬ-a.”

Yoˇhaˬ 15:1

Ngaˇ-aˬ, maˇ maˇ ni gʼeh-eu aˬ gaꞈ baw duˆ ma. Ngaˬ Da-aˬ, aˬ gaꞈ yaˇ kmˇ-ahˇ bo saˆ-eu gʼaˬ meh.

Yoˇhaˬ 7:12

Tsawˇ haˬ aˇ maꞈ laꞈ kʼoeˇ, aˬ yawꞈ-euˬ gaˇ kawˆ gʼawˬ mya jeˬ ja kʼoeˬ luꞈ-eu meh. Tiˬ paˆ na deuˬ-aˬ, aˬ yawꞈ muiˬ-eu gaˇ kawˆ ja-eu meh. Tiˬ paˆ na deuˬ-aˬ, kʼoeˇ loꞈ-ehˇ maˬ ja ni, aˬ yawꞈ aˬ cawˬ-ahˇ gaˇ ma sheuˬ bahˬ-eu tsawˇ haˬ meh lehˇ ja-eu meh.

Maꞈtehˬ 6:23

Ehˇ kʼawꞈ, nawˬ-euˬ myaˆ nuiˆ maˬ muiˬ naˇ, nawˬ-euˬ gʼawˇ mawˇ mawˇ lah-ehˇ zahˇ tsui ni jaˆ tehꞈ-a. Kʼoeˇ miˇ neh, nawˬ-euˬ laꞈ kʼoeˇ ahˇ-eu yaw shehꞈ kʼoeˇ zahˇ tsui ni gʼeh naˇ, yaw zahˇ kʼoeˇ aˇ naˆ ni doeˇ nmˇ.

Luˇkaꞈ 11:36

Nawˬ-euˬ gʼawˇ mawˇ mawˇ lah-ehˇ yaw shehꞈ za-awˇ, yaw zahˇ tiˬ tsahˇ-iˬ maˬ baw naˇ, tsiˇ kʼmˬ-euˬ yaw shehꞈ nawˬ-euˬ kʼoeˇ taˆ bya gaˇ duˇ ni, nawˬ-euˬ gʼawˇ mawˇ mawˇ lah-ehˇ yaw shehꞈ bya tehꞈ-a.”